14/10/2025
सुन्दरपुरमा प्रथम सुन्दरपुर फुटबल प्रतियोगिता सुरु
उदयपुर — शुभ दिपावली तथा छठ पर्वको पावन अवसरमा आयोजित प्रथम सुन्दरपुर फुटबल प्रतियोगिता भव्य समारोहका बीच उद्घघाट्न गरिएको छ। सुन्दरपुर फुटबल क्लबको आयोजनामा सुरु गरिएको उक्त प्रतियोगिताको उद्घघाट्न चौदण्डीगढी नगरपालिका–५ का वडा अध्यक्ष तुलसीराम ढकाल ज्युको प्रमुख आतिथ्यतामा गरिएको थियो ।
उद्घघाट्न कार्यक्रममा वडा अध्यक्ष ढकालले खेलकुदले युवाहरूलाई अनुशासन, एकता र सहकार्य तर्फ प्रेरित गर्ने बताउँदै यस्ता प्रतियोगिताले स्थानीय स्तरमा खेल प्रतिभा उजागर गर्न सहयोग पुर्याउने उल्लेख गर्नुभयो। उहाँले क्लबलाई यस्ता सकारात्मक गतिविधि निरन्तर सञ्चालन गर्न शुभकामना पनि व्यक्त गर्नुभयो।
कार्यक्रममा सुन्दरपुर फुटबल क्लबका अध्यक्ष, स्थानीय जनप्रतिनिधि, सामाजिक अगुवा, खेलप्रेमी तथा दर्शकहरूको उल्लेखनीय उपस्थिति रहेको थियो। उद्घाघाट्न खेलमा सुन्दरपुर फुटबल क्लब र हडिया फुटबल क्लब बीच प्रतिस्पर्धा भएको थियो।
प्रतियोगिता २०८२ असोज २८ गतेदेखि कार्तिक ४ गतेसम्म सञ्चालन हुनेछ। खेल दैनिक दिउँसो ३:३० बजे सुन्दरपुर खेलमैदानमा सञ्चालन हुने आयोजक क्लबले जनाएको छ। विजेता टोलीलाई आकर्षक नगद पुरस्कार, ट्रफी र प्रमाणपत्र प्रदान गरिनेछ।
