VPON Media & Broadcasting

17/12/2025

"FAFANGU 'O SAIONE" pea mo REV SALESI VAKA & MISIPAANE VAKA

� New to streaming or looking to level up? Check out StreamYard and get $10 discount! �

16/12/2025

JOB VACANCY - EXPERIENCED MACHINE OPERATOR (2) HAMILTON 5TH JANUARY 2026
We are currently seeking two experienced machine operators for the Excavator and Bulldozer in Hamilton. It is a bonus if you are familiar with the GPS Operator and know how to do trimming. Your hourly rate will depend on your experience. You need to start working on the 5th of January 2026. It is better if you live in Hamilton or nearby. Please send your CV to [email protected]

'Oku fiema'u ha ongo tangata taukei he faka'uli excavator pea moe bulldozer kena kamata ngaue 'i Hamilton 'i he 'aho 5 'o Sanuali 2026. 'Oku fiema'u foki keke lava 'o trimmer pea 'iai ha'o 'ilo ki he GPS Operator. Ko ho tu'unga vahenga 'e fakatatau pe ia ki ho'o taukei ngaue. Koe lelei taha kapau 'oku ke nofo pe 'i Hamilton pe ofi ai. Kataki 'o send mai ho CV ki he [email protected]

Malo 'aupito
Sylvester JR Contractors

16/12/2025

URGENT JOB VACANCY - 623 MOTOR SCRAPPER OPERATOR (2) AUCKLAND

We are looking to employ two experienced 623 Motor Scrapper Operators to start working with us asap in the South Auckland area. You must have a license to drive a 623 scrapper, and your hourly rate will depend on your skills and experience. Health and safety in this kind of working environment are required. If you are interested, please send us your CV now through [email protected]

'Oku mau fiema'u ha ongo tangata poto mo taukei he faka'uli 623 motor scrapper pea kuo pau ke 'iai ho'o laiseni faka'uli he fa'ahinga misini ko 'eni. Koe ngaue 'eni 'i South Auckland pea 'oku mau fiema'u keke kamata 'i he vavetaha. 'Oku fiema'u keke mahino'i 'a e mahu'inga 'o e ngaue 'i he health & safety. Kataki 'o send mai leva ho'o CV ki he [email protected]

Malo aupito
SC Recruitment
(Sylvester JR Contractors)

16/12/2025

"FATUFONUA FO'OU" pea moe MP TT7 PAULA PIVENI PIUKALA (16 DEC 25)

� New to streaming or looking to level up? Check out StreamYard and get $10 discount! �

15/12/2025

NA'E TEU'I PE KOE LORD FAKAFANUA KOE 'UHI KO HA 'AHO PEHE NI KEKE TATAKI MO FAKATAHATAHA'I 'A E FALE ALEA 'O TONGA

Ki he ni'ihi, 'oku hange mole ia 'a e PM mei he kau fakafofonga e kakai kuo toe mapuna e mo'unga afi Hunga Tonga Hunga Tokelau pea 'oku 'ikai keu fakahala'i he na'e matua'i 'etau liliu fakapolitikale 'i he ngaahi lauita'u ke a'u hotau kau Fakafofonga e kakai 'o tataki e P**e'anga 'o Tonga. Ka 'okapau tetau sio fakalelei, koe ola 'eni 'o e 'ikai malava 'a e toko 17 na'e fili 'e he kakai 'o e ngaahi vahenga 'e 17 kenau tu'u fakataha, fe'ofo'ofa ni, pea ngaue fakataha ki he lelei 'a e kakai moe fonua kae 'ikai ko 'enau takitaha lelei fakafo'ituitui.

Koe kaveinga 'eni na'e nofo lahi kiai e fakamalanga 'a Lord Fakafanua. Na'a ne me'a 'o pehe, "...talu mei he liliu fakapolitikale 2010 moe 'iai ngaahi 'a vahevahe moe feke'ike'i he Sosaieti 'i Tonga ni 'o hoko mei ai va 'a e Hou'eiki Nopele moe kau Fakafofonga e kakai...'Aho ni kuo mou kei 'omai pe 'a vahevahe kene kei vahevahe'i kitautolu... ka 'oku te'eki pea 'ikai keu tapuni 'eau 'a e matapa ki ha taha...Mou 'ofa mai ketau li'aki e ngaahi me'a he kuohili katau ngaue fakataha..."

Koe ta'u 'eni 'e 15 'etau fononga mai 'i he 'etau liliu fakapolitikale pea koe mo'oni 'oku tau kei akoako lue fakapolitikale ka tetau poto koa 'afe he lue toko 17? Kuo tau 'osi ta'u 15 pea tau fu'u lahi 'o ako kolisi. Tetau tatali pe ketau ta'u 50 pea tau toki poto fakapotopoto 'o malava ketau ngaue fakataha pe he'iaki pe ketau toe lava kitautolu ia toko 17 ketau ngaue fakataha he liliu kuo tau 'osi fakahoko? Kuo hange loki misini ia ha tanaki'anga e veve kona pea neongo 'a 'ete hu fo'ou atu ki Fale Alea 'oku te kei loto ma'a, 'oku malava pe ia kete uesia he kona koia pea 'oku mahu'inga ke fai ha sio loloto kiai hotau kau fakafofonga 'e 17 pea moe kakai fili e fonua.

Koe uki ia na'e fakahoko 'e Fakafanua ki he kotoa e kau memipa Fale Alea 'o Tonga kemou ha'u ketau ngaue fakataha ma'ae lelei e kakai moe fonua. Na'a ne me'a 'o pehe, "...koe P**e Lelei kuo 'osi ma'u pe ia 'i he 'etau fa kaveikoula, 'a e faka'apa'apa, loto to, mamahi'i me'a moe feveitokai'aki...koe tauhi va 'oku ho'ata mai ai e taliui moe 'ata kitu'a...'Oku tau tui kotoa pe ki he P**e lelei...Kuo tau 'osi fononga mai he ngaahi P**e'anga moe nofo pe ngaahi lelei 'i Tongatapu kae tuenoa pe 'a Vava'u mo Ha'apai koe 'uhi koe ha? Koe 'uhi koe fakakaukau koia ke nofo pe he p**e 'a e tokolahi kae li'ekina ma'u pe fofonga masiva vivili 'o e tokosi'i..."

Fakafanua - "Koe ha 'uhinga 'a 'eku poletaki ki he fatongia? Tama Tonga tu'u 'o ngaue, ho koloa ke fakamonu. Lotu ki he 'Eiki kene poupou ki he lotu 'o malu'i 'a Tupou...'Oku ou poletaki ki he fatongia he koe Tonga au. 'Oku ou pole keu tukuhifo 'a hoku ngeia kau ngaue ma'ae kakai e fonua. Ko 'eku taumu'a koe langa fonua ke sai 'etau 'ekonomika pea vahevahe taau e koloa 'a e fonua pea vahevahe totonu. Ke malu'i e totonu e kakai mei he kau P**e kovi..."

'Oku ou ongo'i lahi 'aupito 'a e fofonga e Palemia malolo Dr 'Aisake Eke pea moe ngaue lahi mo lelei na'a nau 'osi fakatoka mo liliu kiai e P**e'anga 'i he 'amanaki lelei ki ha Tonga 'oku toe monu'ia ange mo tu'uloa. Neongo koe mahina 'e 11 ka na'e mokoi mo lelei'ia 'a 'Ene 'Afio he 'ene to'o fatongia poto. 'E hoko e 'aho ni kene ako lahi mei ai ki he ngaahi me'a na'e totonu kene fakahoko mo 'ikai fakahoko. Ka koe 'aho ni na'e 'osi tofa pe hala moe ola mei 'olunga. 'Oku ou tui koe lelei taha 'a Dr 'Aisake Eke 'i he toko 26 ki he lakanga Minisita Pa'anga. Na'e me'a 'a Lord fakafanua tene filifili 'a e lelei taha mei he toko 26 ke fa'u 'aki ha Kapineti 'oku tu'uma'u mo falala'anga pea koe matapa ia 'oku ou fakatalanoa kiai.

'Oku 'ikai ketau fa'a tatali ke ui 'a e Kapineti he 'oku tau 'amanaki atu ki ha Kapineti lelei 'o 'ikai koe lelei fakasino ka koe lelei he na'e kamata 'aki e laumalie 'oku ma'a, fe'ofo'ofani pea mo 'ofa fonua. Kuo 'osi katoi 'e Fakafanua ia 'a e me'a lahi mei hono teu'i 'o a'u ki he 'ulungaanga 'o e taki lelei (leadership). Koe taimi na'e me'a ai 'a Ha'apai 12 mo Ha'apai 13 ki he Tau tahi, "...neongo koe lele mai 'eni mei he Tau tahi mo homau Nopele fika 'uluaki ka tema poupou pe kia 'Aisake Eke...Koe tali 'a Fakafanua 'oku 'ikai ngata he 'ene malie ka 'oku 'iai 'a e me'a 'oku ui koe good leadership. Koe taki kuo pau ke malohi pea ne lava kene map**e'i. Na'a ne me'a 'o pehe, 'oku ou faka'apa'apa'i ho'omo totonu kemo fili ka koe 'uhi ko ho'omo talanoa Tau Tahi mai, ko 'eku Kui na'e kau hono taki e Tau Tahi pea na'e totonu kemo poupou mai kia au kapau 'oku mo talanoa Tau Tahi mai..." Koe me'a ia 'oku ui koe tongi'i hangatonu (straight up) kena ako mei ai ke filifili mo aoao 'ena lea kena ngaue 'aki 'okapau tena toe fehangahangai mo ha taimi pehe ni.

'Oku mahu'inga kia tekinautolu 'e fili ki he Kapineti ko 'eni kemou fai 'osikiavelenga mo tukuingata homou fatongia ki he lelei e fonua. Pea ko kimoutolu he'ikai ma'u hamou lakanga he Kapineti, kuo 'osi fili atu kimoutolu 'e he kakai e fonua pea 'oatu mo 'enau falala kemou sivisivi'i 'aki 'a e ngaue 'a e Palemia mo 'ene Kapineti 'i he laumalie lelei moe langa fonua ka 'oku 'ikai koe feinga ke veteki tu'unga'a pe. 'Oku 'iai 'a e me'angaue kuo 'osi 'i he 'etau Konisitutone 'oka hili 'a e mahina 'e 18 kemou hili kiai 'a e Palemia moe Kapineti pe 'oku nau kei ma'u 'a e falala 'a e tokolahi 'i Fale Alea pea hokohoko atu ai 'etau fononga. Kuo 'osi e taimi fakafekiki pea kuo 'osi e fili Palemia pea 'iai mo hono ola katau laka pe kimu'a.
Talamonu atu Palemia fili Lord Fakafanua pea pehe ki he toenga e Hou'eiki memipa kotoa 'o e Fale Alea kemou ma'u ha Kilisimasi Fiefia mo ha ta'u fo'ou monu'ia.
media 2025

15/12/2025

Notice:
“Fatufonua Fo’ou” tomorrow afternoon (Tues 15 Dec) taimi 3pm. Malo

15/12/2025

FILI 'A LORD FAKAFANUA KOE PALEMIA 'O TONGA KI HE 2025 - 2029

Kuo fili he Fale Alea 'i he 'aho ni 'a Lord Fakafanua koe Palemia fili 'o Tonga 'aki 'a e vouti kiai 'a e toko 16 mei he toko 26 fakakatoa 'o e Fale Alea. Na'e tokoua pe foki 'a e ongo kanititeiti Fale Alea 'aia ko Hon Dr 'Aisake Eke pea mo Lord Fakafanua.

Talamonu atu Lord Fakafanua he fatongia kuo hilifaki atu ki ho uma koe Palemia 'o Tonga pea na'e 'osi teuteu'i pe koe mei he Fale Alea 'o Tonga kei tangata si'i keke hoko 'i he 'aho ni 'o tataki 'a e P**e'anga 'o Tonga. Fakamalo atu Dr 'Aisake Eke 'i he vaha'a taimi na'a ne fakahoko ai ho tukuingata koe Palemia 'o Tonga pea fakahoko moe ngaahi liliu ki he P**e'anga ta pea ngali 'o a'u mai ki he momeniti ko 'eni.

Ko hotau angi e pea mo hotau tala ketau laka atu moia ki hono fakamanatua 'o e Kilisimasi pea mo ha ta'u fo'ou monu'ia. Hange koe ui 'a e PM Lord Fakafanua ki he kau Fakafofonga Fale Alea moe kau Nopele kenau 'unu 'o ngaue fakataha. Pea koe me'a tatau 'oku 'amanaki mai Palemia fili ki he kakai 'o e fonua ketau 'unu 'o poupou kiai.

VAKAI KI HE OLA 'O E FILI PALEMIA
1. Na'e toe mavaeua pe 'a e kau Nopele 'i he fili Palemia ko 'eni 'o hange ko 'enau mavaeua 'i he fili Palemia 'o e 2021. Ka na'e nguuhua ange 'a e 2021 he koe mavaeua he ongo Fakafofonga e kakai na'a na kanititeiti Palemia (Sovaleni & Eke) ka koe toe mavaeua ko 'eni 'i he funga 'oku 'iai pe 'a e Nopele 'oku kanititeiti Palemia. Na'e fili 'a Tu'ivakano, Tu'ilakepa pea mo Ve'ehala kenau situ'a mei honau kaunga Noepele kanau fili 'ia 'Aisake Eke pea fili leva toenga kau Nopele 'e toko 6 'ia Fakafanua (Ma'afu, Vaea, Fakafanua, Tu'iha'angana, Tu'i'afitu pea mo Kalaniuvalu Fotofili).

2. Koe kau Fakafofonga e kakai 'e toko 10 na'e fili 'e he kakai kenau toe foki mai ki Fale Alea 'aia na'a nau mavaeua mo kinautolu. Na'e fili 'a e toko 4 'ia Aisake Eke (Tevita Puloka TT1, Mateni Tapueluelu TT4, 'Aisake Eke TT5, pea mo Kapeli Lanumata TT10) pea fili leva 'a e toko 6 kia Lord Fakafanua (Siaosi Sovaleni TT3, Piveni Piukala TT7, Sevenitini Toumo'ua TT9, Taniela Fusimalohi EUA11, Mo'ale 'Otunuku VV14 pea mo Viliami Latu VV16).

3. Koe kau hu fo'ou leva 'e toko 7 'aia na'a nau mavaeua pe mo kinautolu. Na'e fili 'a e toko 3 kia 'Aisake Eke (Saimone Vuki Hp12, 'Esafe Latu Hp13, pea mo 'Alani Tangitau (VV15). Pea fili leva 'a e toko 4 kia Lord Fakafanua (Semisi Sika TT2, Fane Fituafe TT6, Viliami Sisifa TT8, pea mo Niua17 Lataifaingata'a).

Koe fili 'eni 'o e toutou mavaeua mei he Hou'eiki pe 'o 'alu hifo ki he kau Fakafofonga motu'a 'i Fale Alea pea kau ai pe moe kau Fakafofonga fo'ou na'e fili pe toe fili mai ki Fale Alea. 'Oku ne 'omai 'a e 'ata 'o e ngaue lahi 'aupito ki he Palemia fili kene fakatahataha'i 'a e toko 26 'i he ta'u 'e 4 ko 'eni ka hoko mai pea pehe ki hono ta'ota'ofi moe pukepuke kinautolu 'i ha'anau fepolepolei. tokaange pe ha taimi 'e toki 'iai ha Palemia mei he kakai tene malava kene fakahoko 'a e me'a 'oku malava he Nopele.

Talamonu atu Lord Fakafanua.

15/12/2025

FILI 'A LORD VAEA KOE SEA 'O E FALE ALEA PEA TOKONI SEA KIAI 'A LORD TU'IHA'ANGANA

15/12/2025

CONGRATULATIONS HON LORD FAKAFANUA KOE PALEMIA 'O TONGA - FILI KIAI TOKO 16

15/12/2025

15/12/2025

14/12/2025

Ma'a lahi mo'oni malanga ongo kanititeiti Palemia. Kapau na'a tau paloti ai pe kitautolu kuo tau lelei hhh. ifo lahi mooni fanongo