22/05/2026
Happy fiesta San Isidro labrador!!
KINSA SI SAN ISIDRO LABRADOR?
Si San Isidro Labrador natawo niadtong tuig 1070 sa lugar sa Madrid didto sa Espanya siya nagagikan sa yano nga pamilya ug siya usa ka buotang bana ni Santa Maria de la Cabeza. Si San Isidro nagsilbi siya sa usa ka adunahan nga si Juan de Vargas sa iyang uma ug gihimo siyang tinugyanan sa tanang kayutaan.
Si San Isidro matag buntag sa dili pa siya moadto sa iyang trabaho, siya kanunay mo-adto sa Simbahan aron mag-ampo, maminaw sa pulong sa Ginoo ug moka-on sa Lawas ni Cristo. Usa ka adlaw niana ang iyang kauban sa trabaho na intrega o nasina kaniya ug nireklamo sa ilang amo nga kuno si San Isidro kanunay ulahi sa trabaho matag buntag. Ug diha-diha gi-imbestigahan sa ilang amo ang maong sumbong, apan sa dakong kahikurat sa ilang amo nakit-an niya si San Isidro samtang ang usa ka Anghel ang nagdaro sa yuta alang kaniya.
Sa laing higayon, nakit-an na usab sa iyang amo si San Isidro nga adunay Anghel sa iyang kiliran nga sama ka tulo ka mga mag-uuma nga nagtrabaho.
Si San Isidro mao ang patron sa Madrid Espanya ug nahimo siyang inila gumikan sa iyang makugihon sa pagtrabaho ilabina sa pagkamanggihatagon bisan pa man sa kakulangan sa iyang panginabuhi ug siya maantigo gihapong mopaambit sa iyang bahandi alang sa uban ilabi na niadtong mga nanginahanglan.
“And he was also known for his great love for the poor, and there are accounts of Isidore’s life supplying them miraculously with food. He had a great concern for the proper treatment of animals.”
Si San Isidro Labrador namatay niadtong Mayo 15, 1130 didto sa iyang lungsod nga natawhan.
Si San Isidro Labrador na beatify niadtong Mayo 2, 1619 pinaagi ni Pope Paul V. Ug siya gideklara nga santo pinaagi ni Pope Gregory XV. Sila St. Ignatius de Loyola, St. Francis Xavier, St. Teresa de Avila ug St. Felipe Neri kauban usab niya nga gideklara nga santos niadtong Marso 12, 1622.
Si San Isidro nailhan nga patron sa mga mag-uuma. Dili siya pari o relihiyoso apan ang iyang kinabuhi nisalamin gayud sa bisan unsa nga iya sa Ginoo. Hangtud karon padayon siyang naghatag kanato og inspirasyon.
UNSA ANG ATONG NAKAT-UNAN SA KINABUHI NI SAN ISIDRO?
Ang tawag sa pagkabalaan, tawag natong tanan. Regardless sa atong kahimtang ug estado sa atong kinabuhi, kitang tanan mamahimong santos sa atong kaugalingon sa ginagmay nga paagi kong kini sa pagbuhat adunay dakong gugma.
San Isidro Labrador, Ig-ampo mo kami.🙏🙏🙏
