TBST: Totoong Balita sa Southern Tagalog

06/09/2026

Hahatakin pabalik sa Semirara Island ang MB San Agustin IV mula sa may Liwagao Island kumg saan ito natagpuan.

Isa ang nasawi at 8 ang nakaligtas sa pagtaob ng bangka matapos umanong hampasin ng malalaking alon at malakas na hangin.

06/09/2026

1 ANG NASAWI AT 8 ANG NAKALIGTAS SA PAGTAOB NG BANGKA NA GALING SA SEMIRARA ISLAND AT PATUNGO SANA SA SAN JOSE, OCCIDENTAL MINDORO

Isa ang nasawi at walo ang nakaligtas matapos lumubog ang isang bangka na galing sa Pinagpala Port sa Semirara Island, Caluya, Antique at patungo sana sa Caminawit Port sa San Jose, Occidental Mindoro.

Ayon kay Commodore Noemi Cayabyab, tagapagsalita ng Philippine Coast Guard, umalis sa Semirara Island ang MB San Agustin IV bandang alas-1:30 ng hapon noong Sabado at dapat sanang dumating sa San Jose, Occidental Mindoro bandang alas-5:00 ng hapon.

Nang hindi makarating sa takdang oras, sinubukan ng may-ari ng bangka na kontakin ang kapitan ng MB San Agustin IV, pero hindi na ito sumagot.

Humingi ng tulong ang may-ari ng bangka sa Coast Guard Sub-Station sa San Jose, na agad nagsagawa ng search and rescue operation.

Bandang alas-6:30 ng umaga nitong Linggo, natagpuan ng Coast Guard ang bangka na nakataob malapit sa Liwagao Island sa Caluya, Antique. Natagpuan ang mga crew na nakakapit sa nakataob na bangka, pero isang babaeng pasahero, na asawa ng isa sa mga crew, ang nasawi.

Ayon kay Cayabyab, batay sa inisyal na salaysay ng kapitan ng bangka, hinampas umano sila ng malalaking alon at malakas na hangin na naging sanhi ng pagtaob ng kanilang bangka.

Naihatid na sa Semirara Island ang mga nakaligtas at ang nasawi.

Patuloy pa rin ang imbestigasyon ng mga awtoridad sa insidente.

📷: Philippine Coast Guard

06/09/2026

2 BABAE, ARESTADO SA SEXTORTION SA LIPA CITY

Arestado ng mga awtoridad ang dalawang babae sa isang entrapment operation matapos umanong mangikil ng malaking halaga ng pera sa isang 50-anyos na lalaki kapalit ng umano’y hindi pagpapatuloy ng pekeng kasong r**e laban sa kanya sa Lipa City, Batangas.

Naaresto ang dalawang suspek sa aktong pagtanggap ng mahigit P100,000 mula sa biktima sa isinagawang entrapment operation sa isang convenience store.

Ayon sa imbestigasyon, nakilala ng biktima ang isa sa mga babae online at kalaunan ay nagkasundo silang magkita at magtalik. Hindi umano alam ng biktima na gagamitin ng babae ang kanilang pagkikita upang siya ay i-blackmail.

Hiningan umano ng suspek ng P100,000 ang biktima kapalit ng hindi pagsasabi sa kanyang asawa tungkol sa nangyari. Gayunman, kahit nakapagbigay na ng pera ang biktima, patuloy pa rin umano ang panghihingi ng suspek ng karagdagang P110,000.

Kalaunan, nakatanggap ang biktima ng text message mula sa isang taong nagpapakilalang si Lipa City Police Chief PLtCol Aleli Buaquen, na umano’y nag-utos sa kanya na bayaran ang hinihinging halaga upang maayos ang kaso.

Nagpakita rin umano ang mga suspek ng subpoena na sinasabing inilabas ng korte kaugnay ng umano’y kasong r**e na isinampa laban sa biktima.

Dahil dito, humingi ng tulong sa mga awtoridad ang biktima.

Itinanggi naman ni Buaquen na siya ang nagpdala ng message sa biktima

Ayon sa pulisya, ginamit umano ng mga suspek ang pangalan ni Buaquen at nagpanggap bilang isang hepe ng pulis at prosecutor upang takutin ang biktima at makumbinsi itong ibigay ang hinihinging pera.

Naaresto ang dalawang suspek na may edad 21 at 28-anyos sa isinagawang entrapment operation. Tumanggi silang magbigay ng pahayag.

Nagpaalala ang Lipa City Police sa publiko na beripikahin muna sa mga kinauukulang ahensya ang anumang dokumento o impormasyon, lalo na kung may mga taong nagpapakilalang opisyal ng gobyerno at nag-aalok na ayusin ang isang kaso kapalit ng pera.

Nahaharap ang dalawang suspek sa reklamong robbery with extortion.

06/09/2026

UPDATE: Sa Semirara Island na iuuwi ang mga biktima ng paglubog ng MB San Agustin IV

BREAKING NEWS: Isang babae ang patay at 7 crew ang nakaligtas matapos matagpuan ang bangkang MB San Agustin IV na nakataob kaninang pasado 5:00 am malapit sa Liwagao Island sa Caluya, Antique.

Napag-alaman na simula pa kahapon ay pinaghahanap na ng Coast Guard - Occidental Mindoro ang bangka matapos hindi makarating sa oras ng schedule nito ng pagdaong sa Caminawit Port sa San Jose, Occidental Mindoro,

Umalis ang bangka ng 2pm ng Sabado sa Semirara Island sa Caluya, Antique.

Sinasabing hinampas ng malalaking alon ang bangka dahilan para tumaob ito.

Dadalhin ang mga nakaligtas at nasawi sa may Bulalacao, Oriental Mindoro na pinakamalapit sa Liwagao Island.

📷: FILE/ Marlon Ramintas

05/09/2026

BREAKING NEWS: Isang babae ang patay at 7 crew ang nakaligtas matapos matagpuan ang bangkang MB San Agustin IV na nakataob kaninang pasado 5:00 am malapit sa Liwagao Island sa Caluya, Antique.

Napag-alaman na simula pa kahapon ay pinaghahanap na ng Coast Guard - Occidental Mindoro ang bangka matapos hindi makarating sa oras ng schedule nito ng pagdaong sa Caminawit Port sa San Jose, Occidental Mindoro,

Umalis ang bangka ng 2pm ng Sabado sa Semirara Island sa Caluya, Antique.

Sinasabing hinampas ng malalaking alon ang bangka dahilan para tumaob ito.

Dadalhin ang mga nakaligtas at nasawi sa may Bulalacao, Oriental Mindoro na pinakamalapit sa Liwagao Island.

📷: FILE/ Marlon Ramintas

04/09/2026

LANDSLIDE SA MARILAQUE HIGHWAY

Hindi madaanan dahil sa landslide ang 𝗯𝗮𝗵𝗮𝗴𝗶 𝗻𝗴 𝗠𝗮𝗿𝗶𝗹𝗮𝗾𝘂𝗲 𝗛𝗶𝗴𝗵𝘄𝗮𝘆 𝗯𝗮𝗴𝗼 𝗱𝘂𝗺𝗮𝘁𝗶𝗻𝗴 𝘀𝗮 𝗣𝗮𝗹𝗼 𝗔𝗹𝘁𝗼, 𝗕𝗿𝗴𝘆. 𝗣𝗶𝗻𝘂𝗴𝗮𝘆, Baras, Rizal dahil sa pagguho ng lupa.

📷: Baras LGU

03/09/2026

GOB MOBILE CLINIC, MAGHAHATID NG LIBRENG SERBISYONG MEDIKAL SA MGA LAGUNENSE

Ipinasilip ni Laguna Governor Sol Aragones nitong Setyembre 1 ang Klinika ni Gob Mobile Clinic, na maghahatid ng libreng serbisyong medikal at iba pang tulong pangkalusugan sa mga residente ng Laguna.

Ipinasyal din ng gobernador ang mobile clinic kasama ang Laguna Health Team.

Ilulunsad ang medical bus ngayong Setyembre sa San Pablo City at susunod na pupunta sa iba’t ibang bayan at lungsod sa lalawigan upang mas mailapit sa mga residente ang mga serbisyong pangkalusugan.

Kabilang sa mga libreng serbisyong ihahatid ng Klinika ni Gob Mobile Clinic ang mga laboratory test, ECG, X-ray, ultrasound, serbisyong dental, libreng gamot, visual inspection gamit ang acetic acid, at konsultasyong medikal.

Isasagawa rin sa mobile clinic ang libreng serbisyong legal at pagtanggap ng mga dokumento o requirements para sa medical at burial assistance.

Ayon kay Gov. Aragones, hindi na kailangang pumunta pa sa Kapitolyo ng mga residente dahil ang mga serbisyo mismo ang ilalapit sa kanila.

“Kami na mismo ang pupunta sa inyo para maranasan niyo ang tulong mula sa Kapitolyo,” ani Aragones.

Binigyang-diin din ng gobernador na hindi magtatapos sa kasalukuyang mga libreng serbisyo ang mga programa at plano ng Pamahalaang Panlalawigan.

Patuloy aniyang palalawakin ang mga programa at magdadagdag ng mga serbisyo para higit na matugunan ang pangangailangan ng mga Lagunense.

03/09/2026

₱6.8M HALAGA NG SHABU, NASABAT SA BATANGAS CITY

Tinatayang isang kilo ng hinihinalang ilegal na droga na shabu ang nasabat ng mga awtoridad sa isinagawang buy-bust operation sa Barangay Balagtas, Batangas City nitong Miyerkoles ng gabi, na nagresulta sa pagkakaaresto ng isang suspek.

Ayon kay Batangas Police Provincial Director PCol. Oliver Ebora, nasa P6.8 milyon ang halaga ng nakumpiskang hinihinalang shabu, batay sa pagtataya ng Dangerous Drugs Board.

Arestado sa operasyon ang 24-anyos na suspek na nakilala sa alyas na “Utoy,” na residente ng Barangay San Jose, Dasmariñas City, Cavite. Itinuturing umano ng mga awtoridad na isang high-value target ang suspek.

Nakalagay ang hinihinalang shabu sa loob ng isang plastic bag mula sa isang online shopping platform at nakabalot sa isang aluminum tea bag na may mga markang Chinese.

Isinagawa ang buy-bust operation ng magkasanib na puwersa ng Batangas Provincial Drug Enforcement Unit-Special Operations Unit (PDEU-SOU), PDEA Batangas, at Batangas City Police Station.

Nahaharap ang suspek sa kasong paglabag sa Section 5, Article II ng Republic Act No. 9165, o Comprehensive Dangerous Drugs Act of 2002.

📷: Batangas PNP PIO

01/09/2026

DPWH SEC. VINCE DIZON, KINUMPIRMA NA IPAPAGAWA NA ANG MGA NASIRANG BAMBOO BRIDGE SA BONGABONG, ORIENTAL MINDORO AT BRGY. WAWA, ABRA DE ILOG, OCCIDENTAL MINDORO.

01/09/2026

JUST IN: DPWH Sec. Vince Dizon, nangakong bibistahin ang mga gumuhong flood control projects sa Occidental Mindoro