04/05/2024
IBA'T IBANG LUTONG BALIWAGENYO, IBINIDA SA LASA COOKING COMPETITION! 🥘👨🍳
Ang Lungsod ng Baliwag ay hindi magpapahuli sa pagpapamalas ng sariling mga lutuin. Kaya't kasabay ng pagdiriwang ng taunang Buntal Festival, isinagawa ang LASA: Tasting Baliwag Tradition and Culture Cooking Competition at ang pagbubukas ng Baliwag City Food Park noong Mayo 2 sa Heroes Park, Baliwag.
Sa mensaheng ibinahagi ni Mayora Sonia V. Estrella, binigyang-diin niya ang kahalagahan ng ating culinary expertise at ang importansya ng pagpapanatili ng tradisyon sa pagluluto ng mga putahe na ipinamana sa atin. Mula naman sa sulat-mensahe ni Mayor Ferdie V. Estrella, ipinagmalaki niya ang mga putahe at food products na galing mismo sa Lungsod ng Baliwag tulad ng Serkele, Okoy, Longganisang Baliwag, at Pandesal. Ito ay ilan lamang sa mga pinagmamalaking kaluto ng Baliwag na nagpapakita ng yaman ng kultura ng lungsod.
Ang programa ay nagtapos sa pagkakapanalo sa Cooking Competition ng National University Baliwag para sa College Level at ng St. Jean Baptiste Academy para sa High School Level. Kasama sa mga hurado sa nasabing cooking competition sina Ms. Carlyn Mendoza, Mr. Erwin Valenzuela, at Mr. Ariel Bastro. Kasama din sa mga dumalo sa event ay sina Konsehal Rodrigo Baltazar, Konsehal Bhang Imperial, Konsehal Joel Pasqual, at OIC Regional Director, DTI Region 3 Hon. Brigida Pili.