Local Government Unit of Baler, Baler (2026)

20/05/2026

𝗣𝗔𝗚𝗕𝗜𝗕𝗜𝗚𝗔𝗬-𝗣𝗨𝗚𝗔𝗬 𝗦𝗔 𝗧𝗔𝗚𝗨𝗠𝗣𝗔𝗬 𝗡𝗚 𝗕𝗔𝗟𝗘𝗥𝗘Ñ𝗢 𝗖𝗬𝗖𝗟𝗜𝗦𝗧

Bumisita kay Mayor Rhett Ronan T. Angara si Mark Jiro Paulo mula sa Brgy. Reserva kasama sina Anthony Valenzuela at Judy Ace Arcilla matapos niyang matagumpay na makamit ang pagkilala bilang Stage 8 Most Combative Rider sa katatapos lamang na Tour of Luzon.

Ang kanyang tagumpay ay nagsisilbing inspirasyon at karangalan para sa Baler, Aurora at sa patuloy na pagsulong ng larangan ng sports sa bayan.

12/05/2026

𝗦𝗨𝗣𝗢𝗥𝗧𝗔 𝗦𝗔 𝗠𝗚𝗔 𝗠𝗔𝗚𝗦𝗔𝗦𝗔𝗞𝗔, 𝗣𝗜𝗡𝗔𝗜𝗚𝗧𝗜𝗡𝗚 𝗦𝗔 𝗣𝗔𝗠𝗔𝗠𝗔𝗚𝗜𝗧𝗔𝗡 𝗡𝗚 𝗥𝗖𝗘𝗙 𝗦𝗘𝗘𝗗 𝗗𝗜𝗦𝗧𝗥𝗜𝗕𝗨𝗧𝗜𝗢𝗡 𝗦𝗔 𝗕𝗔𝗟𝗘𝗥
May 12, 2026 | Brgy. Reserva & Brgy. Obligacion, Baler

Pinangunahan nina Mayor Rhett Ronan T. Angara at Vice Mayor Lian Angara ang pamamahagi ng mga binhi ng palay sa mga magsasaka mula sa Barangay Reserva at Barangay Obligacion sa Baler, Aurora.

Ang programa ay isinagawa ng Local Government Unit of Baler katuwang ang Philippine Rice Research Institute sa pamamagitan ng Municipal Agriculture Office of Baler.

May kabuuang 157 na benepisyaryong magsasaka ang nakatanggap ng mga binhi bilang bahagi ng RCEF Seed Distribution Program na naglalayong suportahan at mapalakas ang produksyon ng palay sa bayan.

12/05/2026

𝗢𝗔𝗧𝗛-𝗧𝗔𝗞𝗜𝗡𝗚 𝗖𝗘𝗥𝗘𝗠𝗢𝗡𝗬 𝗢𝗙 𝗦𝗘𝗡𝗜𝗢𝗥 𝗖𝗜𝗧𝗜𝗭𝗘𝗡 𝗙𝗘𝗗𝗘𝗥𝗔𝗧𝗜𝗢𝗡 – 𝗕𝗔𝗟𝗘𝗥 𝗢𝗙𝗙𝗜𝗖𝗘𝗥𝗦
May 11, 2026 | Baler

Pinangasiwaan ni Mayor Rhett Ronan T. Angara ang panunumpa sa katungkulan ng mga opisyal ng Senior Citizen Federation – Baler sa pangunguna ng kanilang Pangulo na si Erlinda Esteban.

Ipinapakita ng seremonya ang patuloy na pagkilala at suporta ng Local Government Unit of Baler sa mahalagang papel ng mga senior citizen at sa kanilang aktibong pakikilahok sa mga programa at inisyatiba para sa bayan ng Baler, Aurora.

07/05/2026

𝗧𝗨𝗥𝗡𝗢𝗩𝗘𝗥 𝗢𝗙 𝗲𝗖𝗥𝗩𝗦 𝗘𝗤𝗨𝗜𝗣𝗠𝗘𝗡𝗧 𝗦𝗨𝗣𝗣𝗢𝗥𝗧 𝗙𝗥𝗢𝗠 𝗣𝗦𝗔
May 6, 2026 | Baler, Aurora

Bilang suporta sa pagpapatupad ng Electronic Civil Registration and Vital Statistics (eCRVS) System, nagbigay ang Philippine Statistics Authority ng mga kagamitan na tinanggap ni Mayor Rhett Ronan T. Angara para sa bayan ng Baler, Aurora.

Kabilang sa mga ipinagkaloob ang isang computer set, printer, at document scanner upang makatulong sa mas mabilis at maayos na pagpapatupad ng digital civil registration services.

Ang eCRVS o Electronic Civil Registration and Vital Statistics ay isang digital system na ginagamit sa pagre-record ng mahahalagang impormasyon tulad ng kapanganakan, pagkamatay, at kasal. Sa pamamagitan nito, mas magiging maayos, mabilis, at accessible ang pamamahala ng mga rekord para sa publiko.

06/05/2026

Mga kababayan, habang nasa cellphone kayo, may sasabihin ako na mas exciting pa sa chismis sa palengke. 🌅🇵🇭
Ngayong officially live na ang Aurora.ph, hindi lang tayo basta probinsya sa mapa—tayo na ang bida sa digital world! At dahil mahilig tayong mga taga-Aurora sa pa-contest, inilunsad natin ang Inaugural Travel Bingo. Isipin nyo na lang, ito ang ultimate roadmap para muling ma-inlove sa ating sariling bayan. 🧭✨
Mula sa mga alon ng Sabang hanggang sa dalampasigan ng Casiguran, may 25 spots tayong dapat "ma-check." Opo, 25! Kaya kung balak mong mag-emote dahil sa heartbreak, gawin mo na habang naghahanap ng stamps!
Paano maging "Bida" sa Bingo?
1️⃣ Mag-register bilang Founding Member sa www.aurora.ph. Libre ito, ‘wala tayong excuse!
2️⃣ Pasyalan ang mga Bingo spots. Suportahan ang ating mga lokal na tindahan.
3️⃣ Mag-post ng review at selfie sa portal. Ipagmalaki and Ganda ng ating Bayan para hindi naman nakakahiya sa ating portal. 🤳
Ang ganda ng mga premyo!
• Grand Prize: 3D2N stay sa Costa Pacifica + P5,000 spending perks + maraming regalo mula sa Sponsors.
• 2nd Prize: 3D2N stay sa Bay’s Inn + P3,000 spending perks + maraming regalo mula sa Sponsors.
• 3rd Prize: 4 Joy Bus Round-Trip tickets + P2,000 spending allowance + maraming regalo mula sa Sponsors.
Ang pagsali niyo ay hindi lang para sa premyo. Ito ay para sa ating mga lokal na negosyo at para sa dangal ng ating lalawigan. Ipakita natin sa lahat na dito sa Aurora, ang unang sikat ng araw ay sadyang iba ang hatid na saya.
Ano, mauuna pa ba ang mga turista sa inyo? Mag-register na bago ko pa ma-post ang lahat ng selfie ko at manalo ng Bingo! 🏃💨 https://www.aurora.ph/travelbingo/

06/05/2026

𝗦𝗧𝗔𝗡𝗗𝗔𝗥𝗗 𝗙𝗜𝗥𝗦𝗧 𝗔𝗜𝗗 𝗔𝗡𝗗 𝗕𝗟𝗦-𝗖𝗣𝗥 𝗪𝗜𝗧𝗛 𝗔𝗘𝗗 𝗧𝗥𝗔𝗜𝗡𝗜𝗡𝗚 𝗙𝗢𝗥 𝗘𝗟𝗘𝗠𝗘𝗡𝗧𝗔𝗥𝗬 𝗦𝗧𝗨𝗗𝗘𝗡𝗧𝗦
May 6, 2026 | Baler

Recently concluded at Baler Central School, led by Vice Mayor Lian Angara and Sir B**g Molina of MDRRMO, the training equipped young learners with basic first aid, CPR, and AED skills, strengthening early emergency response and preparedness in Baler.

04/05/2026

𝗣𝗔𝗚𝗧𝗔𝗡𝗚𝗚𝗔𝗣 𝗔𝗧 𝗣𝗔𝗚𝗕𝗜𝗦𝗜𝗧𝗔 𝗡𝗚 𝗠𝗚𝗔 𝗞𝗔𝗧𝗨𝗪𝗔𝗡𝗚 𝗦𝗔 𝗕𝗔𝗟𝗘𝗥

Mainit na tinanggap ni Mayor Rhett Ronan T. Angara ang grupo ng negosyanteng si Matthew Gattinela, Presidente at CEO ng Picture This Wedding Company na nakabase sa Dover, New Hampshire, USA. Kabilang sa grupo sina Jonel Navarro, Romar Gagarin, Danica Dizon, Kio Vhase Gonzales Villarivera, Pia Sadora Garcia, Jonathan Montoya, Ivan Jade Merculio, at Guia Mae Merculio.

Kasunod nito, nagsagawa rin ng pagbisita si John Vincent Virrey, Branch Head ng Philippine National Bank Baler, para sa product presentation.

Samantala, bumisita ang mga kawani ng National Museum of the Philippines mula sa Geology and Paleontology Division para sa pick-up at retrieval ng mga pre-identified rock specimens sa Baler Lighthouse sa Sitio Diguisit. Ang mga nakolektang specimens ay ilalagay sa exhibition ng National Museum of the Philippines – Baler.

Ang mga aktibidad na ito ay nagpapakita ng patuloy na pakikipag-ugnayan ng Baler, Aurora sa iba’t ibang sektor para sa turismo, negosyo, at kaalaman.

04/05/2026

𝗙𝗥𝗘𝗘 𝗖𝗜𝗥𝗖𝗨𝗠𝗖𝗜𝗦𝗜𝗢𝗡 𝗣𝗥𝗢𝗚𝗥𝗔𝗠 (𝗕𝗔𝗧𝗖𝗛 𝟮) 𝗦𝗔 𝗕𝗔𝗟𝗘𝗥
May 3, 2026 | Baler, Aurora

Matagumpay na naisagawa ang ikalawang batch ng Free Circumcision Program ng Local Government Unit of Baler sa pamamagitan ng Municipal Health Office of Baler, katuwang ang Bureau of Fire Protection Aurora at iba pang partner agencies, para sa mga kabataang lalaki ng Baler.

Isinagawa ang programa sa Dr. Juan C. Angara Sports Complex kung saan umabot sa 300 na benepisyaryo ang nabigyan ng libreng serbisyong medikal.

Patunay ito ng patuloy na serbisyong pangkalusugan at malasakit ng pamahalaang bayan para sa kapakanan ng mamamayan.

04/05/2026

𝗣𝗔𝗚𝗧𝗔𝗡𝗚𝗚𝗔𝗣 𝗡𝗚 𝗣𝗔𝗥𝗔𝗡𝗚𝗔𝗟 𝗔𝗧 𝗠𝗘𝗗𝗜𝗖𝗔𝗟 𝗘𝗤𝗨𝗜𝗣𝗠𝗘𝗡𝗧 𝗧𝗨𝗥𝗡𝗢𝗩𝗘𝗥 𝗦𝗔 𝗕𝗔𝗟𝗘𝗥
May 4, 2026 | Baler, Aurora

Ipinresenta ng Municipal Disaster Risk Reduction and Management Office of Baler, sa pangunguna ni Arturo Molina Jr., ang kanilang plaque of recognition mula sa Schools Division Office of Aurora bilang pasasalamat sa mahalagang suporta at pakikipagtulungan sa matagumpay na pagsasagawa ng Regional Festival of Talents 2026, Regional Schools Press Conference 2026, at Central Luzon Regional Athletic Association Meet 2026.

Kasabay nito, ipinresenta rin ng Municipal Health Office of Baler sa pangunguna ni Dr. Mael Cautivar ang mga kagamitang medikal tulad ng delivery room beddings, patients’ gowns, at delivery room drapes na mula sa The Medical City sa pangunguna nina Rachel Carlos at Luis Querijero Bautista.

Maraming salamat sa Schools Division Office of Aurora at The Medical City para sa patuloy na suporta sa bayan ng Baler.

01/05/2026

𝗣𝗔𝗚𝗕𝗜𝗦𝗜𝗧𝗔 𝗡𝗚 𝗨𝟭𝟲 𝟯𝘅𝟯 𝗕𝗔𝗦𝗞𝗘𝗧𝗕𝗔𝗟𝗟 𝗧𝗘𝗔𝗠 𝗡𝗚 𝗕𝗔𝗟𝗘𝗥

Mainit na tinanggap ni Mayor Rhett Ronan T. Angara ang U16 Men’s at Women’s 3x3 Basketball Team ng Baler, Aurora sa kanilang pagbisita, kasama ang kanilang coach na si Christopher A. Leander.

Ang koponan ang napiling kinatawan ng lalawigan para sa gaganaping 3x3 Zone 3 Finals sa Mayo 10, 2026 sa Bacolor, Pampanga. Ipinahayag ng Punong Bayan ang kanyang buong suporta at paghanga sa dedikasyon at pagsusumikap ng mga kabataang atleta.

Nawa’y magsilbi itong inspirasyon sa kanilang patuloy na pag-abot ng tagumpay at pagdadala ng karangalan sa bayan.

30/04/2026

𝗔𝗕𝗜𝗦𝗢 𝗣𝗨𝗕𝗟𝗜𝗞𝗢 | 𝗣𝗔𝗦𝗦𝗣𝗢𝗥𝗧 𝗢𝗡 𝗪𝗛𝗘𝗘𝗟𝗦

Ipinapaalam sa lahat na para sa Passport on Wheels sa May 04, 2026, unang isang daan 100 na aplikante lamang ang maaasikaso sa araw ng Lunes.

Ang mga aplikanteng may kumpletong dokumento lamang ang mabibigyan ng slot.

Para sa iba pang katanungan, maaaring magtungo sa Public Employment Service Office Baler na matatagpuan sa 2nd Floor, Executive Building, Municipal Hall, Brgy. 05, Baler, Aurora.

𝙁𝙤𝙧 𝙧𝙚𝙦𝙪𝙞𝙧𝙚𝙢𝙚𝙣𝙩𝙨, 𝙠𝙞𝙣𝙙𝙡𝙮 𝙘𝙝𝙚𝙘𝙠 𝙩𝙝𝙚 𝙡𝙞𝙣𝙠 𝙗𝙚𝙡𝙤𝙬:
https://consular.dfa.gov.ph/passport-requirements-page/

𝙇𝙞𝙨𝙩 𝙤𝙛 𝙖𝙘𝙘𝙚𝙥𝙩𝙖𝙗𝙡𝙚 𝙄𝘿𝙨:
https://consular.dfa.gov.ph/valid-ids-for-passport-application/

Local Government Unit of Baler

20/05/2026

12/05/2026

12/05/2026

07/05/2026

06/05/2026

06/05/2026

04/05/2026

04/05/2026

04/05/2026

01/05/2026

30/04/2026

Address

Telephone

Website

Alerts

Shortcuts

Share