01/09/2026
π ππ£ππ§π₯π’π‘ π‘π! π£ππ¦π¨π‘πππ¬ππ π‘π! π€ππ₯
Gintikangan na an Pasundayag 2026 dida han naglabay nga Sabado, Agosto 29, ha Brgy. Palaypay Covered Court ha panguna han SK Council pinanguluhan ni SK Chairperson Jelyn Camille Cajara ug han bug-os nga konseho han barangay ha panguna ni PB Jose London Adona.
Ha pagbalik hini nga kompetisyon, nagin sentro liwat han katitirok an talento, ngan kamagkarit han mga contestant ha singing ngan pop dance nga ginpadisan pa hin makusog nga suporta tikang ha mga magkirita.
Nagin malinampuson an siyahan nga gab-i han Pasundayag 2026 pinaagi han padayon ug makusog nga suporta ni Mayor Luz Chu-Ponferrada kaupod an Municipal Tourism Development Office pinaagi han Cultural Committee nga pinangungunahan ni Maβam Evangeline Ritaga.
Padayon an pagpakita han talento, pagkaurusa, ngan pagrayhak han mga Baseynon ha selebrasyon han tika-arabot nga Basey Town Fiesta 2026!
Samtang, ginlalauman naman nga pagbubuhaton an sunod nga Pasundayag ha masunod nga sabado, Setyembre 05, 2026 ha Rayhakan nga nahimumutang ha Wharf Area han Brgy. Baybay, Basey, Samar.
Sangkay, Mapatron na! Kana, pagrisyo kita! π₯³
Caption & Photos by: BluePillar Productions
(Cristine Tabungar, Engr. Lara Mae Sumayod, Jessa Mae Babatla, Aljo Gaw & Charlon Gravoso)
