01/07/2025
Negros Power Nagnubo ang kaso sang System Loss bangud sa Mabaskog nga Kampanya Kontra Pangawat Kuryente
Bacolod City- Nagnubo ang system loss sang Negros Power pinaagi sa ila aktibo nga kampanya batok sa pagpangawat sang kuryente kag teknikal nga mga pagpa-ayo — halin sa 11.84% sang Agosto 2024 nagnubo ini sa 8.03% sa Mayo 2025.
Bangud sa pagnubo sini, nalab-ot sang kompanya ang manubo pa sa interim cap sang Energy Regulatory Commission (ERC) nga 8.25%, nga nagapakita sang improvement sa kuryente kag energy losses.
Halin Nobyembre 2024 tubtob Hunyo 25, 2025, nadiskubre sang kompanya ang 789 ka illegal connections kag 1,156 ka unauthorized load-side connections pinaagi sa 1,704 ka enforcement operations, kag nalab-ot ang 96% sang inspection target.
“This is more than enforcement,” siling ni Engr. Edwin Montemayor, System Loss Reduction Consultant. “It’s about ensuring every household enjoys fair, stable, and safe electricity.”
Lakip sa kampanya ang pagdeploy sang 153 ka check meters kag padayon nga monitoring sa mga strategic nga barangay para madali madetect ang mga anomalya.
Nagapadayon man ang legal nga aksyon, kag may duha na ka kaso nga ginpasaka batok sa mga violator.
Bilang kabahin sang ila System Loss Reduction Program (SLRP), gin islan man sang Negros Power ang 13,308 ka daan nga metro sang mga konsumidor agud mapamoderno ang metering system.
“Our strategy is clear: clean up the grid, modernize our systems, and uphold accountability,” pahayag ni Roel Z. Castro, President me sang Negros Power. “These numbers show real impact—and this is just the beginning.”
Nagpanawagan man si Castro sa publiko nga magbulig sa pagreport sa ila sang mga illegal connections.
“Progress happens when the community works with us. Report anomalies. Be vigilant. Help us build a transparent, reliable power network for all.”
Ginapasiguro sang Negros Power sa publiko nga magapadayon ang anti-pilferage campaign, mga infrastructure upgrades, kag public engagement efforts — nga may tuyo nga mabalik ang integridad, pagsalig, kag episyente nga serbisyo sang kuryente sa Central Negros.
