19/08/2025
Tēnei au e whai nei i ngā mahi a Rarorehanga!
Kua ara mai taku moko kauae, engari ehara tēnei tāonga mo au anake, engari mō tōku whānau, mō ōku iwi, mō ōku hapū, mō āku tamariki mokopuna hoki.
Kua kikī rawa tōku ngākau i te aroha me te harikoa ināianei. Kua roa nei te wā mōku ki te whiwhi i tēnei tāonga tuku iho o tātou, nōreira kua tutuki, kua ea tēnei wawata.
Ka huri aku mihi ki ōku kai tautoko, e kore e mutu aku mihi aroha ki tōku whānau, Māmā, Pāpā, Uncle, tōku tungane, tōku tuahine, ōku hoa, nā koutou i hiki i ahau i tēnei haerenga tapu, nōreira tēnā rā koutou katoa.
E taku tau, taku hoa pūmau, e Anaru. Tēnā rā koe mo to kaha ki te noho ki tōku taha. Ehara tēnei haerenga i te haerenga ngāwari, engari kei konei tonu koe e whakaatu ana, e whakapuaki ana i tōu aroha ki ahau ahakoa te aha. Nōreira tēnā rā koe my love.
Ki āku tamariki, a Manukura, a Irihapeti, a Ritia, a Waiti. Mō koutou tēnei tāonga. Ko te tūmanako kua whakaaweawe e au i a koutou ki te whai i ēnei mahi, i tō koutou ahurea Māori anō hoki. Ko tēnei te oranga pai mo koutou. Nōreira kia kaha rā āku tamariki.
Kā mutu, me tuku hoki aku mihi nui, aku mihi hōhonu ki taku whanaunga, taku kaitā a , nāna tēnei taonga i whakaputa mai ki te whaiao ki te ao mārama. Nā tōna ngākau, me tōna ringa toi i tuitui ngā kōrero tuku iho ki tōku kanohi. Nōreira e kore ōku mihi e mimiti mo tāu mahi rangatira cuz. Nōku te whiwhi 🙏
