17/02/2026
College Senior at Young Professor
Admin p**i hide na lang ng profile ko. Di ko na kasi alam kung sino ang kakausapin ko at baka mabaliw na ako dito sa bahay.
Eto na lang yung paraan para mailabas ko to bago ang graduation next month. 4th year college na ako at graduating. 26 years old naman si Sir J, instructor sa department namin at thesis adviser ko.
Alam naming bawal to pero naging kami nung midterms. Nagsimula lang sa mga asaran sa chat tapos naging seryoso. Madalas kaming magkita sa kotse nya sa parking lot ng mall pagkatapos ng shift ko sa part-time job ko. Sobrang ingat namin. Wala ring nakakaalam sa mga friends ko kasi takot din ako na kumalat at baka mawalan sya ng lisensya.
Mahal ko sya. Seryoso ako sa kanya at akala ko ganun din sya sa akin. Sabi nya kasi hihintayin lang nya ako na makatapos tapos magpap**ilala na sya sa parents ko. Pinanghahawakan ko yung pangako na yun kahit na ang hirap magpanggap sa school na parang wala lang kami.
Pero nung isang gabi habang magkasama kami sa unit nya, nakatulog sya at naiwan nyang naka unlock yung phone nya. Hindi ko naman balak mag check pero may sunod sunod na notification galing sa isang group chat.
Doon ko nakita ang lahat.
Hindi lang pala ako ang student na "alaga" nya. May group chat sila ng apat pa nyang co-teachers. Puro mga bata ring lalaki na parang kasing edad ko lang. Ang laman ng gc nila? Pictures ng mga students na nagustuhan nila. At ang mas masakit, nandoon yung picture ko.
May chat pa si Sir J na, "Eto na, malapit na grumaduate. Mission accomplished na tayo sa batch na to. Sino next target, what if freshmen naman?"
Nagpupustahan pala sila. May point system sila kung sinong student ang mapapa-oo nila at kung hanggang saan ang magagawa nila bago ang graduation. Ang premyo? Isang malaking blowout at outing nilang magkaka-department gamit yung pera na pinagpustahan nila.
Yung "pagmamahal" na naramdaman ko, part lang pala ng scoring system nila.
Ngayon heto ako, hawak ko yung screenshot ng buong convo nila at pati yung mga photos na kinuha nya sa akin habang natutulog ako sa unit nya. Isang post ko lang to sa page ng school, tanggal silang lima sa serbisyo. Pero ang kapalit? Baka ma-delay ako at hindi makatapos dahil damay ang thesis ko at ang record ko.
Anong gagawin ko? Mananahimik ba ako para lang makuha yung diploma ko o sisirain ko silang lahat kahit madamay ako?
