Radyo Negrense

13/05/2026

13/05/2026

𝗣𝗜𝗔 𝗛𝗢𝗨𝗥. Ang National Anti-Poverty Commission (NAPC) ang nagaserbe bilang ahensiya nga nagapahituhog kag nagapanugda para sa pagpatuman sang Social Reform Agenda kag Magna Carta of the Poor.

Sini lang, nagkadto ang NAPC sa probinsiya para maghiwat sang orientation-seminar kag formulation workshop para palambuon sa tagsa ka Local Government Unit (LGU) ang Magna Carta of the Poor–Local Poverty Reduction Action Plan (MCP-LPRAP).

Ini nga inisyatiba nagasuporta sa padayon nga paninguha sang administrasyon ni Presidente Ferdinand Marcos Jr. nga mapanubo sa isa ka numero ang porsiento sang poverty incidence pag-abot sang tuig 2028 paagi sa mas ginpabakod nga pagplano kag inklusibo nga mga programa batuk sa kapigaduhon.

Para sa mga detalye tuhoy sa MCP-LPRAP, kita mamati sa pinakabag-o nga episode sang PIA HOUR subong, Mayo 13, kaupod si Nelson Tupas, direktor sang Local Affairs Coordinating and Monitoring Service (LACMS) sang NAPC.

Bantayan ang PIA HOUR sa kahanginan kag Facebook live stream halin alas-3 tubtob alas-4 sa hapon sa RADYO NEGRENSE 100.3 MHZ FM.

Ang PIA HOUR isa ka programa sa radyo sang Philippine Information Agency (PIA) Negros Occidental nga tuyo ipalapnag kag ipaalinton sa publiko ang mga programa, serbisyo kag polisiya sang gobyerno.

Para man sa iban pa nga mga mapinuslanon nga impormasyon, bisitaha ang official website sang Philippine Information Agency (PIA) sa www.pia.gov.ph.

12/05/2026