Dyaryo Veritas

13/10/2026

Sto. Tomas City, nagsagawa ng breast cancer awareness program

STO. TOMAS, BATANGAS — Pinalawak ng Pamahalaang Lungsod ng Sto. Tomas ang kampanya nito para sa kalusugan ng kababaihan sa pamamagitan ng isang health education program tungkol sa breast cancer noong Oktubre 12. (Maroe T. Genosa; Source: Sto. Tomas CIO)

READ ARTICLE:

https://docs.google.com/document/d/1FgxIRvhTThF_CRtNgELT_UjBWcFTMSLK/edit?usp=drivesdk&ouid=108599575433418037691&rtpof=true&sd=true

12/10/2026

Mga benepisyaryo ng TUPAD, nagsagawa ng paglilinis sa Pansipit River sa Batangas

BATANGAS — Nagsagawa ng paglilinis sa Pansipit River at paghahanda ng mga taniman ng gulay ang mga benepisyaryo ng Tulong Panghanapbuhay sa Ating Disadvantaged (TUPAD) program ng Department of Labor and Employment (DOLE) sa mga bayan ng San Nicolas at Agoncillo, Batangas.

(READ THIS ARTICLE: https://docs.google.com/document/d/1ej1idfZ5XWGWn3EoRemcvhLXDf-VMI0u/edit?usp=drivesdk&ouid=108599575433418037691&rtpof=true&sd=true)

12/10/2026

AKF hindi na kakasuhan ang tricycle driver na nakaladkad ang tuta sa Batangas

Bauan, Batangas — Hindi na magsasampa ng kaso ang Animal Kingdom Foundation (AKF) laban sa tricycle driver na nakaladkad ang isang tuta sa kalsada sa Bauan-San Pascual Road sa Batangas, matapos makausap ang driver at matiyak na nabigyan ng paunang gamutan ang hayop.

(READ ARTICLE: https://docs.google.com/document/d/1BjWpt8Gib5VpDTBV4qNrzWP7vAGHjlDS/edit?usp=drivesdk&ouid=108599575433418037691&rtpof=true&sd=true)

AKF hindi na kakasuhan ang tricycle driver na nakaladkad ang tuta sa Batangas Bauan, Batangas — Hindi na magsasampa ng kaso ang Animal Kingdom Foundation (AKF) laban sa tricycle driver na nakaladkad ang isang tuta sa kalsada sa Bauan-San Pascual Road sa Batangas, matapos makausap ang driver at ...

11/10/2026

CBCP, NANAWAGAN PARA SA BATAS LABAN SA POLITICAL DYNASTIES

Nanawagan ang Catholic Bishops’ Conference of the Philippines (CBCP) para sa pagpasa ng isang “genuine, meaningful and effective” na batas laban sa political dynasties, ilang araw matapos iutos ng Korte Suprema sa Kongreso na tuparin ang mandato nito sa ilalim ng 1987 Constitution.

READ ARTICLE: https://docs.google.com/document/d/1QAvuiW2DWj0ZJrYuGu2QlxcHElvXh_e2/edit?usp=drivesdk&ouid=108599575433418037691&rtpof=true&sd=true

08/10/2026

MINOR PHREATOMAGMATIC ERUPTION NAITALA SA TAAL VOLCANO; ALERT LEVEL 1 NANATILI

Isang minor phreatomagmatic eruption ang naitala sa Main Crater ng Taal Volcano sa Batangas nitong Huwebes, Oktubre 8, ayon sa Philippine Institute of Volcanology and Seismology (PHIVOLCS).

Naganap ang pagsabog dakong alas-6:06 ng gabi at tumagal nang humigit-kumulang limang minuto, batay sa seismic at visual recordings ng Taal Volcano Network.

Nagbuga ang bulkan ng madilim na abong plume na umabot sa tinatayang 4,000 metro o 4 kilometro sa ibabaw ng bunganga. Ang plume ay naobserbahan ng mga monitoring camera ng PHIVOLCS sa Main Crater West Rim, Daang Kastila at Buco. (DZRH News)

Ang phreatomagmatic eruption ay nangyayari kapag nagkaroon ng interaksiyon ang magma at tubig, na nagdudulot ng mabilis at eksplosibong pagbuo ng singaw at iba pang materyales mula sa bulkan. Ang ganitong uri ng aktibidad ay kabilang sa mga naitalang paulit-ulit na aktibidad ng Taal nitong mga nakaraang taon.

Nagbabala ang PHIVOLCS na maaaring makaranas ng manipis na ashfall ang mga bayan sa southwestern lakeshore ng Taal Lake, kabilang ang Agoncillo, Lemery, San Nicolas, Taal at Batangas, gayundin ang mga kalapit na lugar.

Samantala, nananatili sa Alert Level 1 o Low-Level Unrest ang Taal Volcano.

Sa ilalim ng Alert Level 1, patuloy na posible ang mga steam-driven o phreatic at gas-driven explosions, volcanic earthquakes, minor ashfall at mapanganib na pagbuga o akumulasyon ng volcanic gases.

Patuloy na ipinagbabawal ang pagpasok sa Taal Volcano Island

Muling pinaalalahanan ng PHIVOLCS ang publiko na huwag pumasok sa Taal Volcano Island, na itinuturing na Permanent Danger Zone (PDZ), partikular sa Main Crater at mga lugar sa paligid ng Daang Kastila fissure.

Ipinagbabawal din ang paglipad ng anumang aircraft malapit sa bulkan at ang paninirahan o pamamangka sa mga itinalagang mapanganib na bahagi ng Taal Lake.

Ayon sa PHIVOLCS, ang kasalukuyang antas ng alerto ay nangangahulugang may mababang antas ng volcanic unrest ngunit maaari pa ring magkaroon ng biglaang steam-driven o gas explosions.

Dahil dito, patuloy na minomonitor ng mga volcanologist ang seismic activity, volcanic gas emissions, ground deformation at iba pang parameter upang matukoy kung may pagbabago sa kondisyon ng Taal Volcano. (Marlon Luistro)

🎥 PHIVOLCS

07/10/2026

Batangas, nagtala ng 3.3% paglago ng ekonomiya noong 2025

Napanatili ng lalawigan ng Batangas ang positibong takbo ng ekonomiya matapos magtala ng 3.3 porsyentong paglago sa Gross Domestic Product (GDP) nito para sa taong 2025.

Batay sa opisyal na ulat ng Philippine Statistics Authority na inilabas nitong Martes, Oktubre 6, umabot sa PhP 712.22 bilyon ang kabuuang halaga ng ekonomiya ng lalawigan. Bagama't patuloy ang paglago, mas mababa ito kumpara sa 7% naitalang pagtaas noong 2024, nang umabot sa PhP 689.18 bilyon ang GDP ng Batangas.

Ayon kay PSA Batangas Chief Statistical Specialist Raul Maximo B. Tolentino, tumaas sa PhP 237,147 ang per capita GDP ng lalawigan, katumbas ng 2.7 porsyentong pag-angat mula sa nakaraang taon. Bunga nito, nakuha ng Batangas ang ikalawang puwesto sa buong rehiyon ng CALABARZON sa hanay ng mga lalawigan at Highly Urbanized Cities (HUCs) na may per capita GDP na mas mataas kaysa sa pangkalahatang antas ng rehiyon.

Kabilang naman sa sektor na pangunahing nag-ambag sa paglago ng lokal na ekonomiya ang:
• Human Health and Social Work Activities – nagtala ng pinakamataas na paglago na 11.7 porsyento;
• Wholesale and Retail Trade; Repair of Motor Vehicles and Motorcycles – lumago ng 8.6 porsyento; at
• Accommodation and Food Service Activities – nakapagtala ng 8.5 porsyentong pagtaas. / Dyaryo Veritas News Team

06/10/2026

DYARYO VERITAS, MULING PINARANGALAN NG PHILIPPINE AIR FORCE

Muling pinarangalan ng Philippine Air Force Education and Training Command (ETC) ang Dyaryo Veritas sa pamamagitan ng isang Plaque of Recognition bilang pagkilala sa mahalagang ambag nito sa pagpapalaganap ng impormasyon ukol sa mga programa at inisyatiba ng command.

Ipinagkaloob ang parangal para sa patuloy na suporta ng pahayag sa pagpapalakas ng public information, strategic communication, at community engagement ng Air Force.

Personal na tinanggap ni Ms. Melinda V. Manalo, President at General Manager ng Dyaryo Veritas, ang plaque mula kina Lt. Col. Noriel P. Caluya, PAF, MSgt. Gerald M. Guce, PAF, at Sgt. Wea B. Bueno, PAF. Ang paggawad ay isinagawa kaugnay ng pagdiriwang ng ika-74 Founding Anniversary ng ETC.

Patunay ang pagkilalang ito sa matatag na ugnayan ng media at ng Philippine Air Force sa paghahatid ng tama, napapanahon, at makabuluhang balita sa publiko. (Maroe T. Geñosa)

06/10/2026

Malvar holds coordination meeting to prepare for El Niño

MALVAR, BATANGAS — The Municipality of Malvar held a joint coordination meeting on Sept. 30 to strengthen preparations and response measures for the possible impacts of the El Niño phenomenon.

The meeting was led by Mayor and Municipal Disaster Risk Reduction and Management Council (MDRRMC) Chairperson Admiral Artemio M. Abu (Ret.), together with Council Committee on Disaster Risk Reduction and Management Chairperson Kurt Patrick V. Abu and Municipal Disaster Risk Reduction and Management Officer BGen. Leodigario V. Macalintal, PAF (Ret.).

Held at the Malvar MDRRMC Conference Room, the meeting assessed the municipality’s preparedness, available resources and response capabilities in anticipation of El Niño-related risks.

Officials identified possible water shortages, extreme heat, fire incidents, agricultural losses and other environmental concerns as key risks that could affect residents and local communities.

Participants also assessed existing and potential water sources and reviewed available resources and possible augmentation measures to ensure an adequate and timely response should water supplies and other essential services be affected.

The meeting also underscored the need for close coordination among the local government, national government agencies, service providers, barangays and the community.

Representatives from the Philippine National Police, Bureau of Fire Protection, Rural Health Unit, Department of Education, Municipal Environment and Natural Resources Office, Municipal Agriculture Office, Municipal Planning and Development Coordinator’s Office, Municipal Engineering Office, Accounting Office, Budget Office, Treasurer’s Office, Association of Barangay Captains, Malvar Water District and BATELEC II-Malvar Area attended the meeting.

The coordination meeting provided a venue to identify priority actions, strengthen inter-agency cooperation and ensure that resources and response mechanisms are in place before the effects of El Niño intensify.

The municipal government said the coordinated approach aims to minimize the potential impacts of El Niño and protect the health, safety, livelihoods and well-being of Malvar residents.

(Maroe T. Genosa/ Source: Malvar FB Account)

05/10/2026

Huling nawawalang biktima sa nahulog na jeep sa Rosario, natagpuan na

ROSARIO, Batangas — Natagpuan at narekober nitong Lunes ng umaga ang huling nawawalang biktima matapos tangayin ng malakas na agos ng tubig-baha ang isang jeep habang tumatawid sa spillway sa Barangay Colongan, Rosario, Batangas noong Oktubre 3.

Kinilala ang biktima na si Rene Lesitona, 44, residente ng Barangay Mahanadiong, Taysan, Batangas.

Ayon sa Bureau of Fire Protection (BFP), dakang alas-9:45 ng umaga nang matagpuan ang katawan ni Lesitona sa layong tinatayang 3.5 kilometro mula sa lugar ng insidente, bago ito tuluyang narekober ng mga search team.

Sa naunang insidente, 14 katao ang sakay ng jeep nang tangayin ito ng malakas na agos habang tumatawid sa spillway. Labindalawa ang nakaligtas, habang dalawang pasahero ang unang iniulat na nawawala.

Natagpuan kahapon ang katawan ng misis ni Lesitonia na isa sa dalawang nawawalang biktima, habang si Lesitona naman ay natagpuan nitong Lunes, na nagbigay-daan sa pagtatapos ng tatlong araw na search and retrieval operation.

Isinagawa ang operasyon sa pangunguna ng BFP CALABARZON at BFP Batangas, katuwang ang iba pang search and rescue teams. (Marlon Luistro)

📷 BFP Rosario

05/10/2026

30 ASCEND scholars sumailalim sa environmental leadership workshop

STO. TOMAS, Batangas — Lumahok ang 30 iskolar mula sa iba’t ibang paaralan sa isinagawang Youth Environmental Leadership Seminar Workshop ng Alliance of Scholars Conserving the Environment and Nature for Development (ASCEND) noong Oktubre 2.

Isinagawa ang programa sa pakikipagtulungan ng City Environment and Natural Resources Office (CENRO) upang palawakín ang kaalaman ng mga kabataan sa pangangalaga ng kalikasan at malinang ang kanilang kakayahan sa pamumuno.

Tinalakay sa workshop ang papel ng kabataan sa pagpapanatili ng kalinisan, pangangalaga sa likas na yaman at pagsusulong ng responsableng pangangalaga sa kapaligiran sa mga paaralan at barangay.

Inaasahang magsisilbing katuwang ng pamahalaang lungsod ang mga kalahok sa pagpapatupad ng mga gawaing pangkalikasan sa kanilang mga komunidad.

Suportado ng Pamahalaang Lungsod ang programa sa pangunguna ni Mayor Atty. Arth Jhun Aguilar Marasigan, kasama si Vice Mayor Catherine Jaurigue-Perez at mga miyembro ng Sangguniang Panlungsod.

Layunin ng programa na palakasin ang pakikilahok ng kabataan sa mga inisyatiba para sa pangangalaga ng kalikasan at pagbuo ng mas responsableng komunidad. (Maroe T. Genosa; source: CIO Sto. Tomas)