Bulacan Tribune

31/03/2026

Bulacan PPO may bagong OIC, maayos na paglipat ng pamumuno pinangunahan ng PRO3. Ni: EVELYN TENORIO

Camp General Alejo S Santos, Lungsod ng Malolos, Bulacan — Isinagawa ang pormal na turnover of command sa Bulacan Police Provincial Office nitong Lunes, Marso 30, 2026, na nagmarka ng pag-upo ng bagong Officer-in-Charge ng tanggapan.

Itinalaga si PCol. Jay B. Baybayan bilang Officer-in-Charge ng Bulacan PPO kapalit ni PCol. Angel L. Garcillano, na kamakailan ay naitalaga bilang Deputy Regional Director for Operations ng Police Regional Office 3. Pinangunahan ang seremonya ni PBGEN JESS B MENDEZ, Regional Director ng PRO3.

Kapwa nagtapos sa Philippine National Police Academy ang dalawang opisyal kung saan kabilang si PCOL GARCILLANO sa Class “Kabalikat” 1998 habang si PCOL BAYBAYAN naman ay mula sa Class “Magilas” 2000. Bago ang kanyang bagong tungkulin, nagsilbi si PCOL BAYBAYAN bilang Chief ng Regional Intelligence Division ng PRO3 kung saan aktibo siyang nanguna sa iba’t ibang intelligence-driven operations sa buong Central Luzon.

Sa kanyang pahayag, sinabi ni PBGEN MENDEZ na ang maayos na pagpapalit ng pamumuno ay mahalaga upang mapanatili ang tuloy-tuloy na pagpapatupad ng mga programa at operasyon ng kapulisan. Ipinahayag din niya ang kanyang tiwala na higit pang mapalalakas ni PCOL BAYBAYAN ang kampanya laban sa kriminalidad sa Bulacan, kabilang ang pagpapahusay ng intelligence operations, pagpapalakas ng police visibility, at mas pinaigting na pakikipagtulungan sa mga lokal na pamahalaan at komunidad.

Ang naturang turnover of command ay sumasalamin sa maayos at tuloy-tuloy na pamumuno sa isa sa mga pangunahing lalawigan ng rehiyon, kasabay ng patuloy na pagsuporta ng PRO3 sa PNP Focused Agenda ng Philippine National Police na naglalayong higit pang palakasin ang pagpapanatili ng kapayapaan at kaayusan sa pamamagitan ng serbisyong Mabilis, Tapat, at Nararamdaman para sa mamamayan.

20/03/2026

Malolos LGU, nagbigay ng P10K tulong pinansiyal sa 78 pamilyang may miyembrong OFW na apektado ng digmaan sa Gitnang Silangan. NI: EVELYN TENORIO

LUNGSOD NG MALOLOS, Bulacan — Pitumpu’t walong pamilyang naninirahan sa lungsod na may kamag-anak na Overseas Filipino Worker (OFW) na nagtatrabaho sa Gitnang Silangan at kasalukuyang nararanasan ang matinding digmaan ang nakatanggap ng tulong pinansiyal mula sa pamahalaang lungsod ng Malolos noong Huwebes (Marso 19).

Pinangunahan ni Malolos City Mayor Atty. Christian D. Natividad ang pamamahagi ng P10,000 na tulong pinansiyal sa ikatlong grupo ng mga kamag-anak ng mga OFW na apektado ng hidwaan sa Gitnang Silangan.

Noong nakaraang linggo pa, ipinamahagi ni Natividad ang tulong sa 13 at 36 na pamilya ng mga OFW na nahuli sa mga lugar na may digmaan, nananatiling natitigil doon, at hindi pa makauwi o makapadala ng pera sa kanilang mga pamilya.

“Mula noong sumiklab ang digmaan sa Gitnang Silangan at ang mga OFW na naninirahan sa lungsod ay napasabak sa mapanganib na sitwasyon, nagpasya ang pamahalaang lungsod na magtatag ng ‘Especial na Help Desk’,” ani Natividad.

“Umabot na sa 127 na pamilya ang ating nabigyan ng tulong pinansiyal mula noong sumiklab ang giyera sa Gitnang Silangan at hindi nakakapagpadala ng pera ang kanilang mga mahal sa buhay,” dagdag ng punong lungsod.

Sinabi rin ni Natividad na bukod sa tulong na pera, bibigyan din ng tulong ng lokal na pamahalaan ang mga OFW doon na nais umuwi ngunit hindi kasama sa gawain ng pag-uwi (repatriation) ng pambansang pamahalaan.

“Ang pamahalaang lungsod ay gagawa ng paraan para makauwi sila at makapiling ang kanilang mga pamilya o kamag-anak na nakatira dito sa Malolos,” ani Natividad.

“Kung patuloy pa rin ang digmaan, mananatiling committed ang pamahalaang lungsod na tulungan ang mga OFW ng Malolos,” dagdag ng punong lungsod.

Samantala, idinagdag ni Natividad na sa susunod na linggo, plano ng pamahalaang lungsod na magbigay ng subsidyo sa panggatong sa mga miyembro ng TODA at mga drayber ng pampasaherong dyip para mapagaan ang hirap dulot ng mabilis na pagtaas ng presyo ng gasolina.

“Sa susunod na Linggo, ito namang mga TODA members at mga driver ng pampasaherong jeep ang ating tutulungan at bibigyan ng tulong pinansiyal na kahit papaano ay makabawas sa sobrang taas ng presyo ng petrolyo,” sabi ni Natividad sa mga mamamahayag.

11/03/2026

Naaresto ang dalawang suspek sa pagpagpatay kay HOA President at intel police na si PMsgt. Jose Uring sa magkahiwalay na follow-up operation sa bayan ng Obando at Bulakan kagabi.

11/03/2026

Gunman at kasabwat nito sa pagpatay sa Pulis Bulacan at Pangulo ng HOA arestado.NI: EVELYN TENORIO

Camp General Alejo S Santos, Malolos City, Bulacan – Wala pa halos 48 oras ay nasakote na ng pinagsanib na pwersa ng iba't-ibang unit ng kapulisan ang dalawang pangunahing suspek sa pamamaril na nagresulta sa pagkamatay ni PMSg Jose Uring, 51, residente ng B-35, L-19, Brooklyn Heights Subdivision, Brgy. Tuktukan, Guiguinto, Bulacan at kasalukuyang nakatalaga sa Provincial Intelligence Unit ng Bulacan PPO at pahlasugat ng isang sibilyan noong Marso 8, 2026 sa Basketball court ng Brooklyn Heights sa Brgy. Panginay, Guiguinto, Bulacan.

Kinilala ang mga naarestong suspek na sina Marvin Salim 43, gunman dating pulis ng Obando, Bulacan at Adonis Santos, 42, residente ng Bulakan, Bulacan .

Si Santos ay naaresto sa Brgy. Maysantol, Bulakan, Bulacan dakong alas 6:00 ng gabi habang si Salim ay nasakote naman sa Brgu. Panghulo Obando dakong alas 7:00 ng gabi kamakalawa.

Ayon sa ulat ni PLTCOL Librado Manarang, Chief of Police ng Guiguinto Municipal Police Station, nangyari ang insidente bandang 9:57 PM noong Marso 8, 2026 habang nagaganap ang isang pagpupulong para sa eleksyon ng mga opisyal ng Homeowners Association sa nasabing subdivision.

Habang naglalakad ang biktima, patungo sa tolda ng mobile sound system, nilapitan siya ng suspek mula sa likuran at binaril sa ulo.

Sa gitna ng kaguluhan, isang sibilyan na nakilalang si ang nabaril din ng suspek sa kanyang kaliwang tuhod at ngauo'y nagpapagaling na sa Polymedic Hospital.

Agad na nagsagawa ng hot pursuit operations ang mga operatiba ng Guiguinto police sa pakikipag-ugnayan sa Bulacan Provincial Intelligence Unit sa ilalim ni PLTCOL Russel Dennis Reburiano, kasama ang mga tauhan mula sa PIDMU, Bulakan MPS, Obando MPS, 1st Provincial Mobile Force Company, PECU Bulacan, RSOG3, at RIU3.

Sa pamamagitan ng sabay-sabay na operasyon na isinagawa sa mga bayan ng Bulakan at Obando, matagumpay na naaresto ang dalawang suspek na sangkot sa insidente.

Sa pag-aresto kay "Adonis," nasamsam ang sumusunod na ebidensya: isang (1) granada; isang (1) itim na Yamaha NMAX na motorsiklo; isang (1) pulang EVO helmet; isang (1) asul na long sleeves na kamiseta; isang (1) navy blue na jogging pants; isang (1) Oppo Android cellphone; at dalawang (2) iPhone 6S na mobile phone.

Samantala, nakuha mula kay "Marvin" ang isang Bajaj na motorsiklo na may body number 13 na nakarehistro sa C-Fuel Catangalan TODA; isang backpack na naglalaman ng tatlong (3) baril na binubuo ng isang Re*****on 1911 caliber .45 pistol na may serial number 1886471, isang Caspian caliber .45 pistol na may serial number 1436712, at isang Smith & Wesson caliber 9mm pistol model 459 na may serial number A736081; siyamnapu't tatlong (93) bala ng caliber .45; limampu't pitong (57) bala ng caliber 9mm; tatlong (3) caliber .45 magazines; tatlong (3) caliber 9mm magazines; isang itim na leather inside holster; isang plastic bag na naglalaman ng mga damit na pinaniniwalaang ginamit sa krimen; isang maliit na itim na pouch na naglalaman ng iba't ibang identification card; at isang Samsung Galaxy A12 cellular phone.

Ang mga naarestong suspek ay kasalukuyang nasa kustodiya ng Guiguinto police habang inihahanda ang pagsasampa ng kaso para sa Murder at Frustrated Homicide laban sa kanila sa Office of the Provincial Prosecutor sa Malolos City, Bulacan.

Samantala, binigyang-diin ni PCOL Angel Garcillano, Provincial Director ng Bulacan Police Provincial Office, na ang mabilis na pag-aresto sa mga suspek ay resulta ng epektibong koordinasyon at kooperasyon ng iba't ibang unit ng pulisya. Idinagdag niya na mananatiling matatag ang kapulisan ng Bulacan sa pagtugis sa mga kriminal upang matiyak ang hustisya para sa mga biktima at upang mapanatili ang kapayapaan at kaayusan sa lalawigan ng Bulacan.

11/03/2026

Gunman at kasabwat nito sa pagpatay sa Pulis Bulacan at Pangulo ng HOA arestado. NI: EVELYN TENORIO

Camp General Alejo S Santos, Malolos City, Bulacan – Wala pa halos 48 oras ay nasakote na ng pinagsanib na pwersa ng iba't-ibang unit ng kapulisan ang dalawang pangunahing suspek sa pamamaril na nagresulta sa pagkamatay ni PMSg Jose Uring, 51, residente ng B-35, L-19, Brooklyn Heights Subdivision, Brgy. Tuktukan, Guiguinto, Bulacan at kasalukuyang nakatalaga sa Provincial Intelligence Unit ng Bulacan PPO at pahlasugat ng isang sibilyan noong Marso 8, 2026 sa Basketball court ng Brooklyn Heights sa Brgy. Panginay, Guiguinto, Bulacan.

Kinilala ang mga naarestong suspek na sina Marvin Salim 43, gunman dating pulis ng Obando, Bulacan at Adonis Santos, 42, residente ng Bulakan, Bulacan .

Si Santos ay naaresto sa Brgy. Maysantol, Bulakan, Bulacan dakong alas 6:00 ng gabi habang si Salim ay nasakote naman sa Brgu. Panghulo Obando dakong alas 7:00 ng gabi kamakalawa.

Ayon sa ulat ni PLTCOL Librado Manarang, Chief of Police ng Guiguinto Municipal Police Station, nangyari ang insidente bandang 9:57 PM noong Marso 8, 2026 habang nagaganap ang isang pagpupulong para sa eleksyon ng mga opisyal ng Homeowners Association sa nasabing subdivision.

Habang naglalakad ang biktima, patungo sa tolda ng mobile sound system, nilapitan siya ng suspek mula sa likuran at binaril sa ulo.

Sa gitna ng kaguluhan, isang sibilyan na nakilalang si ang nabaril din ng suspek sa kanyang kaliwang tuhod at ngauo'y nagpapagaling na sa Polymedic Hospital.

Agad na nagsagawa ng hot pursuit operations ang mga operatiba ng Guiguinto police sa pakikipag-ugnayan sa Bulacan Provincial Intelligence Unit sa ilalim ni PLTCOL Russel Dennis Reburiano, kasama ang mga tauhan mula sa PIDMU, Bulakan MPS, Obando MPS, 1st Provincial Mobile Force Company, PECU Bulacan, RSOG3, at RIU3.

Sa pamamagitan ng sabay-sabay na operasyon na isinagawa sa mga bayan ng Bulakan at Obando, matagumpay na naaresto ang dalawang suspek na sangkot sa insidente.

Sa pag-aresto kay "Adonis," nasamsam ang sumusunod na ebidensya: isang (1) granada; isang (1) itim na Yamaha NMAX na motorsiklo; isang (1) pulang EVO helmet; isang (1) asul na long sleeves na kamiseta; isang (1) navy blue na jogging pants; isang (1) Oppo Android cellphone; at dalawang (2) iPhone 6S na mobile phone.

Samantala, nakuha mula kay "Marvin" ang isang Bajaj na motorsiklo na may body number 13 na nakarehistro sa C-Fuel Catangalan TODA; isang backpack na naglalaman ng tatlong (3) baril na binubuo ng isang Re*****on 1911 caliber .45 pistol na may serial number 1886471, isang Caspian caliber .45 pistol na may serial number 1436712, at isang Smith & Wesson caliber 9mm pistol model 459 na may serial number A736081; siyamnapu't tatlong (93) bala ng caliber .45; limampu't pitong (57) bala ng caliber 9mm; tatlong (3) caliber .45 magazines; tatlong (3) caliber 9mm magazines; isang itim na leather inside holster; isang plastic bag na naglalaman ng mga damit na pinaniniwalaang ginamit sa krimen; isang maliit na itim na pouch na naglalaman ng iba't ibang identification card; at isang Samsung Galaxy A12 cellular phone.

Ang mga naarestong suspek ay kasalukuyang nasa kustodiya ng Guiguinto police habang inihahanda ang pagsasampa ng kaso para sa Murder at Frustrated Homicide laban sa kanila sa Office of the Provincial Prosecutor sa Malolos City, Bulacan.

Samantala, binigyang-diin ni PCOL Angel Garcillano, Provincial Director ng Bulacan Police Provincial Office, na ang mabilis na pag-aresto sa mga suspek ay resulta ng epektibong koordinasyon at kooperasyon ng iba't ibang unit ng pulisya. Idinagdag niya na mananatiling matatag ang kapulisan ng Bulacan sa pagtugis sa mga kriminal upang matiyak ang hustisya para sa mga biktima at upang mapanatili ang kapayapaan at kaayusan sa lalawigan ng Bulacan.

06/03/2026

Pagpapalakas sa ugnayang SSS, mga kooperatiba sa Bulacan isinusulong. NINA: OMAR PADILLA at EVELYN TENORIO

BALAGTAS, Bulacan-- Mas paiigtingin ng Social Security System (SSS) ang ugnayan nito sa mga kooperatiba sa Bulacan.

Bilang hudyat nito, pumasok sa isang Memorandum of Agreement (MOA) ang SSS Bocaue Branch at San Lorenzo Multipurpose Cooperative (SLMC) sa bayan ng Balagtas kung saan magsisilbing bagong collecting agent ng ahensya ang naturang kooperatiba.

Ayon kay SSS Senior Vice President Antonio Argabioso, hangad ng ahensya na lalong makatupad sa mandato nito na naaayon sa Republic Act 11199, na maaring maging collecting agents nito ang mga kooperatiba na nakarehistro sa Cooperative Development Authority.

Bukod dito, kabilang sa mga rekisito upang maging collecting agent ay kinakailangan na ang isang kooperatiba ay regular na naghuhulog ng kontribusyon ng kanilang mga empleyado gayundin ang mga empleyado ng mga kasapi nito.

Ang madedestino na kolektor ng kooperatiba ng mga hulog para sa SSS contribution ay bonded ng ahensya tulad ng mga kahera na regular na mga empleyado nito.

Kailangan ding nasa isang libong katao ang regular na mga kasapit at umiiral na sa nakalipas na tatlong taon ang isang kooperatiba.

Sinabi ni SSS Vice President for Luzon Central 1 at 2 Gloria Corazon Andrada na bilang

Cooperative Capital ng Gitnang Luzon at ng Pilipinas sa kabuuan, makatarungan aniya na mas maparami rin ang bilang ng mga kasapi ng mga kooperatiba na masasaklaw ng mga benepisyo ng SSS sa pagreretiro, panganganak, pagkakasakit, pagkawala ng trabaho, pagkabaldado, pagkamatay hanggang sa mailibing.

Kung madadagdagan aniya ang mga kooperatiba na magiging collecting agent ng SSS, magiging istratehiyang direksiyon ito upang matupad ang nasabing bisyon.

Nakapaloob sa nilagdaang MOA na bukod sa pagtanggap ng contributions, maaari ring magproseso sa isang collector agent na kooperatiba ng member loan amortizations, magparehistro bilang SSS member, makagawa ng online account sa SSS sa pamamagitan ng My.SSS at makapag sumite ng aplikasyon para makatamo ng SSS benefits o loans.

Pang-pito na ang SLMC sa mga naotorisado ng SSS na maging isang collector agent nito, kung saan nasa 1,892 na mga kasapi nitong kooperatiba ay pawang kasapi na rin sa ahensya.

PHOTO CAPTION:

Lumagda ng Memorandum of Agreement ang Social Security System at San Lorenzo Multi-Purpose Cooperative kung saan magsisilbing bagong collecting agent ng ahensya ang naturang kooperatiba.

02/03/2026

Cong. Pleyto ng ika-6 na Distrito ng Bulacan, suportado ang panukalang batas sa Edukasyon na mapabilis ang pagtatayo ng mga silid-aralan upang mapalawak ang pagkakataon na makapag-aral ang mahihirap na kabataang Bulakenyo. NI: EVELYN TENORIO

LALAWIGAN NG BULACAN— Sinuportahan ni Kinatawan Salvador Aquino Pleyto ng ika-6 Distrito ng Bulacan ang mga panukalang batas na naglalayong mapabilis ang pagtatayo ng mga silid-aralan at palawakin ang pagkakataong makapag-aral ng batayang edukasyon habang ang Komite ng Mababang Edukasyon at Kultura ng Kapulungan ng mga Kinatawan ay nagtalakay ng ilang mahahalagang panukalang batas kamakailan.

Si Pleyto ay isa sa mga pangunahing may-akda ng iminungkahing pampalit na panukalang batas na naglalayong itatag ang Classroom-Building Acceleration Program (CAP) sa ilalim ng Kagawaran ng Edukasyon (DepEd), na magpapahintulot sa mga lokal na yunit ng pamahalaan (LGU) at mga entidad ng pribadong sektor na direktang magsagawa ng pagtatayo ng mga silid-aralan sa buong bansa.

Ang ika-6 na Distrito ng Bulacan, na itinatag alinsunod sa Batas Republika Blg. 11546, ay binubuo ng mga bayan ng Santa Maria, Norzagaray, at Angat.

Ang panukala ay tinalakay sa pagpupulong ng komite na pinamumunuan ni Roman Romulo, kasama ang iba pang mga panukala na idinisenyo para tugunan ang kakulangan sa silid-aralan, sobrang dami ng mag-aaral sa isang silid, at mga pagkagambala sa pag-aaral sa buong bansa.

Sa ilalim ng panukalang batas na CAP, layunin ng gobyerno na mapabilis ang paghahatid ng mga silid-aralan sa pamamagitan ng pakikipagtulungan sa mga LGU at mga kasosyo sa pribadong sektor, pagpapadali ng mga pamamaraan, at pagbibigay ng tiyak na pondo para sa mga proyekto ng imprastraktura ng paaralan. Sinabi ng mga mambabatas na ang inisyatiba ay inilaan para tumugon sa patuloy na mga puwang sa mga pasilidad ng pampublikong paaralan, lalo na sa mga lugar na mabilis na lumalago at kulang sa serbisyo.

Bukod sa panukalang CAP, tinalakay din ng komite ang isang pampalit na panukalang batas na nagkakaloob sa Pangulo ng mga kapangyarihang pang-emerhensya para mapabilis ang pagtatayo, pag-aayos, at pagkukumpuni ng mga silid-aralan, kabilang ang paggamit ng mga espesyal na pamamaraan sa pagbili sa panahon ng mga pangangailangang pang-emerhensya.

Isa pang panukalang batas na tinalakay ay naglalayong magbigay ng mga nababaluktot na landas sa edukasyon para sa mga mag-aaral ng batayang edukasyon, kung saan binibigyang-diin ng mga tagapagtaguyod ang pangangailangan para sa mga reporma na mas mahusay na umaayon sa pag-aaral sa mga pangangailangan ng mga mag-aaral at mga pangangailangan sa tunay na mundo.

Natanggap din ng komite ang isang paglalahad mula sa Kagawaran ng Edukasyon tungkol sa iminungkahing sistemang trimester para sa Taong-Paaralan 2026–2027, pati na rin ang mga update tungkol sa pagpapatupad ng Magandang Asal at Tamang Pag-uugali (GMRC) at Edukasyon sa Mga Halaga sa kurikulum ng K to 12.

Binigyang-diin ng mga mambabatas, kabilang si Pleyto, na ang pagpapabuti ng imprastraktura ng paaralan at pagmo-moderno ng paraan ng paghahatid ng edukasyon ay kritikal para itaas ang mga resulta ng pag-aaral at tiyakin na walang mag-aaral ang maiwan dahil sa kakulangan ng mga pasilidad.

Ang mga panukala ay nananatiling napapailalim sa pagsasama-sama at karagdagang talakayan sa antas ng komite.

01/03/2026

𝗕𝘂𝗹𝗮𝗰𝗮𝗻 𝗴𝗼𝘃 𝗿𝗲𝗰𝗲𝗶𝘃𝗲𝘀 𝗛𝘂𝘄𝗮𝗿𝗮𝗻𝗴 𝗙𝗶𝗹𝗶𝗽𝗶𝗻𝗼 𝗛𝗼𝗻𝗼𝗿𝗲𝗲 𝗮𝘄𝗮𝗿𝗱. By: Evelyn Tenorio

CITY OF MALOLOS - Bulacan Governor Daniel R. Fernando received the Huwarang Filipino Awards 2026 Honoree recognition during the “Decades of Excellence” awarding ceremony held at the Music Museum in San Juan City last Friday.

Fernando was recognized for his steadfast commitment to public service and transformative leadership in the Province of Bulacan.

“Sa ngalan ng Lalawigan ng Bulacan, ako po ay buong pagpapakumbabang nagpapasalamat sa pagkilalang ito. Higit sa isang parangal, ito ay isang paalala na ang tunay na liderato ay nasusukat sa malasakit at hindi sa pagmamalabis sa kapwa, gayundin sa pagdamay sa mga mamamayan lalo na sa mga higit na nangangailangan," the People's Governor said.

He dedicated the award to the people of Bulacan, emphasizing that the true exemplars are the hardworking Bulakenyos who continuously strive for a brighter future.

“Kayo po ang tunay na huwaran, kayo po ang aking inspirasyon at kalakasan," he said.

Fernando also reaffirmed his commitment to further strengthening provincial programs despite challenges.

"Sa kabila ng maraming pagsubok sa aking pagkatao, lalo pa nating pagtibayin ang ating mga programa para sa edukasyon, kalusugan, kabuhayan, at imprastraktura," the Bulacan governor assured.

Other awardees include Office of the Presidential Adviser on Peace, Reconciliation, and Unity Sec. Carlito Galvez, Jr., Miss Universe 2018 Catriona Gray, Actor and former Oriental Mindoro Vice Gov. Ejay Falcon, singer Erik Santos, Manila City Mayor Isko Moreno, PBA star and San Juan City Coun. James Yap, philantrophist and businessman Joel Cruz, Julius and Tintin Babao, Mark Logan, PAO Chief Atty. Persida Acosta, Pilar Pilapil, Sheryl Cruz, and Sheryn Regis among others.

The Huwarang Filipino Awards honors outstanding Filipinos who have mastered their expertise and whose enduring leadership, service, and achievements have shaped communities, industries, and the nation across generations.

15/02/2026

All the lucky feels at SM Supermalls

Celebrate love and luck this Chinese New Year and Valentine’s Day This February, SM Bulacan malls bring together two of the most joyful occasions of the season—Chinese New Year and Valentine’s Day—for a month-long celebration that’s all about love, luck, and unforgettable experiences. Welcome the Year of the Horse with festive finds, romantic moments, and prosperity-filled activities designed to make every visit extra meaningful!...

Celebrate love and luck this Chinese New Year and Valentine’s Day This February, SM Bulacan malls bring together two of the most joyful occasions of the season—Chinese New Year and Valentine’s Day—…

04/02/2026

BDO, nagwagi ng Gold Anvil para sa “Kabayan Connections” campaign. Ni: Evelyn Tenorio

Naka-Gold Anvil Award ang BDO Unibank para sa kanilang “Kabayan Connections” campaign sa 61st Anvil Awards, sa kategoryang Public Relations Programs – Best Use of Influencer Marketing. Kasama ang BDO sa piling Gold Anvil recipients, na namumukod-tangi mula sa higit 170 kumpanya na sumali sa prestihiyosong awards na inorganisa ng Public Relations Society of the Philippines (PRSP)....

Naka-Gold Anvil Award ang BDO Unibank para sa kanilang “Kabayan Connections” campaign sa 61st Anvil Awards, sa kategoryang Public Relations Programs – Best Use of Influencer Mar…

22/01/2026

SM Cinemas. By: Evelyn Tenorio

Visit the post for more.