31/10/2025
बेमौसमी वर्षाबाट ठोरीका किसान मारमा, धान तोरी–सुर्ती खेतीमा व्यापक क्षति
कात्तिक १४ , ठोरी /बिहीबार बिहानदेखि परेको अबिरल बेमौसमी वर्षाले पर्सा जिल्लाका किसानहरू मारमा परेका छन्। लगातार परेको वर्षाले किसानहरूले लगाएका हिउँदेबाली— विशेषगरी तोरी र सुर्ती—मा ठूलो क्षति पु¥याएको छ।
ठोरी गाउँपालिका–४, बिजयबस्तीका किसान अर्जुन श्रेष्ठका अनुसार यो क्षेत्रमा किसानहरूको मुख्य नगदेबाली सुर्ती हो, तर हालैको लगातार वर्षाले सुर्तीबालीलाई सखापै बनाइदिएको छ। “असोज २०÷२१ गतेको वर्षाले बिरुवा नष्ट भयो, अहिले बल्ल राम्ररी उब्जिने आशामा रोपेको सुर्ती पनि यो वर्षाले पूरै बिगा¥यो,” किसान श्रेष्ठले बताए।
सुर्तीबाली नष्ट भएपछि किसानहरूले वैकल्पिक रूपमा गहुँ खेती गर्न बीउ जोहो गर्न थालेका छन्। तर सिंचाइको अभावले त्यसमा पनि कठिनाइ हुने देखिएको किसानहरूको गुनासो छ।
यस्तै, ठोरी गाउँपालिका–५, सुवर्णपुरका किसानहरू पनि वर्षाबाट गम्भीर प्रभावित भएका छन्। वडाध्यक्ष अष्ठबहादुर लोप्चनका अनुसार सुवर्णपुरमा हरेक वर्ष करिब ६०० बिघा जमीनमा तोरी खेती हुने गर्दछ, तर यसपालिको बेमौसमी वर्षाले सबै बाली नष्ट गरेको छ।
किसानहरूले खेत दुईपटक जोतेर मल हाली तोरी छरेका थिए, तर उम्रिन नपाउँदै बाली सखाप भयो,” वडाध्यक्ष लोप्चनले बताए। उहाँका अनुसार अब तोरी पुनः छर्ने समयमा ढिलाइ भइसकेकाले किसानहरूले गहुँ वा मकै वैकल्पिक बालीका रूपमा लगाउने तयारी गरेका छन्।
तर त्यसका लागि किसानहरूलाई पुनः बीउ, मल र मेशिन खर्च दोहोरो हुने वडाध्यक्ष लोप्चनले बताए।तोरी र सुर्तीका साथै किसानहरूले लगाएका राजमा, आलु, काउली, बन्दा, लसुन, मूला, भन्टालगायतका हिउँदे तरकारी बालीहरू पनि वर्षाबाट नराम्रोसँग प्रभावित भएका छन्।
उता, खेतमा पाकिसकेका धानबाली भित्र्याउन पनि किसानहरूलाई कठिनाइ भएको छ। निरन्तर वर्षाका कारण खेतमा पानी जम्दा धान काट्न र संकलन गर्न नसकिएको किसानहरूको गुनासो छ। स्थानीय किसानहरूले सरकार र सम्बन्धित निकायसँग तत्काल क्षतिको मूल्याङ्कन गरी राहत तथा सहयोग कार्यक्रम सञ्चालन गर्न माग गरेका छन्।
(रेस खवर बाट )
