16/07/2026
"And the government of the Philippines is proudly claiming that the country is safe."
Viral na Mensahe ng Rider sa Helmet, Umantig sa Puso ng mga Netizens
Viral ngayon sa social media ang larawan ng isang motorcycle rider na may nakasulat sa likod ng kanyang helmet na, "BUNTIS PO ANG ASAWA KO. HUWAG N'YO PO AKO SANANG SAKTAN."
Lalong naging makahulugan ang naturang mensahe matapos ang kamakailang insidente kung saan isang motorcycle rider ang nasawi matapos umanong saksakin ng kanyang pasahero, na nagdulot ng pangamba sa hanay ng mga ride-hailing at delivery riders.
Ayon kay Primo Baconawa, ang larawan ay ipinadala sa kanya ng kanyang kasintahan matapos itong mag-book ng motorcycle ride pauwi mula sa trabaho. Mabilis itong kumalat sa social media at umani ng iba't ibang reaksyon mula sa mga netizens.
Para sa marami, ang simpleng pakiusap na nakasulat sa helmet ay sumasalamin sa mga panganib na kinakaharap ng ilang riders sa bawat biyahe, lalo na't hindi nila kilala ang mga pasaherong kanilang isinasakay.
Naging paalala rin ito na sa likod ng bawat rider ay may pamilyang naghihintay sa kanilang ligtas na pag-uwi—mga asawa, anak, magulang, at kapatid na umaasa sa kanilang kabuhayan.
Samantala, marami ang nagpahayag ng suporta at panalangin para sa kaligtasan ng mga motorcycle riders at delivery workers na araw-araw na nagsisikap sa kalsada upang matustusan ang pangangailangan ng kanilang mga pamilya.
📷: Via Primo Baconawa/Facebook
