Work at Home - Believer

24/10/2025

Ano bang pumipigil sayo?
Bakit hindi mo umpisahan?

Wala naman sigurong mawawala kung ita- try mo di ba?

Oo walang magic na, overnight makukuha mong mapag-aralan lahat lalo na sa pagiging Freelancing VA.

Pero alam mo ang nakakatuwang makita ang progress na mayron ka, ang inalam mong akala mo ay hinde mo kaya at ang fear na na-conquer mo.
And yes! walang ibang tutulong sayo kundi sarili mo at syempre ang pag-hinge mo kay Lord ng streght kasi at the end of the day si Lord pa rin ang kakapitan at tatakbuhan natin.

Kaya ngayon ang TIP ko ay make a research tulad ng naibahagi kong self discovery template, oo nga pala maraming salamat sa mga na naniwala at sa bagong member ng ating Work at Home - Believer, welcome po sa inyo!

Next na journey tip na maibibigay ko ay paano ako nakakuha ng client online, ano- ano ang naging process at saan ko sila mga natagpuan.

Magbibigay na rin ako ng recording para sa mga wala pang idea lalo na ang baguhang VA.

Opps! Wala pong kokontra alam ko marami ng naglipanang mga coaches dyan na nagmamasid sa katulad kong bumubuo pa lang ng sistema😁 arbor ko na po ito 😅 kasi hinde ko naman para ipagmalaki ang sarili ko at para magpabayad ng course sa mga nangangarap sa industriyang ito🤓

I am just giving back all the knowledge to those who helped me when I was just starting. Grateful for every lesson and blessing and above all, I give the highest praise to our Lord God.
☝️❤️🙏

10/10/2025

Bago ka mag-apply bilang Virtual Assistant, kilala mo na ba talaga kung sino ka?

Marami sa mga aspiring Virtual Assistant ang agad tumatalon sa pag-aaral ng skills, social media, admin tasks, Canva, at kung anu-ano pa.

Pero may isang crucial step na madalas nilang nakakalimutan:

Kilalanin muna ang sarili mo.
Ang pagiging VA ay hindi lang tungkol sa technical skills ito rin ay tungkol sa self-awareness/ self discovery
Kasi kung hindi mo alam kung saan ka magaling o kung anong environment ka nagpo-prosper, madali kang made-drain o mawalan ng direction.

Tip:

Gumawa ka muna ng Personality Test gaya ng MBTI (Myers-Briggs), Enneagram, o DISC.

Makakatulong ito para malaman mo kung:
Ikaw ba ay mas analytical o creative thinker?
Mas nag-eenjoy ka ba sa structured tasks o flexible setup?
Mahilig ka bang makipag-usap o mas gusto mong magtrabaho nang solo?
Pagkatapos ng test, reflect sa mga resulta.
Tanungin mo ang sarili mo:
Paano ko magagamit ang strengths ko bilang VA?
Anong uri ng client o task ang babagay sa personality ko?
Saang area ako kailangang mag-grow?

Kaya bago mo simulan ang VA journey mo, bigyan mo muna ng oras ang self-discovery.
Ito ang magiging compass mo sa pagpili ng tamang niche at sa pagbuo ng sustainable online career.

Kaya tulad ng naipangako ko na magbibigay ako ng free template para sa inyo, at yan din naman ang isa sa misyon ko, na kahit paano kahit na pakunti kunting TIP lang maibigay ko kahit paano ay may naiishare ako base na rin saking karanasan malay niyo next time may free course nakong ipamagay sa inyo🤪

Ang natutunan ko bilang isang Freelance Virtual Assistant ay wag mong madaliin ang isang bagay lahat ay dinadaan sa proseso hanggang maging gamay mo na at madali na para sayo ang lahat.

Share ko lang isang verse na pinanghahawakan ko rin, sa oras na talagang nalilito na rin ako at para bang gusto ko malaman lahat, pero hinde mo dapat pangunahan kung anong planong mayron para sayo si Lord kasi lahat ng plano niya para satin ay perfect, hinde s'ya nagkakamali.

sabe nga sa Jeremiah 29:11
Sapagkat alam ko ang mga plano ko para sa iyo," sabi ng Panginoon , "ang mga plano para sa ikabubuti mo at hindi para saktan ka , mga plano upang bigyan ka ng pag-asa at hinaharap . hahanapin ninyo ako nang buong puso ninyo .

At ayan na nga kung gusto niyo ang free discovery template na yan
kailangan po natin mag fill- out sa form na ito.

https://forms.gle/N8WA2GSbz781Kaco6

Paano kita na lang sa next chapter😊

WELCOME Believers! Ito ay isang Tip Template para kahit paano makatulong ako sa pagbuo mo ng isang pundasyon para sa VA Journey mo. After niyo ma fill- up ang form na ito don ko palang i-send ang template. Maraming salamat!

26/09/2025

Kung nabasa niyo ang Istorya 1, maiintindihan niyo na ito ay continuation. 😂

Ang interesting na parte dito ay natanggap ko ang unang sahod ko. At take note, hindi ko pa alam ang PayPal noon! Kaya naging “eng eng” na naman ang lola niyo, 😁. Pero dahil mahilig akong magtanong… at talagang gusto ko malaman hindi ako nahihiyang mag-tanong sa mga taong mas nauna sa industriyang ito, kaya nalaman ko rin ang kalakaran dito.

Oo nga pala, hindi ko ito isinulat para ipagyabang kung paano at gaano ako kagaling, ha! Ito ay istorya na nais kong ibahagi para sa mga aspiring VA—upang makita kung tama ba ang landas na napili nila. Ang lahat ng ito ay ayon sa sarili kong karanasan.

Oo, inaamin ko na napakahirap noong nagsisimula pa lang ako. Ni hindi ko nga alam gumamit ng computer—pati ang simpleng keyboard shortcuts tulad ng copy-paste, hindi ko alam! Napakahirap. Pero alam niyo kung ano ang nag-motivate sa akin? Walang iba kundi ang sarili ko.

Tinuklas ko ang kakayahan ko, ang limitasyon ko, at mas lalo kong nakilala ang sarili ko. Inisip ko kung ano pa ang magagawa ko para magkaroon ng “new version” ng sarili kong pagkatao.

Noong hindi pa uso ang salitang “Virtual Assistant” sa merkado, hindi pa alam ng karamihan na maaari palang magkaroon ng trabaho ang isang Pilipino sa pamamagitan ng pagbibigay ng serbisyo na babayaran ng isang international client. Noon, hindi ganoon karami ang kompetisyon, kaya ikaw mismo ang pipili kung sino ang magiging client mo.

Hanggang dumating ang pandemya ng COVID-19. Dito nagsimula ang work-from-home setup at dito rin nalaman ng karamihan na malaki ang potensyal ng online work. Maraming Pilipino ang nakahanap ng paraan para makapasok sa mundo ng remote jobs. May ilan na mas pinili ang mag-outsource ng mga project sa kapwa VA, may mga nagtayo ng sariling agency para sa mga VA, at may mga nagsimula ring gumawa ng sunod-sunod na courses para ibenta sa mga aspiring VA.

Sa kasamaang-palad, kasabay din nito ang pagdami ng mga walang pusong scammers—mga nang-aalok ng proyektong babayaran daw ng libo-libong dolyar, pero pawang panloloko lamang. So sad, ‘di ba?😔

Ngayon, paano at ano-anong hakbang ang ginawa ko para ipagpatuloy ang ganitong karera—na kung tutuusin ay hindi naman stable at walang benepisyo sa aking pagtanda?

Abangan sa susunod na linggo, to be continued…🥳

Call now to connect with business.

04/09/2025

Paano mo malalaman kung nasa tamang direksyon ka sa pagiging VA mo? Part 1

Tanong ko sa sarili ko ng mag umpisa ako mag Freelance Virtual Assistant.

Ano ba tong "VA" Virtual assistant?
Paano sila nagtatrabaho online?

Paano sila kumikita?

Balikan natin ang istorya ko, kung nabasa niyo na ang na ipost ko na nag-umpisa ako 2017 sa isang FB group na taga sagot lang ng survey at pagkatapos naging community tutor ng Ziktalk sa isang phone apps at naging curios ang lola MJ niyo sa "Virtual Assistant" na ito na laging lumalabas sa newsfeed ko at dahil noon ang ugali ng lola MJ niyo e may pagka chismosa nag+reaserch ako kung paano ang sistema at kalakaran dito.

Hanggang sa nalaman ko na talagang legit! Mayroon talagang nagwowork from home at kumikita bilang Freelance Virtual Assistant.

So heto na nga!

Nagtry akong mag apply sa isang platform na "Freelance" so nag set up ako ng profile dahil kailangan yon mga anak kung wala kang account at hinde ka makapag set up ng profile e di hinde ka makakapag apply sa platform nila😜😁

Hanggang sa nag apply nga ang inay niyo at pinalad na magkaroon ng client sya ang unang naging client ko at ang pinaka trabaho ko lang ay maging appointment setter and researcher na rin niya then minsan nag edit ng photo and video niya.

So eto na ang interesting part! Alam niyo kung ano?

Sa susunod na Linggo ko nalang ikwento para continuation✌️🙃

See you in the next chapter😜😂