22/11/2025
उदयपुर जिल्ला को चौदण्डीगढी नगरपालिका वडा –७ का जननिर्वाचित वडा अध्यक्ष केशव अधिकारीलाई नगरप्रमुखको हस्ताक्षर लिएर “काम–काज नगर्न” भनिएको पत्र निकालिनु जनताको भरोसा, जनताको निर्णय र संविधानद्वारा संरक्षित स्थानीय स्वायत्ततामाथि गरिएको खतरनाक प्रहार हो। जनताले मत दिएर बनाएको प्रतिनिधिलाई पार्टीको आदेश र व्यक्तिगत मनोमानीले असक्षम ठहर्याउने अधिकार कसैलाई दिइएको छैन, र यो कदमले लोकतान्त्रिक प्रक्रियाको गरिमा नै च्यातिदिएको छ।
वडा अध्यक्ष हटाउन कानुनले तीन मात्र आधार दिएको छ—फौजदारी अपराध प्रमाणित हुनु, मानसिक असन्तुलन देखिनु वा स्वयं पदबाट राजीनामा दिनु। यीबाहेक कुनै ‘पत्रबाजी’, पार्टी झगडा, वा स्वार्थी राजनीति ,, जनप्रतिनिधि हटाउने वैधानिक आधार हुँदै होइन। यदि वास्तवमै निर्वाचन आयोग वा सम्बन्धित संवैधानिक निकायबाट पत्र आएको हो भने, त्यो जनताबाट किन लुकाइन्छ? किन मेयर ले आफूलाई कानूनभन्दा माथि राखेर जनमत बाँध्ने कोशिस गर्दैछन्?
जनताको म्यान्डेटलाई तोडेर पार्टीगत स्वार्थ थोपर्ने, जनप्रतिनिधिको काम रोक्ने, र अधिकार खोस्न खोज्ने यो व्यवहार सरासर अधिनायकवादी मानसिकता हो। यस्तो मनलाग्दी कदमले पार्टी होइन—जनताकै अपमान गर्छ। जनताले तपाईंलाई होइन, लोकतन्त्रलाई हेरेर मतदान गर्छन्; त्यसैले जनताबाट चुनेको पद खोस्ने दम्भ छाडेर, कानुनी आधार सार्वजनिक गर्दै जनतालाई स्पष्ट जवाफ दिनुस्—किनकि जनता मौन छैनन् हिम्मत भए , जनताले दिएको म्यान्डेट लत्याएर हैन, जनतालाई देखाएर शासन गरौं न !! ।
