Sultania Updates

13/10/2025

knaba ayabo a Dream ko kapphagoyaga ko sultania na kapangidin sa kadatu/kabae igera ana dim morod panamaran tano a mimbalingan so asal a katatagowi sa menang ko mga inged tanu.

mamagogopa tanu na magisaisa tano ka aden makatalingoma so tabang o Allah ko mga pipiya i pamikiran ko mga khalifah Datu/Bae.

giyai so masa a dikashabeka o sabaad ko mga panoroganan, 28 Adel a Gaus agoso Pat a inged ko kabnar o mga pipiya a tao sa ranao ko kiyapokas o SULTANIA ko kaphamili sa phakaontoden ko traditional leader sii sa BARMM.

13/10/2025

28/07/2025

kataya so kiyataritiba o mga lokes sa gyangkai a kiyaranda a ragat a tiyongkop a layagen sii ko masa dirandi kapaginged

1- PHANGAMPONG: iniborod iran so Pat a phangampong sa inged a Ranao maana so Tlo a domagandar a palayaden bayabao, so Marugong, so Maganding goso Mimbisa.
👉🏻saya iran tiyagowi sa diangka so kawali a gapa a inged a Maganding

2- SOKO: omani isa ka phangampong na pishoko iran na miya walo ka soko maana so poon a domagandar, Lumba a domagandar, Mala a Domagandar, sebangan a Unayan, sedepan a Unayan, sebangan a Masiu, sedepan a Masiu agoso baloi

3- INGED: omani isaka soko na biyorodan sa phapat a Inged a biyaloy a adel
👉🏻saya miya aden so dowapolo ago walo a inged a kashasalingganataan o mga datu a miyatendo a gomiyaos ko inged

4- AGAMA: biyorodan sa Agama so mga inged gyotowi ana khatoon ka lima ka agama, sapolo agodowa ka agama etc.

5-PILIPONGAN

giyangkai a kiyandiyatorawn o mga lokes na di maphamagalin ka tiyagowaniran aya sa paninta begao, gapen, songkor, naas

so aden a pakaiza iyan na dibo di pakishinabota ko president o 28 Adel a Gaus a si Sultan sa Malalis Dir. mohammad Abdul azis Taha

27/07/2025

sa ingaran o dowapolo ago walo a dadawagan sa paar ko taritib o pat a piyagadilan maana so Marogong, Maganding, Mimbisa nago so Tlo a Domagandar a palayaden bayabao

na so kababaloy o Sultan sa Malalis a si Dir. mohammad abdul azis Taha a aya emanto kapapantagan a president o 28 adel a Gaus, na tarotop a di kami makaayon oba talowi a datu a romapunut so ikadaraan saba mipagoman ko taritib a miyaamongon so pat a phangampongan sa inged a ranao

angiyas kami ko shogok sa balawg nagoso phembakolo so Sana…

16/07/2025

KALANGKAPAN:
Obana dapen makapas sa ATORAN na pakishinabota ko 28 a mga Adel a Gaus

16/07/2025

An Alternative Dispute Resolution Conference was sponsored by SUBATRA through CBCS at the Provincial Social Hall in Marawi City. The event was organized by the Sultanate of Lanao with assistance from RIDO Inc. The occasion is important since we need to settle various numbers of local disputes that are hindering the province from experiencing peace and progress. To promote peace and development, it is hoped that the BARMM shall engage local leaders and traditional leaders in pursuit of social cohesion and stability in the province. The sultanate leaders have been voluntarily resolving conflicts for more than a century. This is the right time for the local mediators and traditional leaders in general to be acknowledged and recognized for their efforts. The occasion was a huge success.

15/07/2025

KALILINTAD ko ginawa: aya kaplintad a mokarna o ginawa na maadenon so kapag ihlas sii ko langowan taman a phenggalebeken iyan a simba, ka o mablagon so tolabos a kapag ihlas na sii pkhawlog ko sangkaan a atay na mapay o tarimaa na korang a balas iyan

Dir. Taha Mohammad alhadj
Sultan sa Malalis
president o 28 Adel a Gaus

15/07/2025

RIDO a mipantag sa kawali - isa ini a pkhapoonan a mala a simoket o kaphamilya, isaka lokes, isa ka maginged.

aya tindeg sii o mga lokes ko kiyapakabasngiran ko karata o kapanganiyaya sa kawali na tiyagowaniran sa paninta: Gapen sa Unayan, Bgaw sa Bayabao, songkor sa masiu, tarian/lawian/naas sa Baloi

sa lagid den o kiniborodeniran ko diyangka a kawali a dalem a masiu a gyanan so bacayawan, dalama, madamba nagoso tenday o sawir

Sultan sa Ragayan