20/08/2025
BALITA | Mga Bagong Opisyal ng SSC, SOs, Nanumpa
Dalawang linggo matapos ang halalan, matagumpay na idinaos ang seremonya ng panunumpa para sa mga bagong opisyal ng Supreme Student Council at Student Organizations ngayong araw sa WPU gymnasium, ang nasabing seremonya ay pinangasiwaan ng Commision on Student Election (COMSELEC) sa pamumuno ng kanilang Chairperson, John Ruel C. Coching at sa pag-alalay ng kanilang tagapayo, Richard T. Urmenita.
Sa mensahe ni Dr. Ruth J. Kutat, Vice President for Student Affair and Services, binigyang diin niya ang gampanin at regulasyon ng pamantasan na siyang dapat sundin at paigtingin ng mga bagong opisyal. Aniya, hindi na kayo basta estudyante, kung ‘di kayo ay mga leaders, mga leaders hindi lamang sa pangalan kung ‘di maging sa gawa. Palagi nating iisipin, kung ano ang gampanin at regulasyon ng pamantasan, tayo ang una-unang magpapatupad nito.
Dagdag pa ni Dr. Kutat, “wala po sanang makarating sa akin na ang concern ay leaders—ayaw ko po ng gano’n. Hindi dahil leaders kayo ay excepted na kayo sa mga ipinatutupad na patakaran, gampanin, at regulasyon, kayo ay estudyante pa rin at kasama kayo sa pagtupad at pagsunod sa mga patakaran at regulasyong iyon.”
Samantala, sa huling bahagi naman ng mensahe ni Dr. Kutat, inihayag niya ang buong suporta sa mga aktibidad, proyekto, at programa ng mga bagong opisyal.
Matapos ang panunumpa ng mga bagong opisyal, nagbigay rin ng mensahe si Dr. Amabel S. Liao, University President. Mainit niyang tinanggap at binati ang lahat. Kaugnay nito, binigyang diin niya rin na hindi na lamang basta estudyante ang mga bagong opisyal bagkus sila ay isa na sa katuwang sa mga pagpaplano at pagpapalago ng pamantasan at kaagapay ng sangka-estudyantehan. Aniya, “I congratulate you all–not just for winning the election, but also for just bringing yourselves forward in service for our university. Congratulations to everyone and I welcome you to the WPU management.”
“As soon as you took your oath, that is exactly what you’re committed to do–to be part of the WPU management.”
“I cannot just consider you as students who are leading your particular organizations–but you are the helping hands of our management in making everything in WPU be good for our students, be good for our community, and be good for what our university really stands for.”
Sa pagtatapos ng programa, binigyan ng pagkakataon ang lahat upang makakuha ng larawan kasama sina Dr. Liao, Dr. Kutat, Outgoing SSC President, Hon. Ombe, COMSELEC adviser, sir Urmenita, at COMSELEC Chairperson, Coching.
–Joshua T. Tabas
Kuhang larawan ni: Victor Angelo Quintero
![“Ang mga daan [sa campus] ay prayoridad para sa mga estudyante at para sa kapakanan ng lahat ng tao, hindi para sa mga m...](https://img5.medioq.com/802/050/122251185038020509.jpg)
