03/06/2026
He kura tangihia, he maimai aroha 🕊️
Tangi mapu kau ana te iwi Māori i ngā mate nui o te wā. Ko Tā Tamati Reedy tērā, ko Tā Hirini Moko Mead tērā, ko kui Tārati Buckley tērā, ko te rangatira o Ngāti Raukawa, a Ahorangi Whatarangi Winiata tērā kua riro ki te pō.
Te ao Māori is once again at a loss with the passing of Emeritus Professor Whatarangi Winiata (Ngāti Raukawa).
He is well known for his dedication and tireless work in revitalising te reo Māori within his iwi of Ngāti Raukawa, setting up the 25-year Whakatupuranga Rua Mano (Generation 2000) strategy which helped in setting up initiatives to boost Māori development within the iwi.
He founded Te Wānanga o Raukawa in Ōtaki, the first tertiary provider in Aotearoa run by-Māori, for-Māori.
He was also an important figure in the establishment of the Māori Party in 2004, serving as the party’s first President.
_ _ _ _ _ _ _ _ _ _
HE PĀNUI NĀ TE WHĀNAU
Ka tanuku koa te tihi o Tararua,
Ka ngahoro mata i te hau angiangi.
Ka niwha ki te auripo o Hōkio, he taipari ka maroke ki uta!
Parawhenuamea te roi o te mata,
Kia tīwara te tangi taurangi o te iwi ka mahue nei ki muri.
Ka mahue tahanga te pākairito.
Ka apakura mōu, e koro kua huri kāweka atu nei!
Ka mawhiti kau ko te pōtūtanga o Pipiri, ka areare ko Pūanga i te uru!
Ka mahue pani ko tō rahi nōu ka huri ki te Hekenga o Maruiwi ki tua!
Te kura i hunaia e te pō ki a koe, e koro!
Te kura tītoko o te rangi ki te ao mārama!
Ka tau!
E te iwi,
Nō te ahiahi nei i riro ai tō mātou koroua, tō mātou pāpā a Whatarangi Winiata ki te mūnga o te tini. Kua haere atu nei ki tōna rahi, ki tōna makau e tiaki mai ana i te pō.
He pānui tuku kōrero noa tēnei kia mōhio ai te motu. Hei āpōpō p**a ai ngā whakamahukitanga mō tōna tangihanga. Ko te īnoi, ko te hiahia nui o te ngākau kia noho motuhake a pāpā ki āna tamariki, ki āna mokopuna i tēnei pō me te rangi āpōpō. Hei roto i ngā rangi e tū mai nei ka wātea a pāpā ki ngā iwi o te motu.
This notice is to inform the motu that, as of this afternoon, Whatarangi Winiata has taken his final breath in this world of the living and begun his journey to join his loved ones. At this time, we share this announcement simply to notify the motu of his passing. Further details regarding his tangihanga will be released tomorrow. We kindly ask that tonight and tomorrow, day and evening, be for his whānau as we grieve and come together to mourn our loss.
Nā te whānau o Whatarangi rāua ko Francie Winiata
