iFM Bacolod 943

22/07/2025

LIVE NA SA YOUTUBE! RMN Network News | 5:30 PM | JULY 22, 2025

Panoorin ang buong newscast LIVE: https://www.youtube.com/live/WrEv-wSNe8s?si=QemXqJKWUdTEXb55

Manatiling updated sa mga maiinit at napapanahong balita kasama kasama ang ating mga , sina Elmar Acol at Jenny Pahilanga

I-like, i-share, at mag-subscribe para sa tuloy-tuloy na balita at serbisyo publiko.

| JULY 22, 2025 | 5:30PM 🔴 MANATILING MAPANURI SA PINAKAMAINIT NA BALITAKasama ang ating mga , sina Elmar Acol at Jenn...

22/07/2025

INTERNATIONAL | LALAKI, PATAY MATAPOS MASUYOP SANG MRI MACHINE SA NEW YORK

Patay ang isa ka lalaki matapos ini masuyop sang magnetic resonance imaging (MRI) machine sa isa ka pasilidad medikal sa New York.

Ang biktima ginkilala kay Keith McAllister, 61 anyos, nga nakaangkon sang seryoso nga pilas matapos siya magpalapit sa aktibo nga MRI machine samtang upod ang iya asawa sa scheduled nga scan sang Hulyo 16 sa Nassau Open MRI.

Suno sa Nassau County Police Department, si McAllister nagasuksok sang dako nga weight-training chain – nga ginakabig may metal – sa iya liog sang natabo ang insidente. Tungod sang mabaskog nga magnetic force sang makina, nasuyop ang metal chain nga iya nasuok, kaupod si McAllister mismo.

Sa isa ka interview, ginpahayag ni Adrienne Jones-McAllister, asawa sang biktima, nga nasaksihan niya kung paano ginsuyop sang makina ang iya bana. Sa pagdumdom sang insidente, ginsiling ni Jones-McAllister nga nagpangabay sia sa isa ka technician nga tawgon ang iya bana agud buligan sia nga makabangon pagtapos sang MRI sa iya tuhod. Suno sa iya, gindala sang technician ang biktima bisan pa nagasuksok ini sang 20-lb nga chain. Sang malapit na ang biktima, ginbutong ini sang MRI machine.

Ginpabutyag man ni Jones-McAllister nga indi ini una nga beses nga ginsuok sang biktima ang nasambit nga chain sa Nassau Open MRI. Dugang pa niya nga “nag-wave goodbye” pa ang biktima antes magluya ang iya lawas, kag gin-atake pa ini sa tagipusuon pagkatapos sang natabo.

Siling niya, ginhimo niya kag sang teknisyan ang ila masarangan agud makuha ang iya bana.

Gindeklarar nga patay si McAllister sang Hulyo 19.

Sa pihak nga bahin, suno sa mga pulis, indi awtorisado, ukon wala sang awtorisasyon ang biktima nga magsulod sa nasambit nga kwarto. Padayon man ang ila nga imbestigasyon sa natabo.

Hasta subong wala pa sang ginpaggwa nga pahayag ang Nassau Open MRI nahanungod sa insidente.

By: Aguilar, Pauline | WVSU-COC Intern

22/07/2025

NATIONAL | RADIO PROGRAM HOST GINLUTHANG PATAY SA CIUDAD SANG SURIGAO DEL SUR

Ginluthang ang isa ka kilala nga radio program host kag station manager sang Radyo Gugma nga si Erwin “Boy Pana” Segovia sang Lunes sang aga Hulyo 21 samtang nagamaneho sang iya motorsiklo sa Barangay Mangagoy sa Bislig City, Surigao del Sur.

Si Segovia, isa ka host sa radyo para sa "Diretsahan ni Boy Pana Segovia", isa ka programa sa aga nga ginapasalida sa estasyon sang radyo 95.8 DXCB FM kada weekdays, nagasakay sa iya motorsiklo pagkatapos sang iya programa sang Lunes sang gintiro siya sa ulo sang wala pa mahibaluan nga mga suspek.

Ang anay alkalde sang banwa sang Cantilan nga si Carla Lopez Pichay, nga nagpadalagan kag naperdi sa kongreso kay anay gobernador Alexander “Ayec” Pimentel sa ikaduha nga distrito sang Surigao del Sur, nagtanyag sang P1 million reward sa makahatag sang impormasyon nga magadul-ong sa pagdakop sa mga nagpatay kay Segovia.

Ini nga paghulag bangod nga si Segovia nagserbe nga radio block time host agud mapasanyog ang kandidatura ni Pichay sa tion sang mid-term election campaign sini nga tuig.

Ginhangkat man ni Pichay ang mga nagapungko nga opisyal sang probinsya, sanday Ayec Pimentel, 1st District Rep. Romeo Momo, kag Governor Johnny Pimentel, nga pamatud-an ang ila pangako sa hustisya kag siguraduhon ang madasig nga pagdakop sa mga nagpatay kay Segovia. Nagpanawagan man siya sa Diocese sang Tandag nga magbuylog sa iya mga panawagan nga hatagan sang hustisya ang tanan nga ginpatay bangod sa politika.

Kilala si Segovia sa iya hard-hitting nga mga komentaryo, apang sang Lunes sang aga, antes siya ginpatay, nagaistorya lamang siya parte sa patronal fiesta sang Mangagoy kag wala may nasambit nga pulitika sa iya programa sa radyo.

Ginpahayag sang Bislig City police nga padayon pa ang ila imbestigasyon sa motibo sang pagpatay.

By: Claridad, Ariane Gale | WVSU-COC Intern
*Photo screen grab from 98.1 Barangay Radio | Facebook

22/07/2025

Bilang pagtuman sa Memorandum Circular No. 90 sang Malacañang, gin-anunsyo ni Bacolod City Mayor Greg Gasataya nga wala man sang klase kag government work sa ciudad bwas, July 23, Miyerkules.

Magluwas sa Bacolod kag bilog nga Negros Occidental, suspendido man ang klase kag trabaho sa gobyerno sa mga masunod nga lugar:

Pangasinan, Zambales, Tarlac, Bataan, Pampanga, Bulacan, Cavite, Batangas, Rizal, Occidental Mindoro, Ilocos Norte, Ilocos Sur, La Union, Quezon, Oriental Mindoro, Marinduque, Romblon, Masbate, Sorsogon, Albay, Camarines Sur, Catanduanes, Palawan, Antique, Aklan, Capiz, Iloilo, Guimaras, Abra, Mountain Province, Ifugao, Benguet, Nueva Vizcaya, Nueva Ecija, Laguna

22/07/2025

WEATHER UPDATE: Las 2 sini nga hapon, Hulyo 22, nangin isa na ka bagyo ang low pressure area sa eastern portion sang Aurora.

Ini ang ginpangalanan nga Bagyo “Dante” nga may tropical depression category.

Magapaguwa sang bulletin sang PAGASA angut sa bagyo umpisa las 5 sang hapon.

22/07/2025

WALA KLASE KAG TRABAHO SA GOBYERNO LAKIP NA SA NEGROS OCCIDENTAL

Gindeklarar sang Malacañang nga wala sang klase kag trabaho sa gobyerno bwas nga adlaw, Miyerkules, Hulyo 23.

Ini bangud sa malain nga panahon dala sang Habagat.

Sandig sa Memorandum Circular No. 90 nga pirmado ni Executive Secretary Lucas Bersamin, lakip sa mga lugar nga suspendido ang klase kag government work ang mga masunod:

Pangasinan, Zambales, Tarlac, Bataan, Pampanga, Bulacan, Cavite, Batangas, Rizal, Occidental Mindoro, Ilocos Norte, Ilocos Sur, La Union, Quezon, Oriental Mindoro, Marinduque, Romblon, Masbate, Sorsogon, Albay, Camarines Sur, Catanduanes, Palawan, Antique, Aklan, Capiz, Iloilo, Guimaras, Abra, Mountain Province, Ifugao, Benguet, Nueva Vizcaya, Nueva Ecija, Laguna kag Negros Occidental.

Magadepende na sa mga private companies ang pagdeklarar sang work suspension.

Ang iban nga mga local government units nga wala madala sa suspension ang sarang nga makapatuman sang localized cancellation or suspension of classes and/or work sa mga opisina sang gobyerno.

Full copy of the Memorandum Circular in the comment section.

22/07/2025

JUST IN: Malacañang on Tuesday (July 22, 2025) issues Memorandum Circular (MC) 90, suspending work in government offices and classes at all levels in Metro Manila and 36 other areas on Wednesday (July 23) due to the continuous heavy rainfall brought about by the southwest monsoon (habagat).

Executive Secretary Lucas Bersamin confirms to Palace reporters the issuance of MC 90.

According to MC 90, other areas where government work and classes are suspended on Wednesday include Pangasinan, Zambales, Tarlac, Bataan, Pampanga, Bulacan, Cavite, Batangas, Rizal, Occidental Mindoro, Ilocos Norte, Ilocos Sur, La Union, Quezon, Oriental Mindoro, Marinduque, Romblon, Masbate, Sorsogon, Albay, Camarines Sur, Catanduanes, Palawan, Antique, Aklan, Capiz, Iloilo, Guimaras, Abra, Mountain Province, Ifugao, Benguet, Nueva Vizcaya, Nueva Ecija, Laguna and Negros Occidental.

22/07/2025

LALAKE NGA NAGAPANGAYO-KAYO GINBUNO PATAY SA CIUDAD SANG SAN CARLOS

Patay ang isa ka lalake nga nagapangayo-kayo matapos nga ginbuno sang service crew sa isa ka bar sa Barangay 5, ciudad sang San Carlos, las 4:37 sang kaagahon, Hulyo 21.

Ginkilala ang biktima kay alyas Eurick, 29 anyos, residente sang Barangay 6, sa amo man nga ciudad.

Sandig sa report sang San Carlos City Police, nakabaton sang tawag ang kapulisan tuhoy sa natabo nga pagpangbuno.

Sa ila nga pag-abot sa crime scene, nagakulob na ang biktima kag duguon.

Sandig sa pagpang-usisa, nagpadulong sa bar ang biktima agud kuntani nga sang kwarta apang ginsaway ini sang service crew sang amo nga bar.

Didto na kag nagluntad ang pagbinaisay sa tunga sa duha kag hinali nga ginbuno sang suspek ang biktima sang makatatlo kabeses sa tiyan.

Gindala pa ang biktima sa ospital apang ginbawian man ini sang kabuhi.

22/07/2025

ROUTE PLAN SANG IPM SA PAGPANGKOLEKTA SANG BASURA GINAHINGYO NI MAYOR GASATAYA

Ginhingyo ni Bacolod City Mayor Greg Gatasaya ang IPM Construction and Development Corp. nga magpasa sang daily route plan sa pagpangkolekta sang basura sa mga kabarangayan sa ciudad.

Suno kay Gasataya, ang nasambit nga route plan ang mangin schedule sang 61 ka mga barangay sa ciudad kon san-o ang mga ini mapagwa sang ila mga basura para sa koleksyon.

Ginhatagan naman sang direktiba sang alkalde ang IPM nga istrikto nga sundon ang ila nga schedule kag kolektahon ang mga basura on time, ilabi na sa downtown area agud nga malikawan ini nga maglapta kag maglab-ot sa mga kanal kag drainage sang ciudad.

Madumduman nga sang una nga semana sang Hulyo, ginbaha ang pila ka porsyon sang ciudad sang Bacolod bangud sa ginapahayag pag-clog sang mga waterways kag drainage sa ciudad tuga sang basura.

Nagdihon na sang declogging ang city government apang ginatudlo man sini ang wala sa oras nga pagpangkolekta sang basura sang IPM bilang rason sang paglapta sang basura.

Pahayag ni Gasataya, makaduha na ini nga nakigsapul sa IPM kag ginpasiguro ini sang contractor nga ma-comply ang mga ini sa ila mga obligasyon kag mando sang ciudad.

Una na nga nagpahayag si Gasataya nga madamo siya reklamo nga nabaton nahanungod sa garbage collection sang IPM kag iya ginhangkat ang hauler sang "shape up or ship out".

Sa December 31 sini nga tuig, matapos na ang 303 Million Pesos nga kontrata sang IPM sa pagpangolekta sang basura.

22/07/2025

Dakup gid si iDOL Jolina Blanco sang Barangay Mandalagan nga nagapamati sa 94.3 iFM!

Siya ang aton nga gin-TOKTOK kag instant nagdaug sang LECHON MANOK kag may softdrinks pa!

Pamati lang adlaw-adlaw sa 94.3 iFM Bacolod kay basi ikaw na ang masunod nga winner sa TOKTOK! Lechon Manok Promo!

22/07/2025

KAPULISAN SA NIR NAGPAIDALUM SA SURPRISE RANDOM DRUG TEST

Ginpaidalum sa suprise random drug test ang mga katapo sang Police Regional Office-Negros Island Region bilang kabahin sang internal cleansing program sang Philippine National Police sa pagpabilin nga drug-free sa ila nga hanay.

Ginpatigayon ang surprise random drug test kahapon, Hulyo 21, sang Camp Alfredo Montelibano Sr., sa ciudad sang Bacolod kon sa diin temporaryo nga naga-opisina ang PRO-NIR.

Kalakip sa mga ginpaidalum sa drug test amo ang Command Group nga ginabug-usan sang regional director kag mga staff officers.

Ang sin-o man nga pulis nga magpositibo sa amo nga test ang gilayon nga kakason sa iya nga pwesto kag imbestigaran.

May patigayonon naman nga confirmatory test sa pareho nga urine sample nga gingamit kag kon liwat ini nga mag-positibo ang resulta, iga-dismiss sa serbisyo ang amo nga pulis.

Sandig sa statement sang PRO-NIR, ang amo nga aktibidad ang ginadihon bilang pagsunod sa istrikto nga pagpabilin sang highest standard of professionalis sa ila nga hanay.

22/07/2025

LOOK: Mga banyo sa Bacolod City Government Center ginpaidalum sa renovation.

Suno kay Mayor Greg Gasataya, wala sang gasto diri ang local government.

Ang renovation gindihon sang asawa sang alkalde nga si Maih Gasataya, Councilor Al Espino kag iban nga mga pribado nga indibidwal.

*Photos from Greg Gasataya/Facebook