07/07/2026
Ang wastong pamumuhay
Tito 2: 1-14
¹Kaya naman ituro mo ang mga bagay na angkop sa wastong aral ²Sabihin mo sa mga nakakatandang lalaki na sila'y maging mapagpigil sa sarili marangal, makatuwiran, at matatag sa pananampalataya,sa pag ibig at pagtitiis
sabihin mo sa mga nakakatandang babae na sila'y mamuhay nang may kabanalan, huwag maninirang puri at huwag malulong sa alak, kundi magturo ng mabuti upang maakay nila ang mga kabataang babae na mahalin ang kanilang mga asawa, at mga anak Ang kabataang ito'y kailangan ding turuan na maging makatuwiran,malinis ang isipan, masipag sa gawaing bahay mabait at masunurin sa kanilang asawa upang walang masabi ang sinuman laban sa salita ng Diyos nang dahil sa kanila
Turuan mo rin ang mga kabataang lalaki na maging mapagpigil sa sarili sa lahat ng paraan, maging halimbawa ka mabuting ugali at maging tapat ka at kagalang galang sa iyong pagtuturo nararapat na pananalita ang lagi mong gamitin upang hindi mapintasan ninuman ang mga sinsabi mo. Sa gayon mapapahiya ang ating mga kalaban sapagkat wala silang masasabing masama laban sa atin Turuan mo ang mga alipin na maging masunurin at kalugod-lugod sa kanilang mga amo. Hindi nila dapat sagut-sagutin ang mga ito ni kupitan man Dapat silang maging tapat sa lahat ng pagkakataon,upang maipakita nila sa lahat nilang ginagawa ang kagandahang -loob ng Diyos na ating Tagapagligtas Sapagkat nahayag na ang kagandahang loob ng Diyos na nagdudulot ng kaligtasan sa lahat ng tao ito ang nagtuturo sa atin na talikuran ang makamundong pamumuhay at damdaming makalaman, at mamuhay tayo sa daigdig na ito nang may pagpipigil sa sarili, matuwid at karapat-dapat sa Diyos habang hinihintay natin ang pinagpapalang araw na ating inaasahan Ito ang araw na mahahayag ang kaluwalhatian ng ating dakilang Diyos at tagapagligtas na si Jesu-cristo na naghandog ng kanyang sarili upang palayain tayo sa lahat ng kasamaan at linisin tayo upang maging kanyang sariling bayan na masigasig sa paggawa ng mabuti,,
