Aksyon Radyo Bacolod

Aksyon Radyo Bacolod Media THIS IS THE OFFICIAL FAN PAGE OF DYEZ AKSYON RADYO-BACOLOD.
(1527)

MAMBULOC CREEK KAG BANAGO PORT KALAKIP SA GINBISITAHAN NI PBBM By:Aksyon Radyo Bacolod News Desk l Disyembre 12, 2025Gin...
12/12/2025

MAMBULOC CREEK KAG BANAGO PORT KALAKIP SA GINBISITAHAN NI PBBM
By:Aksyon Radyo Bacolod News Desk l Disyembre 12, 2025

Ginbisitahan ni Presidente Ferdinand Marcos Jr. ang Mambuloc Creek sa Barangay 2, syudad sang Bacolod subong nga adlaw, Desyembre 12,2025.

Kaupod sang presidente si DPWH Secretary Vince Dizon sa pag -check sa sitwasyon sa Mambuloc creek nga isa sa gintutukan sang Bacolod City LGU kag amo man nga lugar kon diin gin lunsar ang Oplan Kontra Baha nga programa.

Sa mensahe, ginpahayag ni Dizon nga magapadayon pa ang kampanya sang presidente kontra basura.

Kalakip sa ginbisitahan man sang duha ang Banago Port sa diin, ginpangunahan sang presidente ang bag o gin rehabilitate nga pwerto.

PAGTINLO SA MGA WATERWAYS MAY TUBTUB 60% NGA MAKAPAHAGAN HAGAN SANG BAHA SA PILIPINAS- PBBMBy:Aksyon Radyo Bacolod News ...
12/12/2025

PAGTINLO SA MGA WATERWAYS MAY TUBTUB 60% NGA MAKAPAHAGAN HAGAN SANG BAHA SA PILIPINAS- PBBM
By:Aksyon Radyo Bacolod News Desk l Disyembre 12, 2025

Ginpahayag ni Presidente Ferdinand Marcos Jr. ipadayon sang iya administrasyon ang programa angot sa pagpaninlo sa mga sapa, creek kag mga kanal agod mapahagan hagan ang basura nga ginahalinan sang baha sa madamo nga lugar sa pungsod.

Sa interview sang media, ginpahayag sang presidente nga naggwa sa pagtuon sang mga siyentipiko nga ang pagpaninlo sang mga basura sa mga waterways ang may 50 tubtub 60 porsiyento nga bulig agod mapahagan hagan ang baha.

Suno sa presidente nga importante nga mapadayon ang programa para masolusyunan ang mga pagbaha sa nagkalain lain nga lugar sa pungsod.

Palayag pa sang presidente nga ini man ang rason kon nga a ginadala sini sa nagkalain lain nga lugar sa pungsod agod magsangkad ang magapatuman sang programa nga mabulig kontra baha.

INAGURASYON SANG BANAGO PORT GINPANGUNAHAN NI PBBM By:Aksyon Radyo Bacolod News Desk l Disyembre 12, 2025Ginpangunahan n...
12/12/2025

INAGURASYON SANG BANAGO PORT GINPANGUNAHAN NI PBBM
By:Aksyon Radyo Bacolod News Desk l Disyembre 12, 2025

Ginpangunahan ni Presidente Ferdinand Marcos Jr. ang inagurasyon sa bag o gin -rehabilitate nga Banago Port kadungan sang iya pagbisita sa syudad sang Bacolod subong nga adlaw, Desyembre 12.

Sa interview sang media, ginpahayag sang presidente nga dako ang mabulig sini para mas magsangkad ang akomodasyon sang pwerto.

Suno sa presidente, kon sadto 50 lamang ka pasahero ang maakumodar, ginhimo na ini nga 500 subong man mas mapahapos ang pagkuha sang ticket kag iban pa nga proseso kon magtabok ukon pasulod sa pantalan.

Sa statement naman ni Philippine Ports Authority (PPA) General Manager Jay Santiago, ang rehabilitasyon indi lamang panibag o nga nalambot sang Banago Port kundi ang commitment nga makahatag sang world class nga serbisyo para sa mga Negrosanon.

Sa datos, ang Banago Port may kalaparon nga 11,334.75 metriko kwadrado kag may pondo nga kapin P560 milyones pesos.*

BILOG NGA KAPULISAN SA SIUDAD SANG SAN CARLOS GINPAIDALOM SA SURPRISE DRUG TESTBy: Aksyon Radyo Bacolod News Desk | Dece...
12/12/2025

BILOG NGA KAPULISAN SA SIUDAD SANG SAN CARLOS GINPAIDALOM SA SURPRISE DRUG TEST

By: Aksyon Radyo Bacolod News Desk | December 12, 2025

Ginpaidalom sa surprise drug test ang bilog nga pwersa sang San Carlos Component City Police Station Huwebes sang aga, Disyembre 11, 2025.

Suno kay San Carlos City Police Station Chief PLt. Col. Nazir Canja, ini nga aktibidad ang tuigan nila nga ginahimo.

Tuyo sini agud mapasiguro nga hilway sa illegal nga droga kag illegal nga bulohaton ang miembro sang kapulisan kag mapabilin ang ila integridad sa pag-serbisyo.

Hungod wala gin-mensyonar ni Canja kun pila ka mga personnel ang ginpaidalom sa surprise drug test para man sa seguridad sang estasyon apang tanan nga kapulisan kag kag non-uniformed personnel (NUP) ang ginpaidalom sa drug test.

Nakaligad nga tuig nagpatigayon man sang surprise drug test ang kapulisan kag lunsay mga negatibo sa iligal nga droga.

12/12/2025

WATCH: Pahayag ni Presidente Bongbong Marcos sa pagmonitor sang nagapadayon nga implementation sang Oplan Kontra Baha: Bacolod City Waterways Clearing and Cleaning Operations sa Mambuloc Creek sa Bacolod City on ,Biyernes, Disyembre 12, 2025.

Si PBBM ang gin-updan nanday DPWH Sec. Vince Dizon, Bacolod City Lone District Rep. Albee Benitez, kag Mayor Greg Gasataya.

LOOK: Opisyal na nga gin-inagurahan ni Presidente Ferdinand Marcos Jr. ang bag-o na -rehabilitate nga Banago Port sa syu...
12/12/2025

LOOK: Opisyal na nga gin-inagurahan ni Presidente Ferdinand Marcos Jr. ang bag-o na -rehabilitate nga Banago Port sa syudad sang Bacolod, Disyembre 12 nga may kabug-usan nga kalaparon nga 11,334.75 square meters.

LOOK!Presidente Ferdinand Marcos Jr. gin pangunahan ang opisyal nga Inagurasyon sang gin rehabilitate nga Banago Port sa...
12/12/2025

LOOK!

Presidente Ferdinand Marcos Jr. gin pangunahan ang opisyal nga Inagurasyon sang gin rehabilitate nga Banago Port sa Barangay Banago syudad sang Bacolod karon nga adlaw Biyernes Disyembre 12, 2025. Ang gin pakay-o nga lugar ang may kalaparon nga 11,334.75 square meters.

Photos and Videos
Via PIA Western Visayas

12/12/2025

This is my Life with Anchorwoman Tita Wilma Sugaton

No Copyright Infringement Intended

DISCLAIMER: Bukas ang Aksyon Radyo Bacolod sa nagkalain lain nga opinyon, talakayan kag komentaryo nga ginapalab-ot sa page apang may diretso ang tagdumalahan nga panason ang mga komento nga nagapalapta sang kaakig, kalakasan, diskriminasyon kag nagalapas sa community guidelines sang facebook.

12/12/2025

WATCH!
Presidente Ferdinand Marcos Jr. kaupod ni
DPWH Secretary Vince Dizon ginbisitahan ang Mambuloc creek sa Barangay 2, syudad sang Bacolod subong nga adlaw.

Sa malip-ot nga mensahe, ginpahayag ni Dizon nga nagapadayon ang programa sang presidente kontra baha.

Sa nahibaluan, ang Mambuloc creek isa sa gintutukan sang Bacolod LGU kag nangin highlight man sa launching sang Oplan Kontra Baha sang syudad.*

12/12/2025

Aksyon Balita Banat Bulig with Anchorman Rex Cantong

No Copyright Infringement Intended

HEADLINES:
• DRRMO MOISES PADILLA NAG CONFIRM LAWAS SANG BABAYE NGA TAGA CANLAON CITY BIKTIMA SANG BAGYO TINO GINDALA NA SANG PAMILYA PAULI.
• NAKA-AGI PRISO SA PAGBALIGYA SANG DRUGA LIWAT BALIK SA PRISOHAN MATAPOS MADAKPAN NAMAN SA BUYBUST OPERATION SANG CDEU SA BARANGAY 2
• BILOG NGA KAPULISAN SA SIUDAD SANG SAN CARLOS GINPAIDALOM SA SURPRISE DRUG TEST

DISCLAIMER: Bukas ang Aksyon Radyo Bacolod sa nagkalain lain nga opinyon, talakayan kag komentaryo nga ginapalab-ot sa page apang may diretso ang tagdumalahan nga panason ang mga komento nga nagapalapta sang kaakig, kalakasan, diskriminasyon kag nagalapas sa community guidelines sang facebook.

Sitwasyon sa Mambuloc Creek antes ang pag abot ni Presidente Ferdinand Marcos.
12/12/2025

Sitwasyon sa Mambuloc Creek antes ang pag abot ni Presidente Ferdinand Marcos.

12/12/2025

Aksyon Balita Banat Bulig with Anchorman Rex Cantong

No Copyright Infringement Intended

DISCLAIMER: Bukas ang Aksyon Radyo Bacolod sa nagkalain lain nga opinyon, talakayan kag komentaryo nga ginapalab-ot sa page apang may diretso ang tagdumalahan nga panason ang mga komento nga nagapalapta sang kaakig, kalakasan, diskriminasyon kag nagalapas sa community guidelines sang facebook.

Address

4th Floor Wilrose Bldg. Burgos-Locsin Sts. Barangay 9
Bacolod City
6100

Opening Hours

Monday 4am - 11pm
Tuesday 4am - 11pm
Wednesday 4am - 11pm
Thursday 4am - 11pm
Friday 4am - 11pm
Saturday 4am - 11pm
Sunday 4am - 11pm

Telephone

+63344343861

Website

Alerts

Be the first to know and let us send you an email when Aksyon Radyo Bacolod posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Aksyon Radyo Bacolod:

Shortcuts

Share

Category

Our Story

The Aksyon Radyo Bacolod Vision

Aksyon Radyo Bacolod dream to inform, educate, entertain and influence Filipino citizen through news stories making Askyon Radyo Bacolod as the primary source of factual and reliable information of public interest and of public importance.

Tagline: Una sa Balita, Una sa Aksyon