01/01/2026
Last year 2024, gumawa ako ng prosperity bowl at nag-decide akong i-keep siya pagpasok ng 2025. Nilagay ko roon yung mga perang nakabilot, may kasamang intensyon na para sa kasaganaan, pasasalamat, at magandang daloy ng buhay. Tinago ko siya sa isang sulok at sa tagal ng panahon, muntik ko na talagang makalimutan na nandoon pala yung pera hindi ko siya ginasta, hindi ko ginalaw, parang hinayaan ko lang siyang manatili doon bilang simbolo.
Habang lumilipas ang mga buwan, napansin ko na parang sunod-sunod ang mga blessing na dumarating. Hindi man palaging cash o malaking halaga, pero may mga pagkakataong bigla na lang may dumarating na magagandang bagay o solusyon sa mga bagay na dati pinoproblema . May mga araw na sapat lang ang meron ako, pero may peace of mind. May mga panahong akala ko kapos ako, pero somehow, nagkakasya at may natitira pa. Doon ko naalala yung prosperity bowl at napagtanto ko na hindi ko pala nagalaw yung perang tinabi ko noon.
Ibig sabihin na mas naging magaan ang daloy ng taon dahil hindi ko siya naisip o nagasta dahil wala kaming masyadong naging problemang mabibigat ☺️
Napaisip ako na baka hindi lang ito tungkol sa pera mismo, kundi sa disiplina at tiwala. Yung simpleng desisyon na huwag galawin, huwag madaliin, at hayaan munang manatili ang isang bagay, parang nagturo sa akin ng pagiging patient at mindful. Natutunan kong hindi lahat ng meron ka ay kailangang gastusin agad, at hindi lahat ng hinihiling mo ay kailangang dumating kaagad para masabing blessing.
Kaya pagpasok ng 2026, pinili kong ituloy ang prosperity bowl hindi lang bilang tradisyon, kundi bilang paalala. Paalala na ang kasaganaan ay nagsisimula sa loob sa pasasalamat, sa tamang paghawak sa biyayang dumarating, at sa paniniwala na may darating pa sa tamang oras. Ngayon, tuwing nakikita ko siya, hindi ko lang siya nakikita bilang lalagyan ng pera, kundi simbolo ng mga natutunan ko noong 2025 at ng mas maayos, mas may tiwala, at mas intentional na buhay na pinipili kong dalhin muli sa 2026 at susunod pa ✨
HAPPY NEW YEAR 🥳