https://www.facebook.com/101169538475576/

Caloocan Ngayon, Baesa (2025)

27/05/2025

𝗞𝗢𝗡𝗚𝗥𝗘𝗦𝗜𝗦𝗧𝗔𝗡𝗚 𝗦𝗜 𝗘𝗚𝗔𝗬 𝗘𝗥𝗜𝗖𝗘, 𝗣𝗔𝗜𝗜𝗠𝗕𝗘𝗦𝗧𝗜𝗚𝗔𝗛𝗔𝗡 𝗔𝗡𝗚 𝗖𝗢𝗠𝗘𝗟𝗘𝗖 𝗞𝗔𝗨𝗚𝗡𝗔𝗬 𝗦𝗔 𝗠𝗚𝗔 𝗞𝗢𝗡𝗧𝗥𝗢𝗕𝗘𝗥𝗦𝗬𝗔 𝗦𝗔 𝟮𝟬𝟮𝟱 𝗠𝗜𝗗𝗧𝗘𝗥𝗠 𝗘𝗟𝗘𝗖𝗧𝗜𝗢𝗡𝗦

Sa kabila ng kanyang pagkapanalo sa katatapos na 2025 Midterm Elections, nagpahayag si Congressman Edgar “Egay” Erice ng matinding pagkabahala sa mga kontrobersyang bumabalot sa Commission on Elections (Comelec) at inihayag ang kanyang intensyon na magsampa ng kaso at maghain ng resolusyon upang paimbestigahan ang ahensya.

Ayon kay Erice, ang kanyang hakbang ay hindi nakabase sa personal na interes kundi bilang pagtugon sa panawagan ng taumbayan para sa malinis, patas, at transparent na halalan. Kabilang sa mga isyung nais niyang imbestigahan ay ang umano’y dayaan sa bidding process para sa P18-bilyong kontrata na napunta sa Korean-based firm na Miru Systems, na pumalit sa dating technology provider na Smartmatic.

“Hindi porket nanalo tayo ay mananahimik na lang tayo. Lalo pa nga’t kitang-kita ang mga iregularidad at kaduda-dudang mga transaksyon sa likod ng halalang ito,” pahayag ni Erice.

Idinagdag pa ni Erice na may mga ulat na nagsasabing isang opisyal ng Comelec ang umano’y tumanggap ng suhol mula sa mga entity na konektado sa Miru, gamit ang mga offshore accounts. Bukod pa rito, kinuwestiyon niya ang kredibilidad ng teknolohiyang ginamit sa halalan, kasunod ng mga ulat ng Mahigit 5 milyong duplicate votes, Over 17 milyong invalidated votes, at Delayed transmission at result postings,

At ang data transmission sa mga non-Comelec servers, na labis na ikinabahala ng mga eksperto sa cybersecurity.

Tinukoy din ni Erice ang mga ulat ng under-voting, overvoting, at technical glitches sa vote-counting machines, na aniya’y nagpapahina sa tiwala ng taumbayan sa proseso ng eleksyon.

“Ang eleksyon ay pundasyon ng demokrasya. Kapag nawalan tayo ng tiwala sa halalan, nawawalan tayo ng tiwala sa mismong sistema. Dapat managot ang dapat managot,” giit ng kongresista.

Sa mga susunod na araw ay inaasahang maghahain si Erice ng opisyal na resolusyon sa Kamara upang imbestigahan ang mga nasabing isyu, kasabay ng panawagan sa mga kapwa mambabatas na huwag balewalain ang lumalaking panawagan ng publiko para sa hustisya at reporma sa halalan.

“Ang laban na ito ay hindi laban ni Egay Erice lang. Laban ito ng bawat Pilipino na naniniwala sa tunay na demokrasya,” pagtatapos niya.

27/05/2025

𝟮 𝗣𝗔𝗧𝗔𝗬 𝗦𝗔 𝗦𝗨𝗡𝗢𝗚 𝗦𝗔 𝗕𝗔𝗥𝗔𝗡𝗚𝗔𝗬 𝟴𝟭

Dalawa ang kumpirmadong patay habang lima ang sugatan sa sunog na sumiklab sa Caloocan City nitong Miyerkules ng hapon.

Kinilala ni Fire Senior Inspector Elyzer Ruben Leal ng Bureau of Fire Protection (BFP) ang mga biktimang sina Liane Nicole Dacayamat, 16 at Robert Alinas Guerrero, 52 kapwa residente ng Natividad St., Brgy. 81, Caloocan City.

Ayon sa BFP Caloocan, bandang alas-5 ng hapon nang magsimula ang sunog sa bahay ng mga biktima.

Tinitignan ang umano’y faulty electrical wiring o naiwang charger ng cellphone ang pinagmulan ng sunog. Dakong alas-6 ng gabi nang ideklarang fire under control ang sunog.

Bandang alas-12:50 ng madaling araw kahapon nang makuha ang bangkay ni Guerrero habang alas-6:42 ng umaga narekober ang bangkay ni Dacayamat.

Natrap sa nasusunog na bahay ang mga biktima.

Sa ngayon ay nasa isang simbahan at tatlong covered courts ang nasa 70 pamilya na apektado ng sunog.

27/05/2025

𝗠𝗔𝗞𝗔𝗕𝗔𝗬𝗔𝗡 𝗕𝗟𝗢𝗖, 𝗡𝗔𝗚𝗛𝗔𝗜𝗡 𝗡𝗚 𝗥𝗘𝗦𝗢𝗟𝗨𝗦𝗬𝗢𝗡 𝗣𝗔𝗥𝗔 𝗜𝗠𝗕𝗘𝗦𝗧𝗜𝗚𝗔𝗛𝗔𝗡 𝗔𝗡𝗚 𝗞𝗔𝗗𝗨𝗗𝗔-𝗗𝗨𝗗𝗔𝗡𝗚 𝟮𝟬𝟮𝟱 𝗔𝗨𝗧𝗢𝗠𝗔𝗧𝗘𝗗 𝗘𝗟𝗘𝗖𝗧𝗜𝗢𝗡

TINGNAN: Isinumite ngayong araw ng Makabayan Bloc sa Mababang Kapulungan ng Kongreso ang House Resolution No. 2291 na nananawagan ng imbestigasyon sa umano’y malawakang anomalya at teknikal na kapalpakan sa katatapos lamang na 2025 midterm elections na isinagawa sa pamamagitan ng Automated Election System (AES).

Ayon sa mga datos na isinumite, kabilang sa mga kontrobersyal na isyu ang mga sumusunod:

- Mahigit 5 milyong duplicate votes na lumabas sa rekord,

- Higit 17 milyong boto ang “invalidated” o hindi isinama sa opisyal na bilang,

- May mga ulat ng data transmission patungo sa mga non-COMELEC servers,

- Delayed results, overvoting, at laganap na vote-buying,

At iba pang mga teknikal na kapalpakan na nagpapababa sa tiwala ng publiko sa integridad ng halalan.

Sa inilabas na pahayag ng Makabayan Bloc, kanilang binigyang-diin na ang resolusyon ay hindi atake sa Comelec o sa institusyon ng halalan, kundi bahagi ng isang makatarungan at makabayang layunin upang mapanatili ang transparency, integridad, at kredibilidad ng sistemang pampulitika ng bansa.

“Kung tunay na malinis, maayos at tapat ang halalan — bakit ganito karami ang diperensya?” tanong ng mga mambabatas mula sa Makabayan.

Nanawagan din ang grupo sa kanilang mga kapwa mambabatas at sa sambayanang Pilipino na suportahan ang pagsusuri sa naging takbo ng halalan. Giit nila, ito ay hindi lamang laban ng Makabayan Bloc kundi ng lahat ng Pilipinong botante na nagnanais ng isang malinis at patas na eleksyon.

Inaasahang tatalakayin ang resolusyon sa mga darating na sesyon sa Kamara upang mailatag ang konkretong plano para sa imbestigasyon, kabilang ang pagdinig sa mga eksperto, election watchdogs, at mga opisyal ng Comelec.

27/05/2025

𝗣𝗨𝗟𝗜𝗦 𝗡𝗚 𝗡𝗣𝗗 𝗧𝗜𝗠𝗕𝗢𝗚 𝗦𝗔 𝗥𝗢𝗕𝗕𝗘𝗥𝗬 𝗘𝗫𝗧𝗢𝗥𝗜𝗢𝗡

Arestado ang isang police corporal sa mismong headquarters na nakatalaga sa Northern Police District na sangkot sa robbery-extortion at carnapping sa lungsod ng Caloocan, nitong Miyerkoles.

Ayon pa sa mga biktima, nananakit pa raw ang suspek sa mga biktima na hindi nagbibigay ng pera sa dalawang suspek.

Sinabi ng isa sa biktima na isinasakay siya sa isang SUV ng dalawang lalaki sa North bound ng EDSA kung saan may nakasakay pa din biktima sa sasakyan.

Hinihingian ng pera ng 2 suspek ang mga biktima at binugbog ng walang maibigay na pera hanggang sa magpasaklolo ang isa sa biktima sa kapatid upang magbigay ng pera.

Ibinaba naman ang isang biktima sa lugar na pinagkuhanan sa kanya at kinuha ang motor nito ng walang maibigay ng pera.

Tinutugis naman ng pulisya ang kasamahan ng police officer.

14/01/2025

𝗦𝗨𝗣𝗥𝗘𝗠𝗘 𝗖𝗢𝗨𝗥𝗧, 𝗡𝗔𝗚𝗟𝗔𝗕𝗔𝗦 𝗡𝗚 𝗧𝗥𝗢 𝗟𝗔𝗕𝗔𝗡 𝗦𝗔 𝗣𝗔𝗚 𝗗𝗜𝗦𝗤𝗨𝗔𝗟𝗜𝗙𝗬 𝗞𝗔𝗬 𝗘𝗗𝗚𝗔𝗥 𝗘𝗥𝗜𝗖𝗘

Naglabas ang Korte Suprema ng Temporary Restraining Order (TRO) na nagbabawal sa Commission on Elections (Comelec) na i-disqualify si dating Kinatawan ng Ikalawang Distrito ng Caloocan na si Edgar Erice. Kinumpirma ito ni Atty. Camille Ting, tagapagsalita ng Korte Suprema, sa isang press briefing ngayong araw.

Ang TRO ay inilabas bilang tugon sa petisyon ni Erice na kinukuwestiyon ang legalidad ng resolusyong inilabas ng Comelec na naglalayong i-disqualify siya sa pagtakbo sa susunod na halalan. Ayon kay Erice, walang basehan ang naturang desisyon at ito umano’y pulitikal na paninira laban sa kanya.

Sinabi ni Atty. Ting na nakita ng Korte Suprema na may sapat na dahilan upang pansamantalang ipatigil ang kautusan ng Comelec habang dinidinig pa ang kaso. "Ang paglalabas ng TRO ay upang mapanatili ang kasalukuyang estado at maiwasan ang anumang hindi na mababagong epekto habang hindi pa tapos ang deliberasyon sa kaso," paliwanag ni Ting.

Samantala, wala pang opisyal na pahayag ang Comelec ukol sa inilabas na TRO. Sa kabilang banda, nagpasalamat naman ang mga tagasuporta ni Erice, umaasang magiging pabor sa kanila ang magiging desisyon ng Korte Suprema.

Si Erice ay kilalang beterano sa politika na nagsilbi bilang konsehal, bise alkalde, at tatlong termino bilang kongresista. Kinikilala siya sa kanyang mga adbokasiya para sa mabuting pamamahala at transparency, dahilan upang maging isa siya sa mga inaabangang kandidato sa darating na lokal na halalan.

Ang disqualification case laban kay Erice ay bunsod ng mga alegasyong may kinalaman sa umano’y paglabag sa mga alituntunin ng Comelec noong kanyang nakaraang kampanya. Mariing itinanggi ni Erice ang mga paratang at sinabi niyang ito ay bahagi ng pulitikal na taktika upang sirain ang kanyang pangalan.

Binigyan ng Korte Suprema ng 10 araw ang Comelec upang magsumite ng opisyal na tugon sa petisyon ni Erice. Inaasahang magkakaroon ng pagdinig sa kaso sa mga susunod na linggo.

08/01/2025

𝗖𝗔𝗟𝗢𝗢𝗖𝗔𝗡 𝗡𝗔𝗚𝗟𝗔𝗔𝗡 𝗡𝗚 𝗣𝗢𝗡𝗗𝗢 𝗣𝗔𝗥𝗔 𝗦𝗔 𝗞𝗔𝗥𝗔𝗚𝗗𝗔𝗚𝗔𝗡𝗚 𝗕𝗔𝗬𝗔𝗗 𝗦𝗔 𝗠𝗚𝗔 𝗚𝗨𝗥𝗢

Ipinahayag ni Mayor Dave Gonzalo Malapitan nitong Martes na naglaan na ang pamahalaang lungsod ng pondo para sa P2,000 buwanang dagdag na bayad sa mga pampublikong g**o ng lungsod.

"May dahilan na para magdiwang ang ating minamahal na mga g**o sa pampublikong paaralan sa pagpasok ng bagong taon dahil matatanggap na nila ang P2,000 buwanang augmentation pay na ipinangako ko noong aking talumpati sa lungsod noong nakaraang taon," ani Malapitan.

Lubos din ang pasasalamat ng alkalde sa mga miyembro ng konseho, sa pangunguna ni Vice Mayor Karina Teh bilang presiding officer, dahil sa kanilang suporta sa mga programang nakatuon sa lokal na sektor ng edukasyon, partikular na para sa mga mag-aaral, g**o, at nonteaching personnel.

Sa isang pahayag ni Malapitan na magsisilbing dagdag na allowance ang buwanang augmentation pay para sa mga pampublikong g**o sa lungsod.

Layunin ng programang ito na magbigay ng tulong-pinansyal sa mga g**o upang maibsan ang kanilang gastusin sa pang-araw-araw na buhay, lalo na sa panahon ng patuloy na pagtaas ng presyo ng mga bilihin.

Ayon pa kay Malapitan, ito ay bahagi ng kanyang mas malawak na adbokasiya para sa pagpapaunlad ng kalidad ng edukasyon sa lungsod. Sa tulong ng city council, tiniyak ng alkalde na magpapatuloy ang mga proyekto at programang makikinabang ang sektor ng edukasyon sa Caloocan.

03/01/2025

PANOORIN: EX CALOOCAN CONGRESSMAN EGAY ERICE, HUMIRIT NG TRO KONTRA DQ

HINILING ni dating Caloocan 2nd District Congressman Edgar Erice sa Korte Suprema na maglabas ng temporary restraining order (TRO) para harangin ang desisyon ng Commission on Elections (Comelec) na nagdiskwalipika sa kanya na tumakbo muli sa pagkakongresista ngayong 2025 midterm elections.

Ayon kay Erice, katawa-tawa at walang basehan ang resolusyon ng Comelec En Banc na nilabag niya ang Section 261 ng Omnibus Election Code.

Aniya, pawang katotohanan lamang naman ang kanyang mga sinabi dahil karapatan niya ito bilang isang Pilipino at botante.

Iginiit ng dating kongresista na hindi rin siya nagpapakalat ng maling impormasyon na makaaapekto sa halalan.

Tinutulungan pa nga aniya ang poll body para itama ang maling sistema at proseso nito sa paggamit ng voting counting machine.

“May batayan po ang mga isinawalat ko. Ito ay aking constitutional right para i-criticize ang isang ahensiya ng gobyerno at sinumang pinapasuweldo ng mamamayang Pilipino. Ako po ay ordinaryong taxpayer ngayon at hindi opisyal ng gobyerno,” diin ni Erice.

Sakaling mag-imprenta na ng balota ang Comelec at maglabas ng TRO ang SC, aatasan ng High Tribunal ang poll body na muling mag-imprenta ng balota na kasama ang pangalan ng dating kongresista.

Video galing kay Egay Erice

09/12/2024

𝗗𝗔𝗧𝗜𝗡𝗚 𝗚𝗨𝗥𝗢 𝗡𝗚 𝗨𝗡𝗜𝗩𝗘𝗥𝗦𝗜𝗧𝗬 𝗢𝗙 𝗟𝗔 𝗦𝗔𝗟𝗘𝗧𝗧𝗘 𝗜𝗡𝗖. 𝗡𝗔 𝗦𝗜 𝗝𝗢𝗝𝗢 𝗠𝗔𝗥𝗖𝗢𝗦, 𝗜𝗡𝗜𝗥𝗘𝗞𝗟𝗔𝗠𝗢 𝗡𝗚 𝗣𝗔𝗡𝗚𝗠𝗢𝗠𝗢𝗟𝗘𝗦𝗧𝗬𝗔 𝗡𝗚 𝗞𝗔𝗡𝗬𝗔𝗡𝗚 𝗗𝗔𝗧𝗜𝗡𝗚 𝗘𝗦𝗧𝗨𝗗𝗬𝗔𝗡𝗧𝗘

Isang menor de edad na mag-aaral mula sa University of La Salette Inc. ang mahahain ng reklamo laban kay Jojo Marcos, isang dating g**o ng unibersidad, matapos umano siyang molestyahin habang siya ay nasa ilalim ng pangangalaga nito bilang g**o. Ayon sa biktima, paulit-ulit siyang nakaranas ng pangmomolestya mula kay Marcos sa loob ng paaralan. Ang insidenteng ito ang naging dahilan ng pagkakatanggal ni Marcos bilang g**o sa nasabing unibersidad.

Samantala, nitong nakaraang linggo lamang, naglabas ang Regional Trial Court ng Caloocan City ng warrant of arrest laban kay Marcos kaugnay ng isa pang kaso ng pangmomolestya. Ang biktima, isang batang babae na 17 taong gulang, ay residente ng Bagong Silang, Caloocan na bumisita lamang sa kanyang mga kamag-anak sa Santiago City. Ayon sa salaysay ng biktima, ilang beses umano siyang hinipuan ni Marcos, na nagdulot ng matinding trauma at takot.

Sa kabila ng mga seryosong alegasyon at isyung ito, naging usap-usapan sa social media ang pagiging empleyado nito sa City Hall ng Santiago City. Marami ang nagtatanong kung bakit hinayaan ni Mayor Sheena Tan na maglingkod sa pamahalaang lungsod ang isang tao na may nakaraan nang kaso ng pangmomolestya sa mga kabataan.

"May mga ganyang record na pala siya, pero bakit kinuha pa rin sa gobyerno? Nasaan ang due diligence?" tanong ng isang concerned citizen online.

Sa ngayon, patuloy pa rin ang paghahanap kay Marcos upang siya ay maiharap sa hustisya.

30/11/2024

𝗪𝗔𝗥𝗥𝗔𝗡𝗧 𝗢𝗙 𝗔𝗥𝗥𝗘𝗦𝗧 𝗜𝗡𝗜𝗟𝗔𝗕𝗔𝗦 𝗟𝗔𝗕𝗔𝗡 𝗞𝗔𝗬 𝗝𝗢𝗝𝗢 𝗠𝗔𝗥𝗖𝗢𝗦 𝗗𝗔𝗛𝗜𝗟 𝗦𝗔 𝗣𝗔𝗡𝗚𝗠𝗢𝗠𝗢𝗟𝗘𝗦𝗧𝗜𝗬𝗔 𝗡𝗚 𝗠𝗜𝗡𝗢𝗥 𝗗𝗘 𝗘𝗗𝗔𝗗

𝗧𝗜𝗡𝗚𝗡𝗔𝗡: Isang warrant of arrest ang inilabas ng Regional Trial Court ng Caloocan City laban kay Jojo Marcos, residente ng Santiago City, Isabela matapos itong akusahan ng pangmomolestiya sa isang 17-anyos na babae na residente ng Barangay Bagong Silang, Caloocan.

Base sa salaysay ng biktima, naganap ang insidente noong bumisita ang kanilang pamilya sa mga kamag-anak sa Santiago City. Dito raw unang nakilala ni Jojo Marcos ang biktima. Ayon sa biktima, makailang bees siyang hinipuan ni Marcos sa maselang bahagi ng katawan, ngunit dahil sa takot at pagkalito, hindi niya agad nasabi ang insidente. Pagbalik ng kanilang pamilya sa Barangay Bagong Silang, Caloocan, saka lamang naglakas-loob ang biktima na magsalaysay sa kanyang mga magulang, dahilan upang agad silang magsampa ng kaso.

Ang kaso ay isinampa alinsunod sa Republic Act No. 7610 o ang "Special Protection of Children Against Abuse, Exploitation and Discrimination Act," partikular sa Section 5(b), Article III, na tumutukoy sa acts of lasciviousness laban sa mga bata.

Inilabas ang warrant of arrest noong Nobyembre 29, 2024, na may direktibang agad dakpin si Jojo Marcos saanmang bahagi ng bansa. Nilinaw rin sa utos ng korte na walang inirekomendang piyansa para sa pansamantalang kalayaan ng akusado.

Sa ngayon, patuloy na pinaghahanap ng mga awtoridad si Marcos upang dalhin ito sa hustisya. Samantala, patuloy na nananawagan ang pamilya ng biktima ng katarungan at ng mas mahigpit na batas para protektahan ang mga kabataan laban sa ganitong uri ng krimen. (Dolly Cabreza)

29/11/2024

𝗘𝗥𝗜𝗖𝗘 𝗥𝗨𝗠𝗘𝗦𝗕𝗔𝗞 𝗦𝗔 𝗗𝗜𝗦𝗞𝗪𝗔𝗟𝗜𝗣𝗜𝗞𝗔𝗦𝗬𝗢𝗡 𝗡𝗚 𝗖𝗢𝗠𝗘𝗟𝗘𝗖

Niresbakan ni dating Caloocan City 2nd District Congressman Egay Erice ang Commission on Elections (Comelec) matapos siyang idiskwalipika para tumakbo sa 2025 midterm elections.

Sinabi ni Erice na wala siyang nilabag sa election omnibus code at posibleng napikon lamang sa kaniya ang Comelec sa patuloy niyang pagbatikos sa Miru voting machines na gagamitin sa halalan.

Lumabas ang disqualification ni Erice nitong Miyerkules ng hapon at aniya ay iaapela umano niya ito sa 2nd Division ng Comelec sa Lunes, Disyembre 2.

Sa press conference nitong Huwebes, sinabi ni Erice na ang diskuwalipikasyon na inilabas ni Comelec Chairman George Garcia laban sa kanya ay bunsod ng galit nito dahil sa walang tigil niyang pagkuwestiyon sa kontrata at paggamit ng makina ng Miru.

Aniya, dahilan ng Comelec sa kanyang diskuwalipikasyon ay ang pangugulo sa eleksiyon at pag impluwensiya sa mga botante na mawalan ng tiwala sa ahensiya.

Kasama ang kanyang legal counsel na si Atty. Rolando Asuncion, sinabi ni Erice na wala siyang ginagawang gulo at pag iimpluwensiya sa mga botante dahil sa wala pang nagaganap na halalan.

Sinabi ni Erice na nagtataka siya kung bakit patuloy ang pagtaganggol ni Garcia sa Miru gayong sablay ang mga nais nitong ipatupad at hindi maipaliwanag ang bagong sistema ng makina.

Giit ni Erice, hindi maaaring gumamit ng prototype machine sa halalan.

Lumitaw na posible ring bahagi ng kanyang diskuwalipikasyon ang ugnayan umano ni Garcia kay Cong. Mitch Cajayon na kanyang makakalaban sa pagkakongresista.

Si Garcia ang legal cousel ni Cajayon sa kanyang electoral protest bukod pa sa pagiging ninang sa kasal.

Nakatakdang maghain ng motion for reconsideration si Erice at tiniyak na hindi siya titigil na kuwestiyonin ang anomalya ng Comelec. (Dolly Cabreza)

19/09/2024

𝗥𝗘𝗚𝗘𝗡𝗘𝗥𝗔𝗧𝗜𝗩𝗘 𝗔𝗚𝗥𝗜𝗖𝗨𝗟𝗧𝗨𝗥𝗘 𝗧𝗛𝗥𝗢𝗨𝗚𝗛 𝗦𝗖𝗜𝗘𝗡𝗖𝗘

When science becomes regenerative in agriculture, one maximizes one’s output from the traditional practices to sustain the productivity of the ecosystem.

This, in a gist, was how Dr. Saturnina Halos, a renowned biotechnologist, explained “regenerative agriculture,” which has been correcting some of the farmers’ practices that were proven harmful to the ecosystem.

Scientific research and practices are focused on restoring and improving the health of the soil and overall agricultural systems.

It takes technologies—both traditional and modern—which are assessed in terms of how they can improve and maintain agricultural productivity while, at the same time, mitigate effects on the environment, said Halos, who chairs the Biotechnology Coalition of the Philippines.

She noted that one of the key aspects of regenerative agriculture is providing alternatives to synthetic fertilizers and pesticides with organic, microbial and plant-based ones, often called biopesticides and biofertilizers.

Standard pesticides kill insects indiscriminately, and some products can also harm animals and people.

Synthetic fertilizers, on the other hand, when overused can change the soil structure and make it less productive over time.

Halos said that biofertilizers, which were initially developed at the University of the Philippines in Los Banos, Laguna. can reduce the use of inorganic fertilizer by up to half the recommended rate and give plants resistance to drought by promoting root growth.

She said that a biopesticide which is being reviewed by the Department of Agriculture was developed to specifically targets the pest known as fall army worm, which commercial pesticides are having a difficulty eradicating now that it has affected some crops in the country.

Biopesticides reportedly contain a bacterium and a fungus that specifically targets the insects while minimizing damage to livestock and people that might ingest it.

But biofertilizers and biopesticides are not new products, Halos said.

She cited how the Neem tree has been known as a multipurpose pesticide and fertilizer in India, where scientists began studying its effectiveness since the 1950s. Neem is native to the Indian subcontinent and parts of Southeast Asia.

“Farmers have been using it for a long time,” said Halos, but added that these natural alternatives have not been widely used mainly because of marketing issues.

Meanwhile, Halos said that genetically engineered crop varieties can also be an integral part of regenerative agriculture, considering that the variety of crops that farmers use contain in themselves the components that keep them from using synthetic pesticides and fertilizers.

Halos cited the naturally soil-occurring Bacillus thiringiensis (Bt) corn and Bt eggplant, which both carried the genes that make them resistant to pests, drastically reducing the need to use pesticides.

Crop varieties that were engineered to increase their ability to utilize nitrogen means that farmers can reduce the amount of nitrogen-based fertilizer that they use, she explained.

“The primary goal of regenerative agriculture is to ensure food security by maintaining the productivity of the land,” Halos said,

“It does this by providing farmers methods and tools that are safer for both agriculture and the environment.”

(c) Sebastian Montemayor | Business Mirror

Caloocan Ngayon

27/05/2025

27/05/2025

27/05/2025

27/05/2025

14/01/2025

08/01/2025

03/01/2025

09/12/2024

30/11/2024

29/11/2024

19/09/2024

Address

Telephone

Website

Alerts

Contact The Business

Shortcuts

Share

Category