08/05/2025
Balita sa Lokal nga Pulitika
Opisyal na: Albores Djranz No. 1 sa Balota, Nakadawat og Suporta Gikan sa Iglesia ni Cristo
Bansalan, Davao del Sur – Gibutyag nga opisyal na nga gisuportahan sa Iglesia ni Cristo (INC) si Albores Djranz, usa ka independenteng kandidato sa pagka-Sangguniang Bayan Member sa Bansalan, alang sa umaabot nga Eleksyon sa Mayo 12, 2025. Ang iyang pangalan giila nga usa sa mga napili sa INC nga suportahan sa ilang hiniusang pagboto usa ka pormal nga endorsement nga giila nga adunay dakong epekto sa resulta sa piniliay.
Gawas kang Djranz, gisuportahan usab sa INC si Edwin Reyes sa pagka-Mayor ug si Kirby Albores Villaraiz sa pagka-Vice Mayor sa Bansalan.
Gikan sa impormasyon sa mga kasaligan nga tinubdan, gisusi sa INC ang mga kandidato pinaagi sa ilang internal nga proseso sa pagpili, lakip na ang integridad, kapasidad sa pagserbisyo, ug plataporma nga makapahimulos sa katawhan.
Ang walo ka mga kandidato sa SB dinhi sa Bansalan nga gisuportahan sa INC mao ang mosunod:
Albores Djranz
Jade Alo
Eugenio Castillones Clata
Ian Estremos
Pablito Ladeza
Saripa Ipang Mabaya Macarampat
Ponciano Salazar
Reyes Jerry
Ang suporta sa Iglesia ni Cristo giila nga usa ka game changer sa lokal nga pulitika, tungod sa disiplina ug pagkahiusa sa pagboto sa mga miyembro niini. Sumala sa mga political analysts, ang endorsement sa INC sagad nagahatag og dugang nga momentum sa kandidato, ilabi na sa duol na nga adlaw sa piniliay.
Si Albores Djranz, nailhan sa Bansalan isip usa ka lider sa simbahan, kooperatiba, ug aktibo sa mga community-based nga serbisyo, nagpasalamat sa pagsalig nga gihatag kaniya sa INC. Sa usa ka pahayag, siya mitumbok nga, “Kini nga suporta usa ka dakong pasalig nga ako motuman sa serbisyo nga matarong, matinud-anon, ug mapadayunon para sa katawhan sa Bansalan.”
Sa nagkadool nga adlaw sa eleksyon, ang panawagan sa mga kandidato mao ang malinawon, limpyo, ug tinud-anay nga piniliay alang sa kaayohan sa lungsod.
Albores Djranz – No.1 sa Balota.
