SLU Tanglaw Hilaga

19/10/2025

Kultura, Sining, at Pagnenegosyo: SLU BEdS-HS,
Nagsanib-Puwersa sa Isang Makulay na Pagdiriwang

Oktubre 17, 2025 — Naging isang makulay at masiglang pagtitipon ng iba't ibang kultura ang Saint Louis University Basic Education School HS (SLU BEdS-HS) matapos na idaos ang isang pambihirang pagdiriwang para sa Indigenous People's Month, United Nations Day, at Entreprenuership Day.

Sa temang “Ating Pandayin ang Kinabukasan, Gabay ang Katututong Katarungan at Karapatan,” ipinamalas ng paaralan ang kanilang malalim na pagpapahalaga sa katutubong karunungan at pandaigdigang pagkakaisa sa isang programang pumuno sa Charles Peter Covered Court ng musika, sayaw, at sining.

Sinimulan ang pagdiriwang sa isang taimtim na panalangin, na agad sinundan ng isang mapang-akit na Culture Dance na nagpakita ng mayamang tradisyon ng Pilipinas. Nagbigay ng pambungad na pananalita si G. Alejandro P. Pablico, ang prinsipal ng BEdS, at binigyang-diin niya ang kahalagahan ng pag-alaala at pagbibigay-pugay sa mga katutubong komunidad bilang pundasyon ng kinabukasan.

Sunod-sunod na pagtatanghal mula sa iba't ibang antas ang bumighani sa mga manonood. Namangha ang mga mag-aaral sa parada ng mga banner na naglarawan ng mga tema ng katarungan at karapatan na masusing iginuhit at kinulayan ng mga mag-aaral mula sa Baitang 8. Naghandog ng isang musikal na presentasyon ang mga mag-aaral ng Baitang 9, at nakiisa sa pag-awit ang buong komunidad. Isa sa pinakainabangang bahagi ng programa ay ang pagrampa ng mga piling mag-aaral mula sa Baitang 10. Suot ang mga malikhaing kasuotan na gawa mismo ng kani-kanilang klase, ipinakita nila ang pagiging mapamaraan at artistikong pagdisenyo ng mga kasuotan. Hindi rin nagpahuli ang Society of Performing Arts (SPA), na nagpamalas ng kanilang kahusayan sa isang makapangyarihang pagtatanghal, na nagpakita ng iba't ibang kultura sa pamamagitan ng galaw at sayaw.

Umalingawngaw ang hiyawan at tawanan sa buong court nang simulan ang Community Dance. Inanyayahan ng mga mananayaw ang mga g**o at mag-aaral na makiisa, na lumikha ng isang di malilimutang sandali ng pagkakaisa at saya. Sa pagtatapos ng programa, kinilala at pinarangalan ang mga nagwagi sa iba't ibang patimpalak, bago muling nagsalita si G. Pablico para sa kanyang pangwakas na pananalita.

Ngunit hindi doon natapos ang kasiyahan. Ang pagdiriwang ay nagbigay-daan din sa Entrepreneurship Day, kung saan nagkaroon ng pagkakataon ang mga mag-aaral na maglibot sa iba't ibang booth. Pinangunahan ito ng mgaklase mula sa ika-11 Baitang, na nagpakita ng kanilang mga produkto at serbisyo. Lalo pang nagbigay-sigla sa kaganapan ang presensya ng Etag TV, na aktibong nakisalamuha sa mga mag-aaral at g**o.

Ang pinagsamang pagdiriwang na ito ay hindi lamang nagpakita kung gaano kakulay ang kultura ng bawat tribo at bansa, kundi nagpatunay rin na sa SLU BEdS, ang bawat tradisyon—maliit man o malaki—ay binibigyang-halaga, tinitingala, at hindi kailanman kinakalimutan.

Pagkilala:
✍️: Zarate, G.
📸:Gng. E.Cadiao, Gng. M.Pugoy, Alim, C., Bonifacio, R., Daccog, K., Jacob, P., Mataya, C., Penaso, F., Rojo, M.

10/10/2025

Kumusta? Nag-aalangan ka ba sa kalalabasan ng grado mo? Kinakabahan ka ba? Anuman ang iyong nararamdaman, karamay mo ako, nandito lang, sumusuporta at naghihintay sa iyo. Sa susunod na markahan, babawi tayo!🫂💙

Pagkilala:
🖼️: Viado, L.

09/10/2025

“Never Again. Never Forget”

Ang Samahan ng Nagkakaisang Mag-aaral (SANAMA) bilang kinatawan ng BEdS ay nakilahok sa ginanap na Prayer March noong Oktubre 7, 2025. Nagsimula ito sa Baguio Convention Center patungo sa Baguio Cathedral of Our Lady of Atonement, kung saan ginanap ang Banal na Misa na pinangunahan ni Rev. Rafael T. Cruz D. D. Obispo ng Baguio City. Dito ipinakita ang pagkakaisa ng boses ng mga mag-aaral a kawani mula sa iba't ibang paaralan ng Diyosesis ng Baguio bilang pagtutol sa isyu ng korapsyon. Sila ay nagsama-sama upang manalangin para sa mga pagpapala, kapayapaan, at espirituwal na pagbabago sa komunidad at bansa. Naging inspirasyon ang bahagi ng mensahe ni obispo Rev. Rafael T. Cruz D. D., “Tayo’y nagdarasal bilang isang komunidad upang maliwanagan ang isipan ng mga sakim at magnanakaw sa gobyerno”.

Pagkilala:
✍️: Labonete, A.
📸: Jacob, P., Delizo, U.

03/10/2025

Isang taos-pusong pagpupugay sa lahat ng mga g**o! Sa aming mga Louisianong g**ong misyonaryo, maraming salamat po sa inyong hindi matatawarang pagmamahal, dedikasyon, at serbisyo sa aming mahal na paaralan. Kayo po ay tunay na inspirasyon! 👩‍🏫👨‍🏫

27/09/2025

“Sharing your blessing is caring.” Ito ang binigyang-diin ni Rev. Fr. Emery Mwako, CICM sa kaniyang Homilya sa Banal na Misa kahapon, Setyembre, 26,2025 na may temang “Rekindling Missionary Spirit through the example of Mother Mary.”

Ipinaalala rin niya na mas mainam ng magbigay kaysa tumanggap sapagkat ang mga gawa ng pagkabukas-palad ay nagpaparangal sa taong tumatanggap. Kaugnay nito ay ipinapanood ang iba’t ibang bansa at lahi na natulungan ng “mission month drive” na isinagawa noong nakaraang taon.
Sa taong ito, hinimok din ni Fr. Mwako na ipagpatuloy ang naumpisahang pagtulong kahit na magkano basta galing sa puso dahil kapag napagsama-sama ang halaga ay malaki ito at makatutulong pa sa mas marami.

Nagkaroon din ng maikling panunumpa ang mga mag-aaral at kawani na layong mas pagtibayin ang kanilang mga tungkulin bilang misyonaryong Lousiano.

Pagkatapos ng Banal na Misa ay pinarangalan ang SLU Boys and Girls Volleyball Cubs kasama ang kanilang mga coach na sina G. Bren Fajardo at Gng. Sabatini Pay-oc sa kanilang tagumpay sa Brent Invitational na naganap noong Setyembre 6, 2025 na sinundan ng pagbati ni G. Alejandro P. Pablico, prinsipal ng BEdS.

Pagkilala:
✍️: Galapon, J., Zarate, G.
📸: Bonifacio, R., Daccog, K., Jacob,P., Mataya, C., Penaso, F., Perez, A.

20/09/2025

“Huwag maging banyaga sa sariling bayan”

Isang makasaysayang lakbay-aral ang isinagawa ng mga miyembro ng mga Samahang Filipino, Tanglaw Hilaga, at History Club sa Aguinaldo Museum, Baguio City ngayong Setyembre 20, 2025. Sa kanilang pagbisita, namangha sila sa kanilang nasilayan na iba’t ibang personal na gamit ni Gen. Emilio Aguinaldo at ng kaniyang pamilya, mga likhang-sining kaugnay sa pagkamit ng kalayaan ng Pilipinas, at maging ang orihinal na watawat ng Pilipinas. Ang karanasan ay hindi lang nagdagdag ng kaalaman kundi nagpaigting sa pagpapahalaga ng mga mag-aaral sa kasaysayan at kultura ng bansa.

Ayon kay Gng. Athena D. Bergado (g**o sa Kasaysayan), “Mahalaga ang ganitong karanasan dahil mas napapalalim nito ang pag-unawa ng mga mag-aaral sa aralin.” “Mas nakaka-excite mag-aral kapag nakikita at nararanasan namin mismo ang itinuturo sa klase,” dagdag pa ni Loreign Viado (mag-aaral).

Bukod sa dagdag-kaalaman, nagkaroon din sila ng masayang karanasan na tiyak na hindi nila malilimutan kasama ang kanilang mga tagapayo na sina Gng, Wilma A. Cacho (Samahang Filipino) Dr. Mercy T. Acosta (Tanglaw Hilaga), at Gng. Athena D. Bergado (History Club).

19/09/2025

Setyembre 19, 2025 — Nakiisa ang komunidad ng BEdS–High School Department sa panawagan ng Pamantasan ng San Luis na magsuot ng puti bilang simbolo ng paninindigan laban sa korupsiyon. Pinangunahan ito ng sabay-sabay at taimtim na panalangin para sa mga pinuno ng pamahalaan upang manaig ang tapat at wagas na paglilingkod sa bayan.

Sa pagkakaisa at pananampalataya, pinagtibay ng komunidad ang panawagan para sa isang pamahalaang tapat at makatao, at nagsisilbing huwaran sa mga Louisiano sa pagtataguyod ng integridad tungo sa lipunang malaya sa katiwalian.

09/09/2025

03/09/2025

Muli nating sulyapan ang mahahalagang kagapan sa nakalipas na pagdiriwang ng Buwan ng Wika. Patuloy nating linangin ang ating mga wika at kultura bilang yaman ng ating pagkakakilanlan.

03/09/2025

Mapa-isports man o sayaw,
SLU BEdS, humahataw! !

30/08/2025

Agosto 29, 2025 - Naging makulay, makabuluhan, at matagumpay ang Pampinid na Palatuntunan para sa pagdiriwang ng Buwan ng Wika sa Saint Louis University Basic Education School (SLU-BEdS). Batay sa tema ng pagdiriwang ng Buwan ng Wika ngayong taon na “Paglinang sa Filipino at Katutubong Wika: Makasaysayan sa Pagkakaisa ng Bansa” ang nabuong tema para sa pagdiriwang sa paaralan ay 'RAGSAK ken RAMBAK.”

Nagsimula ang selebrasyon sa Misa ng Bayan na ang naging tagapagdiwang ay si Rev. Fr. Wilfredo Sabarillo, CICM. Sa homilya, binigyang-diin ni Fr. Sabarillo na malaking tulong ang paggamit ng sariling wika sa paghubog ng ating pagkatao at pagkakakilanlan bilang mamamayang Pilipino.

Isinabay din sa Misa ng Bayan ang panunumpa ng mga bagong halal na opisyal ng samahan ng mga g**o at kawani, mga opisyal ng bawat klase, at mga organisasyon ng mga mag-aaral na pinangunahan ng Samahan ng mga Nagkakaisang Mag-aaral (SANAMA).

Pagkatapos ng Banal na Misa ay nagkaroon ng magkahiwalay na gawain ang JHS at SHS. Sa JHS, isinagawa ang ikalawang bahagi ng palatuntunan, ang pagpapakitang-gilas sa talento ng mga. Sa panimulang bahagi ay nakamamanghang presentasyon ang ipinakita ng Society of Performing Arts. Sinundan ito ng mga natatanging pagtatanghal mula sa mga piling mag-aaral: “sayaw-bayan moves” mula sa Baitang 7, "mash-up" ng mga awiting Pinoy mula sa Baitang 8, Sabayang Pagbigkas mula sa Baitang 9, Balagtasan mula sa Baitang 10, Banda ng J&J at Blind Mice at ang makabagbag-damdaming awitin mula kay Kian Andos ng Baitang 7 .

Lalong napuno ng hiyawan ang buong Charles Peter court nang ang mga Lakan at Lakambini ng Wika ng bawat baitang ay pumarada gayak ang natatanging kasuotang Pinoy na nagpatingkad sa kanilang kagandahan at kakisigan.
Kinahapunan, isinagawa ang ikatlong bahagi ng programa, ang 'RAMBAKAN sa SILID-ARALAN.” Punong-puno ng tawanan at kasiyahan ang bawat silid-aralan habang may kani-kaniyang programa na nagpatibay sa samahan ng klase na dinaluhan din ng mga g**o at kawani.

Sa pagdiriwang na ito'y ipinakita at ipinadama ang pagpapahalaga sa wika at kultura bilang pagkakakilanlan ng pagiging tunay na Louisiano at Pilipino.




Pagkilala:
✍️: Lawilao, L.
📸: G.Sawangin,K., Gng. Wayagwag, E, Bonifacio, R., Daccog,K., Jacob,P., Mataya,C., Penaso, F.

28/08/2025

Nagningning si Ashie Jennelle Rivera sa ginanap na kompetisyon sa Central Northern Luzon Cordillera Swimming Coaches Association (CNLCSCA) dahil sa pagkakasungkit niya ng tatlong ginto at isang tansong medalya sa New Clark City noong Agosto 16, 2025.

Sa larangan naman ng taekwondo, pinarangalan ang mga atletang nagkamit ng kanilang tagumpay sa Regional Carlos Palanca Jr. (CPJ) Taekwondo Championship noong Agosto 16, 2025 na ginanap sa Eater School College. Sila ay sina: Jheron Cristobal (Poomsae Team - Pilak & Pomsae Pair - Pilak), Katherine Villegas (Poomsae Team - Ginto & Poomsae Individual -Tanso), Kian Perrick Alejandro- (Kyurogi & Poomsae Individual-Ginto), Natasha Laurente Poomsae Team - Ginto & Poomsae Individual - Tanso), Alexandria Daphne Aganon- Kyurogi - Ginto), at Briana Rois Berengoy -Poomsae Team - Ginto & Poomsae Individual - Ginto).

Ipinakita nila ang kanilang galing at determinasyon na nagbigay sa kanila ng karangalan bilang tunay na Louisianong atleta.