SJES GRADE 3-Sunkist Pagbasa

SJES GRADE 3-Sunkist Pagbasa GRADE 3 READING COMPREHENSION
WRITING
EDUCATIONAL PURPOSES

16/09/2021

Short film:
highlighting why reading to children is so important

(Credit to the owner:Wisbech Reads)

16/09/2021

Masayang Magbasa: A Guide for Parents to reading at home with young learners in Filipino

( Credit to the owner:ABCplus Learning Connects)

16/09/2021

PAGBASA NG MGA PANGUNGUSAP

(Credit to the owner:Teacher Mama TV)

16/09/2021

READING COMPREHENSION for CHILDREN ----Exercise 2----
Read Kids!
😊 Let your child sit, watch, learn and enjoy this reading tutorial videos with some activities inside.
( Credit to the owner: Read Kids)

16/09/2021

READING COMPREHENSION for CHILDREN ----Exercise 1----

Read Kids!
😊 Let your child sit, watch, learn and enjoy this reading tutorial videos with some activities inside.

( Credit to the owner: Read Kids)

16/09/2021

ANG / NG -MAGBASA TAYO Unang Hakbang sa Pagbasa

( Credit to the owner: Teacher Pher)

16/09/2021

Unang Hakbang sa Pagbasa _ Tunog at Pagpapantig

Pagpapantig ng mga Salita. Ang pagpapantig ay paraan ng paghati sa isang salita alinsunod sa mga pantig na ipinambuo dito. Nakabatay ito sa grapema o nakasulat na mga simbolo. Halimbawa, /u·be/ (ube), /ba·hay/ (bahay).

( Credit to the owner: Teacher Dane)

16/09/2021

Epektibong Pagkukuwento

Ang pagkukuwento ay nakakatulong sa language development ng bata. Nabibigyan sila ng isang “safe space” kung saan malaya nilang naibabahagi ang kanilang mga saloobin at tanong ukol sa kuwento dahil walang estriktong tama o maling sagot na inaasahan mula sa kanila. Lumalawak din ang bokabularyo ng bata dahil sa mga tunog, salita, at pangungusap o istruktura ng wika na nakapaloob sa kanilang napakinggang kuwento.

Napapalawig nito ang pag-iisip ng bata lalo na’t may kaakibat na epektibong estratehiya sa pagtatanong ang kuwentuhan.

[Tatlong Paraan o Estilo ng Pagkukuwento]

READ ALOUD: paggamit ng isang aklat na binabasa o isinasaboses ng nagkukuwento

* Bago magkuwento
— Pumili ng aklat na ayon sa edad at developmental stage ng bata. Kumunsulta sa co-teacher, guidance counselor, o development pediatrician. Maaari ring tingnan kung may nakatatak na edad o baitang/antas sa babasahin.
— Tingnan ang mga mahahalagang salitang dapat maunawaan ng bata bago sila makinig sa kuwento.
— Mag-isip ng tanong o gawain gaya ng awit o laro na may koneksiyon sa kuwento, o tanong na ang sagot ay nakapaloob sa kuwento.
— Siguraduhing komportable ang posisyon ng mga bata. Ipaalala sa kanila na ginagamit ang tainga, mata’t, isipan sa pakikinig.

* Habang nagkukuwento
— Basahin nang maayos ang teksto. Huwang mag-imbento o mag-adlib.
— Gumamit ng awit o chanting ng mga salitang paulit-ulit na lumalabas sa kuwento.
— Maaari ring magtanong ang nagbabasa at sasagot naman ang nakikinig (call-and-response technique).
— I-akma ang pagtatanong tungkol sa sinabi ng isang tauhan, sa pangyayari na kagulat-gulat, nakakalungkot at nakakatawa.
— Hulaan ang pwedeng mangyari sa mga tauhan at tanungin ang mga bata tungkol din. Maaari rin silang hingan ng reaksiyon.
— Pansinin ang mga detalye sa wika, illustration o drawing at tanungin ang mga bata ukol sa kaugnayan nito sa kabuuan ng kuwento.
— Gamitin ang mata, ilong, at bibig upang maipalabas ang damdamin at mensahe ng kuwento, pati na ang nararamdaman ng mga tauhan.
— Ibagay ang tono ng boses ayon sa damdaming nakasaad o hinihingi ng kuwento.
— Igalaw ang katawan ayon sa hinihingi ng kuwento.
— Huminga nang tama at putulin ang pagsasalaysay sa tamang bahagi ng kuwento.

* Pagkatapos magkuwento
— Alamin kung naengganyo at naintindihan ng bata ang kuwento. Tanungin sila ukol sa pangunahing tauhan at mga nangyari sa kuwento. Iugnay ang mga nangyari sa kuwento sa tunay na buhay.
— Maaari ring ipaguhit sa bata ang paborito nilang tauhan o pangyayari, o ipasulat ang kanilang reaksiyon sa kuwento kung kaya na nilang magsulat at magbasa.
— Gumawa ng puppet, maskara, greeting card, o dekorasyon sa bahay batay sa kuwentong binasa gamit ang mga pang-araw-araw na bagay, materyales, kasangkapan, o gamit sa bahay.

DRAW AND TELL: paggamit ng papel at panulat sa pagkukuwento

* Bago magkuwento
— Siguraduhing may sapat na papel, lapis, o krayola bago simulan ang kuwento.
— Kabisaduhin ang kuwentong napili.
— Mag-ensayo. Maaaring may isang tagasalaysay at isang tagaguhit.

* Habang nagkukuwento
— Sundin ang mga panuntunan sa Read Aloud na akma sa Draw and Tell gaya ng eksaktong pagsasalaysay ng kuwento; paggamit ng boses sa paghahayag ng tiyempo; at paggamit ng tanong sa mga nakikinig na bata.
— Iakma ang pagguhit sa tamang pagbanggit ng tauhan at daloy ng kuwento.
— Siguruhing ang pagguhit ay sumasabay sa pagtakbo ng kuwento nang sa ganun ang huling guhit ay siyang bubuo sa biswal na pagsasalaysay ng kuwento.

* Pagkatapos magkuwento
— Maaaring gawin ang mga mungkahing nakasaad sa Read Aloud.
— Dagdagan ng mga gawain o activities para sa mga bata gaya ng pagguhit sa sariling istilo ng naalalang tauhan o pangyayari sa kuwento.
— Tanungin ang bata kung paano naging iba ang karanasan nila sa pagkatuto gamit ang estilong ito.
— Gawing isang group activity ang susunod na pagkukuwento gamit ang Draw and Tell.

PAPER-TEARING/PAPER-FOLDING: paggamit ng papel na ginugupit o tinutupi

* Bago magkuwento
— Sundin ang mga panuntunan sa Read Aloud na akma sa istilong ito.
— Ihanda ang papel at gunting na gagamitin.
— Kabisaduhin ang kuwentong gagamitin.

* Habang nagkukuwento
— Sundin ang mga panuntunan sa Read Aloud o Draw and Tell na akma sa Paper Tearing o Paper Folding gaya ng eksaktong pagsasalaysay ng kuwento; paggamit ng boses sa paghahayag ng emosyon; at paggamit ng pagtatanong sa mga nakikinig na bata.
— Piliin ang mga bahagi ng kuwento na gagawan ng pagpunit o pagtupi. Ang kanilang pagkakasunud-sunod ay mahalaga para ipakitang gumugulong o umuusad ang kuwento.
— Mag-iwan ng magandang twist o ending.

* Pagkatapos magkuwento
— Ipasalaysay sa bata ang kuwento sa pamamagitan ng mga nagupit o natuping papel.
— Itanong sa mga bata kung alin ang paborito nilang tauhan, bagay, o pangyayari sa kuwento.
— Ipasubok sa mga bata kung paano gawin ang paper tearing/paper folding, at alamin kung paano naging iba ang karanasan nila sa pagkatuto.

(Credit to the owner: BAYANIHAN e-SKWELA- Deped tv)

16/09/2021

The Journey to Becoming Reading-Ready

(Credit to the owner:
ABCplus Learning Connects)

16/09/2021

Masayang Magbasa: A Guide for Parents to reading at home with young learners in Filipino

[Episode Summary: TEACHING BEGINNING READING]

WIKANG BINIBIGKAS AT TALASALITAAN

Mga maaaring gawin kasama ang bata upang malinang ang wikang pasalita:
* Pakikipagkuwentuhan tungkol sa bagay na mahalaga sa kanila
* Pagkanta ng awiting pambata
* Pagsabi tungkol sa mga karanasan niyo noong bata pa kayo
* Pagkukuwento ng aklat pambata at pagtatanong tungkol dito
* Paglalaro ng kunya-kunyari
* Pagtatanong tungkol sa nakikita niya sa isang larawan
* Pagpapaguhit sa kanya ng mga pangyayari sa isang kuwento at pagpapasalaysay dito

Puwede ring mag pakita ng mga larawan sa mga bata at tanungin sila ng mga sumusunod upang ma-ensayo ang kanilang pananalita:
* Anong nakikita niyo sa larawang ito?
* Bigyan nga natin ng pangalan ang tauhan sa kuwento.
* Ano ang kanyang ginagawa sa larawang ito?
* Ano kaya ang kanyang naramdaman?
* Ano sa palagay mo ang gagawin nila?

KAKAYAHANG KUMILALA NG MGA SALITA, TUNOG, PANTIG AT TUGMA

Habang tinutulungan natin ang mga anak natin na malinang ang wikang pasalita, dapat matutunan din nila ang phonological awareness o kamalayang ponolohiya. Ang phonological awareness o kamalayang ponolohiya ay ang kakayahang kumilala ng mga sumusunod
* Salita
* Pantig
* Tugma
* Tunog

PAGBILANG NG MGA SALITA
Simulan sa pagbilang sa mga salita sa isang pangungusap.
* Turuan ang mga bata makilala ang bawat salita sa pangungusap.
* Pagbilang sa mga pantig ng salita
* Turuan ang bata bumilang ng pantig sa bawat salita.
* Pansinin ang pagbuka ng bibig ko kapag binibigkas ko ang salita. Bawat pagbuka ay isang pantig.

MGA SALITANG MAY TUGMA
Turuan ang mga bata makakilala ng mga salitang nagtutugma. Halimbawa:
* Keso , baso (Parehong natatapos sa SO)
* Hindi Magkatugma: Keso, Kalat

PAGBILANG SA MGA TUNOG SA ISANG SALITA.
Turuan ang mga bata magbilang ng tunog sa salita.
Halimbawa: MESA (Bilangin ang bawat tunog ng letra. M-E-S-A)

MGA SALITANG PAREHAS ANG UNANG TUNOG
Turuan ang mga bata makilala ang mga salitang pareho ang tunog.
Halimbawa: Laso at lobo (Pareho silang nagsisimula sa L)

KAALAMAN SA MGA TITIK NG ALPABETO

Ito yung kaalaman tungkol sa mga titik ng alpabeto. Halimbawa ang titik: M
* Ipakita sa bata ang itsura ng titik M sa papamigitan ng pagsulat nito sa isang papel
* Habang sinusulat, bigkasin ang tunog ng titik M
* Mag tanong sa bata ng halibawa ng salita na nagsisimula sa titik M
* Ito ang rekomendasyon sa pagkakasunod-sunod ng pagturo ng mga titik sa mga bata. Sa unang apat na titik pa lamang, makakapagbasa na ng pangungusap ang inyong mga anak:

— m, s, a, i, o, b, e, u, t, k, l, y, n, g, ng, p, r, d, h, w, c, f, j, ñ, q, v, x, z

PHONICS AND DECODING

Kapag naturo niyo na ang unang tatlong letra (M S A) ay pwede nang simulan ang pagturo ng pagbasa.
* Ipagsama ang tunog ng mga letra tulad ng M at A (Bigkasin ang MA)
* Pumili pa ng ibang letrang puwedeing ipagsama ang tunog tuland ng S at A (Bigkasin and SA)
* Ipakita sa bata ang salitang nabubuo kung ipagsasama-sama ang mga ito tulad ng SAMA (bigkasin ang salitang SAMA)
* Puwede din ito gawin sa ibang salita tulad ng MAMA.
* Pagkatapos nito maaari nang bumuo ng pangungusap. Halimbawa: Sasama si Mama sa Misa.

(Credit to the owner:BAYANIHAN e-SKWELA - DEPED TV)

Address

Baras

Website

Alerts

Be the first to know and let us send you an email when SJES GRADE 3-Sunkist Pagbasa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category