14/04/2026
सरकारद्वारा विद्यार्थी संगठन खारेजीको चर्चा चल्दै गर्दा राप्ती बबई क्याम्पस ने .वि .संघद्वारा पदाधिकारी मनोनयन
तुलसीपुर, दाङ ।
नेपाल सरकारले विद्यार्थी संगठनहरू खारेज गर्ने विषयमा विभिन्न निर्णय र छलफल अगाडि बढाइरहेको परिवेशबीच, दाङको तुलसीपुरस्थित राप्ती बबई क्याम्पसमा नेपाल विद्यार्थी संघ (ने. वि संघ) ले आफ्नो संगठन विस्तारलाई तीव्रता दिएको छ।
सरकारको सम्भावित कदमलाई चुनौती दिँदै संगठनलाई थप चलायमान र गतिशील बनाउन राप्ती बबई क्याम्पस इकाई सभापतिले नयाँ पदाधिकारीहरू मनोनयन गरेको छन् । नेपाल विद्यार्थी संघले रिक्त रहेका पदहरूमा नयाँ अनुहारलाई जिम्मेवारी दिइएको छ।
नयाँ मनोनित पदाधिकारीहरू:
१. निश्चल सिंह विष्ट – उपसभापति
२. तेजमणि आचार्य – सह-सचिव
इकाइ सभापति भिमार्जन बस्नेतद्वारा हस्ताक्षरित मनोनयन पत्रमा उल्लेख भएअनुसार, संघको विधि, विधान र मर्यादाभित्र रहेर क्याम्पसको शैक्षिक वातावरण र विद्यार्थी हकहितका लागि यी नयाँ पदाधिकारीहरूले महत्त्वपूर्ण भूमिका निर्वाह गर्ने विश्वास लिइएको छ।
सरकारले विद्यार्थी राजनीति र संगठनहरूको औचित्यमाथि प्रश्न उठाइरहेका बेला राप्ती बबई क्याम्पसमा भएको यो मनोनयनलाई अर्थपूर्ण रूपमा हेरिएको छ। "तपाईंहरूको मनोनयनले ने .वि संघले थप उचाइ प्राप्त गर्ने अपेक्षा सहित सफल कार्यकालको शुभकामना व्यक्त गर्दछु," सभापति बस्नेतले जारी गरेको पत्रमा उल्लेख छ।
उक्त मनोनयनको बोधार्थ ने .वि संघ जिल्ला कार्यसमिति दाङलाई समेत दिइएको छ। यो कदमले विद्यार्थी संगठनहरू आफ्नो अस्तित्व र सक्रियता जोगाउन प्रतिबद्ध रहेको सन्देश दिएको छ।
