Daily News Central

Daily News Central Daily News Central is the flagship news and public affairs program of Mediabox Network, based in Bacolod City. Grow your brand where it matters most.

Advertise with Daily News Central and connect with a wider, engaged audience through credible news.

BACOLOD CITY, HANDA NA SA LOKAL NGA 911 EMERGENCY RESPONSE SYSTEM; FINAL CLEARANCE HALIN SA DILG, GINAHULAT NA LAMANGGin...
30/05/2026

BACOLOD CITY, HANDA NA SA LOKAL NGA 911 EMERGENCY RESPONSE SYSTEM; FINAL CLEARANCE HALIN SA DILG, GINAHULAT NA LAMANG

Ginpahayag ni Bacolod City Police Office (BCPO) City Director Euegen Rebadomia nga naka-handa na ang siyudad sang Bacolod sa mas mapadasig pa ang pagresponde sa mga krimen kag emerhensya sa siyudad.

Samtang, nagapati man si Bacolod Mayor Gasataya nga handa na ang Bacolod City para sa localized implementation sang Unified 911 Emergency Response System.

Sa karon, ginahulat na lamang sang suyudad ang final clearance kag certification halin sa Department of the Interior and Local Government (DILG) agud pormal na ini nga implementar.

Gindugang pa sang alkalde, tapos na ang tanan nga kinahanglanon nga preparasyon sang siyudad. Lakip na diri ang personnel training, kagamitan sa komunikasyon, IT requirements, pag-install sang software, kag ang pagpahamtang sang operations center.*

via JS/DNC

KASO SANG 17-ANYOS NGA SI FREYA MAE GO, NARESOLBA NA SANG BCPO; ₱200,000 NGA PADYA PARA SA MAKATUDLO SA NAG-HOLDAP SA IS...
30/05/2026

KASO SANG 17-ANYOS NGA SI FREYA MAE GO, NARESOLBA NA SANG BCPO; ₱200,000 NGA PADYA PARA SA MAKATUDLO SA NAG-HOLDAP SA ISA KA DOKTOR SA BACOLOD, GINTANYAG

Pormal na nga gin-anunsyo sang Bacolod City Police Office (BCPO) sa isa ka press conference kaupod si Mayor Greg Gasataya nga naresolba na ang ginatutukan nga kaso sang 17-anyos nga si Freya Mae Go.

Suno kay BCPO Director Police Colonel Eugene Rebadomia, matapos ang binulan nga maid-id nga imbestigasyon kag pagtipon sang mga ebidensya, napasakaan na sang kaso nga r**e kag homicide sang Huwebes, Mayo 28 ang duha ka mga persons of interest.

Sa Madumduman nga nasapwan nga patay ang biktima sang Oktubre 2025 sa Reclamation Area sang Barangay 12.

Samtang, sa amo man nga press conference, gin-anunsyo ni Mayor Gasataya ang dugang nga ₱100,000 nga paya halin sa siyudad, agud idugang sa ₱100,000 nga una na gintanyag sang Philippine National Police.

Ang kabilugan nga ₱200,000 nga padya ang igahatag sa sin-o man nga makahatag sang impormasyon agud matumod kag madakpan ang mga suspek nga nag-holdap sa isa ka doktor sa Barangay 19.

Nagapanawagan ang alkalde sa publiko nga makig-angot gilayon sa otoridad kun may impormasyon natuhoy sa nasambit nga insidente.

Nagpasalig man ini nga suportado sang syudad ang BCPO agud masiguro nga mahatagan sang hustisya ang mga biktima kag magpabilin nga safe ang komunidad.

Sa piyak nga bahin, agud mas mapadasig pa ang pagresponde sa mga krimen kag emerhensya, ginpahayag man sang alkalde nga human na ang mga kinahanglanon para sa Unified 911 Emergency Response System kag ginahulat na lamang ang final clearance halin sa Department of the Interior and Local Government.*

via JS/DNC | BCCO Photos

₱76-M NGA BALOR SANG ILEGAL NGA DROGA, NAKUMPISKAR SANG BCPO HALIN ENERO TUBTOB MAYO 2026Ginpabugal sang Bacolod City Po...
30/05/2026

₱76-M NGA BALOR SANG ILEGAL NGA DROGA, NAKUMPISKAR SANG BCPO HALIN ENERO TUBTOB MAYO 2026

Ginpabugal sang Bacolod City Police Office sa pagpamuno ni Director Police Colonel Eugene Rebadomia ang dako nga kadalag-an sang ila kampanya batok sa ilegal nga droga humalin Enero tubtob Mayo subong nga tuig 2026.

Base sa datos sang BCPO, naglab-ot sa halos ₱76 milyon ang kabilugan nga balor sang nakumpiskar nga 11.17 kilos sang shabu kag 117.53 gramos sang ma*****na.

Nakapatigayon ang BCPO sang 269 ka anti-illegal drug operations nga nagresulta sa pagka-aresto sang 319 ka indibidwal, lakip na ang 235 ka drug pushers, 82 ka drug users, kag duha ka menor de edad.

Samtang, nakapasaka man ang kapulisan sang 451 ka kaso.

Gindugang pa sang BCPO nga dako nga bahin sang nakumpiskar nga ilegal nga droga ang naghalin pa sa ginakabig pinakadako nga buy-bust operation sang Bacolod City, sa diin nakuha ang kapin 6.8 kilos nga shabu sa isa lamang ka operasyon.

Nagpasalig man si Rebadomia nga padayunon nila nga pasangkaron ang operasyon batok sa iligal nga droga kag tanan nga porma sang kriminalidad.

Suno sa iya, indi sila mag-untat tubtob indi mapasabat sa idalum sang layi ang mga nagalapas nga mga persona agud masiguro ang kaluwasan sang siyudad.*

via JS/DNC

30/05/2026

POLICE REPORT. Ginkumpirmar sang station commander sang Police Station 1 nga si PCPT Rhondyl Tapang nga desdido nga magpasaka sang kaso ang doktora nga biktima sa pagpang hold-up sa duha ka mga suspek sa tion nga madakpan na ang mga ini.

30/05/2026

Interview sang Daily News Central sa Communication Officer nga si Elie Bayanin sang Ecouling, official company partner sang Bacolod Chicken Inasal Festival 2026.

Suno sa iya nga kon chicken Inasal ang pagahambalon, lain gid ang sabor sang authentic Bacolod Chicken Inasal.

Lubos man niya nga ginpasalamatan nga nangin parte ini sa selebrasyon.*

DOKTORA NGA BIKTIMA SANG HOLD-UP SA BACOLOD, DESIDIDO MAGPASAKA SANG KASO BATOK SA MGA SUSPEKDesidido nga magpasaka sang...
30/05/2026

DOKTORA NGA BIKTIMA SANG HOLD-UP SA BACOLOD, DESIDIDO MAGPASAKA SANG KASO BATOK SA MGA SUSPEK

Desidido nga magpasaka sang kaso ang isa ka doktora nga biktima sang hold-up sa Barangay 19, Bacolod City batok sa mga suspek sa tion nga matumod kag madakpan ini sang kapulisan.

Ini ang ginpahayag ni Police Major Rondyl Tapang, hepe sang Police Station 1, sa interview sang Daily News Central, nga nagsiling man nga may duha na ka person of interest ang ila ginasundan may kaangtanan sa insidente.

Suno kay Tapang, nagapadayon ang backtracking operation sang kapulisan batok sa duha ka mga suspek nga sakay sang motorsiklo, pinaagi sa koordinasyon kag kooperasyon sang City Intelligence Unit.

Dako man nga bulig sa padayon nga imbestigasyon ang impormasyon nga nakuha gikan sa biktima, ilabi na ang tracking records sang iya mga cellphone nga mahimo magbulig sa pagtumod sang posible nga identity sang mga suspek.

Padayon naman ang pagkumparar sang impormasyon sa rogues gallery sang kapulisan agud matumod kag mapasakaan sang nagakaigo nga kaso ang mga responsable sa insidente.

Madumduman nga bag-o lang nakapauli halin sa duty sa isa ka ospital sa Bacolod ang biktima nga doktora sang ginhold-up kag gintayaan sang armas sang mga suspek, apang nagdepensa ini kag nagmadinalag-on nga mabawi ang iya duha ka cellphone.

Sa inisyal nga impormasyon gikan sa kapulisan, naga-edad sang 45 anyos ang duha ka mga lalaki nga suspek nga ginatudlo person of interest sa insidente.

via Police Beat Reporter | JS/DNC

NASAKOPAN NGA MGA BARANGAY SANG POLICE STATION 1, SUPORTADO ANG 'SAFER CITY' PROGRAMGinkumpirma ni PCapt. Rondyl Tapang,...
30/05/2026

NASAKOPAN NGA MGA BARANGAY SANG POLICE STATION 1, SUPORTADO ANG 'SAFER CITY' PROGRAM

Ginkumpirma ni PCapt. Rondyl Tapang, station commander sang Police Station 1 nga suportado sang 18 ka mga Barangay nga sakop sang Istasyon ang 'Safer CITY' program sang Department of the Interior and Local Government (DILG).

Ini matapos nga gintipon ni Tapang ang tanan nga mga punong Barangay agud istoryahon ang importansya sang programa.

Gindugang pa ni Tapang nga gin-enganyo man sini ang mga Barangay tanod nga mag-upod patrolya sa kapulisan kon gab-i para sa malinong nga kumonidad.

Tuyo sini nga sawayon ang naga inom kag naga-ubra sa nasakopan nga dalanon, nagavideoke kag mga kabataan nga nagalagaw naman kon kaagahon.

Samtang, ginhambalan man ni Tapang ang mga Barangay Officials nga mag-install sang CCTV cameras sa tagsa ka mga lugar agud para mapadasig ang police response kag gilayon nga ma-sulbar ang ano man nga krimen.*

via Police Beat Reporter | JS/DNC

30/05/2026

WATCH. Kabahin sang interview snag Daily News Central kay PCapt. Rondyl Tapang, station commander sang Police Station 1, matapos sini ginkumpirmar nga suportado sang 18 ka mga Barangay nga sakop sang Istasyon ang 'Safer CITY' program sang Department of the Interior and Local Government (DILG).

Ini matapos nga gintipon ni Tapang ang tanan nga mga punong Barangay agud istoryahon ang importansya sang programa.

Gindugang pa ni Tapang nga gin-enganyo man sini ang mga Barangay tanod nga mag-upod patrolya sa kapulisan kon gab-i para sa malinong nga kumonidad.

Tuyo sini nga sawayon ang naga inom kag naga-ubra sa nasakopan nga dalanon, nagavideoke kag mga kabataan nga nagalagaw naman kon kaagahon.

via Police Beat Reporter | JS/DNC

Heat Index bwas nga adlaw, Mayo 31, 2026.
30/05/2026

Heat Index bwas nga adlaw, Mayo 31, 2026.

30/05/2026

Sitwasyon sa Bacolod Summer Night Market 2026.

30/05/2026

Isa sa mga dancer si Edrien Uberas nga nag-intra sa street dance competition para sa Bacolod Chicken Inasal Festival.

Suno sa iya, Ini na ang ika-duha nga beses nga nag-intra si Uberas sa nasambit nga kompetisyon.

Gindugang pa niya nga dako ang iya paglaum nga magpabor sa ila grupo ang tion agud makuha ang kadalag-an para sa kompetisyon.*

via Joey Batican/ Daily News Central

Address

Almana Corporate Center, #23 Lacson Extension Cor. Alijis Road Brgy. Singcang-Airport
Bacolod City
6100

Website

Alerts

Be the first to know and let us send you an email when Daily News Central posts news and promotions. Your email address will not be used for any other purpose, and you can unsubscribe at any time.

Shortcuts

Share

Category