06/04/2022
好耐無同大家分享一些新聞啦。今次我同大家分享一下今日嘅大新聞啦。其實無咩大件事嘅，無咩嘅，放心。 不過，對我嚟講，係有d感覺嘅。呢位朋友就係由2019/20 年我地新聞接觸到嘅呢位 Dr Ashley Bloomfield啦。其實一個衛生局嘅人，在於普通嘅時候，你見到佢都唔會認識佢。根本無咩可能會對佢有任何認識。但係就係咁，時勢做英雄，佢就在疫情初期，基本上日日都見到佢，當然啦，人人都話怕啦，唔好見啦。但係又咁喔，佢的確係俾到大家有些少信心，等大家在過去lockdown嘅時候，都可以好順利，咁就過咗呢幾關。假如唔係佢，又或者假如換咗另一個話事人，你估，呢個時間會變成點？無嘅，實會有人話，咪又係咁過，唔錯啊，都係咁過，但你會唔會過得相對無咁順利呢？我就唔知啦。反正我覺得就係好多謝呢位非政治人物嘅衛生部總幹事。佢陪住我地都800日有多啦喔。佢會退下總幹事呢個職位，再過多一年左右，佢同衛生部個合約就會完結啦。之後係點？睇怕大家都應該會忘記咗佢了。。。點都好，疫情慢慢咁退，但未到最後一刻，希望大家都記住衛生嘅重要性。好似Bloomfield話，記得帶mask，洗手，同埋佢最興奮嘅就係見到大家都一齊去打好疫苗。加油！
https://www.nz936.com/index.php?c=show&id=3115
