Viva Señor Network

24/09/2025

Bakit nga ba may mga babae nang naglilingkod sa 𝘔𝘪𝘯𝘪𝘴𝘵𝘳𝘺 𝘰𝘧 𝘈𝘭𝘵𝘢𝘳 𝘚𝘦𝘳𝘷𝘦𝘳𝘴, at bilang 𝘌𝘹𝘵𝘳𝘢𝘰𝘳𝘥𝘪𝘯𝘢𝘳𝘺 𝘔𝘪𝘯𝘪𝘴𝘵𝘦𝘳𝘴 𝘰𝘧 𝘏𝘰𝘭𝘺 𝘊𝘰𝘮𝘮𝘶𝘯𝘪𝘰𝘯?

Sabay-sabay nating alamin ang kasagutan ayon mismo sa Spiritus Domini, ang apostolic letter ni Pope Francis na nagbago sa nilalaman ng Code of Canon Law.

Sa dating anyo ng Canon 230 Section 1, ang nakasaad ay "lay men"—kaya’t tanging ang mga kalalakihan lamang ang maaaring italaga bilang mga acolyte at lector.

Ngunit sa bisa ng Spiritus Domini, ito ay binago upang maging "lay persons," na nangangahulugang maaari na ring maitalaga ang mga kababaihan.

Bago pa man ang Spiritus Domini ay pinahihintulutan na ang mga babae na maglingkod bilang altar server, lector, at iba pa, kung ito'y pahihintulutan ng kanilang lokal na obispo. Subalit ito'y tinatawag na “temporary deputation” lamang, at hindi isang matatag at pormal na pagtatalaga.

Dahil sa apostolic letter na ito, pormal nang pinahihintulutan ang lahat ng miyembro ng Simbahan—lalaki man o babae—na makapaglingkod sa mga ministeryong ito sa isang matatag at opisyal na paraan.

Ang pagbabagong ito ay nagpapaalala na ang paglilingkod sa Diyos ay hindi nakabatay sa kasarian, kundi sa bukas na pusong handang maglingkod. Nawa'y magsilbi itong paanyaya para sa lahat na makibahagi sa buhay ng pananampalataya.

Ikaw, may tanong ka rin ba tungkol sa ating pananampalataya?

Mag-message lang sa 𝘝𝘪𝘷𝘢 𝘚𝘦ñ𝘰𝘳 𝘕𝘦𝘵𝘸𝘰𝘳𝘬, o i-comment mo ang iyong tanong sa baba, para makita ng 𝙋𝙖𝙧𝙞𝙨𝙝 𝙀𝙫𝙖𝙣𝙜𝙚𝙡𝙞𝙯𝙖𝙩𝙞𝙤𝙣 𝙏𝙚𝙖𝙢, at masagot sa mga susunod na episode!

04/09/2025

Ang Pilipinas ay mayaman sa kasaysayan at kultura, lalo na pagdating sa pananampalataya. Dahil sa malalim na ugat ng ating Kristiyanong paniniwala, taon-taon ay patuloy pa rin nating ipinagdiriwang ang mga tradisyong pang-simbahan sa iba't ibang panig ng bansa.

Kabilang na rito ang Flores de Mayo, at Santacruzan.

Napaisip ka na rin ba kung ano nga ba ang pinagkaiba ng dalawang ito? Ano ang kanilang pinagmulan, at ano rin ang tunay na diwa sa likod ng mga selebrasyong ito? Halina’t sabay-sabay nating tuklasin ang kasagutan, sa tulong ng paliwanag ni Father Conrad Amon, kura paroko ng Santo Niño de Molino.

Higit pa sa kasiyahan, mga makukulay na bulaklak, at magagarbong kasuotan, ang Flores de Mayo at Santacruzan ay may dalang mga aral at paalala para sa ating mga mananampalataya. Tulad ni Maria na siyang bulaklak ng pananalig at pagsunod sa Diyos, lalo sana nating taglayin ang kanyang malinis, busilak, at abang kalooban. At ang krus naman na natagpuan ni Reyna Elena, ay magsilbi sanang paalala rin sa atin na tunay ngang ipinako at namatay ang ating Panginoon, matubos lamang ang sanlibutan. Huwag sana nating malimutan ang mga katotohanang ito.

Dalawang magkaibang tradisyon ngunit iisa ang layunin—ang mas mapalalim pa ang ugnayan, pagmamahal at pananampalataya natin kay Kristo.

Ikaw, may tanong ka ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

03/09/2025

✨ Miss us? ✨
Season 2 na mamaya! 🎉

Surprise! 😲 Ano kaya ang SI-U?
Bagong kwento, bagong aral?

Abangan! 👀🔥

04/06/2025

Nang mahalal si Pope Francis noong 2013, nagkaroon tayo ng Santo Papa na kabilang sa orden ng mga Heswita. Ang ating kasalukuyang Santo Papa, si Pope Leo XIV, ay kabilang naman sa mga Agustino. At kung napadpad ka na sa UST, marahil ay nakakita ka na ng mga Dominikano.

Ano-ano nga ba ang mga ito?

Sa isang banda, ito ay mga tinatawag na religious order. Pero ang ugat ng mga orden ay mga magkakaibang paraan ng pamumuhay bilang Kristiyano, na may iba't ibang pokus at diin. Ang mga paraang ito ng pamumuhay, at pagpapabanal, ay tinatawag na "Catholic spiritualities."

Bawat isa sa mga daang-espiritwal ay may partikular na binibigyang-halaga. Ang mga Pransiskano'y nakatuon sa payak na pamumuhay. Ang mga Heswita ay may pagpapahalaga sa "discernment" o sa pag-aninaw sa kalooban ng Diyos, at sa pagkilala sa Kanya sa lahat ng sitwasyon at sandali. Ang mga Dominikano naman ay nagbibigay-diin sa pagtuturo ng Salita ng Diyos, at sa buhay-intelektwal.

'Yan ang ilan lamang sa mga spiritualities na tinatalakay sa episode na ito ng Alam Ba Niño.

Tandaan lamang ito—walang partikular na daang-espiritwal ang mas magaling kaysa sa iba. Hindi magkakaribal ang mga Catholic spiritualities. Alinman ang piliin mong isabuhay, depende sa iyong natural na disposisyon, lahat sila'y daan na si Kristo ang hangganan.

Ikaw, may tanong ka rin ba tungkol sa ating pananampalataya?

Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team, at masagot sa mga susunod na episode!

23/04/2025

Kapag pumasok ka sa simbahan, at nakita mo ang mga taong nagtitipon sa harap ng isang imahe o pigura ni Kristo—taimtim na nagdarasal o nagninilay—napapatanong ka rin ba kung saan batay ang mga imahe o pigurang ito?

Sama-sama nating tuklasin ang sagot sa episode na ito.

Tatalakayin natin ang imahe ng Divine Mercy, na alinsunod mismo sa mga pahayag ni Kristo kay Santa Faustina Kowalska. Bibisitahin rin natin ang Veil of Saint Veronica, na may bakas ng mukha ng ating Panginoon. Pang-huli, titingnan natin ang Shroud of Turin, na sinasabing posible raw na burial shroud ni Hesus.

Pero isang mahalagang paglilinaw muna: sa tuwing ang mga Katoliko'y nasa harap ng imahe o pigura ni Kristo, o ng iba pang mga banal, hindi ito nangangahulugan ng pagsamba sa mga imahe, o pigura.

Ginagamit lamang ang mga depiksyon upang maging paalala at tulong sa pagninilay, pagdarasal, at pagsasapuso ng tamang diwa ng kabanalan at kababaang-loob. Noon pa man, iisa na ang pahayag ng Simbahan: hindi sinasamba ang mga imahe, sapagkat ang dapat lamang sambahin ay ang Diyos Ama, Anak, at Espiritu Santo.

Ikaw, may tanong ka ba, o gustong malaman tungkol sa ating pananampalataya?

Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team, at masagot sa mga susunod na episode!

21/04/2025

Nakikiisa sa pagdadalamhati ng Simbahan ang Parokya ng Santo Niño de Molino, at ang buong Parish Evangelization Team. Ikinalulungkot ng lahat ang pagpanaw ni Santo Papa Francisco, na siyang naging pastol ng Santa Iglesia ng labindalawang taon, nang may labis na pag-ibig at pagpapakumbaba.

Diyos Ama, patuluyin Mo nawa sa Iyong liwanag ang aming namayapang Santo Papa. Alang-alang sa Iyong habag at pagpapatawad, yakapin Mo siya at panatilihin sa Iyong piling, tulad ng pagsama Mo sa kanya noong siya'y nabubuhay. Gabayan Mo rin po kaming mga narito pa sa lupa, upang magpatuloy sa paglilingkod, at sa pagtahak ng daang itinuro sa amin ng Panginoon—si Hesukristo na aming buhay, galak, at pag-asa.

PAALAM AT SALAMAT, PAPA FRANCISCO!

Inanunsyo kanina ng Santa Sede ang pagpanaw ng ating minamahal na Santo Papa ngayong araw, Abril 21, 2025 sa kanyang tahanan sa Casa Santa Marta sa Vatican.

Sama-sama tayong manalangin para sa kapayapaan ng kaluluwa ni Papa Francisco. Atin siyang alalahanin at pasalamatan para sa mga aral at legasiyang kanyang iniwan sa labindalawang taong pagpapastol sa buong Santa Iglesia.

Requiem æternam dona eis Domine,
et lux perpetua luceat eis.
Requiescat in Pace. Amen.

09/04/2025

Higit sa lahat, ang pagsusuot ng belo ay tanda ng kababaang-loob.

Gamit ang belong suot, inihahayag ng isang babae ang kanyang pakikiisa sa Kaharian ng Diyos, at ang pagtalima sa mga gabay at utos ng Ama na nakapaloob sa pakikiisang ito.

Sa ngayon, ang pagsusuot ng belo ay nasa pagpapasya na ng indibidwal na babae, pero ipinaaalala pa rin sa atin ng Simbahan na linangin ang ating kababaang-loob sa harap ng Diyos, ang ating pagpapasakop sa Kanyang kapangyarihan, at ang ating pagkalimot sa sarili upang unahin ang pagsunod sa Kanyang kalooban.

Iyan ang tunay na kahulugan ng belo—hindi lang ito piraso ng tela—ito'y pahayag na ang ating inuuna ay hindi pansariling kapurihan, kundi ang kapurihan ng Diyos.

Ikaw, may tanong ka ba, o gustong malaman tungkol sa ating pananampalataya?

Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team, at masagot sa mga susunod na episode!

09/04/2025

Tingnan natin, at kilalanin: ano-ano nga ba ang mga mukha ng ebanghelisasyon?

Minsan ito ay proclamation—ang pagbabahagi ng Mabuting Balita, pagpapalaganap ng mga turo ni Kristo at ng Simbahan, o ang paglilinaw tungkol sa mga dapat malaman sa buhay-pananampalataya.

Pero makikita rin ang ebanghelisasyon sa social action: ang pagsasabuhay ng panawagan ni Kristo na tayo'y maglingkod sa kapwa, dahil ang paglilingkod sa kapwa ay paglilingkod sa Kanya.

Sa ating paglimot sa sarili at pagtahak sa daan ng serbisyo, maisasabuhay natin ang diwa ng ebanghelisasyon—ang dalhin si Kristo sa lahat ng tao.

07/04/2025

Kapag may makakaharap kang isang napakahalagang tao—isang pinuno, mahalagang bisita, o kahit isang taong matagal mong hindi nakita—siguradong maghahanda ka, ‘di ba? Hindi ka lamang magdadamit nang maayos o magpapabango upang maging presentable, kundi ihahanda mo din ang iyong kalooban.

Higit pa riyan ang ating paghahanda bago tanggapin si Kristo sa Banal na Eukaristiya. Bukod sa pag-sigurado na tayo ay hindi nagkasala ng mortal na kasalanan bago mag-komunyon, ang pag-aayuno ay tanda ng ating panloob na paghahanda.

Sa pag-aayuno, nilalayon natin ang pagtanggap kay Kristo sa karapat-dapat na paraan at ipinapakita natin ang ating pananabik, respeto, at pagmamahal kay Hesus.

Sa episode na ito, mas palalalimin natin ang ating kaalaman kung bakit ito mahalaga sa ating pananampalataya.

Ikaw, may nais ka pa bang malaman at itanong tungkol sa ating buhay pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

03/04/2025

"Nagpakahirap pa, mamamatay lang rin naman."

Minsan, may ganyang diwa ang tao—nagtataka kung ano pa ang punto ng buhay, gayong ang kamatayan ay darating din naman sa lahat.

Totoo nga naman na ang lahat ay mamamatay. Pero mahalagang linawin na kahit tayong lahat ay isang araw mawawala, hindi ibig sabihin na nilikha tayo para lang sa pagkawalang ito. Sa madaling sabi: hindi tayo nilikha para mamatay.

Pero kung hindi kamatayan, ano nga ba ang layunin ng buhay? Bakit tayo narito? Sama-sama nating pakinggan ang paliwanag ni Father Conrad Amon, kura paroko ng Santo Niño de Molino.

Apat na bagay ang dapat tandaan: nilikha tayo para sa buhay, nilikha tayo dala ng dakilang pag-ibig ng Diyos, nilikha tayo upang maranasan ang kagandahan ng mga ginawa ng Diyos, at nilikha tayo upang malaman kung ano ang mabuti.

Katulad ng sabi ni Father sa episode: "We were created for life, love, beauty, and the good."

Kung susumahin, ginawa tayo dahil nais ng Diyos na makasalo tayo sa Kanyang buhay, pag-ibig, kagandahan, at kabutihan. Kahit pa nagkasala na tayo, sa Lumang Tipan pa lang ay pinangako na ng Ama na ibabalik Niya tayo sa Kanya, sa pamamagitan ni Kristong ating Manunubos at Tagapagligtas.

Ano ang ibig sabihin ng lahat ng ito?

Ang Diyos ay pag-ibig. Puspos ang Ama ng pag-ibig na lubos at dakila—pag-ibig na higit pa sa lahat ng kasalanan, at kayang lupigin maski ang kamatayan. Ang pag-ibig ng Diyos ang nag-uudyok sa Kanyang ibahagi ang Kanyang sarili sa atin, at ang rurok ng pagbabahaging ito ay ang Krus: pinahintulutan ng Diyos na mamatay ang Kanyang Anak para sa atin, maibalik lang tayo sa piling Niya.

Hindi tayo nilikha para mamatay. Nilikha tayo dahil sa pag-ibig, para sa pag-ibig, at upang ating mahalin ang Diyos na bukal ng pag-ibig na ito.

Ikaw, may tanong ka rin ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team, at masagot sa mga susunod na episode!