What are the opening hours?

Monday 6am - 8:30pm Tuesday 6am - 8:30pm Wednesday 6am - 8:30pm Thursday 6am - 8:30pm Friday 8:30am - 5pm Saturday 6am - 11pm Sunday 6am - 9pm

https://www.facebook.com/326778893847496/

Ang Bagiw, Baguio City (2026)

03/09/2026

SUMISILIP NA ANG EXAM, CITY HIGHERS! 👀📚

Game na ba ang utak, City Highers? 🤔

🚨 EXAM ALERT!
Malapit na ang 1st Term Examination ngayong Setyembre! Kaya habang may oras pa, review na, City Highers! 📖

Bago sumabak, siguraduhing kumpleto ang inyong EXAM ESSENTIALS:

🖊️ Ballpen
📄 Papel
📚 Reviewer at notes
🧮 Calculator, kung pinapayagan
💧 Tubig
🧠 Tiwala sa sarili
🙏 Dasal

📌 REVIEW SMART, CITY HIGHERS!

1. Active Recall
Isara muna ang notes at subukang sagutin mula sa memorya ang mga tanong tungkol sa lesson. Nakakatulong ito sa mas aktibong pag-retrieve ng impormasyon.

2. Spaced Practice
Hatiin ang review sa ilang sessions sa halip na isang mahabang cramming session. Mas mainam na balikan ang lessons nang paulit-ulit sa magkakaibang oras.

3. Practice Questions
Sagutan ang sample problems, quizzes, at practice tests. Nakakatulong ito upang matukoy kung aling topics ang kailangan mo pang pag-aralan.

4. Unahin ang Mahihinang Topics
Huwag puro sa mga lesson na kabisado mo na. Maglaan ng mas maraming oras sa concepts na nahihirapan kang intindihin.

5. Bawasan ang Distractions
I-silent muna ang unnecessary notifications at ilayo ang gadgets kung hindi kailangan sa pag-aaral.

6. Huwag Isakripisyo ang Tulog
Ang sapat na tulog ay mahalaga sa attention, learning, at memory. Iwasan ang puyat na review kung maaari.

7. Take Short Breaks
Magpahinga paminsan-minsan upang makatulong na mapanatili ang focus habang nag-aaral.

✨ REMEMBER: Hindi kailangang isang gabi lang ma-master ang lahat. Consistent review, practice, pahinga, at tamang preparation ang susi sa pagpasa.

Kaya ’yan, City Highers! 💪📚
Stay calm, review smart, and believe in yourself!

🍀 GOOD LUCK, CITY HIGHERS! 🍀

✍🏻 Mandylane Aglososlos
🎨 Lyka Jhicel Baldemor

01/09/2026

Labimpitong taon?
Hindi—isang daan at labimpito.
Isang daan at labimpitong taon ng malamig na hanging dumadampi sa pisngi, ng mga punong patuloy na sumasaksi, at ng mga kalyeng ilang ulit nang nagbago ngunit hindi kailanman nawala ang alaala.
Kung makapagsasalita lamang ang Baguio, marahil ay marami itong ikuwekuwento sa sambayanang Pilipino.

Ngayong Setyembre 1, 2026, ipinagdiriwang natin ang ika-117 taong anibersaryo ng ating lungsod. Hindi lamang ito petsa sa kalendaryo, ito ay paalala kung gaano katatag ang isang lungsod na dumaan na sa lindol, bagyo, pandemya, at sa walang humpay na pagdagsa ng turismo ngunit nananatiling nakatayo, at nakangiti.

Sa buwan ding ito ipagtitibay ang hangaring magkaroon ng "Everlasting Baguio: Cultivating Circulatory—Building an Everlasting Baguio."

Nakatuon ang hangaring ito sa kalinisan ng kapaligiran ng lungsod. Hindi lamang sa kalinisan kung hindi pati na rin sa pagkakaisa ng bawat residente upang mapanatili ang kaayusan ng ating mga basura, responsableng paggamit ng ating likas na yaman, at ang pagkakaroon ng panibagong sistema na makatutulong sa atin at sa mga susunod pang henerasyon.

Happy 117th Baguio Day ✨️

31/08/2026

Habang nakabimbin ang kaba sa dibdib ni Elma, isa lamang ang tanong na paulit-ulit na bumabalik sa kaniyang isipan:

“Bukas, tahanan pa kaya namin ang matatagpuan ko?”

Sa labas, nagdidilim ang langit. Humahampas ang hangin sa bubong na ilang taon nilang pinag-ipunan. Sa bawat patak ng ulan, tila may isang alaala siyang kinatatakutang matangay.

Tahimik siyang lumapit sa bintana.

Tumingala.

At sa pagitan ng pangamba at pag-asa, mahina niyang ibinulong:

"Panginoon, bukas sana ay narito pa rin ang aming tahanan. Iligtas Ninyo kami sa baha. Huwag Ninyo sanang hayaang tangayin ng tubig ang aming pinaghirapan."

Hindi siya humingi ng bago.

Hindi siya humingi ng marami.

Hiling lamang niyang manatiling nakatayo ang tahanang tinawag nilang tahanan.

Ngunit sa isang bansang may pondong inilaan para protektahan ang mga komunidad, bakit may mga pamilyang kailangang ipagdasal ang kaligtasang dapat sana'y ipinagkakaloob sa kanila?

Sa pinakahuling Corruption Perceptions Index, 32/100 ang marka ng Pilipinas. ₱841.4 milyon naman ang naiulat na nabawi kaugnay ng mga kuwestiyonableng flood-control project.

Sa papel, pera ang nawawala.

Sa buhay ng mga tulad ni Elma, tahanan ang maaaring mawala.

At kapag dumating ang baha, hindi nito tinatanong kung sino ang may kapangyarihan.

Ang unang nilulunod nito ay ang mga walang sapat na panangga.

Ngayong Araw ng mga Bayani, alalahanin natin ang mga nagbuwis ng buhay para sa bayan.

Ngunit alalahanin din natin si Elma.

Dahil ang kaniyang panalangin ay hindi lamang panalangin para sa isang tahanan.

Ito ay panalangin ng isang mamamayang umaasang hindi siya pababayaan ng bayang ipinangakong poprotekta sa kaniya.

At kung ang mga bayani noon ay namatay upang tayo ay malayang mabuhay, huwag nating hayaang ang katiwalian ngayon ang pumatay sa pag-asang ipinaglaban nila.

✍🏻 Ang Bagiw
🎨 Amytes Osoteo, Dexter Toyoken

23/08/2026

Matapos ang ilang araw ng Alternative Delivery Mode (ADM) dahil sa suspension ng klase, panahon na upang magkita-kita tayo sa ating mga silid-aralan!

Sa pagbabalik ng ating face-to-face classes, sama-sama nating panatilihing malinis, ligtas, at maayos ang ating paaralan.

Ugaliing maghugas ng kamay, magdala ng sariling tubig at agad magsabi sa g**o kung may napansing bagay na maaaring makapinsala o magdulot ng sakit.

Welcome back sa ating paaralan, City Higher! Balik-aral, balik-sigla, balik-pangarap!

22/08/2026

𝙏𝙄𝙉𝙏𝘼𝙉𝙂 𝙋𝘼𝙈𝘼𝙉𝘼 ✒️📰

𝘽𝘾𝙃𝙎 𝙒𝙧𝙞𝙩𝙚𝙧𝙨, 𝙝𝙞𝙣𝙖𝙨𝙖 𝙖𝙣𝙜 𝙠𝙖𝙠𝙖𝙮𝙖𝙝𝙖𝙣 𝙣𝙜 𝙢𝙜𝙖 𝙢𝙖𝙣𝙪𝙣𝙪𝙡𝙖𝙩 𝙣𝙜 𝙈𝙀𝙎; 𝘾𝙖𝙢𝙥𝙪𝙨 𝙅𝙤𝙪𝙧𝙣𝙖𝙡𝙞𝙨𝙢 𝙏𝙧𝙖𝙞𝙣𝙞𝙣𝙜, 𝙣𝙖𝙜𝙨𝙞𝙡𝙗𝙞𝙣𝙜 𝙥𝙖𝙜𝙝𝙖𝙝𝙖𝙣𝙙𝙖 𝙨𝙖 𝘿𝙎𝙋𝘾

Hinubog ng mga manunulat ng Baguio City High School (BCHS) ang kakayahan ng mga batang mamamahayag ng Mabini Elementary School (MES) sa isinagawang One-Day Intensive Campus Journalism Training nitong Agosto 21. Layunin ng pagsasanay na ituro ang mga pangunahing kasanayan sa pamamahayag at gabayan ang mga kalahok sa pagsulat ng kanilang mga artikulo.

Isinagawa ang programa bilang paghahanda ng mga mag-aaral ng MES para sa nalalapit na Division Schools Press Conference (DSPC) sa Setyembre 11–12.

Sumailalim ang mga mamamahayag sa aktuwal na pagsasanay sa pagsulat, kung saan nagbigay ng mga puna at payo ang mga manunulat ng BCHS upang higit pang mapahusay ang kanilang kasanayan.

Ayon kay Daryl Sam Mamoyac, isa sa mga nag-organisa ng programa, layunin ng pagsasanay na higit pang hasain ang kasanayan ng mga mag-aaral at patibayin ang kanilang kumpiyansa sa sarili bilang mga mamamahayag.

Samantala, ikinagagalak ni Jasmine Pascual, isa sa mga manunulat ng Editoryal mula sa BCHS, ang pagkakataong maipasa sa mga batang mamamahayag ang kaniyang mga kaalaman.

“Masaya akong makilala sila at maibahagi ang mga nalalaman ko sa larangan ng pamamahayag. Bilang nakatatanda sa kanila, gusto kong magsilbing gabay habang tinuturuan sila at binibigyan ng puna ang kanilang mga artikulo,” ani Pascual.

✍🏻 | Daniela Baybayan
📸 | Zaimoun Bautista at Steven Paris

19/08/2026

‎📢 𝐀𝐋𝐓𝐄𝐑𝐍𝐀𝐓𝐈𝐕𝐄 𝐋𝐄𝐀𝐑𝐍𝐈𝐍𝐆 𝐌𝐎𝐃𝐄𝐒 | 𝐀𝐆𝐎𝐒𝐓𝐎 𝟐𝟎, 𝟐𝟎𝟐𝟔
‎
‎Alinsunod sa Memorandum Circular No. 131 ng Office of the President, patuloy na ipatutupad ang Learning Continuity Level “HINAY.” Dahil dito, kanselado ang PTA General Assembly na nakatakda bukas at ililipat ito sa Agosto 28, 2026.
‎
‎Kabilang sa mga lugar na sakop ang National Capital Region, Abra, Benguet, Ilocos Norte, Ilocos Sur, La Union, Pangasinan, Bataan, Bulacan, Nueva Ecija, Pampanga, Tarlac, Zambales, Batangas, Cavite, Laguna, Rizal, at Occidental Mindoro.
‎
‎Samantala, ipatutupad ang alternative learning modes at learning continuity measures sa lahat ng antas sa pampubliko at pribadong paaralan sa mga nabanggit na lugar, maliban kung may ibang direktiba ang kanilang Local Chief Executive.
‎
‎Maaari ring magpatupad ng localized cancellation o suspension ng klase at trabaho sa ibang lugar ang mga kinauukulang Local Chief Executive, alinsunod sa umiiral na mga batas at panuntunan.
‎
‎⚠️ Pinapayuhan ang publiko na manatiling ligtas at patuloy na subaybayan ang mga opisyal na anunsyo mula sa mga kinauukulang awtoridad.
‎
‎

18/08/2026

📢 𝐀𝐋𝐓𝐄𝐑𝐍𝐀𝐓𝐈𝐕𝐄 𝐖𝐎𝐑𝐊 𝐀𝐑𝐑𝐀𝐍𝐆𝐄𝐌𝐄𝐍𝐓𝐒 | 𝐀𝐆𝐎𝐒𝐓𝐎 𝟏𝟗, 𝟐𝟎𝟐𝟔

Alinsunod sa Memorandum Circular No. 129 ng Office of the President, ipatutupad ang alternative work arrangements sa mga tanggapan ng pamahalaan sa National Capital Region at mga lalawigan na sakop ng kautusan sa Miyerkules, Agosto 19, dahil sa inaasahang patuloy na malakas na pag-ulan na dulot ng enhanced Southwest Monsoon.

Kabilang sa mga lugar na sakop ang National Capital Region, Abra, Benguet, Ilocos Sur, La Union, Pangasinan, Bataan, Bulacan, Nueva Ecija, Pampanga, Tarlac, Zambales, Batangas, Cavite, Laguna, Rizal, Occidental Mindoro, at Oriental Mindoro.

Para naman sa mga paaralan, ipatutupad ang alternative learning modes at learning continuity measures sa lahat ng antas sa pampubliko at pribadong paaralan sa mga nabanggit na lugar, maliban kung may ibang direktiba ang kanilang Local Chief Executive.

Maaari ring magpatupad ng localized cancellation o suspension ng klase at trabaho sa ibang lugar ang mga kinauukulang Local Chief Executive.

⚠️ Pinapayuhan ang publiko na manatiling ligtas at patuloy na subaybayan ang mga opisyal na anunsyo mula sa mga kinauukulang awtoridad.

17/08/2026

📢 𝐀𝐋𝐓𝐄𝐑𝐍𝐀𝐓𝐈𝐕𝐄 𝐋𝐄𝐀𝐑𝐍𝐈𝐍𝐆 𝐌𝐎𝐃𝐄𝐒 | 𝐀𝐆𝐎𝐒𝐓𝐎 𝟏𝟖, 𝟐𝟎𝟐𝟔

Alinsunod sa Memorandum Circular No. 128 ng Office of the President, ipatutupad ang alternative learning modes para sa lahat ng antas sa pampubliko at pribadong paaralan sa mga lugar na sakop ng kautusan sa Martes, Agosto 18, dahil sa patuloy na malakas na pag-ulan na kaugnay ng Southwest Monsoon.

Kabilang sa mga lugar na sakop ang Benguet, La Union, Pangasinan, Ilocos Sur, Zambales, Bataan, Tarlac, Pampanga, Bulacan, Cavite, Batangas, Rizal, Laguna, Occidental Mindoro at National Capital Region.

Samantala, maaari ring ipatupad ng mga Local Chief Executive ang localized cancellation o suspension ng klase at trabaho sa kanilang nasasakupan, alinsunod sa mga umiiral na batas at panuntunan.

⚠️ Pinapayuhan ang lahat na manatiling ligtas at patuloy na subaybayan ang mga opisyal na anunsyo mula sa mga kinauukulang awtoridad.

16/08/2026

📢 𝐖𝐀𝐋𝐀𝐍𝐆 𝐏𝐀𝐒𝐎𝐊 | 𝐀𝐆𝐎𝐒𝐓𝐎 𝟏𝟕, 𝟐𝟎𝟐𝟔

🌧️☔ FACE-TO-FACE CLASSES SUSPENDED (PRESCHOOL TO GRADE 12)

Suspendido ang face-to-face na klase mula Preschool hanggang Grade 12 sa lahat ng pampubliko at pribadong paaralan sa Baguio City bunsod ng Yellow Rainfall Warning na inilabas ng PAGASA, Lunes, Agosto 17.

Upang matiyak ang pagpapatuloy ng pagkatuto, ipatutupad ng mga paaralan ang mga sumusunod na alternative delivery modalities:

• Modular Distance Learning
• Online Distance Learning
• Blended Learning, kung naaangkop

Para naman sa mga pampublikong paaralan, ipatutupad ang HINAY Protocol alinsunod sa mga alituntunin ng DepEd upang matiyak ang tuloy-tuloy na paghahatid ng pagkatuto.

⚠️ Pinapayuhan ang lahat na manatiling ligtas, maging mapagmatyag, at patuloy na subaybayan ang mga opisyal na anunsyo ukol sa panahon at kaligtasan.

10/08/2026

💙 KUMUSTA, CITY HIGHERS?

Sa gitna ng lahat ng nangyayari, gusto muna naming itanong:

Okay ka ba? Ligtas ka ba? Kumusta ang pamilya mo? 🥺

Hindi lang grades, deadlines, at schoolwork ang mahalaga. Mahalaga ka rin. Kaya ngayong araw, check-in muna tayo. 🫂

🛡️ SAFETY CHECK
Comment down below:
🟢 LIGTAS — Safe at okay kami
🔴 KAILANGAN NG TULONG — May kailangan kaming tulong o assistance

💭 EMOTION CHECK
React ka lang—no explanation needed:
👍 Okay lang ako
🥹 Medyo hindi okay
🥰 Kailangan ko ng makakausap

At kung hindi ka okay ngayon, okay lang iyon. Hindi mo kailangang magpanggap na strong all the time. Kung kailangan mo ng makikinig, bukas ang inbox ng Ang Bagiw. 🤍

🚨 KAILANGAN NG AGARANG TULONG?
Narito ang mga emergency at utility contacts:

📍 CDRRMO: 0927-628-0498 / (074) 442-1900
🚑 EMS: 442-1911 / 0905-555-1911
👮 Police (BCPO): (074) 661-1471 / 0917-575-8993
🔥 Fire Station: 442-2222 / 0912-409-6114
⚡ BENECO: (074) 637-4400 / 0917-592-1698
🩹 Red Cross: (074) 442-4306 / 0908-885-2707

City Highers, check on your friends. Check on your family. And please, check on yourself, too. 💙

Huwag mahihiyang humingi ng tulong. Walang maiiwan sa panahon ng unos. 🌧️🫂

📢 Paalala mula sa Ang Bagiw

Ang Bagiw

03/09/2026

01/09/2026

31/08/2026

23/08/2026

22/08/2026

19/08/2026

18/08/2026

17/08/2026

16/08/2026

10/08/2026

Address

Opening Hours

Telephone

Website

Alerts

Contact The Business

Shortcuts

Share

Category

Listing takedown request

Monday	6am - 8:30pm
Tuesday	6am - 8:30pm
Wednesday	6am - 8:30pm
Thursday	6am - 8:30pm
Friday	8:30am - 5pm
Saturday	6am - 11pm
Sunday	6am - 9pm