11/05/2026
Ang “wages” ay sweldo o kabayaran. Ibig sabihin, ang kasalanan ay may kabayaran. Kahit maliit o malaki ang kasalanan, ang dulo nito ay spiritual death — pagkahiwalay sa Diyos. Hindi lang ito tungkol sa physical death, kundi pagkawala ng tunay na buhay, kapayapaan, at relasyon sa Panginoon.
Pero hindi nagtapos ang verse sa “death.”
May “BUT.”
Iyan ang magandang balita ng Diyos.
Hindi tayo iniligtas dahil mabait tayo o dahil deserve natin. Sabi ng verse, eternal life is a “gift.” Regalo. Hindi pinaghihirapan ang regalo — tinatanggap ito. At ang regalong iyon ay dumating sa pamamagitan ni Jesus Christ.
Hindi kayang bayaran ng mabubuting gawa ang kasalanan.
Si Jesus ang nagbayad ng hindi natin kayang bayaran.
Ang kaligtasan ay biyaya ng Diyos para sa lahat ng mananampalataya.
Maraming tao ang akala nila tapos na ang buhay nila dahil sa past mistakes, addiction, failures, o guilt. Pero itong verse na ito nagsasabi na may bagong buhay kay Cristo. May pag-asa. May kapatawaran. May eternal life.
