高登音樂台 HKGolden Music

31/12/2025

新年快樂
（圖為台北101煙花）

31/12/2025

31/12/2025

【肥腸定係屎窟窿？】
大灣區水煮肥腸驚現「屎窟窿」！網友：想借兩格廁紙幫佢抹乾淨

近日有網民喺社交平台分享朋友嘅「北上中伏」經歷。朋友去大灣區食水煮肥腸，點知夾起其中一舊肥腸頭嘅時候，發現形狀竟然同「出口位置」百分百相似，皺褶紋理清晰可見，視覺衝擊力極強。

事主形容當時見到呢舊肥腸「新鮮」到令人崩潰，忍唔住自嘲話想借兩格廁紙比佢抹乾淨啲。相片流出後隨即引起網民熱烈討論，有人質疑餐廳處理內臟時係咪完全冇修剪過，甚至有人話睇完之後對肥腸產生永久陰影。

雖然大灣區美食多，但內臟類食物嘅衞生同處理一直都係食客最擔心嘅地方。今次呢舊肥腸頭咁「原汁原味」，真係考驗食客嘅心理承受能力。

31/12/2025

2025年最後一日
李隆基終於醒了

31/12/2025

【玉桂狗焗爐之亂 港女唔信邪一抽即中】

到底日本一番賞個焗爐係咪認住香港人嚟送？近日「玉桂狗焗爐之亂」席捲全港，再有一名港女勇者於THREADS發帖，表示自己「唔信邪」去挑戰，結果竟然真係一抽即中A賞焗爐。樓主崩潰直言，原本只係想要公仔同收納盒，見到成個盤明明得返一個焗爐，以為機率極低，點知「天命最高」，一出手就獲得這份「港人之證」。

網民紛紛留言笑指「身份證都唔洗睇」、「純血港人一抽便知龍與鳳」，更有苦主表示曾見過有人兩抽中兩個爐，簡直係「病毒式傳染」。由於日本電器電壓與香港不同，帶回港需加裝巨大變壓器，樓主最後決定將焗爐轉讓給同樣熱愛玉桂狗的日本當地人。這場焗爐之亂由年頭鬧到年尾，似乎香港人的「焗爐命格」到2025年依然威力不減。

31/12/2025

【順天魔音召喚Alan Walker本尊】 順天邨近日有人發出魔音，有街坊難忍鄰居日日開窗以「死腔」咆哮名曲《Faded》，拍片放上THREADS分享，片中條友唱到甩晒beat兼且走音，窗邊仲掛住條底褲「伴舞」。點知條片竟然因為一句歌詞「Where are you now」，被演算法推到去原唱Alan Walker本人度！呢位百大DJ竟然親自喺下面留言「I’m HERE（我在這裡）」，神級回覆令成個Post瞬間爆炸。網民笑稱阿叔係「被底褲耽誤嘅歌手」，呢種機會率真係低過中六合彩，連本尊都忍唔住要「上水」相認，今次阿叔真係唱出國際！

30/12/2025

【呵欠】中共又又又又又又又又又又又又又又又又又又又又又又又又又又又圍台軍演 澎湖市面平靜 本台小編岸邊嘆茶

雖然解放軍宣布展開「正義使命-2025」圍台軍演，且演習區域緊貼台海中線，惟處於防衛前線的澎湖馬公，今日市面氣氛未見異常。本台雞丁剛好在當地出差，馬公港客貨運作維持正常，街道亦未見大規模軍事調動或裝甲車行駛。對於網傳共軍逼近，當地民眾普遍反應冷靜，指未聞戰機升空巨響，亦未目擊海上艦艇蹤影，與外界渲染的緊張局勢形成強烈反差。目前澎湖機場航班起降準點，生活節奏如常。

29/12/2025

【貪心女友R機】男友中iPhone 17冇上繳 女友呻無感被插爆

網上討論區最近有單熱話引發罵戰，有個女網友喺社交平台Threads發文，話男朋友去完公司Annual Dinner飲到爛醉返嚟，好開心咁講自己抽中咗大獎「iPhone 17 256GB」，跟住就醉到不省人事。不過呢位女事主就話自己完全「無感覺」，甚至一啲都唔戥男朋友開心，覺得男朋友開心到有啲「自High」。

原來事主喺留言區自爆，話因為男朋友冇講過要將部電話送畀佢，所以覺得「無共鳴」。佢直言如果男友講句送畀佢，個心就會「暖笠笠」。呢番言論即刻引嚟大批網民公審，鬧爆佢「貪心」、「唔抵得人好」，甚至有人直斥佢係「極品」，覺得男友抽中獎一定要上繳係情緒勒索。有人好心勸佢，愛一個人應該係見到對方開心而開心，而唔係睇對方畀自己啲咩物質利益，呢種心態只會搞到段關係破裂。

29/12/2025

【大家評評理】貼紙相舖捉撞碼客 自揭暗儲顧客樣貌惹全城圍插

這宗網上熱話本來是捉賊記，最後竟變成嚴重的私隱風波。有貼紙相舖店主在Threads發文，指控兩名客人在深夜亂撞四位數優惠碼，成功騙取價值$150免費相。店主氣憤下公開CCTV及兩名事主的相片進行公審，要求對方「dm本店」自首，否則報警。

怎料劇情峰迴路轉，網民非但沒同情店主，反而聚焦在店主回應時自爆「每一張相都有留底」。大批網民驚覺原來去影貼紙相，容貌會被後台儲存，質疑店方涉嫌違反私隱條例。加上優惠碼密碼被揭發只有四個數字，保安程度兒戲如「無掩雞籠」，店主不僅被批不懂做生意，更面臨被私隱專員公署主動調查的風險。

28/12/2025

【五月天個唱驚現抽水界KOL 女粉借英魂R點歌笑到四萬咁口】

五月天演唱會爆出嚴重公關災難。一名女粉絲高舉寫住「為北捷英雄余家昶點歌」嘅黃色大字報，成功博取樂團注意獲點歌機會。但畫面所見，該名女粉「得逞」後展露興奮燦笑，完全無哀悼之意，被網民鬧爆係「食人血饅頭」。

死者家屬早前已表明希望低調，不被打擾。網民批評該女子無視家屬意願，喺原本開心嘅演唱會場合，利用剛離世嘅英雄做藉口博取鏡頭。更有網民起底指佢疑為保險經紀，兼且係積犯，以前試過用殉職消防員名義求點歌。這種將他人悲劇當作追星捷徑嘅行為，被狠批無恥度兼極度涼薄。

28/12/2025

【10年跌千次！補教名師變身「仆街專家」 詐保2800萬買260條金條】

根據外媒報導，台灣爆出「專業仆街」詐保案。52歲周姓男子原本係英文補習名師，退休後竟然「轉行」做「影帝」！佢利用老婆以前做過保險經紀嘅專業知識，搵埋個女一齊全家總動員，向10幾間保險公司瘋狂投保。

由2014年開始，呢家人好似變咗「盧寵茂」咁，周男全家不斷以行路跌親、被嘢砸傷、扭親腳等理由，10年內報稱「跌倒」近1000次！平均每3、4日就跌一次，有時一個月甚至跌足10幾次。佢哋專門去中醫診所睇醫生，叫醫生開藥單、診斷證明，每次向保險公司申領2萬至5萬台幣理賠金。

更誇張嘅係，呢對夫婦仲會要求中醫診所開出燕窩、韓國人蔘等名貴藥材嘅單據，攞完理賠金之後，再私下變賣呢啲名貴藥材「賺兩次」。靠住呢份「跌跤事業」，佢哋10年內夾埋領走咗5504萬台幣（約1300幾萬港幣）。佢哋將呢啲錢攞去買咗260條金條（市值約2400萬台幣），仲喺花蓮買咗7塊土地同豪華別墅！

最終保險公司發現呢家人「仆得太唔科學」，報警先揭發真相。目前周男已被起訴，260條金條同房產全部被查扣。

28/12/2025

【香港搵笨柒 ! 赤柱市集45蚊粟米片 當面拆超市貨倒出嚟賣】

聖誕節想去市集感受下氣氛，點知變咗「交智商稅」？有女生喺 Threads 揈苦水，話去赤柱聖誕市集買咗份 45 蚊嘅粟米片（Nacho），點知一畀完錢，檔主竟然直接喺佢面前攞出一大包超市常見嘅包裝粟米片，當場撕開倒落紙碗。

樓主直言「真係笑X咗」，形容感覺就好似去餐廳叫檸檬茶，對方當面拆包維他奶倒落杯收你 45 蚊咁離譜。更令人崩潰嘅係，配料芝士係直接由雪櫃攞出嚟，完全無加熱就遞畀客，冰冷芝士配超市薯片令樓主氣到發誓「以後都唔會再去」。

網民紛紛熱議，有人笑稱「起碼現場拆包保證唔淋」，亦有人感嘆「香港市集已經玩爛咗」、「難怪個個寧願北上消費」。大家唔係介意畀貴少少，而係商家連最基本嘅「儀式感」同誠意都無，真係攞明搵笨。