08/01/2026
During our one day stay sa ER ng NVPH
Isinugod siya ng madaling araw matapos magtuloy tuloy ang kanyang pagsusuka ng tubig at makaramdam ng pananakit sa kanyang tiyan.
Minabuti nga ng aking hipag na ipunta sa hospital sa pangambang baka ma-dehydrate siya.
Sumunod naman ako sa kanila matapos akong sunduin ng asawa ko sa bahay ng aking mga magulang sa bundok at ihatid sa Bambang.
Maayos na ang kanyang tulog nung datnan ko siya at umuwi na rin sila ate at ang kapitbahay naming naghatid sa kanya sapagkat iniwan niya ang baby niya kay nanay.
Halos 10 hours nga kami nag stay sa ER, inobserbahan siya matapos siyang turukan ng gamot, kinuhanan ng dugo at ihi, at sinabing pakainin ko daw siya kaya bumili ako ng lutong lugaw sa labas at kumain siya. Marami nga palang mga bata din ang naroroon sa ER na inoobserbahan din dahil sa pagsusuka.
Sa hapon ay pinauwi na din kami ng mabait na Doctor dahil hindi na siya nagsuka pa ulit at normal naman daw lahat ang result ng kanyang dugo at ihi.
Mababait din mga staff na nag asikaso sa amin patungkol sa bill namin at Salamat sa Philhealth wala kaming binayaran.
Salamat po sa Dios🙏
Salamat po sa mga taong nagmalasakit sa anak ko habang nasa bundok ako.
