01/11/2024
Paglalakad sa Liwanag
Nakalakad ka na ba sa dilim? Marahil ay nawalan ng kuryente sa iyong bahay noong bagyo, o naiwan ka sa kalye dahil nasira ang sasakyan. Ang paglalakad sa kadiliman ay maaaring nakakatakot, at maaari itong mapanganib.
Ang pagkakaroon ng ilaw ay mas mainam, hindi ba?
Ganito rin sa ating espirituwal na paglalakbay.
Kung paano natin natatagpuan ang liwanag sa gitna ng kadiliman ay madali lamang: Sinasabi sa Mga Awit 119 na ang Salita ng Diyos ay lampara sa ating mga paa at liwanag sa ating landas—sa madaling salita, ang Biblia mismo ang liwanag! Ito ang ating gabay. Tinutulungan tayo nitong gumawa ng mga desisyon upang sundin si Cristo at hindi lumakad sa kadiliman. Tulad Niya na ilaw ng sanlibutan, tayo ay tinawag upang maging Kanyang aninag sa mundo. Kapag sadya nating pinili na lumakad sa Kanyang liwanag, tinatanggap natin ang katotohanan, katuwiran, at pag-ibig.
Ang paglakad sa liwanag ay nangangahulugan ng pagsuko sa ating mga dating pamamaraan, paghahanap ng patnubay ng Diyos, at pagpapahintulot sa Kanyang Espiritu na hubugin ang ating mga iniisip, kilos, at ugali.
Habang tayo ay lumalakad sa liwanag, isang magandang pagbabago ang nagaganap: nakakahanap tayo ng pakikisama sa isa't isa. Ang liwanag na ito ni Cristo ay hindi lamang nagbibigay liwanag sa ating kanya-kanyang landas kundi lumilikha lumilikha ng buklod ng pagkakaisa sa mga mananampalataya. Sa ganitong paraan natin matutuklasan ang kagalakan ng iisang pananampalataya, pampatibay-loob, at pananagutan. Sa pamamagitan ng pagbubuklod na ito tayo ay pinaalalahanan na hindi tayo nag-iisa sa ating paglalakbay.
Ngayon, pagnilayan ang iyong paglalakad kasama ni Cristo. Sadya mo bang pinipiling lumakad sa Kanyang liwanag? Lumalago ka ba sa komunidad? At lubusan mo bang tinatanggap ang naglilinis na kapangyarihan ng dugo ni Jesus, pinapahintulutan ang Kanyang biyaya na dalisayin ang iyong buhay?
Habang nagninilay ka, mag-isip ng mga paraan upang mas mapalapit ka sa Diyos, maranasan ang masaganang buhay na ipinangako Niya, at maging isang tanglaw ng Kanyang liwanag sa isang mundo na lubhang nangangailangan nito.
