Sis Rose

11/06/2026

Kahit na magtiis ng dusa at lumbay
Kahit ang buhay ko'y bawii't pumanaw
Kahit na maglaho pati kaibigan
Pag-asa'y may Dios Amang papatnubay
Kahit na usigin at alimurahin
Kahit na sino pa sa aki'y magtakwil
Huwag lamang sanang sa 'kin ay bawiin
Espiritung buhay, aliw sa panimdim
Buhay ko'y ipaglilingkod sa 'Yo Ama
Hanggang wakas pangako ko'y magbabata
Ang samo ko at dalangin h'wag iiwan
Ang awa at kalinga Mo'y aking kailangan
Sapagkat kayo'y nangangailangan ng pagtitiis, upang kung inyong magawa ang kalooban ng Dios, ay magsitanggap kayo ng pangako
Ngunit ang aking lingkod na matuwid ay mabubuhay sa pananampalataya:
At kung siya ay umurong, ay hindi kalulugdan ng aking kaluluwa
Kahit na usigin at alimurahin
Kahit na sino pa sa aki'y magtakwil
Huwag lamang sanang sa 'kin ay bawiin
Espiritung buhay, aliw sa panimdim
Buhay ko'y ipaglilingkod sa 'Yo Ama
Hanggang wakas pangako ko'y magbabata
Ang samo ko at dalangin h'wag iiwan
Ang awa at kalinga Mo'y aking kailangan
Kamay ko'y abutin Mo, oh Ama
Ibangon Mo kapag ako'y nadarapa

Composed by Kuya Daniel Razon, "Kahit Na" is a song that expresses ...

10/06/2026

Kung may bigat na dala sa 'yong kalooban
Tila 'di na kayang malampasan
Minsa'y nalilito walang masulingan
Puso'y lugmok sa kabalisahan
Sa mga pag-iisa ay nahihirapan
Tigib ng hinaing ang kalooban
Nawawalan ng pag-asa dito sa mundo
Naghahanap lingap at saklolo
Pumasok ka sa 'yong silid at kausapin
Ang Diyos ng pag-ibig ay sambahin
Ilapat mo ang 'yong pinto at manalangin
At ang pangalan Niya ay sambitin
Ang tuhod at sahig ay paglapatin
Bigkasin ng puso sa lihim
Doon 'pakilala lahat mong panimdim
Sa Diyos na Maylalang ka dumaing
Kung lalapit taglay pananampalataya
Nagsisising diwa may pagluha
'Di ka mabibigo sa 'yong pagsamo
Mararamdaman sa iyong puso
Pumasok ka sa 'yong silid at kausapin
Ang Diyos ng pag-ibig ay sambahin
Ilapat mo ang 'yong pinto at manalangin
At ang pangalan Niya ay sambitin
Ang tuhod at sahig ay paglapatin
Bigkasin ng puso sa lihim
Doon 'pakilala lahat mong panimdim
Sa Diyos na Maylalang ka dumaing
Ang tuhod at sahig pagtagpuin
Saka ka dumaing Ama namin

Isa sa mga awit na nagpapa-alaala sa akin na sa anumang kabalisahan...

09/06/2026

💜

Read yourself ☁️

07/06/2026

Huwag mong hayaang pasamain ng kaaway ang iyong pag-iisip at puso. Kapatid, maghunos-dili ka. Ipaubaya mo na ang lahat doon sa humahatol nang matuwid.

Sa gitna ng mga pagsubok, tandaan mong ang pagkapit sa tama at ang patuloy na paggawa ng mabuti ay hindi nasasayang. Kaya huwag kang basta susuko o hihinto, dahil sayang ang lahat ng iyong nasimulan at pinaghirapan. Sa halip, magpatuloy ka, kapatid, at manatiling matatag sa iyong pananampalataya at sa mabubuting bagay na iyong pinaniniwalaan.💜

07/06/2026

ANG DATING BIBLIA
MATEO 7:3-5
3
At bakit mo tinitingnan ang puwing na nasa mata ng inyong kapatid, nguni’t hindi mo pinapansin ang tahilan na nasa iyong sariling mata?
4
O paanong sasabihin mo sa iyong kapatid, Pabayaan mong alisin ko ang puwing sa mata mo; at narito, ang tahilan sa iyong sariling mata?
5
Ikaw na mapagpaimbabaw, alisin mo muna ang tahilan sa iyong sariling mata; at kung magkagayo’y makikita mong malinaw ang pag-aalis mo ng puwing sa mata ng iyong kapatid.

07/06/2026

Be kind. Hindi natin alam ang mga laban na tahimik na pinagdaraanan ng bawat isa. Minsan, akala natin okay lang sila dahil nakangiti, nakakatawa, at mukhang maayos sa panlabas.

Pero sa likod ng mga ngiting iyon, maaaring may mabigat na dinadala sa isip at puso.

Kaya bago tayo magsalita o magbiro, piliin nating maging mabait. Ang kaunting pag-unawa at kabutihan ay maaaring maging malaking ginhawa para sa isang taong pilit lang lumalaban araw-araw.💜

06/06/2026

Kapatid, huwag mong hanapin ang iyong halaga at pagkatao sa pagtanggap ng ibang tao, dahil darating ang pagkakataong mabibigo at masasaktan ka lamang. Ang totoo, hindi lahat ng tao ay magugustuhan tayo at hindi rin natin kayang mapasaya ang lahat. May mga taong hindi tayo mauunawaan, gaano man kabuti ang ating hangarin. Kaya sa halip na ipagsiksikan ang sarili sa mga taong ayaw sa atin, mas mabuting ilaan natin ang ating panahon at pagmamahal sa mga taong tunay na tumatanggap at nagpapahalaga sa atin.

Kapag tumitingin tayo sa iba, huwag nating unahin ang kanilang mga pagkukulang at kapintasan. Walang taong perpekto, gaya rin nating may mga kahinaan at pagkakamali. Mas magaan ang puso kapag pinipili nating makita ang kabutihan sa bawat isa kaysa ituon ang pansin sa kanilang mga pagkukulang. Sa ganitong paraan, natututo tayong umunawa, magpatawad, at magmahal nang mas malawak at mas taos-puso.

Lagi nating panatilihin ang mapagpakumbabang puso. Huwag nating isipin na mas mabuti tayo kaysa sa iba, sapagkat lahat tayo ay may kanya-kanyang laban at pinagdaraanan sa buhay. Kapag natutunan nating pahalagahan ang iba at kilalanin ang sarili nating mga kahinaan, mas magiging maayos ang ating pakikitungo sa kapwa. Ang tunay na kadakilaan ay hindi nasusukat sa taas ng tingin natin sa sarili, kundi sa lalim ng ating pag-unawa, kababaang-loob, at pagmamahal sa ating kapwa. 💜