KamFil

25/10/2025

Relate ka ba dito?

01/09/2025

“Kapag kulay-abo ang langit, sa pag-asa kakapit.”

Saan ba sila nagsimula? Sa simpleng tanong na, “Paano ba ito? Anong gagawin natin?”

At sama-sama silang humakbang, nilandas ang linya ng pagka-Pilipino. Ito ay hindi lamang tungkulin kundi pagmamahal sa tunay na tatak ng ating lahi. Ang Kapisanan ng mga Mag-aaral sa Filipino (KAMFIL) ay naging bigkis ng pagsusulong upang mabuo ang tula ng tagumpay, ang awit ng pagsisikap, at ang liriko ng sama-samang pag-unlad katuwang ang ating mahal na paaralan, Quezonian Educational College Inc.

At ngayon, napunit na ang tabing at naganap ang pinaka-mainam na ubod ng kaligayahan — sila, mga opisyal ng KAMFIL, ay nagtapos na. Nawa’y maging liwanag sila na tatanglaw sa iba upang ang KAMFIL ay magpatuloy pa.

Pasasalamat sa mga alaalang nabuo sa lilim ng KAMFIL — ang pagkakaisa, pagmamahal sa adbokasiya, at pagkakaroon ng iisang puso ay patuloy na magpapatibay sa KAMFIL noon, ngayon, at sa darating pang mga henerasyon.

Ang bawat isa sa inyo ay salamin ng sipag at inspirasyon. Hangad ng ating kapisanan, na sa bawat landas na inyong pipiliing tahakin ay tagumpay ang inyong marating.

Muli, isang maalab na pagbati sa inyong pagtatapos!

07/03/2025

06/03/2025

Matagumpay na nagtapos ang Henna at Dating Booth sa Ikatlong Araw ng QECI 40th founding Anniversary!

Hanggang sa huling Araw ay Pinilahan at tinangkilik ang malikhaing serbisyo na ibinibigay ng Dating at Henna Booth sa ilalim ng Departmento ng Filipino at Kapisanan ng mga Mag-aaral sa Filipino ( KamFil ).

Pasasalamat ang inihahandog ng Pangulo ng Kamfil G. John Kevin Hernandez sa mga sumuporta at tumangkilik ng masining at masayang serbisyo ng Henna at Dating Booth. Gayundin sa mga bumubuo ng KamFil at Departamento ng Filipino na sumuporta sa gawain.

Pasasalamat din ang kanyang ipinararating sa BSED FILIPINO IIA na namahala at nagpasinaya ng Dalawang Booth. Gayundin sa QECI Atimonan sa pamumuno ni Ma'am Menchie Aragon na sumuporta sa adhikaing ipagdiwang ang ika-40th taon na pagkakatatag ng minamahal na Institusyon.

Huli ay pagpupuri sa Panginoon na gumabay saamin upang maging matagumpay ang Henna at Dating Booth Hanggang sa huling Araw nito.

05/03/2025

DAY 2:

“Marso 5, 2025 – Ikalawang araw na ng pagbubukas ng aming Dating Booth at Henna Booth! Halina’t isama ang iyong kasintahan, kaibigan, o kaklase upang tikman ang aming inihandang pagkain—abot-kaya sa halaga ngunit hitik sa sarap. Samantala, hayaang ang sining ng henna ay maging bakas ng isang di-malilimutang alaala.

Dito, hindi lamang sikmura ang mabubusog kundi pati puso’y mapupuno ng kilig at ligaya. Huwag palampasin ang pagkakataon—kitakits!”

04/03/2025

✨ Tara na sa Henna Booth! ✨

Piliin ang disenyo na babagay sa’yo at hayaang gumuhit ang sining sa iyong balat. Maging unique, expressive, at stylish gamit ang henna art! Huwag palampasin ang chance na magkaroon ng temporary pero artistikong tattoo.

📍 Quezonian Educational College, Old Building, Room 205
🖌 Bisitahin kami ngayon at magpa-henna na!

04/03/2025

🔸 Opisyal na Pagbubukas! 🔸

Pinasinayaan ng KAMFIL at ng Departamento ng Filipino ang Henna Booth at Dating Booth! Tara na at makisaya sa araw ng sining at kilig!