Pinoy Boxing Prodigy

Pinoy Boxing Prodigy Official page - Pinoy Boxing Prodigy 🇵🇭Let's Support Philippine Boxing! For business inquiries, please email me at [email protected]

Maaaring kumita sa boxing, pero ang realidad, hindi madaling pagkakitaan ang sport na ito, lalo na kung nagsisimula ka p...
10/08/2026

Maaaring kumita sa boxing, pero ang realidad, hindi madaling pagkakitaan ang sport na ito, lalo na kung nagsisimula ka pa lang. Kaya marami ang kailangang magsakripisyo ng oras, mag-ipon at magtrabaho muna bago tuluyang makapag-focus sa professional boxing.

Isa sa mga dumaan sa ganitong proseso si Arthur Soriano, isang OFW sa Japan na matagal nang may pagmamahal sa boxing.

Noong 2018, habang nasa kolehiyo, isa si Soriano sa mga kinatawan ng kanilang paaralan sa boxing competition ng CARASUC o Cordillera Administrative Region Association of State Universities and Colleges. Nagawa niyang makuha ang gold medal. Matapos nito, nagpatuloy siya sa pagsabak sa iba't ibang amateur boxing events sa Northern Luzon para lalong hasain ang sarili.

Ngunit napahinto ang kanyang pag-aaral dahil sa pandemic.

Pagsapit ng 2023, dumating ang oportunidad na magtrabaho sa Japan. Pinili ni Soriano na tanggapin ito at halos tatlong taon siyang nagtrabaho roon. Kahit malayo sa Pilipinas, hindi naman nawala sa kanya ang hangaring ipagpatuloy ang kanyang pagboboxing.

Noong Pebrero ngayong taon, umuwi si Soriano sa Pilipinas. Sa kanyang pagbabalik, nagpasya siyang muling ituloy ang matagal niyang ipinagpaliban.

Dumating ang pagkakataon noong Hunyo nang ianunsyo ang isang professional boxing event sa Benguet. Agad itong pinaghandaan ni Soriano at ng kanyang team, ngunit may isang malaking hadlang.

27 anyos na si Soriano, lampas sa 25-year-old age limit na itinatalaga ng Games and Amusements Board para sa mga bagong boxer na nais kumuha ng professional boxing license.

Ipinaliwanag naman ng kanyang team sa board ang kanyang mahabang karanasan bilang amateur boxer at naglahad ng mga patunay sa kanyang mga naging laban. Matapos mapakinggan ang kanilang paliwanag, pinagbigyan ang kanyang aplikasyon at nabigyan siya ng pagkakataong maging professional boxer.

Noong August 1 sa CCDC Gymnasium sa La Trinidad, Benguet, sa wakas ay nakapag-professional debut si Soriano.

Hindi niya binigo ang mga sumuporta sa kanya.

Sa unang round pa lamang, pinabagsak niya si Cris Gabriel Daguio para makuha ang kanyang unang professional win via first-round TKO.

Mula sa kanyang mga taon bilang amateur boxer, pagtatrabaho sa Japan at pagbabalik sa Pilipinas, natupad din ni Soriano ang matagal na niyang pangarap na maging professional boxer.

Sa edad na 27, nagsimula na ang panibagong yugto ng kanyang boxing career.

Tatlong taon na ang lumipas mula nang matalo si Vincent Jorda sa isang boxing card ng Blow by Blow Boxing sa Mandaluyong...
10/08/2026

Tatlong taon na ang lumipas mula nang matalo si Vincent Jorda sa isang boxing card ng Blow by Blow Boxing sa Mandaluyong. Dahil sa pagkatalo, bumagsak sa 2-1, 2 KOs ang kanyang professional record.

Malaki ang naging epekto ng pagkatalo kay Jorda. Bukod sa sakit ng pagkatalo, hinarap din niya ang mga problema sa pamilya na lalo pang nakaapekto sa kanyang buhay. Unti-unti siyang nawalan ng gana sa boxing at hindi na ito gaanong pinagtuunan ng pansin. Sa halip, napunta ang kanyang oras sa pag-inom, paninigarilyo at pambababae para malibang ang sarili.

Pero ngayong taon, nagdesisyon ang 23-anyos na si Jorda na panahon na para baguhin ang kanyang buhay at muling seryosohin ang boxing.

Noong August 1 sa CCDC Gymnasium sa La Trinidad, Benguet, nagbunga ang kanyang pagbabalik nang talunin niya si Eranio Pisador via unanimous decision sa kanilang four-round flyweight bout.

Matapos ang tatlong taon, muling nakabalik sa winning column si Jorda. Para sa kanya, panimula ito sa panibagong yugto ng kanyang boxing career.

Kapwa nagwagi sa kanilang Philippine debut ang amateur boxing standouts na sina Serr “The Big One” Delos Santos at Frenz...
10/08/2026

Kapwa nagwagi sa kanilang Philippine debut ang amateur boxing standouts na sina Serr “The Big One” Delos Santos at Frenzle “The Phantom” Golocan nitong August 1 sa CCDC Gymnasium sa La Trinidad, Benguet.

Tinalo ni Delos Santos si CJ Quinajon via unanimous decision matapos ang apat na rounds, habang umiskor naman si Golocan ng second-round knockout kontra Orlandino Sinaloba.

Ito ang ikalawang professional victory nina Delos Santos at Golocan. Pareho silang nag-professional debut sa Thailand noong nakaraang taon bago unang lumaban sa Pilipinas.

Bago pumasok sa professional boxing, kapwa may matibay na amateur background ang dalawang manlalaro mula sa Norte.

𝐒𝐞𝐫𝐫 “𝐓𝐡𝐞 𝐁𝐢𝐠 𝐎𝐧𝐞” 𝐃𝐞𝐥𝐨𝐬 𝐒𝐚𝐧𝐭𝐨𝐬
• R1AA – Gold Medalist
• 2019 Palarong Pambansa, Davao – Bronze Medalist
• 2023 Philippine National Games – Qualifier

𝐅𝐫𝐞𝐧𝐳𝐥𝐞 “𝐓𝐡𝐞 𝐏𝐡𝐚𝐧𝐭𝐨𝐦” 𝐆𝐨𝐥𝐨𝐜𝐚𝐧
• 2018 Batang Pinoy Luzon Leg – Bronze Medalist
• 2018 CARAA – Gold Medalist
• 2018 Palarong Pambansa – Bronze Medalist
• 2018 Batang Pinoy National Finals – Gold Medalist
• 2019 CARAA – Gold Medalist
• 2019 Palarong Pambansa – Quarterfinalist
• 2023 PRISAA Nationals – Bronze Medalist
• 2023 Philippine National Games – Silver Medalist
• 2024 BBEAL – Gold Medalist
• 2024 PRISAA Nationals – Silver Medalist

Magandang simula para sa dalawa, ngunit mahaba pa ang kanilang tatahaking landas sa professional boxing. Abangan ang kanilang mga susunod na laban.

MIZOKOSHI HEADS TO PHILIPPINESJapanese boxer Tom Mizokoshi is set to return to action in the Philippines on August 23 at...
10/08/2026

MIZOKOSHI HEADS TO PHILIPPINES

Japanese boxer Tom Mizokoshi is set to return to action in the Philippines on August 23 at Villa Kristen Resort and Hotel in General Santos City.

Mizokoshi is looking to bounce back after being stopped by three-division world champion John Riel Casimero in the fifth round in Japan last year.

Also featured on the card are Jeo Santisima, Esneth Domingo, Jerome Comera, Cholo Alvarez, and Jayson Mama.

Dadayong Japan ang Philippine Youth Minimumweight Champion na si Sherwin Dacullo (6-1-1, 2 KOs) upang harapin si Rento M...
10/08/2026

Dadayong Japan ang Philippine Youth Minimumweight Champion na si Sherwin Dacullo (6-1-1, 2 KOs) upang harapin si Rento Miyazawa (8-3-2, 3 KOs) para sa bakanteng WBC Youth World Minimumweight Title.

Gaganapin ang laban sa Agosto 16 sa Ichinomiya Chuo Plaza Gymnasium sa Ichinomiya, Aichi, Japan.

Ayon sa bagong WBA Asia Super Featherweight Champion na si Mugicha Nakagawa, gusto umano niyang sunod na makaharap ang t...
10/08/2026

Ayon sa bagong WBA Asia Super Featherweight Champion na si Mugicha Nakagawa, gusto umano niyang sunod na makaharap ang three-division world champion na si John Riel Casimero.

Kumpyansa si Nakagawa na kaya niyang paglaruan sa ibabaw ng ring ang “Angas ng Pinas”.

Pero kung hindi man mangyari ang laban kay Casimero, sinabi ni Nakagawa na ide-depensa na lamang niya ang kanyang WBA Asia Super Featherweight title laban sa isang karapat-dapat na challenger.

Brad Rone took the fight because he needed the money.On July 17, 2003, Rone found out that his mother had died of a hear...
10/08/2026

Brad Rone took the fight because he needed the money.

On July 17, 2003, Rone found out that his mother had died of a heart attack. He was broke and needed money for her funeral.

The next day, less than 24 hours after learning about his mother’s death, Rone agreed to fight Billy Zumbrun in Cedar City, Utah. The pay was $800.

Rone was a journeyman boxer. He was used to taking fights on short notice, fighting tough opponents, and getting paid modest amounts. If there was a fight and he could get licensed, he would take it.

Nevada had already refused to license him because officials were concerned about his safety after several heavy losses. But boxing commissions were handled separately from state to state, so Rone could still fight elsewhere.

That brought him to Utah.

At the end of the first round, Zumbrun landed a light jab as the bell rang. Rone turned toward his corner, suddenly collapsed, and never got back up.

The autopsy later showed that Rone died from a massive heart attack. His death was not caused by the punch or by brain trauma.

What makes the story so difficult to forget is what had happened just hours before he walked into the ring.

His mother had died.

Rone was broke.

And he needed the $800 to help pay for her funeral.

So, despite what he was going through, he took the fight.

He fought because he needed to bury his mother.

Brad Rone was 34 years old.

Rest in peace, Brad Rone. 🥊🙏

Pumatol na rin si Lemuel “Dash Pirate” De Barbo sa vlogger at street boxer na si Boy Tattoo. Sa isang video na ibinahagi...
10/08/2026

Pumatol na rin si Lemuel “Dash Pirate” De Barbo sa vlogger at street boxer na si Boy Tattoo. Sa isang video na ibinahagi ni De Barbo sa social media, makikita ang face-off nila ni Boy Tattoo.

Sa caption ng video, sinabi ni Dash Pirate na pareho silang Bisaya ni Boy Tattoo. Ang pinagkaiba umano, kay Boy Tattoo ay “sa mukha” makikita ang pagiging Bisaya, habang kay De Barbo naman ay “sa dugo”.

Tinawag din ni Dash Pirate ang kanyang sarili na “hybrid,” habang inilarawan naman niya si Boy Tattoo bilang “basura".

Dagdag pa ni De Barbo, “papel” umano ang suntok ni Boy Tattoo, na ikinumpara niya sa suntok ni Eman Bacosa Pacquiao.

Puwede bang pagsabayin ang pag-aaral at pagiging professional boxer? Puwede. Marami nang nagpatunay na kayang pagsabayin...
09/08/2026

Puwede bang pagsabayin ang pag-aaral at pagiging professional boxer? Puwede. Marami nang nagpatunay na kayang pagsabayin ang dalawang ito, at isa na rito ang 19-anyos na si Jezrel Balantan.

Nitong August 1 sa CCDC Gym sa La Trinidad, Benguet, matagumpay ang kanyang professional debut matapos talunin si Jio Garduque via second-round TKO.

Si Balantan ay kasalukuyang kumukuha ng Bachelor of Science in Nursing.

Ibinibida ngayon ni Lemuel “Dash Pirate” De Barbo na nasa kanya umano ang “Heart Break Shot” ni Eiji Date, isang karakte...
09/08/2026

Ibinibida ngayon ni Lemuel “Dash Pirate” De Barbo na nasa kanya umano ang “Heart Break Shot” ni Eiji Date, isang karakter sa boxing anime na Hajime no Ippo. Ibinahagi niya sa social media ang larawan ng kanyang left straight na tumama sa bandang puso ni Mugicha Nakagawa sa kanilang laban para sa WBA Asia Super Featherweight title noong August 1 sa CCDC Gym sa La Trinidad, Benguet.

Ayon pa kay De Barbo, taglay din daw niya ang “Aoki-style funny fighting vibes”.

Hanggang ngayon naniniwala pa rin si Dash Pirate na kaya pa sana niyang makabawi sa late rounds laban sa Hapones kung hindi lamang biglang ihininto ang laban sa Round 3, habang patuloy pa siyang nakikipagsabayan at bumabato ng mga suntok.

Address

Baguio City

Website

Alerts

Be the first to know and let us send you an email when Pinoy Boxing Prodigy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category