Z+Plus News, Bago City (2025)

04/08/2025

ပဲခူးမြို့ ရွှေဖရုံမယ်(၇)လမ်း‌ ဟင်္သာကုန်းရပ်ကွက်နေသည့်ဒေါ်ချိုမာ ဆိုသည့်အမျိုးသမီးKBZ Bank မှ ထုတ်ယူလာသော ငွေကျပ်သိန်း ၃၀၀ကျော် အား ယနေ့နေ့လည် ၁၂းဝဝနာရီ အချိန်ခန့်က နန်းတော်ရာရပ်ကွက် အင်းဝင်(၃)လမ်း တွင် လုယက်ခံရသည်ဟုအွန်လိုင်းစာမျက်နှာတွင်ဖြစ်ပေါ်နေသည်ဆိုသည့်သတင်းဖြစ်စဥ်အမှန်အားဖေါ်ပြပေးပါမည်။

31/07/2025

ပဲခူးမြို့တွင်အသက်၁၄နှစ်လူငယ်လေးအားပြန်ပေးဆွဲသေဆုံးအောင်လုပ်ခဲ့သူများအားထောင်ဒဏ်အနှစ်၂၀နှင့်မသေမခြင်းကြိုးပေးကွက်မျက်ရန်သေဒဏ်ချမှတ်

••••••••••••••••••••••••••••••••••••••••••••••••
ဖြစ်စဥ်မှာမေလ၂၁ရက်နေ့ကမောင်သက်နိုင်မင်း အသက်(၁၄)နှစ်သည်ညနေပိုင်းက သူငယ်ချင်းများနှင့် ဘောလုံးကစားနေ ရာမှပျောက်ဆုံးနေသဖြင့်မိဘများမှစိတ်ပူပန်မှုများဖြစ်ပြီးပဲခူးမြို့အမှတ်၂နယ်မြေရဲစခန်းတွင်လူပျောက်တိုင်တန်ပြီးနီးစပ်ပါတ်သက်ရာမိတ်ဆွေများ၊လူမှုကွန်ယက်တို့တွင်အကူအညီတောင်းဝိုင်းဝန်းရှာဖွေကြရာမေလ၂၃ရက်နေ့ကမဇင်းဆည်အနီးခြုံပုတ်တွင်လည်ပင်း၊ခြေ၊လက်တို့တွင်နိုင်လွန်ကြိုးဖြင့်ချည်နှောင်ထားပြီးကာကီရောင်မိုးကာဖြင့်အုပ်လျှက်သေဆုံးနေပြီဖြစ်သောမောင်သက်နိုင်မင်း၏အလောင်းအားတွေ့ရှိခဲရကြောင်းသိရပါသည်။
အဆိုပါဖြစ်စဥ်နှင့်ပါတ်သက်ပြီးအမှတ်၂နယ်မြေရဲစခန်းမှစခန်းမှူးရဲအုပ်ဘိုဘိုဟန်နှင့်အဖွဲ့သည်စုံစမ်းခဲ့ကြရာမေလ၂၁ရက်နေ့ကနိုင်အောင်ဖြိုး(ခ)ကိုလေး (၃၁)နှစ်၊(ဘ)ဦးဟန်ငြိမ်း၊ မဟာစေတီ(၃)လမ်း၊ပွတ်လုံးစက်လုပ်သားမဇင်းရပ်ကွက်၊ပဲခူးမြို့ နေသူမှခေါ်ယူသွားကြောင်းသတင်းအစရခဲ့ရာမှအမှတ်၂နယ်မြေရဲစခန်းသို့ခေါ်ယူပြီးပဲခူးခရိုင်ရဲတပ်ဖွဲ့မှူးဒုတိယရဲမှူးကြီးဝဏ္ဏမျိုးတို့မှဦးစီးပြီးစစ်ဆေးခဲ့ရာမှနိုင်အောင်ဖြိုး(ခ)ကိုလေးသည် မောင်သက်နိုင်မင်း အား ဘောလုံးသွားယူမည်ဟု လိမ်လည်လှည့်ဖျားကာ မြို့ရှောင်လမ်းအတိုင်း ဆိုင်ကယ်ဖြင့် မဇင်းဆည်အနီး ခေါ် ဆောင်သွားခဲ့ကာ သေဆုံးအောင်ပြုလုပ်ခဲ့သူများဖြစ်ကြောင်းစစ်ဆေးဖေါ်ထုတ်နိုင်ခဲ့ပြီးနိုင်အောင်ဖြိုး ဆိုင်ကယ်ဖြင့် သွားလာခဲ့သည့် လမ်းကြောင်း အတိုင်း CCTV တပ်ဆင်ထားသည့် နေအိမ်နှင့် ဆိုင်များသို့ လိုက်လံ စစ်ဆေးကြည့်ရှုရာ နိုင်အောင်ဖြိုးသည် အခင်းဖြစ်သည့် ညီအစ်ကိုဝမ်းကွဲတော်စပ်သူ အောင်ကျော်ဇော(ခ)ကျော်ကြီး (၃၂)နှစ်၊ မဇင်းတိုးချဲ့(၂)ရပ်ကွက်နေသူနှင့်အတူ လက်ဘက်ရည် ဆိုင်ထိုင်ခဲ့ကြောင်းတွေ့ရှိရပါသည်။
အောင်ကျော်ဇော(ခ)ကျော်ကြီး၃၂နှစ်အားထပ်မံဖမ်းဆီး၍စစ်မေးခဲ့ရာနိုင်အောင်ဖြိုး သည် အောင်ကျော်ဇော(ခ)ကျော်ကြီး ပြန်ခေါ်ခဲ့ပြီး မောင်သက်နိုင်မင်းထံမှ ၎င်းပေးခဲ့သည့် နိုင်လွန်ကြိုးနှင့် ပီနံအိတ်ခွံအား ယူ၍ မဇင်းဆည်အနီးတွင် မောင်သက်နိုင်မင်း အား ခြေလက်များ ကြိုးတုပ်ချည်နှောင်၍ လည်ပင်းအား အဆိုပါကြိုးဖြင့် ထပ်မံ ရစ်ပတ်ချည်နှောင်ကာ မျက်နှာကို ပီနံအိတ်စွပ်ခဲ့ကြသည်။
မောင်သက်နိုင်မင်းမှ ရုန်းကန်အော်ဟစ်သဖြင့် လည်ပင်း နှင့် ကျောကုန်းနှင့် ခြေထောက်တို့အား နင်းပြီး ကြိုးအား ပိုမိုတင်းကြပ်အောင် ဆွဲတင်းခဲ့ပြီး ထိုးကြိတ် ကန်ကျောက်ခြင်းများ ပြုလုပ်ခဲ့ရာမှ မောင်သက်နိုင်မင်း မှာ ခေါ်မရတော့ဘဲ သေဆုံးသွားခဲ့သဖြင့် အလောင်းအား အနီးရှိချုံတောထဲတွင် ပစ်ထားခဲ့ပြီး ချုံတောအတွင်း ရှိနေသည့် ကာကီရောင် မိုးကာဖြင့် ဖုံးအုပ်ထားခဲ့ကြကြောင်း ဝန်ခံထွက်ဆိုခဲ့ကြကြောင်းသိရပြီးစစ်ဆေးပေါ်ပေါက်ချက်များအရဟိန်းလတ်(ခ)အောင်ဟိန်း(ဘ)ဦးဟန်ငြိမ်းပွတ်လုံးစက်လုပ်သား သာယာကုန်း၂လမ်း၊မဇင်းရပ်ကွက်ပဲခူးမြို့နေသူအားထပ်မံဖမ်းဆီးစစ်ဆေးခဲ့ကြပြီး
အမှတ်၂နယ်မြေရဲစခန်းကရာဇသတ်ကြီးပုဒ်မ၃၀၂/၃၆၄ဖြင့်ဖွင့်လှစ်ထားပြီးအမှုအားစခန်းမှူးရဲအုပ်ဘိုဘိုဟန်မှအမှုစစ်တာဝန်ယူပြီးနောက်အမှုအားခိုင်မာစွာတည်ဆောက်ခဲ့၍ပဲခူးခရိုင်တရားရုံးသို့တရားစွဲတင်ပို့ခဲ့သောဖြစ်စဥ်အပေါ်တရားရုံးမှအမှုအားလက်ခံကြားနာစစ်ဆေးခဲ့ပြီးတရားရုံးမှပေါ်ပေါက်ချက်များအရဇူလိုင်လ၃၀ရက်နေ့တွင်မိဘများထံမှ ငွေညှစ်တောင်းခံပြီးမောင်သက်နိုင်မင်းအာအသက် သေဆုံးသည် အထိ လုပ်ဆောင်ခဲ့သည့်တရားခံ များဖြစ်ကြသောအောင်ကျော်ဇောအား ရာဇသတ်ကြီး ပုဒ်မ (၃၆၄) အရ အလုပ်နှင့်ထောင်ဒဏ်(၂၀)နှစ်၊ ပုဒ်မ ၃၀၂(၁)
(ခ)အရ မသေမချင်း လည်ပင်းကြိုးကွင်းစွပ်၍ သတ်စေရန် သေဒဏ် ကျခံစေရန် တရားခံ ဟိန်းလတ်(ခ) အောင်ဟိန်းအား ရာဇသတ်ကြီး ပုဒ်မ (၃၆၄) အရ အလုပ်နှင့် ထောင်ဒဏ် (၂၀)နှစ် ကျခံစေရန်နှင့် ပုဒ်မ ၃၀၂(၁)(ခ)/၁ဝ၉ အရ မသေမခြင်းလည်ပင်း ကြိုးကွင်းစွပ်၍ သတ်စေရန် အမိန့်ချ မှတ်ခဲ့သည်ကြောင်းသိရပြီး ပြစ်မှုကျူးလွန်ရာတွင်ပါဝင်ခဲ့သောတရားခံ နိုင်အောင်ဖြိုးသည် အမှုရင်ဆိုင်နေစဥ်ကာလအတွင်း ဝမ်းပျက်ဝမ်းလျှော
ရောဂါဖြင့် သေဆုံးသွားခဲ့ကြောင်း လဲသိရသည်။
သတင်းဇော်ရှင်း

28/07/2025

ပဲခူးတိုင်းဒေသကြီးအနောက်ခြမ်းနတ်တလင်းမြို့တွင်မြို့နယ်သတင်းစာဆရာအသင်း(ယာယီ)မြို့နယ်ရုံးခွဲဖွင့်လှစ်
•••••••••••••••••••••••••••••••••••••••••••••••••••••••••
ပဲခူးတိုင်းဒေသကြီးအနောက်ခြမ်းနတ်တလင်းခရိုင်၊ နတ်တလင်းမြို့နယ် သတင်းစာဆရာအသင်း(ယာယီ)ဖွဲ့စည်းခြင်းနှင့်မြို့နယ်ရုံးခွဲဖွင့်ပွဲအခမ်းအနားအားဇူလိုင် လ၂၈ရက်နံနက်(၁၀း၀၀)ခန့်အချိန်ကကျင်းပပြုလုပ်ခဲ့ပြီး အဆိုပါအခမ်းအနားအား နတ်တလင်းမြို့နယ်စီမံအုပ်ချုပ်ရေးအဖွဲ့မှ ဆရာကြီးဦးကျော်ဌေး ရဲမှူးဦးဌေးအောင် ပြန်ဆက်ဦးစီးဒေါ်ခင်သူဇာဝင်း၊ ပန်းတောင်းမြို့နယ်သတင်းစာဆရာအသင်းဥက္ကဋ္ဌ၊တိုင်း(နာယက)ဦးအောင်မြင့် နတ်တလင်းမြို့နယ်သတင်းစာဆရာအသင်းနာယကဦးကျော်မြင့်တို့နှင့်အတူပူးပေါင်း၍ မြို့နယ်မီးသတ်(ခန်းမ)တွင်အဆိုပြုလွှာများပေးအပ်ချီးမြင့်ခဲ့ကြောင်းသိရပါသည်၊ တက်ရောက်လာကြသောဌာနဆိုင်ရာဝန်ထမ်းများ သတင်းစာဆရာများ နှင့် အသင်းတာဝန်ခံများအမှတ်တရမှတ်တမ်းဓာတ်ပုံများရိုက်ကြပြီး အခမ်းအနားအားနံနက်(၁၁း၀၀)အချိန်ပြီးဆုံးကြောင်းသိရသည်။

21/07/2025

ပဲခူးတိုင်းဒေသကြီးသတင်းစာဆရာအသင်း...

20/07/2025

ပဲခူးတိုင်းဒေသကြီး သတင်းစာ
ဆရာအသင်း ပထမအကြိမ်
ဝါဆိုသင်္ကန်းဆက်ကပ် လှူဒါန်းပွဲ ကျင်းပ
••••••••••••••••••••••••••••••••••••••••••••
ပဲခူး ဇူလိုင် ၂၀

မြန်မာနိုင်ငံ သတင်းစာ ဆရာအသင်း
ပဲခူးတိုင်းဒေသကြီးရဲ့ ပထမ အကြိမ် ဝါဆိုသင်္ကန်း ဆက်ကပ်လှူဒါန်းပွဲအခမ်းအနားအား ဇူလိုင်လ (၂၀) ရက်နေ့ နံနက် (၆) နာရီခွဲ အချိန်က ပဲခူးမြို့၊ ကျွန်းသာယာရပ်ကွက်၊ ပဲခူး.ရန်ကုန် လမ်းမဘေးနှင့်မဇင်း (၁) လမ်းထိပ်ရှိ ပဲခူးတိုင်းဒေသကြီးသတင်းစာဆရာအသင်း ရုံးခန်းမ၌ ကျင်းပခဲ့သည်။
အခမ်းအနားတွင် ပဲခူးမြို့၊ ဥဿာမြို့သစ် ရပ်ကွက်ကြီး (၅) ရှိ ဗုဒ္ဓတံခွန် ကျောင်းတိုက် ဆရာတော် ဘဒ္ဒန္တ သီလာနန္ဒ ထံမှ ငါးပါးသီလ ခံယူကြပြီး ပဲခူးတိုင်းဒေသကြီး သတင်းစာ ဆရာအသင်း ဥက္ကဋ္ဌ ဦးဖြိုးကိုလင်း၊ ဒု.ဥက္ကဌ ဦးဇော်ရှင်း၊အတွင်းရေးမှူး ဦးတင်ထွန်းအောင်နှင့်အလုပ်အမှုဆောင်များမိသားစုဝင်များကဝါဆိုသင်္ကန်းနှင့်
နဝကမ္မဝတ္ထုငွေဆွမ်းခဲဖွယ်တို့ဆက်ကပ်ကြပြီးပဲခူးတိုင်းသတင်းစာဆရာအသင်းမှကွယ်လွန်သွားကြပြီဖြစ်သောပြန်ကြားရေးမှူးဦးမျိုးသိန်းအတွင်းရေးမှူးဦးရွှေဘုန်းအောင်တို့အားရည်စူး၍အမျှတန်းပေးဝေတရားနာယူကြပြီးအလုပ်အမှုဆောင်များမိသားစုဝင်များကြွရောက်လာကြသောဧည့်ပရိတ်သတ်တို့အားအုန့်နို့ခေါက်ဆွဲနှင့်အချိုပွဲတို့ဖြင့်ဧည့်ခံကျွေးမွေးခဲ့ကြောင်းသိရပါသည်။

13/07/2025

လူပုဂ္ဂိုလ်တို့၏ကိုယ်ရေးအချက်အချက်အလက်များကိုနည်းမျိုးစုံဖြင့်လိမ်လည်ရယူခဲ့ပြီးK Pay Account တုများပြုလုပ်ရောင်းချပြီးအဆင့်ဆင့်ငွေကြေးလိမ်လည်ခဲ့သူများကိုပဲခူးမြို့မစခန်းမှဖေါ်ထုတ်ဖမ်းဆီးရမိနိုင်ခဲ့
••••••••••••••••••••••••••••••••••••••••••••••••••••••••••••••••••••••••••
ဒီသတင်းလေးကိုအများပြည်သူသတိထားနိုင်မိစေဘို့အတွက်သတင်းအဖြစ်ရေးသားခြင်းထက်ပြည့်ပြည့်စုံစုံလေးဖြစ်အောင်ရေးသားဖေါ်ပြပေးလီုက်တာပါ၊
ယခုနောက်ပိုင်းလူမှုကွန်ယက်စာမျက်နှာကိုအများပြည်သူများအသုံးပြုလာကြသည်ကိုအခွင့်ကောင်းယူလို့နည်းမျိုးစုံတိုဖြင့်အွန်လိုင်းလိမ်လည်မှုများမကြာခဏမြင်တွေ့ကြရမှာဖြစ်ပါသည်၊
ထို့အတွက်ကြောင့်မိမိတို့၏ကိုယ်ရေးအချက်အလက်များကိုမသက်ဆိုင်သူများရယူနိုင်မှုမရှိစေရေးသတိထားထိန်းသိမ်းဘို့လဲလိုအပ်ပါသည်၊
ငွေကြေးမက်လုံးများပေး၍နည်းမျိုးစုံအကြောင်းပြချက်များဖြင့်မှတ်ပုံတင်များငှားရမ်းခြင်း၊k pay accountများရောင်းဝယ်ခြင်းများမပြုမိကြဘို့လိုပါသည်၊
မိမိကိုယ်ရေးအချက်အလက်များကိုအသုံးချ၍အခြားနေရာတို့၌လိမ်လည်မှုများပြုလုပ်ခြင်းခံရပါကကိုယ်တိုင်ဘာမှကျူးလွန်ခြင်းမရှိပါဘဲဥပဒေအရရင်ဆိုင်ဖြေရှင်းရတာမျိုးခံရတတ်ပါသည်၊
သတင်းဖြစ်စဥ်မှာပဲခူးမြို့ မြို့မရဲစခန်းသို့လိမ်လည်ခြင်းခံရသူနစ်နာသူတစ်ဦးမှလာရောက်ပြီး chue chueလူသုံးကုန်ပစ္စည်းရောင်ဝယ်ရေးပေ့ချ်တစ်မှရောင်းဝယ်သည့်ပစ္စည်းတစ်ခုကိုအွန်းလိုင်းမှဝယ်ယူခဲ့ပြီးချိုချိုအေးအမည်ဖြင့်ဖွင့်လှစ်ထားသောk pay accountသို့ငွေလွှဲပေးရာမှလိမ်လည်သွားသည့်အတွက်ဖေါ်ထုတ်အရေးယူပေးဘို့ပဲခူးမြို့မရဲစခန်းသို့လာရောက်တိုင်တန်းခဲ့တဲ့အတွက်ပဲခူးမြို့မရဲစခန်းကဖေါ်ထုတ်ရမိခဲ့တဲ့အမှုဖြစ်ပါတယ်၊
အဆိုပါသတင်းအရပဲခူးမြို့မစခန်းမှူးနှင့်နယ်ထိန်းတပ်ဖွဲဝင်များမှချိုချိုအေးk payအကောင့်ပိုင်ရှင်အားစုံစမ်းခဲ့ရာချိုချိုအေးဆိုသူအားရှာဖွေတွေ့ရှိခဲ့ပြီးစစ်ဆေးခဲ့ရာ၎င်းမှာအမှုဖြင့်သက်ဆိုင်ခြင်းမရှိဘဲ၎င်း၏ကိုယ်ရေးအချက်အလက်များရယူပြီးလိမ်လည်မှုများအသုံးပြုခံရကြောင်းစိစစ်တွေရှိရ၍အသေးစိတ်စုံစမ်းခဲ့ရာ၎င်းသည်အလုပ် လုပ်ကိုင်ရန်အတွက်အလုပ်သမားညွှန်ကြားမှုရုံးသို့လေဘာကတ်ပြုလုပ်ရန်သွားရောက်စဥ်အဆိုပါရုံးရှေ့သို့ဝေယံဖြိုးဆိုသူလူတစ်ဦးမှရောက်ရှိလာပြီးk pay အကောင့်ဖွင့်ပေးမယ်လှည့်ဖြားစည်းရုံးမှုအပေါ်ယုံကြည်ပြီးမိမိ၏ကိုယ်ရေးအချက်အလက်နှင့်ဓါတ်ပုံများရယူသွားကြောင်းသိရသဖြင့်အဆိုပါရယူသွားသောနေရာသို့ပဲခူးမြို့မစခန်းမှနယ်ထိန်းတပ်ဖွဲ့ဝင်များစောင့်ဆိုင်းရှာဖွေခဲ့ရာမှဝေယံဖြိုးဆိုသူအားလှိုင်သာယာလေဘာရုံးရှေ့မှတ်တိုင်တွင်ဇူလိုင်၄ရက်၂၀၂၅ရက်နေ့လည်အချိန်ကဖမ်းဆီးရမိနိုင်ခဲ့ပြီးဝေယံဖြိုးအားစစ်ဆေးခဲ့ရာ၎င်း၏အစစ်ခံဖေါ်ထုတ်ချက်အရk payအကောင့်များဖွင်လှစ်ပေးသူအောင်ခန့်ဆိုသူအားရန်ကုန်းတိုင်းဒေသကြီးကျောင်းလမ်းအလုံမြို့နယ်၌ထပ်မံဖမ်းဆီးရမိနိုင်ခဲ့ပြီးစစ်ဆေးခဲ့ရာ၎င်းတို့နှစ်ဦးသည်လူပုဂ္ဂိုလ်တို့၏ကိုယ်ရေးအချက်အလက်တို့အားအကြောင်းအမျိုးမျိုးပြလိမ်လည်လှည့်ဖြားရယူခဲ့ပြီး ထိုသူတို့၏အချက်အလက်များဖြင့်k payအကောင့်များပြုလုပ်ပြီးစျေးနှုံးအမျိုးမျိုးဖြင့်ရောင်းချသူများဖြစ်ကြောင်းစစ်ဆေးရမိခဲ့ပါသည်၊၎င်းတို့နှစ်ဦးသည်ကအခြားသူများ၏ကိုယ်ရေးအချက်အလက်များရယူပြီးk payအကောင့်မျိုးစုံ၁၀၀ကျော်တို့ဖွင့်လှစ်ပြီးအွန်လိုင်းပေါ်မှရောင်းချထားကြောင်းလဲစစ်ဆေးဖေါ်ထုတ်ရရှိထားတယ်လို့သိရပါသည်၊
chue chueလူသုံးကုန်ပစ္စည်းရောင်းဝယ်ရေးပေ့ချ်ဖြင့်အရောင်းအဝယ်ပြုပြီးချိုချိုအေးk payအကောင့်မှငွေလက်ခံပြီးထပ်မံငွေလွဲပြောင်းရယူသွားသည့်အိအိမွန်အကောင့်ပိုင်ရှင်အားမအိအိမွန်(၂၆)နှစ်(ဘ)ဦးခင်စိုး စိန်ပိတောက်လမ်း(၅)ကွက်ထန်းတပင်မြို့နယ်ရန်ကုန်တိုင်းဒေသကြီးနေသူအား၁၀.၇.၂၀၂၅ရက်နေ့ညနေ၃နာရီအချိန်ကဖမ်းဆီးရမိခဲ့ပါသည်၊
အဆိုပါပေ့ချ်အမည်အားအသုံးပြု၍ဝေယံဖြိုးနှင့်အောင်ခန့်တို့ထံမှဝယ်ယူပြီးငွေလက်ခံရယူထားသောအောက်ဖေါ်ပြပါk pay အကောင့်အမျိုးမျိုးအသုံးပြု၍ငွေလက်ခံရယူထားကြောင်းလဲသိရပါသည်၊
(က)zin mar myoအမည်ဖြင့်09691746944
(ခ)Khing zinအမည်ဖြင့်09678792799
(ဂ)Kyaw thi hiအမည်ဖြင့်09688331117
(ဃ)Thein Theint Thuအမည်ဖြင်09751327270
(င)Cho Cho Aye အမည်ဖြင်ံ09785983143
(စ)Hnin Ei Phyuအမည်ဖြင့်09774813414
(ဆ)Zaw Htetအမည်ဖြင့်09956042810
(ဇ)Daw Thinda Winအမည်ဖြင့်09685301924
(ဈ)Kyaw Kyaw Soeအမည့်ဖြင့်09664939784တို့ဖြင့်k pay /wave payဖြင့်ငွေကြေးလိမ်လည်ရယူထား
သောဖုန်းသုံးလုံးနှင့်လိမ်လည်ရယူထားသောငွေသိန်းသုံးရာငါးဆယ်ကျပ်တို့နှင့်အတူဥပဒေနှင့်အညီဖမ်းဆီးရမိသိမ်းဆည်းနိုင်ခဲ့သည့်အတွက်၎င်းတို့သုံးဦးအားပဲခူးမြို့မရဲစခန်း(ပ)၂၅၃/၂၀၂၅အီလက်ထရောနစ်ဆက်သွယ်ဆောင်ရွက်ရေးဥပဒေပုဒ်မ-၃၈-ခဖြင့်အမှုဖွင့်ဆောင်ရွက်ထားပြီးဆက်လက်ဆောင်ရွက်နေတဲ့အကြောင်းသိရပါတယ်၊
အဆိုပါဖေါ်ပြပါ chue chue လူသုံးကုန်ပစ္စည်းရောင်ဝယ်ရေးပေ့ချ်ဖွင့်လှစ်ထားသောပေ့ချ်မှပစ္စည်းဝယ်မိခဲ့ပြီးk pay accontအမျိုးမျိုးသို့ငွေလွဲပြီးလိမ်လည်ခံရပြီးနစ်နာခဲ့သူများရှိပါကပဲခူးမြို့မစခန်းသို့လူကိုယ်တိုင်သော၎င်းအောက်ဖေါ်ပြပါဖုန်းနံပါတ်များသို့ဆက်သွယ်အကြောင်းကြား၍မိမိတို့နစ်နာမှုများတိုင်ကြားနိုင်ကြောင်းဖေါ်ပြလိုက်ရပါသည်၊
ဆက်သွယ်နိုင်မည့်ပဲခူးမြို့မစခန်းဖုန်းနံပါတ်များ၊
09-428044315
09-420970328
09-450563882
သတင်းနှင့်ဓါတ်ပုံ-z plus news agency.

09/07/2025

🙏🏻 မင်္ဂလာရှိသောနေ့သစ်ပါ 🙏🏻

💕 ဘေးရန်ကင်းကွာ စိတ်ချမ်းသာ

🩵 လိုအင် ဆန္ဒများပြည့်ဝကြပါစေ 🩵

08/07/2025

ဇူလိုင်၇ ရက်၂၀၂၅ရက်နေ့ည၁၁နာရီ၃၀ ချိန် ခန့်ကပဲခူးတိုင်းဒေသကြီးပဲခူးမြို့၊ပဲခူးခရိုင် မှုခင်းနှိမ်နင်းရေးအဖွဲ့မှတာဝန်ခံအရာရှိ ‌ ရဲအုပ်ဇော်မိုးနိုင် ဦးစီးအဖွဲ့မှ ဆက်စပ်သတင်းများအရဝေဖြိုးအောင်(ခ)ကိုဖြိုး၊(၂၈)နှစ်၊အင်းဝင်(၉)လမ်းရှိနေအိမ်အား ဝရမ်းအမှတ်(၉/၂၀၂၅) ဖြင့်နေအိမ်အတွင်းဝင်ရောက် ရှာဖွေရာ နေအိမ်‌ရှေ့ခန်း အိပ်ယာခေါင်းရင်း၌ WY စိတ်ကြွဆေးပြား များနှင့်၊ သုံးစွဲ ဆက်စပ်ပစ္စည်းများ၊ ကီးပတ်ဖုန်း(၁)လုံး၊ ငွေ ( ၅၄၀၀ဝိ/-)ကျပ်တို့အားရှာဖွေတွေ့ရှိရ၍ သိမ်းဆည်းပြီး အရေးယူပေးပါရန်တရားလိုပြု၍ပဲခူးမြို့မရဲစခန်းသို့ပို့အပ်တိုင်တန်းခဲ့ရာမြို့မှရဲစခန်းမှဝေဖြိုးအောင်အားအမှုဖြင့်ဖမ်းဆီးထားပြီးစစ်ဆေးနေကြောင်းသိရပါသည်။
Z Plus News.

08/07/2025

သတင်းအရနေအိမ်အတွင်းမူးယစ်ဆေးဝါးရှာဖွေဝရမ်းဖြင့်ဝင်ရောက်ရှာဖွေ
•••••••••••••••••••••••••••••••••••••••••••••••••••••••••••••
ဇူလိုင် ၇ရက်၂၀၂၅နေ့ည၁၀နာရီ၅၀အချိန်ခန့်က ပဲခူးတိုင်းဒေသကြီး၊ပဲခူးမြို့တွင်ပဲခူးခရိုင် မှုခင်းနှိမ်နင်းရေးအဖွဲ့မှ တာဝန်ခံအရာရှိရဲအုပ်ဇော်မိုးနိုင် ဦးစီးအဖွဲ့မှပဲခူးမြို့၊နန်းတော်ရာရပ်ကွက်၊အင်းဝင်(၉)လမ်းနေ အာကာ(ခ) အာကာထွန်း (၂၇)နှစ်သံပန်းလုပ်သူ၏နေအိမ်အား သတင်းအရဝရမ်းအမှတ်(၈/၂၀၂၅)ဖြင့်သက်သေများနှင့်အတူနေအိမ်အတွင်းဝင်ရောက် ရှာဖွေရာ နေအိမ်‌ အိပ်ခန်းအတွင်း အိပ်ယာအောက်၌ WY စိတ်ကြွ ဆေး ပြားများ၊ သုံးစွဲဆက်စပ်ပစ္စည်းများနှင့်realme ဖုန်း(၁)လုံးတို့အား တွေ့ရှိရ၍သိမ်းဆည်းပြီး အရေးယူပေးရန်တရားလိုပြု၍ပဲခူးမြို့မရဲစခန်းသို့ပို့အပ်တိုင်တန်းခဲ့ရာအာကာထွန်းအားပဲခူးမြို့မစခန်းမှဆက်လက်စစ်ဆေးဆောင်ရွက်နေတယ်လို့သိရပါသည်။
Z Plus News Agency.

08/07/2025

ဇရပ်ပေါ်တွင်အချိန်မတော်ထိုင်နေသူကိုတွေ့ရှိရ၍စစ်ဆေးရာမှစိတ်ကြွမူးယစ်ဆေးပြားနှင့်အတူတွေ့
••••••••••••••••••••••••••••••••••••••••••••••••••••••••••••••••••••••••••••
ဇူလိုင်၇ရက်၂၀၂၅ နေ့ည၁၀နာရီအချိန်ခန့်ကပဲခူးခရိုင်မှုခင်းနှိမ်နင်းရေးအဖွဲ့မှတာဝန်ခံအရာရှိရဲအုပ်ဇော်မိုးနိုင်ဦးစီးသောအဖွဲ့သည်နယ်မြေလုံခြုံရေးဆောင်ရွက်နေစဥ်ပဲခူးမြို့၊နန်းတော်ရာရပ်ကွက်၊အင်းဝင်(၈)အရောက်တွင်ဇရပ်ပေါ်တွင်မသင်္ကာဖွယ်လူတစ်ဦးတွေ့ရှိရ၍စစ်ဆေးရာ၎င်းသည် အောင်ဇင်ဦး၊(၂၇)နှစ်၊(ဘ)ဦးမင်းဦး၊ ယာဉ်မောင်း၊ အင်းဝင်(၈)လမ်း၊နန်းတော်ရာရပ်၊ပဲခူးမြို့နေသူဖြစ်ကြောင်းသိရပြီး၎င်းခန္ဒာကိုယ်အားသက်သေများနှင့်အတူရှာဖွေရာ အကျီအိတ်ကပ်တွင်း WY စိတ်ကြွရူး ဆေးပြားနှင့်မူးယစ်သုံးစွဲရာတွင်ဆက်စပ်
ပစ္စည်းများ၊ Honor လက်ကိုင် ဖုန်း(၁)လုံးတို့အား တွေ့ရှိ၍သိမ်းဆည်းပြီး အောင်ဇင်ဦးအားပဲခူးမြို့မရဲစခန်းသို့ပို့ဆောင်ပေးခဲ့ကြောင်းသိရပါသည်။
Z Plus News.

03/07/2025

နေအိမ်အပေါ်ထပ်တွင်အိပ်ပျော်နေသည့်ကလေးရေဝင်နေသည်နေအိမ်အောက်ထပ်သို့ပြုတ်ကျနေပြီးရေနစ်သေဆုံး
••••••••••••••••••••••••••••••••••••••••••••
ပဲခူးမြို့နယ် ဇိုင်းတောင်ရပ်ကွက်၊ မင်္ဂလာလမ်း၊ သာမဏေကျော်ဘုန်းကြီးကျောင်းအနီးရှိ ရေဝင်နေသည့် နေအိမ်တစ်အိမ်၌နံနက် ၄ နာရီအချိန် ခန့်မိဘများသည် တာပေါ်ဈေးသို့ ကုန်စိမ်းရောင်းရန်သွားစဉ် ကလေး(၃)ယောက်တို့သည် ခြေတံရှည်နေအိမ် အပေါ် ထပ်တွင် အိပ်လျက်ကျန်ရစ်ခဲ့ကြပြီး နေအိမ်အပေါ်ထပ်မှ အောက်ထပ် သို့ဆင်းသည့် လှေကား တံခါးအား မပိတ်ခဲ့မိကြောင်းသိရပြီးနံနက် ၆ နာရီခွဲ အချိန်တွင် ဖခင်ဖြစ်သူမှ ကလေးများအား ကျောင်းပို့ရန် နေအိမ်သို့ပြန်လာသည့်အခါ ရေဝင်နေသည့် နေအိမ်အောက်ထပ် လှေကားခြေရင်းအနီး ရေအနက်(၁)ပေခွဲခန့်တွင် သားဖြစ်သူ မောင်သျှမ်းထက်ပိုင်၁နှစ်၆လ သည်မှောက်လျက်အနေအထားဖြင့် ရေနစ် သေဆုံးခဲ့တာဖြစ်တယ်လို့သိရပါတယ်။
Z Plus News Agency.

02/07/2025

တောင်ငူမြို့တွင် အမျိုးသမီးတစ်ဦးအား သေဆုံးသည်အထိ အက်ဆစ်နဲ့ ပက်ခဲ့သူ အမျိုးသားကို မသေမချင်း လည်ပင်းကြိုးကွင်းစွပ်သတ်စေရန် အမိန့်ချ
•••••••••••••••••••••••••••••••••••••••••••••••••••••••••••
ဇူလိုင် •၂ •ပဲခူး
ပဲခူးတိုင်း တောင်ငူမြို့တွင် အမျိုးသမီးတစ်ဦးကို သေဆုံးသည်အထိ အက်ဆစ်နဲ့ ပက်ခဲ့သူ အမျိုး သားကို မသေမချင်း လည်ပင်းကြိုးကွင်းစွပ်သတ်စေရန် တောင်ငူခရိုင် တရားရုံးမှ အမိန့်ချမှတ် လိုက်ပါတယ်။
ဖြစ်စဥ်မှာ၂၀၂၄ ခုနှစ် အောက်တိုဘာလ (၂၂)ရက် ညနေ (၆)နာရီကျော်အချိန်က တောင်ငူမြို့(၁၂)ရပ်ကွက် ဘုရားလမ်း အမှတ်(၃၁)တွင် နေထိုင်သူ ကိုဇော်လင်းထိုက်နဲ့ ဇနီးဖြစ်သူ ဒေါ်အေးမြစန္ဒာမြင့် သည် နေအိမ်မှ အတူထွက်လာကာ ကိုဇော်လင်းထိုက် မှာSky Star စားသောက်ဆိုင် တွင်ကျန်နေ ခဲ့ကာ ဒေါ်အေးမြစန္ဒာမြင့်မှာ ပိုက်ဆံသိမ်းရန်ရှိသဖြင့် (၁၉)ရပ်ကွက် ညောင်ပင်ဈေးသို့ဆက် လက် ထွက်သွားခဲ့ပါတယ်။
ညနေ (၇)နာရီကျော်အချိန်တွင် ကိုဇော်လင်းထိုက်မှ ဇနီးဖြစ်သူ ဒေါ်အေးစန္ဒာမြင့်အား ဖုန်းဆက် သွယ်ခဲ့ရာတွင် ဇနီးအသံမဟုတ်ဘဲ အမည်မသိ အမျိုးသားတစ်ဦးမှ ဖုန်းကိုင်ခဲ့ပြီး ဒေါ်အေးမြစန္ဒာ မြင့် မှာအက်ဆစ်ဖြင့်အပက်ခံရသဖြင့် တောင်ငူဆေးရုံကြီးသို့ ရောက်ရှိနေကြောင်း ပြောပြခဲ့တဲ့ အတွက် သူငယ်ချင်းများနှင့် အတူတောင်ငူဆေးရုံကြီးသို့ သွားရောက်ခဲ့ပါတယ်။
တောင်ငူဆေးရုံကြီးသို့ ရောက်ရှိချိန်တွင် ဒေါ်အေးမြစန္ဒာမြင့်အား ပြင်ပလူနာဌာနတွင် မျက်နှာ လက်မောင်း ရင်ဘတ်နဲ့ ဝမ်းဗိုက်တို့တွင် အရေပြားများ လောင်ကျွမ်းဒဏ်ရာများနှင့် မျက်လုံး (၂)ဖက်မှာလည်း ကောင်းစွာမမြင်ရကြောင်း တွေ့ရှိခဲ့ရပြီး ရရှိဒဏ်ရာများဖြင့် အောက်တိုဘာလ (၂၃)ရက် ညနေ (၃)နာရီခွဲ အချိန်တွင် ကွယ်လွန်သွားခဲ့တဲ့ အမှုဖြစ်ပါတယ်။
ကိုဇော်လင်းထိုက်မှ ဇနီးဖြစ်သူအား အက်စစ်ဖြင့် ပက်ခဲ့သူကို စုံစမ်းဖော်ထုတ်ပေးရန် တရားလိုပြုတိုင်တန်း ခဲ့သဖြင့် တောင်ငူမြို့မ ရဲစခန်းက အမှုဖွင့်ကာ စုံစမ်းစစ်ဆေးမှုများ ပြုလုပ်ခဲ့ပါတယ်။
စစ်ဆေးမှုစစ်ဆေးပေါ်ပေါက်ချက်အရ တောင်ငူမြို့ (၄)ရပ်ကွက် ဦးပန်းဖြူလမ်း အမှတ် (၉၄) ဧည့်ရိပ် သာလုပ်ငန်း လုပ်ကိုင်သူ အသက် (၆၂)နှစ်အရွယ် ပြစ်မှုကျူးလွန်သူ တရားခံ အောင်ဆွေလတ် (ခ) အီစာ ကို သက်သေခံ ပစ္စည်းများနဲ့အတူ ဖမ်းဆီးနိုင်ခဲ့ပါတယ်။
အမှုတွင် တရားလိုနှင့် သက်သေများ ထွက်ဆိုချက် တရားခံစစ်ဆေးချက်၊ သက်သေခံ အထောက် အထား CCTVမှတ်တမ်းအထောက်အထား ဆေးစာပြန်ကြားချက် ဓာတုဗေဒဝန်ရုံး ပြန်းကြားချက် အခင်းဖြစ်မြေပုံကြမ်းနှင့် မှတ်တမ်းဓာတ်ပုံ အထောက်အထားတို့အရ တရားခံ အောင်ဆွေလတ် (ခ) အီစာသည် ဒေါ်အေးမြစန္ဒာမြင့်အား အက်ဆစ်ဖြင့် ပက်သဖြင့် သေဆုံးခဲ့ကြောင်း စစ်ဆေး ပေါ်ပေါက်ခဲ့ပါတယ်။
၂၀၂၄ ခုနှစ် နိုဝင်ဘာလ (၂၀)ရက်တွင် တောင်ငူခရိုင် တရားရုံးသို့ တရားစွဲတင်ပို့ခဲ့ပြီး တရားရုံးမှ ၂၀၂၅ခုနှစ် ဇွန်လ (၃၀)ရက်တွင် တရားခံ အောင်ဆွေလတ် (ခ) အီစာအား ရာဇသတ်ကြီးပုဒ်မ-၃၀၂(၁)(ခ)အရ မသေမချင်း လည်ပင်းကြိုးကွင်းစွပ်သတ်စေရန် သေဒဏ် ချမှတ်ခဲ့ပါတယ်။

Z+Plus News

04/08/2025

31/07/2025

28/07/2025

21/07/2025

20/07/2025

13/07/2025

09/07/2025

08/07/2025

08/07/2025

08/07/2025

03/07/2025

02/07/2025

Address

Website

Alerts

Shortcuts

Share

Category