19/10/2021
𝗕𝗔𝗦𝗔𝗛𝗜𝗡: Kaugnay ng ipinalabas na Provincial IATF Resolution No.45, simula sa ika-29 ng Oktubre hanggang ika-2 ng Nobyembre, ay pansamantalang isasara ang lahat mga memorial parks, sementeryo, at columbarium.
Ang hakbang na ito ay naglalayong maiwasan ang mga malakihang pagtitipon at pagkukumpul-kumpol ng mga tao sa mga pampublikong lugar na maaaring maging sanhi ng hawahan ng COVID-19, dahil sa taunang pag-ala-ala sa mga yumao nating mahal sa buhay, ang All Saints’ Day o All Souls’ Day.
Samantala, maaari pa ring magsagawa ng burol at libing sa mga araw na ito ngunit ang malalapit na pamilya lamang ang pinahihintulutang magtipon habang patuloy na sumusunod sa mga minimum health protocols at lokal na regulasyon.
Patuloy tayong mag-ingat at hangad ko po ang payapa at ligtas na linggo para sa ating lahat.