17/02/2023
"RIGHT PERSON ,NO ENOUGH TIME"
"Aleeza, mata na dira naa si Ethan"
Nakamata kos syagit ni mama, samoka sab aning mama uy katulgon pa kayko buntag pa sayu mag yawyaw na.
"Aleeza, unsa man dika mo bangon dira!"
Tuara na sab mag yawyaw na gyud ni run.
"Oh lagi ma, mo bangon na"
Ni bangon nalang ko ug gihipos akong gihigdaan kay sermonan nasab ko ani ug di ni mahipos.
"Mao na ga uyab uyab nalang dugay pa jud mo mata"
"Way connection ang uyab ug ang pagmata mader!"sulti nakong mama pag gawas sa kwarto
Pag naog nako sa hagdanan nakita nako ang mala Daniel Padilla looks syempre ang ako tong uyab.
"Sayu lagi kayka napadpad diris amo kol" sulti nakong Ethan while gapadulong sa iya.
"Awa, dugay kayka ni mata gi sermonan nasab kang tita"
Murag masermonan nasab kog ikaduha ani run
"Nang wakwak pako gabii uy, hahahhaha" tubag nako niya dayun katawa.
Gipitikan niya akong agtang maong nihunong kog katawa, wa gyud ni buot nga pagka uyab.
"Manglaag ta love" dayun niyang sulti nako.
"Ahh, kana ra diay maligo sako sir" sulti nako niya dayun adto sa banyo.
Pagkahuman nakog kaligo, nag ilis dayun ko nya nanglakaw nami syempre wako namahaw kay kabalo kong libre nasab ni.
" Asa ta love?"pangutana nakong Ethan while gasakay sa iyang motor.
"Ikaw asa may gusto nimo?"
Ayy, kani akong gusto ako nasay magbuot.
"Jollibee ta love, wapa biya koy pamahaw" pa cute nakong tubag, anyway cute man sab ko palag run, char.
"Sige, mahal"
Nidiretso dayun mis Jollibee, sa kadaghan niyag gi order busog jud kayko, syempre lain sab gutom gyapon.
Pagkahuman namo sa Jollibee nilahos mis Mall.
"Love, mamalit tag gamit nimo"sulting Ethan while gagunit sakong kamot, charr wamo ani noh.
Isa pud ni sa rason nganong mahal kay nako akong uyab, gina spoil ko niya permi. Ginapamalitan sakong mga gusto, sa almost 5 years namo nga relasyon always gyud niya ginapa feel sako kung unsa ko ka importante, unsa ko ka espesyal.
Nanglaag mi bisag asa hangtud nga ni gabii na maong nanguli nami.
"Love, diri ka matulog run?"pangutana nakong Ethan kay wapa man sya niuli kada hatod man gud niyas ako muoli dayun na sya para makapahulay.
"Mouli ko unya love" tubag niya unya nihigda dayun sakong paa.
"Ayna lag uli uy, diri nalang puyo haha" sulti nako dayun katawa.
"Puhon, inig magpakasal nata, para ako nasay tig sermon nimo kada buntag hahaha"
Ing ani sya kasipat kung mag uban ming duha, mag sige rag kinataw anay, permi ko niya sabayan sakong mga trip and jokes hangtud sa mapikon nalang ko.
" Love, ug mawala ko mohilak ka?"binuang nako nga pangutana kay Ethan ug kabalo ko nga binuangan nasab kog tubag ani.
"Di uy,kinsa diay ka?" pangutana niya dayun katawa.
"Bantay bitaw kag mohilak ka ha" pikon nakong tubag niya,makalagot gyud ni sya usahay pero bisag ing ani ni sya mahal kay nako ni talagasa ray ing aning laki.
"Mohilak uyy,lain sab basin mag wild pa gani ko di ko mo sugot uy,way biyaay road to poreber nani"sulti niya dayun ni piyong.
Nagkatawa rasab kos iyabng gi ingon,pila ka minuto nakatulog na sya.
Duha ka oras ang nilabay ug nakamata si Ethan nibangon sya ug nananghid nga mouli na.
" Love,pauli nako pangitaon nakong mama run"pananghid ni Ethan sako.
" Sure ka love? Basin katulgo paka tawagi nalang kaya si tita diri nalang ka tulog" suggest nako kay nabalaka kong mo byahe pa syag gabii.
" Okay ra love uy,nakapahulay naman ko mo tawag rako ugma puhon"sulti niya dayun gigunitan akong duha ka kamot.
" Pag amping ha"pahimangno nako niya.
" Ikaw sab,pag amping permi mahal kay tika"sulti niya dayun kiss sakong agtang.
Nakamata kog kalit sa tuktok ug syagit ni mama,sermonan nasab ko ani run
" Aleeza,,,Aleezaa pag mata" syagit ni mama dala tuktok ug kusog nga halos gubaon na niya ang pultahan.
Nibangon ko nga katulgon pa ang mata,unsa nasab kahay tuyo ani ayy,gi abrihan nako ang pultahan.
" Aleeza,si Ethan"sulting mama nga murag kahilakon,naunsa kaha ni.
" Dili to moanhi si Ethan ma,manawag ra daw sya"tubag nako samtang nanghuy ab pa.
" A-anak ,si Ethan wa-wala na" sulting mama dayun nihilak rag kalit.
" Huh?Unsay wala ma?"pangutana nakong mama nga namugnaw rag kalit,unta mali ang naa sakong huna huna.
" Pa-patay nas Ethan nak" sulting mama nga nihilak na gyud ug taman.
Sa pagkadungog nakos giingon ni mama murag nihinong ug tuyok ang kalibutan,mura kog gibuhusan ug bugnaw nga tubig,murag giduslak ug pinakalit ang akong dughan,ka singgiton ko pero way mo gawas sakong baba. Na shock kos akong nadungog perti nakong hilak while nangurog nga gigakos ni mama.
"Di-dili na tinuod ma,buhi pa si Ethan ma nagkuyog pami gabii" danguynguy nakong hilak kay sakit jud kay sa dughan.
Naghinilakay ming duha ni mama huot kaayos dughan ,kung damgo ning tanan gusto nakong mo mata di naman makaya.
"Anak,nadisgrasya si Ethan gabii ug death on arrival na syang naabot sa hospital" dangoyngoy nga sulti nako ni mama.
"Di na tinuod maaaaa" diko gustong mutuo.
Midagan dayon ko panaog tapos nigawas kos balay nipara kog tricycle wala koy labot ug wapa koy ligo,kalkag pakog buhok basta makaabot lang kos hospital. Nidiretso kog sulod sa hospital wana nako gitagad ang driver bisag gisinggitan ko para sa plete. Niadto dayun kos morgue ug nakita nako ang mama ug papa ni Ethan nga gahilak ,giduol nako ang patay nga lawas ni Ethan gusto kong mag wild,gusto kong mo syagit sa kasakit. Wako gatuo nga wana ang tao nga akong gimahal pag ayo.
"Lo-love,ba-bangon dira,mata dira pleasee" sulti nakos patay niyang lawas dayun akong giyugyug.
"Love,bangon ba..ana ka manglaag pata,ana ka magpakasal pata mahal ana ka way biyaay,ikaw may namiya unfair kayka"
Nidangoyngoy najud kog hilak di na jud makaya hasta na gyud syang sakita.
"Love,kinsa nalay makiglaag nako? Kinsa nalay kauban nako mag jollibee? Love,bangon ba...Mahal kay tika,ayaw kog biyai"
Sakita diay sa,nga makita nimo ang tao nga imong gimahal pag ayo nga gikuha nas kahitas an. Mas gustuhon pa nako nga makita sya sa laing mga kamot kaysa makita sya nga naa sa sulod sa lungon,di jud sya lalim. Maong kamo samtang naa pa sa inyuha ang tao nga inyong gimahal ampingi sya,mahala sya kay basin moabot ang panahon nga magmahay ramo. If I could turn back the time when Im with him I will cherish it.
•Do not copy right plagiarism is a crime.
•Words by: Zhayne Casville
•Work of fiction.
Credits to the rightful owner of this pic:
