Pūkāea

Pūkāea Contact information, map and directions, contact form, opening hours, services, ratings, photos, videos and announcements from Pūkāea, News & Media Website, 4/10 Louvain Street, Whakatane.

04/07/2025

Tau atu ai Te Kapa Opango Māori me Ngā Mamaku ki te papa tākaro o Okara i Whangarei ki te whakarite mō te pakanga nui āpōpō.

Hai tā te kaitātaki tuarua o Ngā Mamaku, uri hoki nō Te Whānau a Apanui, tā Ruahei Demant, ahakoa he whakamātautau noa iho te kēmu, he hirahira tonu i te runga i te whakaaro ka tīpakohia te tīma ka haere ki te Whakataetae Ipu o Te Ao ki Ingārangi hai te Ākuhata.

03/07/2025

Nō te ahipō nei whakatauria ai te kapa Mamaku whānui ki Terenga Paraoa Marae i Whangārei, i te kainamutanga o te tukinga whakangungu ka tū hei te Rāhoroi nei.

Me te aha, i heke ngā roimata o te toa wahine o te ao, o mōna kua hoki atu ki te kāinga, ki reira tākaro ai.

Anei te pūrongo a Herewini Waikato.

Kua tau ngā Mamaku ki te marae o Terenga Paraoa ki Whangarei i mua i ngā tukinga nui hai te mutunga wiki nei.Mā mātau o ...
03/07/2025

Kua tau ngā Mamaku ki te marae o Terenga Paraoa ki Whangarei i mua i ngā tukinga nui hai te mutunga wiki nei.

Mā mātau o Pūkāea ngā kōiriiri e whakap**a hai ngā rangi tata e tū mai nei 🌿

02/07/2025

Nā Te Whakatōhea te huhua tāngata i whakamanuhiri i te rangi nei, mō te hui Iwi Chairs Forum. Ki reira rere ai ngā kōrero taiao, ōhanga, whānau, tōrangapū hoki.

Hai tā te heamana o Te Pou Tahua, tā Jamie Tuuta, ko tētahi o ngā āhuatanga matua o te hui, kia kite, kia rongo hoki ngā iwi o te motu i ngā mahi me ngā kōrero a te iwi o Te Whakatōhea e pā ana ki ngā mahi ōhanga.

01/07/2025

Kua rewa anō te hui whakahirahira a e kīa nei ko Ako Ararau. He kaupapa e whakatairanga ana i ngā whānau Māori, i ngā pakihi Māori anō hoki.

Me te aha, i waenga i a rātou ko te whānau Mitai nō Te Whakatōhea, i kōrero tūmatawhānui mō te wā tuatahi mai anō i te matenga o tō rātou matua a Richard rāua ko te marutuna o te ao haka, a Ricky Mitai.

Anei te pūrongo a Mokonuiarangi Edmonds.

01/07/2025

Tērā tētahi pito whenua kai Te Teko e kīia nei ko Te Kupenga kai te hokona atu e tētahi kaipāmu Pākehā - te kaipupuri i te whenua i ngā tau nei.

Heoi, e kī ana ngā uri kua tae te wā kia whakahokia te whenua i raupatuhia i mua rā, ki te iwi o Ngāti Awa. Nō reira, kua tahuri Te Runanga o Ngāti Awa ki te kimi huarahi e tutuki ai tēnei hiahia.

30/06/2025

Ko ngā tikanga whakahaumaru kai, me te kai motuhake te uho o te hui i tū ki te marae o Te Mānuka Tūtahi i Whakatāne i te rangi nei.

E ai ki te kaiwhakahaere, uri o Ngāti Awa anō hoki, ki a Julia Kihi-Coates, ko ngā mātauranga o uki kua tōia mai hai ārahi i ngā rangahau o nāianei rangi, me te nui o ngā hua kua p**a ake.

29/06/2025

Kua whakarewahia te pukapuka hou a Tā Hirini Moko Mead, ko Mātauranga Māori te ingoa. Neke atu i te kotahi rau tāngata i tae ki te Marae o Te Mānuka Tūtahi i Whakatāne i runga i te reo karanga o Te Whare Wānanga o Awanuiārangi, me te tipua e tuhi pukapuka tonu nei i tōna tau 98. I haere ake a Herewini Waikato

27/06/2025

Tau atu ai te Kāwana Tianara a Kahurangi Cindy Kiro ki runga o Te Kura o Te Paroa i te rangi nei, ki te tuitui i ngā here ki a Ngāti Awa, otirā ki ngā tamariki o te rohe.

Whai wāhi ai ngā tauira ki te whakap**a i ngā kōrero mō ngā tūtohu whenua me ngā wāhi hirahira o te iwi. I haere ake tā mātau karere a Mokonuiarangi Edmonds.

25/06/2025

Mataipuku te whenua, Te Awarehe te wai. He tohu hou kua huraina e Te Kura o Te Paroa hai tohu i ngā whenua e i takohatia e Ngāti Te Patuwai ki te kura, e whakarauoratia ana e te hapori.
Anei te pūrongo a Herewini Waikato.

25/06/2025

Ko te kura ā iwi tuatahi rawa o te motu, ko Te Kura Kaupapa Motuhake o Tāwhiuau i Murupara e whakanui nei i tōna ekenga ki te 25 tau.

He kura i whakatūhia hai whakatutuki i ngā tūmanako o Ngāti Manawa, heoi nō nā tata nei tahuri ai te aro ki kaupapa kē hai oranga mō ngā tauira.

Anei te pūrongo a Mokonuiarangi Edmonds.

23/06/2025

E whakanuia ana te 20 tau mai anō i te hainatanga o te whakataunga raupatu a Te Rūnanga o Ngāti Awa, mā te mahi tahi a te iwi me Te Whare Wānanga o Awanuiarangi ki te Opus Orchestra, ki te whakapuaki a E Tū Nei Au - he whakamaharatanga ki ngā ekenga onamata, ngā hua inamata, me te titiro whakamua ki te anamata o Ngāti Awa.

Anei te pūrongo a Herewini Waikato.

Address

4/10 Louvain Street
Whakatane
3120

Website

Alerts

Be the first to know and let us send you an email when Pūkāea posts news and promotions. Your email address will not be used for any other purpose, and you can unsubscribe at any time.

Shortcuts

Share

Category