28/08/2025
"Binobobo Tayo Para Hindi Tayo Lumaban."
Ang Pilipinas ay may mahigit 78% ng mga halal na opisyal na mula sa mga political dynasty, ayon sa pag-aaral ng Ateneo School of Government. Hindi ito coincidence. Isa itong estratehiya.
Ayon sa 1987 Konstitusyon, "The State shall guarantee equal access to opportunities for public service, and prohibit political dynasties as may be defined by law." Pero higit tatlong dekada na, wala pa ring enabling law. Bakit? Kasi sila-sila rin ang gumagawa ng batas.
At habang sila ay nagpapamana ng kapangyarihan, tayo ay pinamamanahan ng kahirapan, kakulangan sa kalidad ng edukasyon, at fake news. Walang maayos na budget para sa public schools. Hindi dahil walang pera, kundi dahil may takot silang ma-empower ang taong-bayan.
Bakit? Dahil ang edukadong Pilipino ay marunong magtanong. Marunong mag-audit. Marunong bumasa ng budget. Marunong bumoto.
Sabi nga ni Miriam Defensor Santiago: “They are terrified of educated voters.” At ito ang dahilan kung bakit ang mga trapo ay mas gustong panatilihing bobo, sunud-sunuran, at gutom ang mamamayan—dahil madaling manipulahin ang taong hindi marunong magbilang, magbasa, at magsuri.
Ito ay political science, ito ay legal engineering, ito ay sistemikong panlilinlang.
At kapag bumoto ka sa dynasty, ikaw mismo ang nagbibigay ng pahintulot sa cycle ng pagkabobo, pangungurakot, at pagpapamana ng kahirapan.
Hindi lang ito usapin ng boto—ito ay usapin ng karapatang pantao sa kaalaman.
