Pūkāea

10/12/2025

09/12/2025

Ko te pukapuka hou a te rangatira o Te Whakatōhea a Te Kahautu Maxwell e whakakao katoa mai ana i ngā waiata nāna tonu i tito i ngā tau e toru tekau kua hori.

Hai kīnaki i ēnei titonga āna, ka tāpirihia ake ko tētahi kōpae waiata. Ka whakarewahia ēnei taonga i te rā whakanui i te toru tekau tau o te kapa haka o Ōpōtiki Mai Tawhiti hai ngā wiki tata e tū mai nei.

09/12/2025

Nō te ata hāpara nei tākina ai ngā karakia hai whakamahara ake i te 22 tāngata i mate i te hūnga o Whakaari e ono tau ki muri nei.

Ko tētahi o ngā tūpāpaku kāre i kitea, ko Hayden Marshall-Inman. I tae atu rā tōna tuakana a Mark Inman ki te karakia, me tana kī mai ki a Pūkāea ahakoa e ono tau kua hipa ake, ko te mamae kai te ngau kino tonu i a ia.

Anei te pūrongo a Mokonuiarangi Edmonds.

08/12/2025

Nō te ata hāpara nei whakamaharatia ai te parekura nui o Whakaari e ono tau ki muri.

I te 2:11pm o te 9 o Tihema 2019 i hū a Whakaari. E 47 ngā tāngata i runga i te puia, he tūruhi, he kaimahi hoki nō White Island Tours. I te mutunga iho, e 22 ngā tāngata i mate, ko tētahi o ngā tūpāpaku kaore i kitea ko Hayden Marshal-Inman, he tamaiti nā Tangaroa.

Me te aha, ka hoki ngā mahara o tōna tuakana, o Mark Inman, ki tōna taina i mate nōna e whakahaumaru ana i ngā manuhiri.

08/12/2025

Karahuihui ai a Ngāti Awa me ētahi whānau nō te rohe o Whakatāne ki Muriwai, i tēne te irā whakamahara i te hūnga o Whakaari i te tau 2019.

08/12/2025

Ka noho tonu te uri o Te Whānau a Apanui, me te mema paremata mō Te Waiariki, a , rāua tahi ko Debbie Ngarewa-Packer hai kaiārahi takirua mō Te Pāti Māori. Koirā tētahi o ngā whakatau nui i p**a i te hui ā-tau a te pāti, i tū ai ki Waiatuhi Marae, i Rotorua i ngā rangi okioki nei. Ahakoa mārama kau Ana te kite a te iwi, e tōtara-wāhi-rua tonu ana te pāti. I haere ake a Herewini Waikato.

08/12/2025

Ngā tai pitopito o te wā i te Meneti Kotahi a Kahi

07/12/2025

Ka noho puku a John Tamihere hai perehitini mō Te Pāti Māori. Koirā te kōrero nui i p**a i te hui ā-tau a te pāti i tū ki Waiatuhi Marae, i Mourea i ngā rangi okioki nei.

Anei te roanga o tōna uiui ki te hunga pāpāho.

06/12/2025

Kua rite te marae o Waiatuhi i Rotorua ki te rāhiri i te motu ka tae ki te hui ā-tau o Te Pāti Māori i tēnei rā.

Hai te 10am whakaeke atu ai ngā peka o te motu ki te aroaro o Kahumatamomoe, i te hiku roa o ngā nawe e parekura nei i te Pāti Māori i ngā wiki kua taha ake nei.

E whakapaetia ana ka tae atu a Mariameno Kapa-Kingi ki te hui, whai muri i te whakatau a te kōti e mana tonu ana tōna tūranga hai mema mō te pāti.

He hui tēnei e matapoporetia nuitia ana e ngā kaitautoko i te pāti i runga i te hiahia kia tū te ranga awatea, kia horahia hoki te rongomau i waenga i ngā kaiārahi i te pāti, i a Rawiri Waititi i a Debbie Ngarewa-Packer, i te Perehitini i a John Tamihere, me Mariameno rāua ko Takuta Ferris i panaia i ngā wiki kua taha ake nei.

05/12/2025

“Whakaaro nui ki te hunga o te kāinga nei, kia whakaaro nui ki tō mātou pātaka kai.”

Ko te apo kaimoana, te waiho rapihi, te tahu ahi, me te waiho i ngā anga kaimoana ki tātahi, ētahi o ngā mahi i tahuri ai te hapū o Te Whānau o Te Ehutu ki te whakatau rāhui ki tō rātau ākau.

I kōrero ngā māngai o te hapū ki a Pūkāea mō ngā tikanga kua whakaritea e rātau i tēnei wāhanga o te tau e ranea ana te kaimoana.

04/12/2025

E ū tonu nei Te Whānau o Te Ehutu, hapū o Te Whānau a Apanui i tā rātau whakatau kia rāhuitia tō rātau takutai moana atu i Waiōrore ki Tāpapa a Piha.

I hui te hapū I tēnei wiki, me te aha, i p**a te whakatau nā runga i te kaha tini o ngā rāwaho e haere poka noa ana ki te hao i te pātaka kai.

Ā kō ake nei p**a ai te whānuitanga atu o ngā kōrero.