https://www.facebook.com/116832281356497/

Kuya Brad, Duran, Balatan (2025)

03/07/2025

'BAHA'

na baha ng loha..

27/06/2025

Mga minamawot ko na mga Balateño💓

Pinili na ka tawo a kandidato
Bagong Ama ka banwaan irespeto
Nanangis su iba ta su pagal na kunsumo
Kanrang manok diri nakatapos, diri naka deretso

Pagmawot sa Banwaan perming isan
Maski su dati amo man kagustuwan
Iba iba na a gustong mamangnuwan
Ka mga ka banwa ko na mulat na sa kamaturan

A respeto ka ngamin inaayat
Para a banwaan nato mai-angat
Sa ngamen na aspeto perming i-mukrat
A kanatong mata sa serbisyong tapat

Mga ngud kita mag-ugma
Ta maski pauno napagbiyan ta
Mga hinaing naitao niya
Kinding nakukulangan man iba

Bukong maraot a mag bagong liderato
Buko man na maraot bumalyo sa kandidato
Intero man kitang nagiging dehado
Pag nasala kita sa mga binoto

Nguan sa pangarwa niyang laban
Kadi usad na tawong nag mamawot sa banwaan
Uno paman iya ta pag para-estoryahan
Ulaton na sana a kanyang magiginibuhan

Nagpapasalamat ako kaninyo mga ngud
Ta maski pauno naka-anap kita sa bagong mig-lingkod
Mga proyektong diri nadagus mga poste napudpod
Na baka deretso na a agi ta, diri na ma tisod

Minamawot namong bagong Halal
A mga tawo nag aasa ka kanimong pangaral
Ipamati mo a kanimong pangarap sa banwa literal
Ta kame magiging igin ka banwaang may dangal

Salamat sa ngamen na nag basa
Ading tula ko sana kamo mag risa-risa
Buko ading pang kanako man sana
Kundi para adi kanatong ngamin nag-aasa

Adios❤️
Mabuhay ang Bagong Balatan🔥❤️

-----
_kuyabrad