Arangkada News

16/10/2025

🏆 TUBOD’S PRIDE: DR. MARIA FILIPINA C. CAMINS NAMED MUNICIPAL HEALTH OFFICER OF THE YEAR! 💛👏

A heartfelt congratulations to Dr. Maria Filipina C. Camins, for being recognized as the Municipal Health Officer of the Year! 🥇🏅

This prestigious award stands as a testament to her dedication, integrity, and unwavering commitment to public health, bringing positive impact to the lives of many Tubodnons. 👩‍⚕️💛

Your RHU Tubod family takes great pride in your achievement, Doc! You truly inspire everyone to serve with passion and excellence. 💕👏🎉

15/10/2025

🎉 5th Farm Family Day & Agri-Aqua Trade Fair 2025
📍 Tubod People’s Plaza, Poblacion, Tubod, Lanao del Norte
📅 October 14, 2025

FAMILY DAY CELEBRATION

Ang panaghiusa sa pamilya, mga higala, ug mga kabarangay maoy sentro sa maong kalihokan nga naghatag ug dakong kalipay ug kahulugan sa pagselebrar sa 5th Farm Family Day. Kini nga adlaw usa ka higayon aron mapakita ang atong kakugi, paningkamot, ug pagtinabangay alang sa kalamboan sa matag pamilya ug komunidad.

Sa maong selebrasyon, atong nasaksihan ang dakong kalipay ug kadasig sa mga miapil nga mga kabarangay bisan pa sa kainit sa panahon. Gipakita nila ang ilang talento, abilidad, ug kahanas pinaagi sa nagkadaiyang pasundayag nga naghatag ug inspirasyon sa tanan.

Ang kalampusan sa maong kalihokan nahimong posible pinaagi sa dakong suporta sa LGU Tubod pinaagi sa Municipal Agriculture Office, uban ang aktibong pagpaningkamot sa atong Municipal Mayor Dionisio “Jimmy” Y. Cabahug, Jr., Vice Mayor Clifford J. Jumalon, ug sa atong mga SB Members, lakip na ang 24 ka barangay sa lungsod sa Tubod.

👏 Via/Teresita “DJ Teres” Abapo

14/10/2025

Suspek sa Ilegal nga Droga ug Pusil, Nasikop sa Tubod Operasyon; MOL 70 Gramo nga Shabu Nasakmit

TUBOD, Lanao del Norte — Usa ka lalaki ang nadakpan sa gipahigayon nga operasyon sa kapulisan sa Tubod, Lanao del Norte, alas 5:30 sa buntag niadtong Oktubre 14, 2025, pinaagi sa Search Warrant No. SW-25-0186 alang sa kalapasan sa Republic Act 9165 o Comprehensive Dangerous Drugs Act of 2002 ug Republic Act 10591 o Comprehensive Fi****ms and Ammunition Regulation Act.

Ang operasyon gihimo sa Kakai, Renabor, Tubod, Lanao del Norte, nga nagresulta sa pagkasikop sa usa ka 32-anyos nga lalaki nga residente sa maong lugar.

Gipangulohan ang operasyon ni PCPT Fedenick S. Romero, Officer-in-Charge sa Tubod Municipal Police Station, uban ang mga personel sa Provincial Drug Enforcement Unit (PDEU), Provincial Intelligence Unit (PIU), 1st PMFC SWAT Team, ug MARPSTA LDN. Ang maong search warrant giisyu ni Hon. Ali Ombra R. Bacaraman, Presiding Judge sa RTC Branch 04, Iligan City.

Mga Nakumpiskar nga Butang

Sa pagpangita sulod sa panimalay sa suspek, nakuha sa mga otoridad ang mosunod nga mga butang:

1. Usa ka (.22 caliber) nga pusil uban sa steel magazine ug live ammunition;
2. Usa ka (.45 caliber C**t MK IV) nga armas nga may serial number 922415 uban sa magazine ug pito (7) ka buhi nga bala;
3. Upat (4) ka medium-size heat-sealed plastic sachets nga adunay puti nga kristal nga substansiya nga gituohang shabu;
4. Duha (2) ka unsealed ug tulo (3) ka gagmay nga sachets nga adunay susamang substansiya;
5. Usa (1) ka zip lock transparent plastic sachet nga adunay shabu; ug
6. Usa (1) ka itom nga pouch nga gigamit sa pagbutang sa mga iligal nga butang.

Tibuok gibug-aton sa nakumpiskar nga shabu kay MOL 70 gramo, nga adunay banabana nga market value nga PHP 476,000.00, base sa Dangerous Drugs Board (DDB) value.

Ang tibuok operasyon gitala pinaagi sa duha ka alternative recording devices (ARDs) ug gitambongan sa mga saksi lakip na ang asawa sa suspek, usa ka konsehal sa munisipyo, ug usa ka media representative.

Karon, ang nadakpan nga suspek anaa na sa kustodiya sa Tubod Municipal Police Station aron sa hustong disposisyon ug pasakaan og mga kaso ubos sa balaod.

📸 Ang maong operasyon nagpakita sa padayon nga paningkamot sa kapulisan sa Tubod ug sa Lanao del Norte Police Provincial Office batok sa pagpanag-iya ug pagpamaligya sa iligal nga droga ug dili lisensyadong armas.

13/10/2025

🌿 PAGPANANOM OG MANGROVE ALANG SA ENVIRONMENT DAY SA 79TH ARAW NG TUBOD

📅 Oktubre 10, 2025 | Alas 6:00 sa buntag | Purok 5A, RCIS, Poblacion, Tubod, Lanao del Norte

Ang Lokal nga Pangagamhanan sa Tubod (LGU Tubod) nagpahigayon og panaghiosa sa pagpananom og mangrove isip kabahin sa selebrasyon sa 79th Araw ng Tubod niadtong Oktubre 10, 2025, didto sa Purok 5A, RCIS, Poblacion, Tubod.

Gipangulohan kini sa Municipal Environment and Natural Resources Officer (MENRO) nga si Engr. Cypriz June M. Manosa, uban sa tibuok-suportang gihatag sa atong Municipal Mayor Dionisio “Jimmy” Y. Cabahug Jr., Vice Mayor Clifford J. Jumalon, ug sa walo ka mga miyembro sa Sangguniang Bayan.

Tumong sa maong kalihokan ang paghatag og kapasilongan sa mga isda sa atong dagat, aron sila makapangitlog ug makapadaghan sa ilang kaliwatan. Ang mga mangrove nagahatag usab og proteksyon ug katagoan alang sa mga lamang-dagat, ug makatabang sa pagmintinar sa kahinlo sa lapyahan sa kabaybayonan.

📸 Via Teresita “DJ Teres” Abapo

13/10/2025

SB Regular Session (MONDAY_October 13, 2025)

11/10/2025

BASAHIN: Sa kabila ng init ng panahon at gutom, ibinahagi ni Princess Jane Laput, kalahok mula sa Tubod College, na itinuturing niyang malaking biyaya at karangalan ang maipresenta ang bayan ng Tubod, Lanao del Norte sa pamamagitan ng Kasadya sa Diyandi Street Dancing Competition noong Sept. 27, bilang bahagi ng makulay na pagdiriwang ng Diyandi Festival sa Iligan City. | via Sharif Timhar, RP Iligan

11/10/2025

Season-long Training sa Coconut Farm Business, Nagpadayon sa Loveloy Training Center, Tubaran, Tubod, Lanao del Norte

Tubod, Lanao del Norte — Nagpadayon karon ang Season-long Training on Coconut Farm Business School sa Loveloy Training Center, Tubaran, Tubod, nga gipasiugdahan sa Department of Agriculture – Agricultural Training Institute (ATI) Regional Training Center X.

Ang maong programa ginasuportahan sa Lokal nga Pangagamhanan sa Tubod ubos sa liderato ni Mayor Dionisio “Jimmy” Y. Cabahug, Jr., kauban si Vice Mayor Clifford J. Jumalon ug mga miyembro sa Sangguniang Bayan.

Dako ang pasalamat sa mga partisipante, ilabi na sa pagpakigbahin sa kahibalo ni RP Bleigh Mitchel ug sa iyang kapikas bahin sa pagproseso sa tubig sa lubi nga mahimong halang nga s**a, usa ka produktong nakatabang kanila panahon sa pandemya.

Dugang pa, si Sir Mark Zapanta Soriano nagtudlo usab sa mga trainees kung giunsa paghimo ang Coco Juice ug Coco Toyo, nga gikan gihapon sa tubig sa lubi.

Sa paghapit sa pagtapos sa maong training, nagpahayag ang mga partisipante sa ilang dakong pasalamat tungod sa mga nakat-unan nga makatabang sa pagpalambo sa ilang panginabuhian ug kabuhayan sa umaabot.

📸 Via Teresita “DJ Teres” Abapo

10/10/2025

Duha ka Brand New L-300 Van gi-turn over sa Barangay Palao ug Barangay Pinpin

Tubod, Lanao del Norte — Dako kaayo ang gibating kalipay ni Barangay Kapitan Reymond Salinas sa Barangay Palao ug Barangay Kapitan Primo Capule sa Barangay Pinpin sa ilang pagdawat sa brand new nga L-300 Van gikan sa Local Government Unit of Tubod (LGU Tubod) atol sa gihimong Turnover Ceremony niadtong Oktubre 9, 2025.

Si Mayor Dionisio “Jimmy” Y. Cabahug, Jr. mipahimangno sa mga barangay kapitan ug mga opisyales nga ampingan ug gamiton sa tukmang paagi ang mga bagong sakyanan.

“Ampingi ninyo kini pag-ayo ang maong sakyanan nga gihatag sa LGU, sama sa pag-amping ninyo sa inyong pamilya ug kaugalingon. Dako kini’g katabang sa inyong barangay, ilabi na sa mga kalihokan ug emerhensiya. Atimanon lang kanunay aron daghan pa ang makapahimulos niini,” matod ni Mayor Cabahug.

Sa ilang pamahayag, sila Kapitan Reymond Salinas ug Kapitan Primo Capule mipasabot sa ilang dakong pagpasalamat sa administrasyon ni Mayor Cabahug.

“Dako kaayo among pasalamat sa LGU Tubod, ilabi na kang Mayor Dionisio Y. Cabahug, Jr., Vice Mayor Clifford J. Jumalon, ug sa mga SB Members. Ang maong brand new L-300 Van dako kaayo’g katabang sa among barangay labi na kung adunay emerhensiya, kay aduna na kami magamit nga sakyanan alang sa paspas nga paghatod ug serbisyo.”

Mitambong sa maong seremonya sila Vice Mayor Clifford J. Jumalon, SBM Nelly M. Pepito, SBM Lemuel Tadura, SBM Eduardo Mansueto, SBM Nikko Cabahug, SBM Jenny Vi Malazarte, ug mga barangay officials.

( # # #)
Via Ronil DJ IDOL Pepito | Arangkada News Update

09/10/2025

Relive the colors, culture, and passion of our very own Tubod College, representing Barangay Malingao, during the Kasadya sa Diyandi Street Dancing Competition 2025! 🌾💃
Salamat sa inyong suporta, Tubodnons! 🙌
🎥 Watch it here: https://youtu.be/-C_h6NJid0Y?si=fJeG0qOl-JyJNBc6

Tubod College Bags 4th Runner-Up at Kasadya sa Diyandi Festival 2025TUBOD, Lanao del Norte – Representing Barangay Malingao, Tubod College proudly clinched t...

08/10/2025

Job Fair and One-Stop Shop 2025 gidumog sa bagang panon sa mga aplikante

Tubod, Lanao del Norte — Gidumog sa bagang panon sa mga aplikante gikan sa nagkalain-laing lugar sa Probinsya sa Lanao del Norte ang gipahigayon nga Job Fair and One-Stop Shop 2025, nga gibuhat sa Mayor Nelieta Q. Noval Multi-Purpose Building isip kabahin sa pagsaulog sa 79th Araw ng Tubod niining Oktubre 8, 2025.

Ang maong kalihokan gipangulohan sa Department of Labor and Employment (DOLE) uban sa Local Government Unit (LGU) of Tubod, pinaagi sa Public Employment Service Office (PESO).

Gipartisiparan kini sa nagkalain-laing mga ahensya sa lokal ug internasyonal aron maghatag og oportunidad sa mga aplikante nga nangita og maayong trabaho alang sa kaugmaon sa ilang mga pamilya.

Sa iyang mensahe, mipasabot si Mayor Dionisio “Jimmy” Y. Cabahug, Jr. nga,

“Para sa katawhan sa Tubod labi na kadtong nanginahanglan gyud og trabaho — this would be the time nga makita nato ang inyong skills. This is how to prove that you have the skill needed para gyud nga naay kausaban ang atong kinabuhi.”

Ang Job Fair usa ka importante nga plataporma alang sa mga job seekers ug employers nga magtagbo sa usa ka lugar. Dinhi mapakita sa mga kompanya ang ilang mga job openings ug makainterbyu dayon sa mga aplikante, hinungdan nga mapadali ang pagpangita og trabaho. Para sa mga aplikante, kini usab makatabang aron makatipid sa oras ug gasto tungod kay daghang kompanya ang ilang madool sa usa ra ka adlaw.

Alang sa komunidad, ang pagpatigayon sa Job Fair makatabang sa pagpamenos sa kawad-on sa trabaho ug sa pagpasiugda sa kalamboan sa lokal nga ekonomiya.

Ang kalihokan gitambongan nila Criste O. Perpecto, Provincial Head sa DOLE-X Lanao del Norte Field Office; Evelyn A. Lopez, Representative/Vocational School Administrator II sa TESDA; OWWA staff; ug Rosemae V. Hinoctan, Acting PESO Manager.

📸 Via Ronil “DJ Idol” Pepito – Arangkada News Update

08/10/2025

79th ARAW NG TUBOD: JOB FAIR & ONE-STOP SHOP 2025
📍 Mayor Nelieta Q. Noval Multipurpose Building
🗓️ October 8, 2025

Tubod, Lanao del Norte — Usa sa mga highlight sa 79th Araw ng Tubod mao ang Job Fair & One-Stop Shop 2025, nga naghatag og oportunidad sa mga Tuboranon nga makapangita og trabaho sa mas sayon ug dali nga paagi.

Ang maong kalihokan gipangunahan sa atong amahang lungsod, Mayor Dionisio “Jimmy” Y. Cabahug, Jr., uban sa Public Employment Service Office (PESO) pinaagi ni Ma’am Rose May V. Hinoctan, Labor Employment Officer.

Atol sa kalihokan, daghang aplikante ang nakapahimulos sa oportunidad, ug adunay usab nga on-the-spot hired — usa ka timaan nga epektibo ang programa sa paghatag og trabaho sa mga nanginahanglan. Malipayon ang mga aplikante nga nakadawat dayon og trabaho nga makatabang sa ilang inadlaw-adlaw nga panginahanglan.

📸 Via/Teresita “DJ Teres” Abapo

08/10/2025

𝐓𝐮𝐛𝐨𝐝 𝐂𝐨𝐥𝐥𝐞𝐠𝐞 𝐏𝐫𝐨𝐝𝐮𝐜𝐞𝐬 𝐓𝐨𝐩 𝐍𝐨𝐭𝐜𝐡𝐞𝐫 𝐢𝐧 𝐑𝐞𝐠𝐢𝐨𝐧 𝐗 𝐂𝐫𝐢𝐦𝐢𝐧𝐨𝐥𝐨𝐠𝐲 𝐋𝐢𝐜𝐞𝐧𝐬𝐮𝐫𝐞 𝐄𝐱𝐚𝐦𝐢𝐧𝐚𝐭𝐢𝐨𝐧 🎉

Tubod, Lanao del Norte — Dako nga garbo sa Tubod College ug sa tibuok lungsod sa Tubod human si Ar-Jay Rabon ang nakakuha sa Top 1 spot sa Region 10 sa bag-o lang nahuman nga August 2025 Criminologists Licensure Examination, uban sa taas nga rating nga 91.60%.

Kini nga kalampusan nagpamatuod sa kalidad sa edukasyon nga gihatag sa Tubod College ug sa padayong suporta sa Arangkada Tubod Administration ubos sa pagdumala ni Mayor Dionisio “Jimmy” Y. Cabahug, Jr.

🎓 Congratulations Tubod College!
Padayon sa paglambo ug pagpasidungog sa Tubod!

📷 via Patrick John Enopia | Arangkada News