Letio Tonga o Aotearoa

Letio Tonga o Aotearoa Kaveinga ngaue 'ae Letio. Ke lalanga 'ae mo'ui kakato 'ia kalasi. Letio 1593AM Tamaki Makurau, Aotea

13/06/2026

Lalanga 'a e Mo'ui Kakato 'ia Kalaisi

13/06/2026

Fakafeta'i 'etau a'usia mai e Sapate 3 'o e ono'i mahina 'o e ta'u fakakoloa ko 'eni

Talitali lelei kimoutolu ki he'etau polokalama.
Kaveinga e Letio: Lalanga 'a e Mo'ui Kakato 'ia Kalaisi

12/06/2026

Letio Tonga 'o Aotearoa

22/05/2026

Malo lelei 'a e Tonga kotoa 'oku tau fakafeta'i pe ki he 'Otua ko 'etau a'usia 'a e pongipongi ni pea mo hono fakakoloa ketau kau fakataha he ui 'a e Letio ni ke lalanga 'etau mo'ui kakato 'ia Kalaisi

18/05/2026

KO E FIKA 1593 AM HE NGALU 'EA, KUO NGAUE IA HE LETIO ANGA MAHENI. LAVA E NGAUE KI AI.

18/04/2026

Fakamolemole atu ki he 'ikai ngaue 'a e frequency 1593 am 'i he letio anga maheni. Ka teke kei lava pe 'o fanongo mai 'i ho'o telefoni, ipad, mo e laptop 'i ha'o taipe'i pe radio samoa live 'o fanongo ai, pe ko e taipe'i pe Letio Tonga o Aotearoa he facobook 'o fanongo mai ai.
'Oku lolotonga fai hono fakalelei'i 'a e pou Letio, fakafuofua ki he uike 2-4 pea temau toki fakahoko atu tu'unga hoko mai.
Ka 'i he lolotonga ni me'a mai pe he livestream, radio Samoa live mo e facebook Letio Tonga o 'Aotearoa.
Malo
Lotu mo e Hufia.

31/12/2025

Fakamonu'ia 'o e Ta'ufo'ou.
'Aisea 43:19 "Vakai, ‘oku ou ngāue ki ha me‘a fo‘ou; na‘a mo ena ‘oku fisiki mai; ‘ikai ‘oku mou ‘ilo ki ai? ‘Ā, te u ‘ai ha hala ‘i he fonua maomaonganoa, ‘ani vaitafe ‘i he lala.”
'I he 'etau laka mai ki he ta'ufo'ou ni, 'oku tau fakamālō ki he 'Otua he 'ene fata mai kitautolu mei he ta'u kuo 'osi. Kuo tau tukuange atu 'a e me'a kuo 'osi, katau falala ki he 'Otua koe'uhi ko e me'a 'oku ne teuteu ke fakahoko. Ko 'etau 'amanaki 'oku 'ikai 'i he ta'ufo'ou kuo tau a'usia, ka 'oku 'i he 'Otua 'oku ne 'alu mu'omu'a 'ia kitautolu.
‭‭Tauange ke hoko 'a e ta'u ko 'eni ketau kaveinga 'aki 'a e 'ofa ki he 'Otua 'aki hotau loto kotoa pea tau 'ofa ki he tokotaha kotoa pe 'o hangē ko hono 'ofai kitautolu 'e Kalaisi. Tau laka ki mu'a 'i he tui, talangofua mo e hounga'ia. Tau tuku e ta'ufo'ou ko 'eni ki he nima 'o e 'Eiki ke ne tataki kitautolu 'i hono hala pea ke ne fakafonu hotau ngaahi loto 'aki 'ene melino.
Ke mou ma'u ha ta'ufo'ou monu'ia mo kelesi'ia.
Happy New Year Everyone!

31/12/2025

Famonu'ia 'o e Faka'osita'u.
Saame 121:3-4 “Seuke, ‘e ‘ikai te ne tuku ho va‘e ke ngaue: Ko ia ‘oku tauhi koe, ‘e ‘ikai te ne mohe. Vakai, ko e Tauhi ‘o ‘Isileli ‘oku ‘ikai ke tule, Pe tokoto ke mohe.”
‭‭'Oku tau fakatahataha he longonoa 'o e pō, ka 'oku fakamanatu mai ai ko hotau 'Otua 'oku 'ikai ke mohe ia ha taimi. Lolotonga 'etau mohe mālōlō 'oku ne siofi pe kitautolu, le'ohi hotau ngaahi 'api, famili mo hotau loto. 'Oku ta'eta'epau 'a e mo'ui ni, pea 'oku hoko mai e fakapo'uli ko e fakailifia, ka 'oku 'i ai pe 'a e 'Otua ko e maama 'oku ulo ma'u pe ko hotau fakalotolahi.
'Oua mu'a tetau hoha'a ki he ngaahi me'a 'oku 'ikai lava ketau p**e ki ai. Katau falala kiate Ia mo 'etau ngaahi hoha'a, lotu ki ha nonga ma'a 'etau mo'ui, pea tokanga ki he 'ene tataki. Hangē pe ko e malu'i 'e he tauhisipi 'ene fangasipi, 'oku pehe hono tokanga'i kitautolu 'e he 'Otua, 'oku ne mateuteu mo faimo'oni.
Ko e pooni, 'oua 'e hoha'a, he ko e tokotaha 'oku 'ikai ke mohe ko Ia 'oku 'iate koe. Fiemalie pe he 'ene tokanga mai, falala ki he 'ene taimi, pea 'i he 'etau teuteu ki he 'aho fo'ou mo e ta'ufo'ou ketau hū ki ai 'aki 'a e tui kuo fakafo'ou pea mo e lotolahi.
Ma'u ha teu mavae tau kelesi'ia mo Kakaisi'ia.
Lotu mo e Hufia.

24/12/2025

Fakamonu'ia 'o e Kilisimasi.
Sione 1:1-14.
Kuo hoko 'a Folofola 'o Kakano!
Ko e Kilisimasi ko e katoanga 'o e me'a'ofa mahu'inga 'a e 'Otua ki he tangata, ko Sisu Kalaisi. 'Oku fakamanatu mai 'e Sione 1:1-14 ko e Kilisimasi 'oku 'ikai ko e maama faka'ofo'ofa, me'a'ofa lelei pe ko ha tukufakaholo, ka ko e folofola ta'engata 'a e 'Otua kuo hoko mai ki mamani.
Ko e folofola ta'engata. Ko Sisu Kalaisi ko e ta'engata, na'ane 'i ai pe he fakatupu, pea ko e 'Otua foki. 'Oku fakamanatu mai 'e he Kilisimasi ko e palani fakamo'ui 'a e 'Otua na'e 'osi kimu'a pe ia 'i he 'ai'angakai 'o e manu.
Ke tau hounga'ia mu'a he Kilisimasi ko 'eni 'i he loloto 'a e 'ofa 'a e 'Otua. He kuo ne laka mai ki he taimi mo e 'atakai 'o mamani ma'a kitautolu.
Ko e maama Ia he fakapo'uli. 'Iate Ia 'oku 'i ai 'a e mo'ui, pea ko e mo'ui ko ia ko e maama ki he kakai kotoa pe. 'Oku 'omi 'e Sisu 'a e maama ki he mamani fakapō'uli, pea 'oku 'ikai lava 'e he fakapo'uli ke ne ikuna'i Ia. Ko e ngaahi pole 'o e mo'ui ni, ko Sisu ko e maama te ne tataki, fakafiemalie, pea ko e faka'amanaki. Ko e Kilisimasi ko hono fakamanatu mai ketau laka 'i he 'ene maama, pea ketau vahevahe atu ia mo e kakai kotoa pe.
Ko e hoko mai 'a e folofola 'o kakano, 'oku ne tapanekale 'i hotau lotolotonga. Na'e fakavaivai'i 'e he 'Otua Ia, 'o ne hoko mai ko e tangata 'o nofo 'i hotau lotolotonga 'o ne 'inasi 'i he 'etau fiefia mo e mamahi. Ko e Kilisimasi ko e lea mai ia 'a e 'Otua kia kitautolu ko Au 'eni 'oku ou 'iate ki moutolu. Tau 'apasia mo hounga'ia mo lotu, pea faka'atā 'etau mo'ui ke hā atu ai 'a Kalaisi 'oku ne 'ia kitautolu ki he tokotaha kotoa pe, fakafou 'i he 'etau 'ofa, lelei mo e ngaue kotoa pe.
Ko e Kilisimasi ko e katoanga 'o e 'Otua kuo ne hoko mai 'o tangata, ko e maama 'oku ulo he fakapo'uli, ko e folofola 'oku ne tapanekale 'i hotau lotolotonga. Ketau tali Ia mo e fiefia mo e lotu 'i he Laumalie mo e mo'oni, pea tau vahevahe atu 'ene 'ofa mo e tokotaha kotoa pe. 'Oku tau fakamālō 'i he hoko mai 'a e 'Otua ki hotau mamani. Malo ko e folofola kuo kakano, pea kuo maama e fakapo'uli. Ko e 'Otua 'ia kitautolu.
Ke tau ma'u ha Kilisimasi fiefia mo monu'ia.

Address

3/36 Hobill Avenue
Auckland
2104

Opening Hours

Saturday 6am - 12pm
Sunday 6am - 12pm

Telephone

+6493771593

Website

Alerts

Be the first to know and let us send you an email when Letio Tonga o Aotearoa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category