MediaOne Oman

09/01/2026

ഡ്രോണിന് 300 കിലോമീറ്റർ ദൂരം വരെ സഞ്ചരിക്കാനും ശേഷിയുണ്ട്

ഡ്രോണിന് 300 കിലോമീറ്റർ ദൂരം വരെ സഞ്ചരിക്കാനും ശേഷിയുണ്ട്

09/01/2026

ഒമാൻ തലസ്ഥാനമായ മസ്‌കത്തും പട്ടികയിൽ നാലാം സ്ഥാനത്തുണ്ട്.

ഒമാൻ തലസ്ഥാനമായ മസ്‌കത്തും പട്ടികയിൽ നാലാം സ്ഥാനത്തുണ്ട്.

09/01/2026

ഒമാന്റെ അഭിമാനമായി തദ്ദേശീയമായി നിർമിച്ച സഹം എന്ന ചരക്ക് ഡ്രോൺ വിജയകരമായി പറന്നുയർന്നു. മിഡിൽ ഈസ്റ്റിലെ തന്നെ ഇത്തരത്തിലുള്ള ആദ്യത്തെ സ്ട്രാറ്റജിക് ചരക്ക് ഡ്രോണാണിത്. മിലിട്ടറി ടെക്‌നോളജിക്കൽ കോളേജിൽ നടന്ന സ്‌കൈ ബ്രിഡ്ജ് പരിപാടിയിൽ ഗതാഗത മന്ത്രി സഈദ് ബിൻ ഹമൂദ് അൽ മാവാലിയാണ് ഡ്രോൺ ഉദ്ഘാടനം ചെയ്തത്. ഒമാന്റെ സ്വന്തം സാങ്കേതിക വിദ്യ ഉപയോഗിച്ച് നിർമിച്ച ഡ്രോൺ, രാജ്യത്തെ ആരോഗ്യ-ലോജിസ്റ്റിക്‌സ് മേഖലകളിൽ വലിയ മുന്നേറ്റം സൃഷ്ടിക്കുമെന്നാണ് പ്രതീക്ഷിക്കുന്നത്. ആദ്യ പരീക്ഷണ പറക്കലിൽ 100 കിലോഗ്രാം മരുന്നുകളുമായി 100 കിലോമീറ്റർ അകലെയുള്ള ജബൽ അഖ്ദർ മലനിരകളിൽ ഡ്രോൺ കൃത്യമായി സാധനങ്ങൾ എത്തിച്ചു.

അതിവേഗത്തിലുള്ള വിതരണ ശൃംഖല ഉറപ്പാക്കാൻ രൂപകൽപ്പന ചെയ്ത ഈ ഡ്രോണിന് പരമാവധി 250 കിലോഗ്രാം ഭാരം വഹിക്കാനും 300 കിലോമീറ്റർ ദൂരം വരെ സഞ്ചരിക്കാനും ശേഷിയുണ്ട്. ദുർഘടമായ മലനിരകളും താഴ്വരകളും കടന്ന് വിദൂര പ്രദേശങ്ങളിലേക്ക് അവശ്യസാധനങ്ങൾ എത്തിക്കാൻ സഹം ഡ്രോൺ ഏറെ സഹായകരമാകും. ഇബ്‌നു ഫിർനാസ് സെന്റർ ഫോർ ഡ്രോൺസിന്റെ നേതൃത്വത്തിൽ ഒമാനി വിദഗ്ധരാണ് ഈ ഡ്രോൺ വികസിപ്പിച്ചെടുത്തത്. വരും ദിവസങ്ങളിൽ കൂടുതൽ ഭാരം വഹിക്കാവുന്ന ഡ്രോണുകൾ നിർമിക്കാനാണ് പദ്ധതി ലക്ഷ്യമിടുന്നത്.

09/01/2026

Out Of Focus Live | 09 January 2026

1. മാറാട് രണ്ടുതട്ടിൽ
2. താജുദ്ദീന് നീതി?
3. അടിച്ചു കയറ്റി തീരുവ

09/01/2026

ശബരിമല സ്വർണക്കൊള്ള കേസിൽ തന്ത്രി കണ്ഠരര് രാജീവര് അറസ്റ്റിൽ. എസ്ഐടിയാണ് അറസ്റ്റ് ചെയ്തത്. തിരുവനന്തപുരത്തെ എസ്ഐടി ഓഫീസിൽ ചോദ്യം ചെയ്യലിന് ശേഷമാണ് അറസ്റ്റ് രേഖപ്പെടുത്തിയത്.
കഴിഞ്ഞവർഷം ഒക്ടോബറിലും ഇദ്ദേഹത്തെ ചോദ്യം ചെയ്തിരുന്നു. ദ്വാരപാലക ശിൽപത്തിലെ സ്വർണപ്പാളികൾ മാറ്റിയതുമായി ബന്ധപ്പെട്ടായിരുന്നു അന്ന് മൊഴി രേഖപ്പെടുത്തിയത്. തന്റെ അനുമതിയില്ലാതെയാണ് വിഗ്രങ്ങൾ സ്വർണം പൂശാൻ ചെന്നൈയിലേക്ക് കൊണ്ടുപോയതെന്നും സന്നിധാനത്ത് വച്ച് നവീകരിക്കാനാണ് താൻ അനുമതി നൽകിയതെന്നുമായിരുന്നു തന്ത്രി അന്ന് അന്വേഷണ സംഘത്തോട് പറഞ്ഞത്.

09/01/2026

ഇസ്രായേൽ നടത്തിയ നിയമവിരുദ്ധ സോമാലിലാന്റ് സന്ദർശനത്തെ ശക്തമായി അപലപിച്ച് ഒമാൻ ഉൾപ്പടെ 22 അറബ്-ഇസ്ലാമിക രാജ്യങ്ങൾ. ജനുവരി 6-ന് ഇസ്രയേൽ ഉദ്യോഗസ്ഥൻ നടത്തിയ സന്ദർശനത്തെയാണ് അപലപിച്ചത്. സൊമാലിയയുടെ പരമാധികാരത്തിന്റെയും പ്രദേശിക അഖണ്ഡതയുടെയും വ്യക്തമായ ലംഘനമാണിതെന്ന് അറബ് രാജ്യങ്ങൾ സംയുക്ത പ്രസ്താവനയിൽ ആവർത്തിച്ചു.
ഒമാൻ വിദേശകാര്യ മന്ത്രി ബദർ ബിൻ ഹമദ് ബിൻ ഹമൂദ് അൽബുസൈദിയും സൗദി, ഖത്തർ, കുവൈത്ത്, അൾജീരിയ, ബംഗ്ലാദേശ്, കൊമോറോസ്, ജിബൂട്ടി, ഈജിപ്ത്, ഗാംബിയ, ഇന്തോനേഷ്യ, ഇറാൻ, ജോർദാൻ, ലിബിയ, മാലിദ്വീപ്, നൈജീരിയ, പാകിസ്താൻ, ഫലസ്തീൻ, സൊമാലിയ, സുഡാൻ, തുർക്കി, യമൻ എന്നീ രാജ്യങ്ങളുടെ വിദേശകാര്യ മന്ത്രിമാരും ഒഐസിയും പുറപ്പെടുവിച്ച പ്രസ്താവനയിൽ അസ്ഥിരത നേരിടുന്ന മേഖലയിൽ വിഘടനവാദ അജണ്ടകളെ പ്രോത്സാഹിപ്പിക്കുന്ന ഏതൊരു നടപടിയെയും തള്ളിക്കളയുന്നതായി വ്യക്തമാക്കി. അന്താരാഷ്ട്ര നിയമങ്ങൾ ബഹുമാനിക്കലും പരമാധികാര രാജ്യങ്ങളുടെ ആഭ്യന്തര കാര്യങ്ങളിൽ ഇടപെടാതിരിക്കലും പ്രാദേശിക-അന്താരാഷ്ട്ര സുരക്ഷയ്ക്ക് അടിസ്ഥാനമാണെന്ന് മന്ത്രിമാർ ഊന്നിപ്പറഞ്ഞു.
മന്ത്രിമാർ സൊമാലിയ ഗവൺമെന്റ് സ്വീകരിക്കുന്ന നിയമ-നയതന്ത്ര നടപടികൾക്ക് തുടർച്ചയായ പിന്തുണ ഉറപ്പുനൽകി. സൊമാലിയയുടെ പരമാധികാരവും പ്രദേശിക അഖണ്ഡതയും ബഹുമാനിക്കാനും അന്താരാഷ്ട്ര നിയമങ്ങൾ പാലിക്കാനും ഇസ്രയേലിനോട് ആവശ്യപ്പെട്ടു.

09/01/2026

സോളോ ട്രാവലേഴ്‌സിന് അനുയോജ്യമായ ലോകത്തിലെ ഏറ്റവും സുരക്ഷിതമായ നഗരങ്ങളുടെ പട്ടികയിൽ നാലാം സ്ഥാനത്തെത്തി ഒമാൻ തലസ്ഥാനമായ മസ്‌കത്ത്. പ്രമുഖ ട്രാവൽ ഏജൻസിയായ ട്രാവൽബാഗ് നടത്തിയ ആഗോള പഠനത്തിലാണ് ഈ നേട്ടം. കുറഞ്ഞ കുറ്റകൃത്യ നിരക്ക്, മികച്ച സാമൂഹിക സുരക്ഷ, വിനോദസഞ്ചാരികളോടുള്ള സൗഹൃദപരമായ സമീപനം എന്നിവ മസ്‌കത്തിനെ ഈ നേട്ടത്തിന് അർഹമാക്കി. പട്ടികയിൽ ആദ്യ രണ്ട് സ്ഥാനങ്ങളിൽ യുഎഇ നഗരങ്ങളായ അബൂദബിയും ദുബൈയുമാണ് ഇടംപിടിച്ചത്. തായ്ലൻഡിലെ ചിയാങ് മായ് മൂന്നാം സ്ഥാനത്തും ന്യൂസിലൻഡിലെ ക്വീൻസ്ടൗൺ അഞ്ചാം സ്ഥാനത്തുമാണ്.

ലോകമെമ്പാടുമുള്ള 36 പ്രധാന നഗരങ്ങളിലെ പകൽസമയത്തെയും രാത്രികാലത്തെയും സുരക്ഷാ സ്‌കോറുകൾ പരിശോധിച്ചാണ് പഠനം തയ്യാറാക്കിയത്. മസ്‌കത്തിൽ പകൽസമയത്തെ സുരക്ഷാ സ്‌കോർ 89ഉം രാത്രികാലങ്ങളിൽ 76ഉം ആണ്. പുതിയ തലമുറയിൽ ഒറ്റയ്ക്കുള്ള യാത്രകൾക്ക് പ്രചാരമേറുന്ന സാഹചര്യത്തിൽ ഈ നേട്ടം ഒമാന്റെ ടൂറിസം മേഖലയ്ക്ക് വലിയ കരുത്താകും. രാത്രികാലങ്ങളിൽ പോലും ഭയമില്ലാതെ സഞ്ചരിക്കാൻ കഴിയുന്ന തെരുവുകൾ, ശക്തമായ പൊലീസ് പട്രോളിങ്, സമാധാനപരമായ അന്തരീക്ഷം, മികച്ച ക്രമസമാധാന നില, എന്നിവയാണ് സോളോ ട്രാവലേഴ്സിനെ ഇങ്ങോട്ട് ആകർഷിക്കുന്നത്.

09/01/2026

മസ്‌കത്തിലെ റോഡുകളിലൂടെ ചീറിപ്പായുന്ന 70 ശതമാനത്തിലധികം വാഹനങ്ങളിലും ഡ്രൈവർ മാത്രമാണ് യാത്ര ചെയ്യുന്നതെന്ന് മസ്‌കത്ത് നഗരസഭയുടെ ഏറ്റവും പുതിയ പഠന റിപ്പോർട്ട്. ഭൂരിഭാഗം വാഹനങ്ങളിലും ഒരാൾ മാത്രമായി യാത്ര ചെയ്യുന്നത് നഗരത്തിൽ വലിയ തോതിലുള്ള ഗതാഗതക്കുരുക്കിന് കാരണമാകുന്നുണ്ടെന്ന് അധികൃതർ ചൂണ്ടിക്കാട്ടി. ഈ സാഹചര്യം കണക്കിലെടുത്ത്, ഗതാഗതത്തിരക്ക് കുറയ്ക്കാനും പരിസ്ഥിതി മലിനീകരണം ലഘൂകരിക്കാനുമായി ഒരേ ദിശയിലേക്ക് പോകുന്നവർ വാഹനങ്ങൾ പങ്കിടുന്ന കാർപൂളിങ് രീതി പ്രോത്സാഹിപ്പിക്കണമെന്ന് നഗരസഭ ജനങ്ങളോട് അഭ്യർത്ഥിച്ചു.

09/01/2026

ചെന്നൈ: നടന്‍ വിജയ്‌യുടെ അവസാന ചിത്രമായ ജനനായകന്റെ സെന്‍സര്‍ സർട്ടിഫിക്കറ്റുമായി ബന്ധപ്പെട്ട തര്‍ക്കത്തില്‍ താരത്തിന് അനുകൂലമായി വിധി. ചിത്രത്തിന് സെന്‍സര്‍ അനുമതി നല്‍കണമെന്ന് കോടതി നിര്‍ദേശിച്ചു. മദ്രാസ് ഹൈക്കോടതിയുടേതാണ് വിധി.

09/01/2026

വിധിക്കെതിരെ സെന്‍സര്‍ ബോര്‍ഡ് അപ്പീലിന് പോകും

09/01/2026

പ്രീമിയർ ലീഗിൽ ഗോൾരഹിത സമനിലയിൽ പിരിഞ്ഞ് ലിവർപൂളും ആർസനലും. സമനിലയോടെ സിറ്റിയുമായുള്ള പോയിൻ്റ് വ്യത്യാസം ആർസനൽ ആറാക്കി ഉയർത്തി.

09/01/2026

സ്പാനിഷ് സൂപ്പർ കപ്പ് സെമി ഫൈനലിൽ അത്‌ലറ്റികോ മാഡ്രിഡിനെ പരാജയപ്പെടുത്തി റയൽ മാഡ്രിഡ് ഫൈനലിലേക്ക്. ഒന്നിനെതിരെ രണ്ടു ഗോളുകൾക്കാണ് റയലിന്റെ ജയം. റയലിനായി നായകൻ ഫെഡറികോ വൽവർഡേ, റോഡ്രിഗോ എന്നിവർ ഗോൾ നേടി. സോർലോത്തിൻ്റെ വകയായിരുന്നു അത്ലറ്റിക്കോയുടെ ആശ്വാസ ഗോൾ.