https://www.facebook.com/1608100505981810/

Ang Manlalakbay, Alangilan, Batangas City (2026)

24/08/2026

𝐌𝐆𝐀 𝐏𝐀𝐌𝐀𝐆𝐀𝐓 𝐍𝐀 𝐔𝐌𝐀𝐁𝐀𝐍𝐓𝐄 𝐒𝐀 𝐏𝐈𝐍𝐀𝐋 𝐍𝐀 𝐁𝐀𝐇𝐀𝐆𝐈!🎙️✒️

Matapos ang yugto ng eliminasyon, narito ang limang piyesang umabante sa Pinal na Bahagi ng 𝐒𝐩𝐨𝐤𝐞𝐧 𝐏𝐨𝐞𝐭𝐫𝐲: 𝐌𝐚𝐤𝐚𝐛𝐚𝐠𝐨𝐧𝐠 𝐏𝐚𝐧𝐮𝐧𝐮𝐥𝐚, bilang bahagi ng pagdiriwang ng 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔 na may temang: “𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐭 𝐀𝐈: 𝐊𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐏𝐚𝐧𝐚𝐧𝐚𝐥𝐢𝐤𝐬𝐢𝐤 𝐚𝐭 𝐓𝐮𝐥𝐚𝐲 𝐬𝐚 𝐘𝐚𝐦𝐚𝐧 𝐧𝐠 𝐈𝐦𝐩𝐨𝐫𝐦𝐚𝐬𝐲𝐨𝐧.”

Ang patimpalak na ito ay inihahandog ng 𝐀𝐧𝐠 𝐌𝐚𝐧𝐥𝐚𝐥𝐚𝐤𝐛𝐚𝐲, katuwang ang 𝐅𝐢𝐥𝐢𝐩𝐢𝐧𝐨 𝐃𝐞𝐩𝐚𝐫𝐭𝐦𝐞𝐧𝐭 at ang 𝐒𝐮𝐩𝐫𝐞𝐦𝐞 𝐒𝐞𝐜𝐨𝐧𝐝𝐚𝐫𝐲 𝐋𝐞𝐚𝐫𝐧𝐞𝐫 𝐆𝐨𝐯𝐞𝐫𝐧𝐦𝐞𝐧𝐭 (𝐒𝐒𝐋𝐆) ng 𝐀𝐥𝐚𝐧𝐠𝐢𝐥𝐚𝐧 𝐒𝐞𝐧𝐢𝐨𝐫 𝐇𝐢𝐠𝐡 𝐒𝐜𝐡𝐨𝐨𝐥.

Mula sa mga tinig na nagpahayag ng sari-saring damdamin, pananaw, at karanasan, ang mga sumusunod na piyesa ang magpapatuloy sa huling yugto ng patimpalak:

📜“Taya sa Sarili Kong Laro”
📜“Tunghay”
📜“Liham”
📜“Makabago, Makabata, Makatao”
📜“Pluma at Sulo ng Diwa”

𝐏𝐀𝐀𝐋𝐀𝐋𝐀: Ang mga pamagat ay nakalista nang walang partikular na pagkakasunod-sunod at hindi nagpapahiwatig ng ranggo o pagkakalagay.

Binabati namin ang limang kalahok na umabante sa Pinal na Bahagi! Muli nilang bibigyang-buhay ang kanilang mga piyesa at iparirinig ang mga tinig na may dalang mensahe, damdamin, at paninindigan.

𝗔𝗯𝗮𝗻𝗴𝗮𝗻 𝘀𝗮 𝗱𝗮𝗿𝗮𝘁𝗶𝗻𝗴 𝗻𝗮 𝗔𝗴𝗼𝘀𝘁𝗼 𝟮𝟴 𝗮𝗻𝗴 𝗸𝗮𝗻𝗶𝗹𝗮𝗻𝗴 𝗽𝗮𝗴𝘁𝗮𝘁𝗮𝗻𝗴𝗵𝗮𝗹 𝘀𝗮 𝗵𝘂𝗹𝗶𝗻𝗴 𝘆𝘂𝗴𝘁𝗼 𝗻𝗴 𝗠𝗮𝗸𝗮𝗯𝗮𝗴𝗼𝗻𝗴 𝗣𝗮𝗻𝘂𝗻𝘂𝗹𝗮!

24/08/2026

𝐓𝐈𝐍𝐆𝐍𝐈 | Narito ang mga natatanging lahok ng mga Akademista mula sa iba't ibang pangkat at baitang para sa 𝐃𝐢𝐠𝐢𝐭𝐚𝐥 𝐏𝐨𝐬𝐭𝐞𝐫 𝐌𝐚𝐤𝐢𝐧𝐠 𝐂𝐨𝐧𝐭𝐞𝐬𝐭, bilang bahagi ng pagdiriwang ng 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔, na inihahandog ng 𝐀𝐧𝐠 𝐌𝐚𝐧𝐥𝐚𝐥𝐚𝐤𝐛𝐚𝐲, katuwang ang 𝐅𝐢𝐥𝐢𝐩𝐢𝐧𝐨 𝐃𝐞𝐩𝐚𝐫𝐭𝐦𝐞𝐧𝐭 ng Alangilan Senior High School.

Sa bawat kulay, hugis, salita, at disenyo ay may mensaheng nais iparating. Ngayon, pagkakataon mo namang ipakita ang iyong suporta sa likhang tumatak sa iyo!

🏆 𝐆𝐀𝐍𝐓𝐈𝐌𝐏𝐀𝐋𝐀𝐍𝐆 𝐏𝐈𝐍𝐈𝐋𝐈 𝐍𝐆 𝐌𝐀𝐃𝐋𝐀

Suportahan ang iyong paboritong lahok sa pamamagitan ng pag-react sa mismong opisyal na larawan ng entry. Para mabilang ang iyong suporta, tiyaking naka-Like, naka-share, at naka-Follow sa opisyal na pahina ng Ang Manlalakbay. Ang lahok na makakakuha ng pinakamataas na puntos mula sa mga reaksyon ay tatanghaling Gantimpalang Pinili ng Madla.

𝐊𝐀𝐓𝐔𝐌𝐁𝐀𝐒 𝐍𝐀 𝐏𝐔𝐍𝐓𝐎𝐒 𝐍𝐆 𝐁𝐀𝐖𝐀𝐓 𝐑𝐄𝐀𝐊𝐒𝐘𝐎𝐍:

🥰 Care — 10 puntos
❤️ Heart — 5 puntos
😮 Wow — 4 puntos
👍 Like — 2 puntos

𝐌𝐚𝐡𝐚𝐥𝐚𝐠𝐚𝐧𝐠 𝐏𝐚𝐚𝐥𝐚𝐥𝐚: Ang mga reaksyong matatanggap lamang sa opisyal na post ng Ang Manlalakbay ang bibilangin para sa Gantimpalang Pinili ng Madla. Gayundin, mahigpit ding ipinagbabawal ang paggamit ng anumang boosting services, dump accounts, bots, o iba pang paraan ng artipisyal na pagpapataas ng bilang ng mga reaksyon.

Kaya Akademista, pumili, mag-react, at suportahan ang likhang sa tingin mo ay karapat-dapat kilalanin!

Ang iyong reaksyon ay suporta. Ang iyong suporta ay pagkilala sa kanilang sining.

22/08/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐬𝐚 𝐝𝐚𝐭𝐢𝐧𝐠 𝐏𝐮𝐧𝐨𝐧𝐠 𝐏𝐚𝐭𝐧𝐮𝐠𝐨𝐭 𝐧𝐠 𝐀𝐧𝐠 𝐌𝐚𝐧𝐥𝐚𝐥𝐚𝐤𝐛𝐚𝐲, 𝐁𝐛. 𝐆𝐚𝐲𝐥𝐞 𝐆𝐢𝐚𝐝𝐚 𝐓. 𝐅𝐚𝐣𝐮𝐭𝐚𝐠! 🎉

Bilang dating Punong Patnugot ng Ang Manlalakbay, ang iyong pamumuno at dedikasyon sa pamamahayag ay nag-iwan ng mahalagang bakas sa ating publikasyon. Sa bawat artikulong iyong pinangunahan at sa bawat manunulat na iyong nagabayan, naipamalas mo ang pagpapahalaga sa katotohanan, at responsableng pamamahayag.

Ang iyong naging ambag sa publikasyon ay patuloy na magsisilbing inspirasyon sa mga kasalukuyan at susunod pang henerasyon ng mga mamamahayag. Nawa’y patuloy mong dalhin ang parehong husay, integridad, at determinasyon sa bawat landas na iyong tatahakin.

Hangad namin na ang bagong yugto ng iyong buhay ay mapuno ng mas marami pang biyaya, oportunidad, tagumpay, at mga karanasang magpapalago sa iyo bilang isang indibidwal at lider.

Muli, maligayang kaarawan mula sa buong lupon ng Ang Manlalakbay!

21/08/2026

Ngayong araw, sama-sama nating ginugunita ang katapangan, paninindigan, at sakripisyong inialay ni Benigno “Ninoy” Aquino Jr. para sa bayan na piniling manindigan para sa kalayaan, demokrasya, at karapatan ng bawat Pilipino.

Ang kanyang sakripisyo ay hindi lamang bahagi ng ating kasaysayan, kundi isang panawagan sa bawat salinlahi na pahalagahan at ipagtanggol ang kalayaang ipinaglaban. 🇵🇭

Mga salita ni Jazzly Agtuca
Pag-aanyo ni Butch Hansen Delgado

19/08/2026

𝗕𝗔𝗟𝗜𝗧𝗔 | 𝗔𝗦𝗛𝗦, 𝗶𝗸𝗶𝗻𝗮𝘀𝗮 𝗮𝗻𝗴 𝗢𝗻𝗹𝗶𝗻𝗲, 𝗠𝗼𝗱𝘂𝗹𝗮𝗿 𝗟𝗲𝗮𝗿𝗻𝗶𝗻𝗴 𝘀𝗮 𝗴𝗶𝘁𝗻𝗮 𝗻𝗴 𝘀𝘂𝘀𝗽𝗲𝗻𝘀𝘆𝗼𝗻 𝗻𝗴 𝗸𝗹𝗮𝘀𝗲

ALANGILAN, Batangas City— Hindi naging hadlang ang patuloy na pagbuhos ng malakas na ulan upang matigil ang edukasyon sa Alangilan Senior High School (ASHS) matapos ang agarang implementasyon ng paaralan ng Online at Modular Distance Learning nitong Agosto 18 hanggang 19,.

Ipinatupad ang nasabing alternatibong pamamaraan ng pag-aaral kasunod ng opisyal na suspensyon ng face-to-face classes mula Preschool hanggang Kolehiyo sa lahat ng pampubliko at pribadong paaralan sa buong Lungsod ng Batangas kung saan ang naturang utos ay batay sa masusing assessment at rekomendasyon ng City Disaster Risk Reduction and Management Office (CDRRMO), sa pakikipag-ugnayan sa Department of Education (DepEd) Schools Division Office (SDO) – Batangas City.

Sa kabila ng sama ng panahon, tiniyak ng pamunuan ng ASHS na mananatiling tuloy-tuloy ang pagkatuto ng mga akademista. Sa pamamagitan ng mga online classes, digital modules, at mga learning activity sheets, naipagpatuloy ng mga g**o ang pagbibigay ng talakayan at pagsasanay upang hindi maantala ang akademikong kalendaryo ng mga mag-aaral kahit sila ay nasa kani-kanilang tahanan.

Ipinatupad ang mabilis na transisyong ito alinsunod sa mga umiiral na alituntunin ng kagaawaran.

Kaugnay nito, nakaangkla ang suspensyon sa DepEd Order No. 22, s. 2024 na nagtatakda ng mga pamantayan sa pagpapatigil ng klase tuwing may bagyo at iba pang pambansang sakuna.

Samantala, mas pinatibay pa ito ng pinakabagong DepEd Order No. 14, s. 2026 na nagpapahintulot sa mga localized at granular na suspensyon ng klase.

Sa ilalim ng bagong utos na ito, binibigyang-diin ang learning continuity framework gamit ang "4H Protocol" (Hinto, Hinga, Hinay, Hayo)—isang modernong estratehiya upang palitan ang dating sistema ng pangkalahatang pagpapatigil ng klase at sa halip ay masig**o ang tuluy-tuloy na edukasyon sa ligtas na paraan.

Nananatiling naka-alerto ang pamunuan ng paaralan sa mga susunod na anunsyo ng lokal na pamahalaan at patuloy na nakatutok sa kalagayan at kaligtasan ng mga mag-aaral habang pinapanatili ang mataas na kalidad ng pagtuturo sa gitna ng kalamidad.

Ulat ni Jazzly Agtuca

19/08/2026

Hindi pa huli ang lahat para ipamalas ang husay, talino, at pagkamalikhain sa pagdiriwang ng 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔: 𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐭 𝐀𝐈: 𝐊𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐏𝐚𝐧𝐚𝐧𝐚𝐥𝐢𝐤𝐬𝐢𝐤 𝐚𝐭 𝐓𝐮𝐥𝐚𝐲 𝐬𝐚 𝐘𝐚𝐦𝐚𝐧 𝐧𝐠 𝐈𝐦𝐩𝐨𝐫𝐦𝐚𝐬𝐲𝐨𝐧.

Sa mga nagnanais pang makilahok sa mga paligsahan ng 𝐁𝐮𝐰𝐚𝐧 𝐧𝐠 𝐖𝐢𝐤𝐚, narito ang pagkakataong matagal nang hinihintay. Dahil sa pagpapalawig ng panahon ng pagsusumite, binibigyang-daan ang bawat kalahok na higit pang paghusayin, tapusin, at maipasa ang kanilang mga likha.

Muling itinakda ang huling araw ng pagsusumite sa 𝐀𝐠𝐨𝐬𝐭𝐨 𝟐𝟏, 𝟐𝟎𝟐𝟔.

Narito ang mga opisyal na link para sa pagsusumite ng mga lahok. Maaari rin ninyong i-scan ang nakatalagang QR code para sa bawat paligsahan.

📌 𝗗𝗜𝗚𝗜𝗧𝗔𝗟 𝗣𝗢𝗦𝗧𝗘𝗥 𝗠𝗔𝗞𝗜𝗡𝗚 𝗖𝗢𝗡𝗧𝗘𝗦𝗧
https://forms.gle/XugNQk7Wb2iHRkK66

📌 𝗜𝗡𝗙𝗢𝗠𝗘𝗥𝗖𝗜𝗔𝗟 𝗩𝗜𝗗𝗘𝗢 𝗠𝗔𝗞𝗜𝗡𝗚 𝗖𝗢𝗡𝗧𝗘𝗦𝗧
https://forms.gle/gjAVkkhjsSVN5eQY7

📌 𝗦𝗣𝗢𝗞𝗘𝗡 𝗣𝗢𝗘𝗧𝗥𝗬
https://drive.google.com/drive/folders/1sM5UIN-RgL9SeFYLVlzQlXcUu51-ncH8?usp=drive_link

Kaya kung ang iyong akda ay hindi pa naipapasa, huwag hayaang matapos ang pagkakataon nang hindi man lamang ito nasusubukan. Kung may likhang naghihintay lamang ng huling rebisa, ngayon na ang tamang panahon upang ito ay ihanda.

𝐈𝐡𝐚𝐧𝐝𝐚 𝐚𝐧𝐠 𝐥𝐚𝐡𝐨𝐤. 𝐈𝐚𝐧𝐠𝐚𝐭 𝐚𝐧𝐠 𝐭𝐢𝐧𝐢𝐠. 𝐈𝐩𝐚𝐠𝐦𝐚𝐥𝐚𝐤𝐢 𝐚𝐧𝐠 𝐰𝐢𝐤𝐚.

Mga salita ni Meyah Marshel Sudario
Pag-aanyo ni Julie Ann Dimaano

16/08/2026

𝐌𝐀𝐊𝐈𝐈𝐒𝐀. 𝐌𝐀𝐆𝐏𝐀𝐇𝐀𝐘𝐀𝐆. 𝐌𝐀𝐆𝐏𝐀𝐌𝐀𝐋𝐀𝐒.

Alinsunod sa Proklamasyon Blg. 1041, s. 1997 at sa pangunguna ng Komisyon sa Wikang Filipino (KWF), nakikiisa ang Alangilan Senior High School sa pagdiriwang ng Buwan ng Wikang Pambansa 2026 na may temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Kung kaya't inihahandog ng Ang Manlalakbay, katuwang ang Filipino Department, ang mga patimpalak na magbibigay-daan sa mga Akademista upang maipakita ang kanilang talino, pagkamalikhain, husay sa pagpapahayag, at kakayahang magsuri.

𝐌𝐆𝐀 𝐏𝐀𝐓𝐈𝐌𝐏𝐀𝐋𝐀𝐊:

𝟏. 𝐈𝐧𝐟𝐨𝐦𝐞𝐫𝐜𝐢𝐚𝐥 𝐕𝐢𝐝𝐞𝐨 𝐂𝐨𝐧𝐭𝐞𝐬𝐭
Gawing makabuluhang mensahe ang isang ideya sa pamamagitan ng malikhaing bidyo.

𝟐. 𝐃𝐢𝐠𝐢𝐭𝐚𝐥 𝐏𝐨𝐬𝐭𝐞𝐫 𝐌𝐚𝐤𝐢𝐧𝐠 𝐂𝐨𝐧𝐭𝐞𝐬𝐭
Isalin sa kulay, salita, at disenyo ang pananaw na kayang magmulat at manghikayat.

𝟑. 𝐒𝐩𝐨𝐤𝐞𝐧 𝐏𝐨𝐞𝐭𝐫𝐲: 𝐌𝐚𝐤𝐚𝐛𝐚𝐠𝐨𝐧𝐠 𝐏𝐚𝐧𝐮𝐧𝐮𝐥𝐚
Bigyang-tinig ang karanasan at pananaw sa pamamagitan ng orihinal na piyesang may lalim at mensahe.

𝟒. 𝐓𝐚𝐥𝐚𝐬𝐚𝐥𝐢𝐭𝐚𝐚𝐧; 𝐐𝐮𝐢𝐳 𝐁𝐞𝐞
Subukin ang talas ng isip at lawak ng kaalaman sa wika at AI.

𝟓. 𝐌𝐚𝐬𝐮𝐬𝐢𝐧𝐠 𝐒𝐮𝐫𝐢 𝐬𝐚 𝐓𝐞𝐤𝐬𝐭𝐨𝐧𝐠 𝐀𝐈
Kilatisin, suriin, at rebisahin ang tekstong nabuo gamit ang AI upang maging malinaw, wasto, at angkop.

Sa limang patimpalak, iba-iba man ang larangan, iisa ang hamon: may ideya ka ba, at kaya mo ba itong gawing makabuluhang pahayag?

Alamin ang mga tuntunin, unawain ang pamamaraan, at ihanda ang sarili sa hamon.

Dahil ang pananaw ay hindi lamang dapat iniisip. Ito ay dapat ipinapahayag, pinaninindigan, at ipinakikita.

Pag-aanyo nina Jeorgia Pauleen Mendoza, Butch Hansen Delgado, at Julie Ann Dimaano
Mga salita nina Jazzly Agtuca at Riaflor April Balmes

'

15/08/2026

Sa likod ng isang maayos na pahina ay isang proseso ng maingat na pagbuo, koordinasyon, at malikhaing pagpapasya. Sa desktop publishing, mahalaga ang bawat elemento sapagkat sama-sama nitong binubuo ang biswal na anyo ng isang publikasyon.

Bilang bahagi ng Scribes' 4.0: The Campus Press Training Series, ibinahagi ni 𝐊𝐚𝐭𝐞 𝐄𝐢𝐥𝐚𝐬𝐨𝐫 𝐀𝐠𝐮𝐝𝐚, 𝐝𝐚𝐭𝐢𝐧𝐠 𝐂𝐡𝐢𝐞𝐟 𝐋𝐚𝐲𝐨𝐮𝐭 𝐀𝐫𝐭𝐢𝐬𝐭 𝐧𝐠 𝐓𝐡𝐞 𝐏𝐫𝐢𝐦𝐞, ang kaniyang kaalaman at karanasan sa Collaborative and Desktop Publishing.

Sa kaniyang pagbabahagi, higit na naipakita sa mga kalahok ang kahalagahan ng maayos na kolaborasyon, wastong pag-aayos ng mga elemento, at pagkakaroon ng malinaw na konsepto sa pagbuo ng isang publikasyong hindi lamang kapansin-pansin, kundi epektibong naghahatid ng nilalaman.

Ang kaniyang karanasan sa larangan ng campus publication ay nagbigay ng praktikal na pananaw sa mga hamon at pamantayang kaakibat ng pagiging bahagi ng isang layout team.

Taos-pusong pasasalamat kay Kate sa kaniyang panahon, kadalubhasaan, at mahalagang pagbabahagi sa Scribes' 4.0

Mga salita ni Meyah Marshel Sudario
Pag-aanyo ni Jazzly Agtuca

Ang Manlalakbay

24/08/2026

24/08/2026

22/08/2026

21/08/2026

19/08/2026

19/08/2026

16/08/2026

15/08/2026

Address

Website

Alerts

Shortcuts

Share

Category

Listing takedown request